مشاهدة النسخة كاملة : الحقن والامتحانات دونت ميكس


Mohammad Fawzy
15-05-2013, 10:39 PM
حد فاهم حاجة .. ؟!
احكيلكم ..

اول امبارح اللجنة التانية شغالة والطلبة بتحل
الاقى جماعة جايين وماسكين حقن وسرنجات وعايزين يدخلوا اللجنة
فيه ايه .. عايزين ندى الطلبة حقن
حقن ايه يا عم الحاج دى لجنة امتحان اخزى الشيطان وامشى من هنا
لقيت زميل بيقولى دول من وزارة الصحة
وجايين عشان تطعيم التيتانوس وكل اللجان اتظبطت مش فاضل غير لجنتك
رفضت طبعا وقلت محدش داخل اللجنة لو حتى وزير الصحة جه بنفسه
طبعا بعض الزملاء والسادة الوكلاء حاولوا معايا ولكن دون جدوى
مصلحة الطلبة وتركيزهم عندى اهم .. وزميلى فى اللجنة كان نفس الموقف
ده غير ان الطلبة مش عايزين حد يدخل اللجنة وده حقهم
حصل كلام وفى اللى اتضايق .. واللى قال انت صح .. واللى اتقمص
بس فى النهاية محدش دخل اللجنة
والجماعة بتوع الصحة مشيوا فى ساعتها حتى مستنوش الطلبة تخلص الامتحان

ومن هذا المنطلق احب اسال حضراتكم
لو حصل معاك نفس الموقف هتعمل ايه وتتصرف ازاى؟
وهل دخول موظفين الصحة فى اللجان قانونى ام غير قانونى؟
وسؤال اخير .. مش التيتانوس ده بتاع الحوامل ايه اللى جابه فى المعاهد ؟!

وشكرا لحسن استماعكم :078111rg3: :078111rg3:

مجدى الشاويش
16-05-2013, 12:17 AM
أنت عارف يا أستاذ محمد أنا لما بشوف حد من بتوع الصحة جاى علشان يعطى حقنة بسبق أنا وأعطيه حقنة فى العضل:angry2: فيسرع بالخرووووج من اللجنة فخير وسيلة للدفاع هى الهجووووووووووووم

الاستاذ عوض على
16-05-2013, 05:40 AM
هذا أمر غير قانونى

أ/مصطفى محمود
16-05-2013, 10:23 AM
يعني هما نايمين السنة كلها و افتكروا التطعين ده أيام الامتحانات
ده ممكن التعيم ده يجيب ( شلل اطفال للطلاب )
أما الشئ التاني بخصوص سؤالك
اذا كان معهم ورق و خطاب موجه لهذا المعهد و معرفة نوع اللقاح المعطى و سببه
فأقول لهم انتظروا بعد اللجان أو يأتون بعد اللجان
و طبعا لن اعطيهم الحق في دخول اي لجنة بحكم عملي في الكنترول الا بعد انتهاء جميع المواد

حسام صالح اسماعيل
16-05-2013, 12:20 PM
بتوع الصحة جوا فى المعهد وطعموا الطلبة بعد انتهاء الفترة الاولى من الامتحانات

MR.Mamdouh Ramadan
16-05-2013, 01:11 PM
أمر غير قانونى

mab4math
16-05-2013, 04:43 PM
سأسمح لهم بالدخول ، طالما شيخ المعهد / رئيس اللجنة قد وافق على دخولهم وسيتحمل هو بالتالي لأنه رئيسي المباشر المسئولية كاملة.

Mohammad Fawzy
16-05-2013, 06:28 PM
أنت عارف يا أستاذ محمد أنا لما بشوف حد من بتوع الصحة جاى علشان يعطى حقنة بسبق أنا وأعطيه حقنة فى العضل:angry2: فيسرع بالخرووووج من اللجنة فخير وسيلة للدفاع هى الهجووووووووووووم

احسن خليهم يتربوا ههههههههه

Mohammad Fawzy
16-05-2013, 06:29 PM
هذا أمر غير قانونى

انا قلت كدة برضه

Mohammad Fawzy
16-05-2013, 06:31 PM
يعني هما نايمين السنة كلها و افتكروا التطعين ده أيام الامتحانات
ده ممكن التعيم ده يجيب ( شلل اطفال للطلاب )
أما الشئ التاني بخصوص سؤالك
اذا كان معهم ورق و خطاب موجه لهذا المعهد و معرفة نوع اللقاح المعطى و سببه
فأقول لهم انتظروا بعد اللجان أو يأتون بعد اللجان
و طبعا لن اعطيهم الحق في دخول اي لجنة بحكم عملي في الكنترول الا بعد انتهاء جميع المواد

مش متخيل اصلا طالب ياخد حقنة جوة لجنة .. واحد مركز وبيحل تيجى انت تقوله هديك حقنة !! كدة ربع ساعة عالاقل ضايعة من وقت الامتحان واللى ممكن يهبط منها واللى يخاف .. انا عن نفسى ايام الدراسة كنت اول ماشوف الحقن او اشم ريحتها اضرب زوغااااااااان على اقرب منفذ يؤدى الى الشارع ونلتقى فى اليوم التالى .. شئ مش معقول .. ده ممكن يخلى التلميذ يكره المدرسة وينفر منها خاصة فى المرحلة الابتدائية .. لذلك انا بفكر اعمل صفحة عالفيس واسميها (لا للحقن فى المدارس) وانشرها بين الطلاب ومتاكد انها هتجيب مليون معجب فى اسبوع واحد :d

Mohammad Fawzy
16-05-2013, 06:32 PM
بتوع الصحة جوا فى المعهد وطعموا الطلبة بعد انتهاء الفترة الاولى من الامتحانات

ده كلام لا غبار عليه

Mohammad Fawzy
16-05-2013, 06:33 PM
أمر غير قانونى

غير قانونى وغير تربوى

Mohammad Fawzy
16-05-2013, 06:34 PM
سأسمح لهم بالدخول ، طالما شيخ المعهد / رئيس اللجنة قد وافق على دخولهم وسيتحمل هو بالتالي لأنه رئيسي المباشر المسئولية كاملة.

المسئولية القانونية واتشالت طب والمسئولية التربوية؟؟
تفتكر حضرتك الكلام ده له علاقة باى معايير تربوية للامتحان؟
مش برضه توفير الهدوء والجو الملائم للطالب داخل اللجنة امر واجب واساسى؟

محمد وهب الله
16-05-2013, 07:29 PM
دخول اى شخص لجنة الامتحانات غير قانونى الا الملاحظين ومن لهم حق حضور اعمال الامتحانات فقط كالموجهين والمفتشين ومسؤلى قطاع الازهر الخاص بشئون الامتحانات ومن غير خارج هذه اللجنة هو الطبيب الذى يستدعى فى حالة حدوث اى اعراض وذلك باخطار يوجه الى اقرب وحده صحية من رئيس الكنترول وشيخ المعهد
وما تفعلة يا اخى هذا من حقك ولا يعارضك احد عليه الا من يجهل ذلك
وبخصوص التطعيمات تكون اثناء فترة الدراسة فقط وهذه لها نظام خاص حيث ياتى الاخصائيين من الصحة موجهين بخطاب رسمى الى المعهد وشيخة وبيكون متابعة احد من ادار المعهد بعد التحقق من شخصيتهم وبعض الاجراءات الامنية والوقائية

Mohammad Fawzy
16-05-2013, 10:35 PM
دخول اى شخص لجنة الامتحانات غير قانونى الا الملاحظين ومن لهم حق حضور اعمال الامتحانات فقط كالموجهين والمفتشين ومسؤلى قطاع الازهر الخاص بشئون الامتحانات ومن غير خارج هذه اللجنة هو الطبيب الذى يستدعى فى حالة حدوث اى اعراض وذلك باخطار يوجه الى اقرب وحده صحية من رئيس الكنترول وشيخ المعهد
وما تفعلة يا اخى هذا من حقك ولا يعارضك احد عليه الا من يجهل ذلك
وبخصوص التطعيمات تكون اثناء فترة الدراسة فقط وهذه لها نظام خاص حيث ياتى الاخصائيين من الصحة موجهين بخطاب رسمى الى المعهد وشيخة وبيكون متابعة احد من ادار المعهد بعد التحقق من شخصيتهم وبعض الاجراءات الامنية والوقائية

شكرا استاذ محمد على الاضافة القيمة
جزاك الله كل خير