مشاهدة النسخة كاملة : حتى ولو جمعوا 15 مليون توقيع .. ماذا بعد حملة ( تمرد ) ؟
amreidamr 16-05-2013, 02:45 PM خلال فترة قصيرة إنتشرت حملة "تمرد" في كل محافظات مصر وإستطاعت جمع ما يقرب من 3 مليون توقيع بهدف سحب الثقة من د. محمد مرسي رئيس الجمهورية وجماعة الإخوان المسلمين والتبكير بإنتخابات رئاسية جديدة .. وبعد أن أصبحت الحملة حديث وسائل الإعلام وأعجب بها الكثيرون ورفضها أيضا الكثيرون ، يبقى السؤال : ماذا بعد جمع التوقيعات ؟ وإلى من سيتم تقديمها ؟ وهل فعلا هذه التوقيعات قانونية ؟ أم أنها مجرد وسيلة ضغط ؟ ...
ويؤكد هيثم عواد عضو المكتب التنسيقي لحملة تمرد : بعد نجاح الحملة فى جمع ما يقرب من 3 مليون توقيعا فى أيامها الأولى ،شعرت جماعة الإخوان المسلمين بالقلق من هذه الحملة ، وبدأوا فى ملاحقة أعضائها على مستوى الجمهورية، خصوصاً فى محافظات القاهرة وسوهاج والمنيا والجيزة. وأضاف أنهم يتعرضون حاليا لمحاولات كثيرة للتضييق عليهم من خلال تلقى تهديدات ، لكنها لن تؤثر على أدائهم وإصرارهم على جمع أكبر عدد من التوقيعات بهدف التخلص من النظام الحاكم وإجراء إنتخابات رئاسية جديدة .
وذكرت الحملة فى صفحتها على موقع " فيس بوك" أمس، أنها ستكشف الأرقام الحقيقية لشعبية جماعة الإخوان المسلمين، التي ينتمي إليها الرئيس مرسي، في الشارع المصري .
ويتزايد يوميا عدد الشخصيات العامة المصرية التي توقع على استمارة حركة تمرد الداعية لنزع الشرعية عن رئيس الدولة. ووقع أمس عدد من الأدباء والمثقفين على الاستمارة.
ويؤكد جورج إسحاق، القيادي بـ" جبهة الإنقاذ" ، أن حملة "تمرد" تعد بمثابة الموجة الثانية من الثورة المصرية وأنها ستؤدى إلى تحقيق أهداف الثورة التى لم تتحقق حتى الآن . ويضيف أنه إذا أراد د.مرسى حماية مصر من التمزق وافنقسام عليه أن يدعو إلى إنتخابات رئاسية مبكرة إستجابة لمطالب غالبية الشعب المصرى .
ويعلق د.عادل عامر رئيس مركز المصريين للدراسات السياسية والقانونية وعضو وخبير بالمعهد العربى والأوروربى للدراسات الإستيراتيجية بجامعة الدول العربية فى تصريحات خاصة لبوابة الشباب قائلا : فكرة جمع التوقيعات ليست جديدية علينا كمصريين حيث سبق وتم جمع توقيعات لتأييد سعد زغلول وتفويضه للحديث بإسم الشعب المصرى ، فهى فكرة صنعتها السياسة على مدار التاريخ فى كل دول العالم حيث تم تنفيذها أيضا فى فرنسا وإيطاليا والسويد .
وعن قانوية هذه الحملة يؤكد د.عادل أنه لا يوجد نص فى القانون أو الدستور يتناول فكرة شرعية جمع التوقيعات ، لكنها تعد أداه من الأدوات السياسية للضغط على النظام ،رغم ذلك فإن المخرج الوحيد هى المادة 150 من دستور 2012 والتى تنص على "لجوء رئيس الجمهورية للشعب فى الإكتتاب "بمعنى أن يتم عرض إجراء إنتخابات رئاسية مبكرة من خلال إستفتاء عام على الشعب ، وإذا كانت النتيجة "نعم " أصبح من الواجب على الرئيس تنفيذ ذلك أما إذا جاءت النتيجة "لا" أصبح من حق الرئيس مرسى تنفيذ ما يراه والإبقاء على الوضع كما هو .
وعن المرحلة التالية لجمع التوقيعات يؤكد د.عادل أن الحملة ستقوم بتقديم التوقيعات إلى المحكمة الدستورية العليا التى ستقول كلمتها حول مشروعية هذا الإجراء ثم تطلب من د.مرسى عرض إجراء إنتخابات رئاسية مبكرة . ويضيف ان ظهور هذه الحملة وتوغلها فى المجتمع المصرى بهذه السرعة إنما يدل على أن القائمبن عليها كانوا يعتقدون أن هذا النظام سيلبى مطالبهم ويحقق أمانيهم التى ظلوا يحلمون بها طويلا . لكن بعد أن تحطمت أحلامهم ووجدوا الصورة سوداء بدأوا فى الخروج للتعبير عن تلك الآراء فى صورة جمع توقيعات .
المصدر http://shabab.ahram.org.eg/News/11611.aspx
المصري أشرف 21-05-2013, 07:05 PM شكرا علي الخبر ... بس عندي سؤال بزاوية أخري
من هو البديل ؟؟؟؟؟ فتلك هي المشكلة
وهو مايتحمله مبارك في *** كل الكوادر القيادية
وإختصارها جميعا في شخص واحد فقط هو
من كان يعد للمنصب ولا بديل عنه
أما من هم علي الساحة الأن
ومع إحترامي وتأييــــــدي
للسيد / عمرو موسي
لايصلحـــــون
emad e 21-05-2013, 07:21 PM اولا : شكرا علي الموضوع بارك الله فيك اخي الفاضل
ثانيا : انا مع رأي الاستاذ اشرف الرميسي جزاه الله كل خير
ما هو البديل ؟؟؟؟؟؟
الباشا الأصلي 21-05-2013, 07:42 PM قال تعالى : " وسيعلم الذين ظلموا أي منقلب ينقلبون " صدق الله العظيم
اللهم أهلك الظالمين .... من يحب مصر يقل آمين
qalube 21-05-2013, 10:10 PM انت مش شايف مسسسسسسسسسخرة انقطاع الكهرباء مسسسسسسسسسسسخرة
حتخلي ثلاث اربع شعب مصر يمضي علي بياااااااااااااااااااااااااااااااااااااااااااااااا ااااااااااااااااااااااض
الفيلسوف 21-05-2013, 11:23 PM حتى لو مش هتجيب نتيجة انا هعتبرها جرس انذار للدكتور مرسى لعل وعسى انه يراجع قراراته وشوف طلبات الناس دى
محمد محمود بدر 21-05-2013, 11:54 PM من الواضح الانبهار الجارف من الشعب المصرى بالحملة
ولكن السؤال الفعلى ماذا بعد النجاح ؟
وقبل اجابة السؤال .. ترى هل انتبهت الرئاسة ام أنها تنتظر نجاح الحملة تم ترى ما ستقرره ؟
-_--_--_--_--_--_--_--_--_--_--_--_--_--_--_--_--_-
جزاااااااااااكم الله خيراااااااااااااا جميعااااااااااااا
amreidamr 22-05-2013, 01:23 AM انا شايف ان لن يكون هناك رد فعل من الرئاسة وسوف تتجاهل حملة تمرد وغيرها والدليل انها تجاهلت كل الناس اللى اصيبوا او ماتوا او على قول اخر استشهدوا فى المظاهرات فما بالكم اخوتى بكلام على ورق قد يكون مزور مع احترامى للجميع وغير موثوق به و لكن لابد ان تفهم الرئاسة انها يجب ان تتعلم من اخطائها وانا ارى ان الرئاسة ( غبية فى اتخاذ القرارات وبطيئة احيانة ومتسرعة احيانا اخرى ) ولكن مع ذلك ارى ان العمل من اجل هذا البلد هو السبيل المثل للخروج من كل الازمات وتحقيق كل مايصبو اليه الشعب ويرغب به
ابونرمين 22-05-2013, 02:23 PM إنه يضحك علينا
إنه يضحك من أفعالنا
إنه يضحك من جهلنا
إنه يضحك من مراهقتنا الفكرية
إنه يضحك من سلوكياتنا السياسية
إنه يضحك من خوفنا من الدين والحق
إنه يضحك من أقوالنا التى لا تطابق أفعالنا
إنه..إنه..إنه...إنه..إنه ..العالــــــــــــــــــــم
المصري أشرف 22-05-2013, 02:27 PM العالم لايضحك من الحركات التي ترفض كل
هيمنة.. مهما كانت ضعيفة أو مستضعفة
العالم يضحك ممن يسيرون بمدأ القطعان
أنا مش معترضه على الحملة نفسها .... دى حرية رأى
لكن اللى معترضه عليه هو مصداقية الحمله ومدى فائدتها
يعنى هما مش معترفين بنتائج انتخابات رئاسية تحت إشراف
قضائى كامل ومراقبة منظمات دولية وجمعيات مدنية
وشفافية اعلامية
وعاوزنا نعترف بورقه متصوره ومكتوب عليها الإسم والرقم القومى فقط
ايه الفائده من الحملة .... هتشيل مرسى .... استحاله
لإن الحملة ليس لها اى سند قانونى او دستورى
ولو مشناها إرادة شعبية ومشى مرسى
إيه الضمان ان الرئيس اللى هيجى بعده هيقدر يكمل 3 أيام حتى !!!!
لو المعارضه زى ما بتقول لها تأييد شعبى يوصل لــ 15 مليون
يبقوا كده هياخدوا أغلبية بإكتساح فى مجلس الشعب
ويقدروا يشكلوا حكومة كاملة .... واختصاصات رئيس الوزراء حسب الدستور
اكتر من رئيس الجمهورية
وبكده يبقوا عملوا توازن بين مؤسسات الدوله ومافيش استحواذ من جانب واحد
لكن للأسف المعارضه عندنا أضعف من كده بكتير
اخرهم شو إعلامى على أخر الليل فى أى قناة
Dr Elgohary 22-05-2013, 03:55 PM انا من رأيي ان الحملة دى تكون بروفة للانتخابات البرلمانية
بمعنى انهم ينزلوا ويكلموا الناس
اما تمرد فالغرض منا احراج مرسى وجماعته سياسيا امام العالم فقط
ابونرمين 22-05-2013, 11:37 PM أنا مش معترضه على الحملة نفسها .... دى حرية رأى
لكن اللى معترضه عليه هو مصداقية الحمله ومدى فائدتها
يعنى هما مش معترفين بنتائج انتخابات رئاسية تحت إشراف
قضائى كامل ومراقبة منظمات دولية وجمعيات مدنية
وشفافية اعلامية
وعاوزنا نعترف بورقه متصوره ومكتوب عليها الإسم والرقم القومى فقط
ايه الفائده من الحملة .... هتشيل مرسى .... استحاله
لإن الحملة ليس لها اى سند قانونى او دستورى
ولو مشناها إرادة شعبية ومشى مرسى
إيه الضمان ان الرئيس اللى هيجى بعده هيقدر يكمل 3 أيام حتى !!!!
لو المعارضه زى ما بتقول لها تأييد شعبى يوصل لــ 15 مليون
يبقوا كده هياخدوا أغلبية بإكتساح فى مجلس الشعب
ويقدروا يشكلوا حكومة كاملة .... واختصاصات رئيس الوزراء حسب الدستور
اكتر من رئيس الجمهورية
وبكده يبقوا عملوا توازن بين مؤسسات الدوله ومافيش استحواذ من جانب واحد
لكن للأسف المعارضه عندنا أضعف من كده بكتير
اخرهم شو إعلامى على أخر الليل فى أى قناة
كلام فى منتهى الرقى والعقلانية،ونموذج للديمقراطية.......شكرا على الرأى السديد:078111rg3:
Mr...Ahmed 22-05-2013, 11:51 PM المادة (5)
السيادة للشعب يمارسها ويحميها، ويصون وحدته الوطنية، وهو مصدر السلطات؛ وذلك على النحو المبين فى الدستور.
amreidamr 23-05-2013, 11:45 AM انا شايف ان عمل انتخابات برلمانية مبكرة بضمان النزاهة من الجيش واشراف المؤسسات الحقوقية فى مصر والعالم (حل) واظن اللى يقدر يجمع 15 او 20 مليون يبقى ليه نسبة اكبر فى البرلمان وبالتالى نقدر نشيل مرسى والبلد تستقرشوية
amreidamr 23-05-2013, 11:46 AM المادة (5)
السيادة للشعب يمارسها ويحميها، ويصون وحدته الوطنية، وهو مصدر السلطات؛ وذلك على النحو المبين فى الدستور.
طبعا كلام مظبوط ولكن الطرية هنا مش حملة تمرد لان المفروض يكون فى اجراءات قانونية للموضوع دة وجمع التوكيلات
nagar3321 23-05-2013, 12:56 PM ياستاذنا الفاضل انا عندى ارقام قومية ل 1000 مواطن او أكثر من قريتى ممكن أعطيهم لأى أحد
ولا هى فرقعة اعلامية
ابونرمين 23-05-2013, 01:06 PM انا شايف ان عمل انتخابات برلمانية مبكرة بضمان النزاهة من الجيش واشراف المؤسسات الحقوقية فى مصر والعالم (حل) واظن اللى يقدر يجمع 15 او 20 مليون يبقى ليه نسبة اكبر فى البرلمان وبالتالى نقدر نشيل مرسى والبلد تستقرشوية
الديمقراطية إنك ترسخ مبادىء تسير عليها الأمة من بعد..
أما مبدأ نشيل ونحط عفا عنه الزمان والمكان
amreidamr 23-05-2013, 05:42 PM حضرتك احنا مش عايزين كلام بعيد عن الواقع احنا دلوقت معظم الشعب جاهل بالبديمقراطية لان ثلاثين سنة قهر عملت للناس طبع فى نفوسهم اما عن اننا نرسخ مبادىء تسير عليها الامة فده امر لازم يكون اللى ماسك الدولة مؤمن اصلا بالديمقراطية لازم قائد السفينة يكون عارف هو بيعمل ايه مش حد يقوله من ورا واعتقد ان الشعب يعرف يختار على الاقل اللى يعمله مصالحة ويوصل رايه فى البرلمان وبعدين هو الشعب لاقى ياكل علشان نرسخ ديمقراطية وبعدين ايه الطرق اللى هنعمل بيها كده الديمقراطية تاتى برقى الانسان اللى بيعيش حياة ادمية
دمعة مضيئة 24-05-2013, 12:39 PM أنا مش معترضه على الحملة نفسها .... دى حرية رأى
لكن اللى معترضه عليه هو مصداقية الحمله ومدى فائدتها
يعنى هما مش معترفين بنتائج انتخابات رئاسية تحت إشراف
قضائى كامل ومراقبة منظمات دولية وجمعيات مدنية
وشفافية اعلامية
مين اللي قال انهم مش معترفين بنتائج انتخابات رئاسية تحت اشراف قضائي بالعكس هما عارفين ده لانهم هم الذين انتخبوه بانفسهم ولكنهم وجدوه غير مااعتقدوا وكلنا شايفين ده بنفسنا يعني بالعربي كده راجعوا نفسهم وندموا عادي يعني
فارس بني مصر 24-05-2013, 12:43 PM مفيش احساس اصلا بالناس ولا بمحدودي الدخل ولا المعلم كفاية مصيبة قطع النور كل يوم في عز الحر ولا حاسين بناس ولا حاسين بشعب ولا حاسين بطلبة بتمتحن ولا حاسين بحد رجعونا للعصور الوسطي ايام اللمبة ام جاز وناقص ياكلونا كمان علي الطبلية لقمة وحتة جبنة ببطاقة العيش وحاجة تخليك تقرف من العيشة وإلي عيشينها مش تمضي ورقة لا تمضي علي الحيطة كمان ههههههههههههه
mafak 24-05-2013, 04:05 PM طول ما الرئيس مرسي ماشي بافكار مبارك القديمة
وليس لدية الا الحلول الامنية ؟
ويا مرمي بعب الجيش يا الشرطة ؟
مبيشكرش غير بدول بس ماشي يستاهلو كل خير
بس مصر يا د مرسي مش شرطة وجيش وحلول امنية ومعتقلات
بدون التفاهم
ولم الشمل
لم ولن تنجح وللأسف....
صح غلط عندهم تصفيق حاد وخلاص .... مش شايفين الانهيارات كل يوم
ربنا يهدي
بنفسج بنفسج 24-05-2013, 05:38 PM امين
م ان شاء الله بكره احلي والي جاي اجمل الصبر فقط
modym2020 25-05-2013, 01:04 AM أرجو الالتزام بالحوار البناء وتجنب التجاوزات والقاء الاتهامات فى الموضوع
مع التأكيد على أن القسم للنقاشات والآراء الهادفة .. وليس للسياسة
لذا لا داعى للدخول فى أى نقاشات فرعية
.
.
annoccc 25-05-2013, 02:14 AM تتمردوا أو لا تتمردوا هو الرئيس بارك الله لنا فيه و سيبقى الرئيس ان شاء الله طوال فترة حكمه .
و سيمكنه الله عز وجل من القيام بمهمة الرعية وفقه الله و سدد خطاه فيما يصلح به حال أمتنا و يرضى الله عز وجل اللهم آمين .
كانت فين تمرد و لا غيرها أيام مبارك ليه ما كنش فيه حد كان عاوز يتمرد على مبارك و لا هيا شافتها سهلة فقالت نخش و خلاص ، و بعدين مين الذى يقول أن الذى يملأ تلك الاستمارة و يمضى ببطاقته موجود أصلاً ، مش يمكن تكون ملي ورق وخلاص زى الصناديق الجاهزة بتاعت الانتخابات و لا انتوا مش فاكرنها أين ضامن النزاهة هنا ، هو فيه قضاة و لا غيره و الواحد مش واخد باله و لا ايه ، و ممكن كمان يكون فيه وسائل اغراء و ترغيب مثلاُ أديك حاجة و تمضيلى أياً تكن الحاجة دى و لا ايه .
و بعدين دا مش منطق أساساً كل ما يجى رئيس بطريقة مشروعة و ديمقراطية متفق عليها نعمل حركة اسمها تمرد و لا غيره و نعملنا كام امضا كدة و نطلع و نقول أهو الشعب أهوا تمرد يا فرحتى ، أنا فى رأيى تمرد هذه مجرد شو اعلامى و هالة من اللا منطقية و اللا قانونية و ورق ملهوش أى تلاتين لازمة يتبل و تتشرب ميته .
و أوعا حد يقولى سعد زغلول جمعوا له توقيعات ، لأنى دى غير دى سعد زغلول لم يكن رئيساً بل كان شخص عادى أراد الشعب أن يوكله ليكون نيابة عنه فى التحدث بمطالبه فى وقت الاحتلال البريطانى ، يعنى كدة زى النائب فى مجلس الشعب أوكله مجموعة من أبناء دائرته نيابة عنهم ، مش رئيس موجود أصلاً و بطريقة قانونية و مشروعة نيجى احنا و بكل بساطة نجمع توقيعات من أى حته و نقول تمردنا ، أمال هو سيادة الرئيس الدكتور محمد مرسى نجح ازاى مش بالكتلة الانتخابية من شعبه .
و فى كل دول العالم التى يتم التشدق بها فى الديمقراطية تقريباً الخاسر يهنئ الفائز و يتمنى له التوفيق فى مدته و لا نراه يظهر البتة الا فى كل ما هو بناء ، مش تقولى مجموعة من الخاسرين تجمعوا فى جبهة واحدة على كلمة واحدة ، طيب مهيا باينة و واضحة زى الشمس عاوزين اللى سقطنا يسقط زينا و احنا اللى ننجح ، يا خى تكة .
ان هذا الشعب ليس بالغافل و يعرف ما يدور حوله جيداً ، و بكل صراحة ، اذا الرئيس الدكتور محمد مرسى لم يكمل فترته الرئاسية بالطرق القانونية المعهودة ، ففى اعتقادى أنه لن يهنئ رئيس بعده بمدته كاملة أبداً لأن كل واحد له أنصاره و كلهم تقريباً هيعملوا على اسقاط الرئيس الآخر و هكذا دواليك .
اخوانى انها فقط مجرد مبدأ يجب الاتفاق عليه ، و العقد شريعة المتعاقدين ، ان تفعلوا اليوم يفعل بكم غداً ، هكذا هو الحال علينا أن نتحلى بالصبر و الكفاح ، و يارب وفق رئيسنا لما فيه صالح البلاد و العباد آمين يا رب العالمين .
و السلام عليكم و رحمة الله و بركاته
وائل رسلان 25-05-2013, 08:19 PM بلا ديموقراطيه بلا كلام فارغ .. احنا اصلا شعب ------ ... فين ايامك يا مبارك ...... الشعب ده لا يستحق الا حكم مبارك ونجله جمال مبارك ..... بدل ما نتوحد فى بناء البلد .... شغالين نتعارك ونتخانق .... الرئيس ده احمر ... لا انا عايز واحد اخضر .... بلد مثقله بديون وفساد وشعب حرامى وعدم وجود احتياطى وعداوه من دول الجوار وسخط امريكا وعدم سماحها لنا باخذ قرض من صندوق النقد الدولى وضعف اداء الشرطه وبلطجة الشعب .... بدل ما نتوحد خلف رئيس منتخب وشرعى ونساعده فى ظل هذه الظروف الصعبه ... قال ايه عايزين نغيره .... وماشين كالقطيع خلف الاعلام الفاسد بلا ادنى تفكير .... خلاص خلينا نشيل الرئيس وماذا بعد ؟؟ انتخابات رئاسيه مبكره .... والله لو حدثت ليفوز بها مرسى باكتساح ... لان جميع المرشحين السابقين لديهم غباء سياسى منقطع النظير
مع تحيات .. القائد الاعلى لكتائب الاخوان الالكترونيه العظمى ( وعلى فكره انا مش اخوانى ولكنى مؤيد للرئيس الشرعى المنتخب واى واحد مؤيد للرئيس يبقى فى وجهة نظر المعارضين اخوان 100% )
emadahmedmahmoud 26-05-2013, 12:08 AM والله عبرت عن وجهه نظر ملايين من الناس وهي دي الحقيقه
عصام عبد السلام حامد 26-05-2013, 02:23 AM هذة ماشي حملة تمرد دي فنتة ولعنة الله علي من أيقظة
سامح المصرى 26-05-2013, 08:45 AM اللى بيتكلم من الناس ويشتم يقلى بعد الثورة مين اتغير غيروا مديرين كل المصالح واجمعوا كدهم عدد من اصحاب الضمير اللى يعرفوا الله حقا وخاصة مديرى المدارس ومكاتب التموين وغيروا المناهج لتعلم الحرية الحقيقية وعلموا الرعاة يبقوا قدوة للمرعيين قبل ما تتكلموا لو صلح الرعاة صلح المرعيون انقذوا مصر بتربية الاخلاق والضمير حينئذ مش حنحتاج حتى رئيس ويصبح حكم الشعب بالشعب لصالح الشعب
nagar3321 26-05-2013, 09:22 AM انا ممكن اقول لك حصل فى قريتنا والله على ما أقول شهيد
والقرية اسمها الابراهيمية قطور غربية
لى خال كان عمدة سابق ضحك على اخواته وجمع بطايقهم وملأ الاستمارة بدلا منهم واوهم ان ابنه هيتعين فى شركة فى سيناء وعايزين بيانات عن الأقارب ولم يأخذ أي أحد منا على الرغم من أننا أقارب من الدرجة الاولى
وكان من أشد المزورين للحزب الوطنى
أيام القضاء النزيه اللى كان بيطلع النتيجة 99.9
حمادة الدماطي 27-05-2013, 12:24 AM أنا .. وتمرد.
ــــــــــــــــ
حركة تمرد حركة ثورية من شباب نضيف وطني جدا فدائي جدا جدا شجاع جدا جدا جدا .. اللي يقولك دول عيال مسيحين أو علمانيين أو ضد الإسلام.. بالظبط زي كلام دول عيال جواسيس وعملاء وقابضين..
ـــــــــــــــــــــــ
لكن ما يجعلني ـ بصفة شخصية ـ أتحفظ على هذه الحركة.. أنها تنسخ ما حدث قبل وأثناء ثورة يناير المجيدة.. وهذا ليس عيبا أو نقدا.. لكن كلنا نعترف.. أن الثورة بدأت عظيمة وانتهت مريضة..
ـــــــــــــــــــــــــــــ
ليس عيبا أن تعيد ما نجح ولكن العيب كل العيب ألا تتعلم من أخطاءك.. وأنا لم أجد في تخطيط حركة تمرد تلاشي لعيوب ثورة يناير العظيمة,,
فمازالت الثورة أو قل الحركة بلا قائد.. نلتف حوله ونؤمن به ..
والحمد لله ..حمدين ظهر أنه لا يصلح.
وللأسف.. د/ البرادعي لن يصلح.
وطبعا.. باقي رموز النخبة لا تستحق حتى ذكرها..
ـــــــــــــــــــــــــــــ
حركة تمرد تخطط كيف تسقط نظام الإخوان.. ولكن لم تخطط لكي تبني أفضل نظام.
حركة تمرد لم تخطط.. كيف سيواجهون النظام الحاكم.. طبعا شباب الحركةهم تقريبا نفس شباب 25يناير .. لكن هل سيكون الأمر بنفس السلمية التي جعلت معظم الشعب ينزل إلى الميادين ... يعني هل عملوا حساب البلاك بلوك وبعض محبي ال***.. لا أحد ينكر وجودهم..
وهل لو أقنعوا بعضهم البعض بالسلمية .. سيسلمون أنفسهم ورقابهم إلى ميليشيات الشرطة والإخوان على حد تعبيرهم.
ـ ولو أنهم نجحوا .. فهل خططوا كيف سيواجهون الجيش والمجلس العسكري.. تذكروا أنهم لم يتفقوا على قيادة ليتفقوا أو حتى يجبروا العسكر على تسليم السلطة لهم.. ولاأظن أنه يفكرون من أحد من المعارضة المرفوضين من كثير من الشعب ومن بعض شباب المعارضة أنفسهم.
ــــــــــــــــــــــــــــ
بالطبع الإخوان لم يثبتوا كرامة في حكمهم.. لذلك لست من المؤيدين لمحاولة التكويش على السلطة.. ولكن ليس الحل في أن أتمرد لأعيش متمردا.. بل أتمرد لأعيش جيدا..
ـــــــــــــــــــــــــــ
قد يفسر البعض هذا الكلام بأنه جبن أو خوف.. ولست في حاجة أن أثبت أني ناصرت الثورة بكلمة وبصرخة وبنزول الميدان أكثر من مرة.. لكن قياسا بدماء الشهداء .. فأنا أعتبر نفسي فعلا جبانا.. قد يعتبر البعض هذا الكلام رفضا لتمرد .. لكني أوضح أني فقط أخشى من الدماء التي قد تذهب هدرا .. ونلبس في حيطة العسكر وعندها ماتت الثورة كما ماتت قبلها ثورة 19 وحركات أخرى لم يكتب لها النجاح..
ــــــــــــــــــــــــــــــــ
اللهم كن معنا .. اللهم وفق كل مخلص لتراب هذا البلد.
حمادة الدماطي.
منذ 15 دقائق
أعجبني
طلعت ليله 27-05-2013, 12:46 AM تحليل رائع وفكر ابداعي
فعلا نحن لانخطط ولم نتعلم مهارة التخطيط
جميع الامور تسير عشوائية
وربنا يستر
دراكو مالفوى 27-05-2013, 09:03 AM حركة تمرد عبارة عن شوية (عيال)
فاشلة فاضية سايبين مذاكرتهم وماشيين يسحبوا الثقة قال.يلى تسحب روحهم لا يعرفوا يروحوا ولا ييجوا
emad e 27-05-2013, 10:09 AM حركة تمرد عبارة عن شوية (عيال)
فاشلة فاضية سايبين مذاكرتهم وماشيين يسحبوا الثقة قال.يلى تسحب روحهم لا يعرفوا يروحوا ولا ييجوا
مع احترامي لحضرتك اخي الكريم
اليس هؤلاء العيال الذين قامو بالثوره علي النظام السابق ؟؟؟
mahmoud_fathi75 27-05-2013, 10:47 AM انا عايز اعرف لما الناس تنزل تعبر عن رايها في الشارع يقولو عليهم عملاء
ولما الناس تعترض وتعمل حملة تمرد عشان ما يقطعوش الطرق يقولوا برضه عملاء يعني هما عايزين يحكموا وما حدش يعترض ولا يفتح فمه .................................
استاذ مظلوم 27-05-2013, 11:23 AM انا عايز اعرف لما الناس تنزل تعبر عن رايها في الشارع يقولو عليهم عملاء
ولما الناس تعترض وتعمل حملة تمرد عشان ما يقطعوش الطرق يقولوا برضه عملاء يعني هما عايزين يحكموا وما حدش يعترض ولا يفتح فمه .................................
وبالمناسبة كمان يا اخ محمود لما يصوت ضدي اكثر من 15 مليون حتي لو مش رسمي معناها بردة اني بخطر واني ماشي مش صح ولازلت لا اضع قدمي علي طريق النهضة والتنمية الحقيقي
شروق الحرية 27-05-2013, 04:57 PM أن تتحمل اتهامات التخوين والاستهزاء شهرا وتقف مطالبا بالكرامة والعدالة وحقك
خيرا من أن تعيش العمر كله أنت ومن سيأتى من صلبك فى تهميش وإرهاب
حتى وإن كانت ليس لها مستند قانونى فى الدستور الإخوانى المصطنع
فمن المؤكد ستكون له صدى مرعب تتكسر عليها صدى الوهم الدائر فى عقولهم أن الشعب كله يساندهم
تأمل ماحدث لترى أين أنت فى دائرة إهتمامهم
15مليون موظف بعائلتهم ينتظرون الحد الأدنى والأقصى للمرتبات
فأجلوا هذا القانون وبدلوه بقانون فرض الضرائب على الموظفين انتهوا منه فى جلستين
والسؤال
هل ترضى أن تسدد أنت وأبنائك ديون على بلدك يتم صرفها على لجانهم الإلكترونية والرئاسة وأمال الجماعة
وقفة جامعة لتصحيح الطريق وإلا فلا يحق لأى إنسان تخاذل عن دوره أأن يبكى فى يوم لاينفع فيه البكاء
حتى الأرواح لم تعد ذات قيمة عندهم
فهل تظنهم على هذا الحال سيهتمون بشكواك !
دراكو مالفوى 27-05-2013, 08:10 PM مع احترامي لحضرتك اخي الكريم
اليس هؤلاء العيال الذين قامو بالثوره علي النظام السابق ؟؟؟
مهو لو الحال هيفضل على النظام ده يارييت ماكانوا عملوا ثورة وارتاحنا منهم.كل شوية يطلعولنا بحاجة جديدة.وكل واحد فى المعارضة هيبيض ويبقى رئيس
emad e 27-05-2013, 08:49 PM مهو لو الحال هيفضل على النظام ده يارييت ماكانوا عملوا ثورة وارتاحنا منهم.كل شوية يطلعولنا بحاجة جديدة.وكل واحد فى المعارضة هيبيض ويبقى رئيس
انا احترم رأيك من وجهة نظرك في المعارضه ولكن رجاء الاجابه
ماذا تحقق من الوعود التي وعدها رئيس الدوله من ( الحريه - العداله الاجتماعيه - الامن والامان - التعليم والصحه ) ؟؟
أ/رضا عطيه 29-05-2013, 06:08 PM شكرا ااااااااااااا
تمرد
----------------
تشرد
-----------------
المصري أشرف 29-05-2013, 06:39 PM العالم لايضحك من الحركات التي ترفض كل
هيمنة.. مهما كانت ضعيفة أو مستضعفة
العالم يضحك ممن يسيرون بمبدأ القطعان
=======================
فأخشي أن معظم النيران من مستصغر الشرر
لقد هونا من حركة تمرد فجمعت 7 مليون
إستمارة .. هل يتكرر السيناريو ماهي
بدأت بكفاية و6 إبريل وبأعداد تعد
علي أصابع اليد الواحدة وإنتهت
كما رأينا حتي يومنا .. فلننتظر
mr/Guirguis George 29-05-2013, 06:43 PM ليس لحملة تمرد اية فائده
الا انها اظهرت ملايين من الشعب المصرى
غير راضيين عن اداء الرئيس
modym2020 30-05-2013, 01:21 AM أرجو التعليق على الموضوع فقط
( حملة تمرد )
القسم ليس للقضايا أو الاراء السياسية
سيتم حذف المشاركات المخالفة
شكرا للجميع على المشاركة والمتابعة
.
amreidamr 30-05-2013, 10:16 AM ليس لحملة تمرد اية فائده
الا انها اظهرت ملايين من الشعب المصرى
غير راضيين عن اداء الرئيس
مهو لازم يكون فى ملايين غير راضية لان نتيجة الانتخابات الرئاسية اصلا كان فية 12 مليون معارض لمرسى و ده طبيعى
amreidamr 30-05-2013, 09:21 PM انا حطيط الموضوع فى القسم ده علشان نتناقش وكل واحد يقول راية واظن ان القسم اسمه اراء ونقاشات هادفة بغظ النظر عن المحتوى ( اجتماعى - سياسى - ايا كان ) فاصلا حضرتك المفروض مكنتش تكتب
http://www.thanwya.com/vb/style12/buttons/viewpost.gif (http://www.thanwya.com/vb/showthread.php?p=5300493#post5300493) أرجو التعليق على الموضوع فقط
( حملة تمرد )
القسم ليس للقضايا أو الاراء السياسية
سيتم حذف المشاركات المخالفة
شكرا للجميع على المشاركة والمتابعة
لان الاراء والنقاسات بتبقى فى كل المجالات
شكرا لحضراتكم
modym2020 30-05-2013, 10:00 PM انا حطيط الموضوع فى القسم ده علشان نتناقش وكل واحد يقول راية واظن ان القسم اسمه اراء ونقاشات هادفة بغظ النظر عن المحتوى ( اجتماعى - سياسى - ايا كان ) فاصلا حضرتك المفروض مكنتش تكتب
http://www.thanwya.com/vb/style12/buttons/viewpost.gif (http://www.thanwya.com/vb/showthread.php?p=5300493#post5300493) أرجو التعليق على الموضوع فقط
( حملة تمرد )
القسم ليس للقضايا أو الاراء السياسية
سيتم حذف المشاركات المخالفة
شكرا للجميع على المشاركة والمتابعة
لان الاراء والنقاسات بتبقى فى كل المجالات
شكرا لحضراتكم
يوجد قسم آخر للآراء السياسة
وكان الأولى الرجوع لقوانين القسم
قبل الاعتراض
لتعلم أن القسم ليس لكل المجالات
وممنوع الموضوعات السياسية
مثبــت: قوانين القسم وأهم الموضوعات المميزة (http://www.thanwya.com/vb/showthread.php?t=488697)
modym2020 30-05-2013, 10:13 PM وأتحداك لو فكرت فى الرد قبل الحذف
شكرا ياأستاذنا
تم الرد بالتفصيل على رسالتك
شكرا جزيلا
المصري أشرف 30-05-2013, 10:20 PM يوجد قسم آخر للآراء السياسة
وكان الأولى الرجوع لقوانين القسم
قبل الاعتراض
لتعلم أن القسم ليس لكل المجالات
وممنوع الموضوعات السياسية
مثبــت: قوانين القسم وأهم الموضوعات المميزة (http://www.thanwya.com/vb/showthread.php?t=488697)
-----------------------------------------
الأستاذ المشرف المحترم ..... إن سمحت لي
القسم هو لمناقشة الأراء الهادفة ومن ضمنها
الأراء السياسية .. وأؤيد حضرتك في عدم صبغة
القسم بالصبغة السياسية .. ولكن ماالمانع أن يوجد
ولو موضوع سياسي خاصة مع غلق قسم القضايا
السياسية مؤقتا .. برجاء أن يتسع صدر حضرتك
للمناقشة مع جزيل الشكر
modym2020 30-05-2013, 10:34 PM -----------------------------------------
الأستاذ المشرف المحترم ..... إن سمحت لي
القسم هو لمناقشة الأراء الهادفة ومن ضمنها
الأراء السياسية .. وأؤيد حضرتك في عدم صبغة
القسم بالصبغة السياسية .. ولكن ماالمانع أن يوجد
ولو موضوع سياسي خاصة مع غلق قسم القضايا
السياسية مؤقتا .. برجاء أن يتسع صدر حضرتك
للمناقشة مع جزيل الشكر
ملاحظات الأعضاء مرحب بها دائما فى أى وقت وفى أى موضوع
سيتم عرض وجهة نظر حضرتك فى قسم صوت الأعضاء
ولمجلس الادارة اتخاذ ما يراه مناسبا
شكرا جزيلا
modey451 30-05-2013, 11:42 PM دول شوية منتفعين ليس الا وشويه وهيخرصوا خالص بعد 30 -6 لما تلاقى شوية مئات وليس ملايين كما يزعمون
لايهمهم مصلحة واستقرار الوطن والله انامش عارف تمرد على ايه بالضبط على ارادة واختيار الشعب
ومين دول اللى بيقولوا عليهم نخبة كلهم صعاليك ممولين لتدمير مصر واستقرار مصر هما والاعلام الوسخ وقضاء الهام
hragaey 01-06-2013, 05:19 PM شكرا علي الخبر ... بس عندي سؤال بزاوية أخري
من هو البديل ؟؟؟؟؟ فتلك هي المشكلة
وهو مايتحمله مبارك في *** كل الكوادر القيادية
وإختصارها جميعا في شخص واحد فقط هو
من كان يعد للمنصب ولا بديل عنه
أما من هم علي الساحة الأن
ومع إحترامي وتأييــــــدي
للسيد / عمرو موسي
لايصلحـــــون
تصدق بتفكرنى بالحزب الوطنى شعار 2006
إذا لم يكن مبارك فمن يحكم مصر
هههههههههههههههه
نفس الناس بس بدقن
المصري أشرف 01-06-2013, 06:21 PM تصدق بتفكرنى بالحزب الوطنى شعار 2006
إذا لم يكن مبارك فمن يحكم مصر
هههههههههههههههه
نفس الناس بس بدقن
================
أشكرك .. علي التعليق .. بس علي فكرة
أنا مش من الناس دول .. ولا دول
ههههههههههههههه
ابونرمين 01-06-2013, 10:08 PM أحصائية التصويت الخاص بالموضوع:
عدد المشاركات:52
عدد المصوتين جميعا:91
الفرق:39
ملحوظة:توجد مشاركات متعددة بالموضوع لشخص واحد..
أخشى أن أكون صوت 16 مرة،هو أحمد فؤاد نجم ،أحسن من مين يعنى؟؟؟؟؟؟؟؟؟
mr emoo 03-06-2013, 05:22 AM حتى لو مش هتجيب نتيجة انا هعتبرها جرس انذار للدكتور مرسى لعل وعسى انه يراجع قراراته وشوف طلبات الناس دى
يا اخي الحبيب طلبات الناس دة واضحة جدا هم ببساطة عايزين يشيلوههههههه من منصبة وذلك منذ اول يوم مسك فيه الحكم من ساعة " مرسي ميتر" و وعود ال100 يوم وخروج ابو حامض يوم 24/8/2012 بدعوة ان الرئيس معملش حاجة و لم ينفذ وعوده ألم تر ان في هذا تربصا بالرئيس المنتخب من البداية؟؟؟؟؟؟؟؟؟؟؟
حمادة الدماطي 10-06-2013, 04:55 AM أظننيأنا الذيتسببت في هذا النقاش الحاد.. أعتذر لكم جميعا
|