شوفتوا يا حضرات اخر موضة فى علاوة 2008 فى سوهاج للمثبتين 2011 انا قرار53 معلم مساعد 2-2008 من ادارة اخميم المرتب:788 فية 2 تزكرة بدل نقدى وبدون 50 بدل الاعتماد يعنى المرتب نقص كتير بعد الزيادة الاساسى :245.20 على فكرة الكلام دة شفتة بعينى فى كشوف المرتبات الى هتتصرف بعد ايام والمشكلة الكبيرة الى تجنن ان ابن خالى موظف فى ادارة المراغة فى الماهيات اكد ان علاوة 2008 تم اضافتها 43 لعقود ما قبل 1-5-2008 والباقى 14.40 سبحان اللة العلاوة بتختلف فى سوهاج من مركز لمركز يا ريت يا شباب الى عندة معلومة من ابناء سوهاج عن الموضوع يفيدنا

فى الشهر السابق تم احتساب العلاوة 14
فى الشهر الحالى مايو رجعو فى كلامهم وضموها 43 اصبح الاساسى 274
لتعاقد قبل مايو 2008
وتم عمل فروق باثر رجعى للشهر السابق
الخلاصة العلاوض تم ضمها كما كانت فى السنين السابقة
اللى كان باخدها 14 تضم لة 14
اللى كان باخدها 43 تضم لة 43

فى الشهر السابق تم احتساب العلاوة 14
فى الشهر الحالى مايو رجعو فى كلامهم وضموها 43 اصبح الاساسى 274
لتعاقد قبل مايو 2008
وتم عمل فروق باثر رجعى للشهر السابق
الخلاصة العلاوض تم ضمها كما كانت فى السنين السابقة
اللى كان باخدها 14 تضم لة 14
اللى كان باخدها 43 تضم لة 43
كدة تمام كلامك مظبوط

يا اخوانا بلاش كلام على الفاضى .العلاوة فى معظم محافظات الجمهورية اتحسبت على المربوط . اما فى سوهاج قسم التسويات فى المديرية قال انهم بعتوا منشور لكل الادارات باحتساب العلاوة على المربوط لكل القرارات.وعندما سالناهم فى مراكز بتختلف عن مراكز قالوا اكيد المنشور لسة موصلش .وعندما سألناهم فى التنظيم والادارة عن سبب اختلاف مراكز المحافظة فى احتساب العلاوة قالوا احنا بعتنا منشور للمديريةباحتساب العلاوة على المربوط وهذا مطبق فى كل الوزارات ليس فى التربية والتعليم فقط .وسوف يحاسب من يخالف ذلك

هى فتوى كل واحد يفتى من عنده شوية يا اخ كمال العلاوة 43 للى كان شغال معلم مساعد قبل 1/5/2008 اما بعد التاريخ ده تحسب على مربوط الدرجة دى ماليات وفوانين ياجماعة وقد يكون اتنين نفس قرار التعيين وواحد ياخد وواحد لا المهم تاريخ التعيين فى وظيفة معلم مساعد

على فكرة النيابة الادارية بعد الشكوى طلبت صورة عقد معلم مساعد وقواعد صرف علاوة 2008
وكانت النقطة المهمة والتى قامت النيابة البحث والتدقيق فيها هى هل عقد معلم مساعد وظيفة ام لا
وبعد ان ثبت انها مدرجة ضمن وظائف التعليم ولها كافة المزايا من علاوات قامت النيابة بتحويل
المتسببين فى الخصم وتحويل العلاوة الى 14 الى التحقيق بما فيهم مدير الادارة

يا استاذة مروة انا مبالفش انا بالفعل اقسم باللة شوفت المرتبات فى ادارة اخميم .كل القرارات 14.40 وذهبت للتنظيم والادارة وقالوا هذا صحيح .وكلام الاستاذ احمد السيد طة صحيح صحيح

تم صرف مرتب مايو بعد ضم العلاوة كاملة43 لمتعاقدى قبل مايو 2008
مبروك

نحن هنا فى محافظة الغربية ادارة السنطة تعاقد 2005 وبدأ تعاقد معلم مساعد 1/4/2008 والتثبيت فى 1/3/2011 بالقرار 53 العلاوة أصبحت 14.80 وحسبنا الله ونعم الوكيل

كلام الدرى صحيح فى ادارة السنطة حسبوها 14.80 وحاولنا نفهمهم قالوا هاتوا المنشور اللى بيقول ان تعاقد ماقبل 1/5/2008يأخذ 43 ياريت اللى عندة المنشور يرفعة علشان نتكلام معهم على ارض صلبة

يا اخى واللة لايوجد منشور يقول ذلك .عندنا فى سوهاج ادارة اخميم وادارة سوهاج طبقت ذلك .انا شفت هذا الكلام بنفسى على المربوط 14.40 والزملاء ذهبوا للتنظيم والادارة وقالوا لهم هناك ان هذا الكلام مطبق فى جميع الوزارات .حتى لو فرضنا ان العلاوة اتحسبت على الاساسى فى بعض الاماكن لايمكن ان تظل على ذلك الشهر الى جاى

نحن هنا فى محافظة الجيزة ادارة الوراق تعاقد معلم مساعد 1/1/2008 والتثبيت فى 1/3/2011 بالقرار 53 العلاوة أصبحت 14.80وحسبنا الله ونعم الوكيل

انا من دمياط تعاقد 2005 تثبيت 2011
14.20

أقسم بالله انا قبضت النهاردة والمرتب بزيادة 33 جنيه ( دار السلام _ سوهاج ) والاساسى أصبح 274 تعيين 1/3/2011

الاساسى 274
معلم مساعد 1-4-2008

الفيوم / لا يوجد ما يسمي بالعلاوة المذكورة .....هذا والله اعلم

يا اخوانا ممكن باقى مراكز سوهاج طما -طهطا- المراغة--البلينا--المنشاة يعرفونا العلاوة عندهم كام على المربوط ولا على الاساسى

الاساسى عندنا فى دار السلام اصبح والمرتب زاد  جنيه

ممكن يا استاذ قدرى باللة عليك توضح شوية لان كلام حضرتك مش واضح

ممكن يا استاذ قدرى باللة عليك توضح شوية لان كلام حضرتك مش واضح.عاوزين نعرف مراكز سوهاج حصل اية فيها لان فية اختلافات .وياريت يا اخوانى كل الى يعرف حاجة عن سوهاج ومراكزها يوضح

الاساسى عندنا فى دار السلام اصبح 274 والمرتب زاد 33جنية انا تعاقد1/3/2007وتثبيت
1/3/2011

الزملاء مدرسى مركز اخميم وسوهاج لية ساكتين الاساسى فى معظم الادارات 274 ونحن 245 .المفروض نبعت شكاوى لوكيل الوزارة ومديرية التنظيم والادارة .انا عرفت حالا من احد الزملاء من مركز طما ان الاساسى عندهم 274 .وكذلك دار السلام والمراغة وساقلتة .كل المراكز الاساسى فيها لتعينات ما قبل 1\5\2008 على الاساسى وليس المجرد ما عدا اخميم وسوهاج

نحن في جهينة الاساسي 274 جنيه بزيادة 43 جنيه عن العام الماضي
وقبضنا النهارده

محدش فاهم حاجة
وكل واحد بيتكلم بمزاجه
المفروض ان العلاوة بتضاف حسب الأساسي عام 2008
فالمفروض اللي كان مثبت عام 2008 يأخذ 30% على حسب أساسي مرتبه
اما من لم يكن مثبت فيأخذ 30% من مربوط الدرجة الثالثة وهو 14 جنية

عزيزى هواريات الرجاء من سيادتكم رقم التليفون للتواصل للاستفسار عن موضوع العلاوة الجديدة

احنا مش عارفين التخبط فى القرارات
احنا فى البحرالاحمر قبضنا مرتب مايو على اساسى الزيادة 14.80 بالرغم من اننا تعاقد 2005 ومعلم مساعد 2008 والتثبيت 1 / 3 /2011 م ياريت حد يفهمنا احنا لو لينا حق فى الزيادة من عدمة

حد عندة رد علشان احنا تعبنا مع الادارة والمديرية فى موضوع دة

معلش انا عاوزة اعرف ايه النص القانونى اللى يقول اللى قبل مايو يقبض على الاساسى و اللى بعد مايو يقبض على مربوط الدرجة ؟؟؟؟؟؟؟؟


واللى عرفته... من مسئول ادارة شمال السويس التعليمية اننا كلنا بنتعامل على قانون تقريبا اسمه 53 او 54لسنة 84 يعنى الكل على مربوط الدرجة التالتة ...


و اللى عرفته من مسئول الجهاز المركزى للمحاسبة فى الاسماعيلية لانه مسئول عن السويس
انه مالوش دعوة بالتعاقد ؟؟؟ لكن المهم انه يمر على تاريخ تعيينك 5 سنوات بعدها تضاف للاساسى و خلال فترة 5 سنوات تتحسب العلاوة على مربوط الدرجة ...

لكن بقى .......
قرار 293 لسنة 2008 وفقا لقانون 114 لسنة 2008ما بينصش على كده ... ( مرفق)

بيقول ان جميع العاملين المعينين و المؤقتين بمكافأت شاملة لهم حق فى العلاوة
و اذا كان مكافأة شاملة ياخدها على المكافأة الشاملة حتى 30/4/2008 و المعين قبل و بعد كده ياخدها على الاساسى ...

و على فكرة ... القانون نفسه 114لسنة2008 مش القرار كمان فى المادة التالتة اولا و رابعا منها ...بيقول ان المعين ياخد الـ30% من اساسى التعيين فى تاريخه حتى لو التعيين بعد تاريخ العلاوة يعنى لو كان الاساسى بتاعنا حسب ما افتكر فى 2011 /219 ج يبقى المفروض ناخد 30% من 219 ج " ده حسب اللى انا فهمته من النص الصريح للقانون" و كمان بيقول انه حتى لو تجاوز مربوط الدرجة ...ده حتى لو هايحسبونا على مربوط الدرجة ....
و لانهم فى محافظات كتير مااعترفوش بضم المدة و لو اعترفوا بتبقى اقدمية سنوات المعلم المساعد من غير علاوات زى عندنا فى السويس بفاكس ادارة الفتوى من الوزارة ..يعنى اكننا فى نظرهم من 2011 بس موجودين بعلاوات ..
يبقى لو حسبناه على اساسى التعيين من تاريخه زى ما وضحت فى الفقرة السابقة يبقى مصلحة للجميع ..


حد بقى يقول لى فين الصح بالقوانين و القرارات بعد كل ده ؟؟؟؟؟؟

على فكرة النيابة الادارية بعد الشكوى طلبت صورة عقد معلم مساعد وقواعد صرف علاوة 2008
وكانت النقطة المهمة والتى قامت النيابة البحث والتدقيق فيها هى هل عقد معلم مساعد وظيفة ام لا
وبعد ان ثبت انها مدرجة ضمن وظائف التعليم ولها كافة المزايا من علاوات قامت النيابة بتحويل
المتسببين فى الخصم وتحويل العلاوة الى 14 الى التحقيق بما فيهم مدير الادارة

ممكن نعرف محافظة و ادارة ايه ؟؟

يا ريت يا شباب حد يعرفنى ادارة سوهاج اية الى حصل فيها بالنسبة لموضوع العلاوة لان فية ناس بتقول قرار 244 الى اتحسب على المربوط وفية ناس بتقول كل القرارات يا ريت الى يعرف حاجة اكيدة يقول

الاساسى 274
معلم مساعد 1-4-2008

محد فاهم حاجة

بسم الله الرحمن الرحيم
ادارة طهطا المثبتين بتاريخ 3/2011 الاساسى اصبح 275 والمثبتين 7/2011 الاساسى اصبح 245
وذلك نظرا لتاريخ التعاقد