مشاهدة النسخة كاملة : البت الفيل


mr/Guirguis George
19-05-2013, 05:58 PM
اغرب حاجه بجد بشوفها
واحد لما يعوز يتكلم
مبيعرفش
وعشان همه بجد كبير
وعشان عقدة بجد كتير
لو حاول ينطق بيتهته
صعب عليه زيك يتكلم
ولو اتكلم
بيشوف جوا عينيك الضحكة
وبيتألم

اغرب حاجه بجد بشوفها
واحده تخينه عشان تعبانه
والناس دايما لو تلمحها
تفضل تضحك
مش حاسين انها انسانه
لو واحد عايز يوصفها
بيقول
البت المليانه

حلمها حد يشوفها بجد
مش بالمنظر ولا بالحجم


بتحاول تشتري كام حاجه
يمكن شكلها يبقي جميل
يمكن يعجب بيها في مره
اي زميل
واما بيجي عليها الليل
تفضل تدعي بجد يارب
امتي يارب بجد اما اضحك
يبقي بجد ومش تمثيل

علشان خاطري بجد يارب
امتي هينسوا يقولوا عليا
البت الفيل


كلمات
فريدى نبيل

faten forever
19-05-2013, 08:20 PM
شكرا على تلك الكلمات التى تنهانا عن السخرية من الأخريين فقد يكونون أفضل منا ونحن لا ندرى

فكلنا بشر ولا أفضلية لانسان على الأخر الا بالتقوى والعمل

جزاك الله خيرا

ام علاء
21-05-2013, 11:12 AM
..كلمات تعالج مشكلة اجتماعية فعلا تستحق منا النظر اليها
لزوايا اخرى للفتاة التى تحمل تلك الاوصاف لانها فى المقابل
تحمل من خفة الروح وصفاء النفس مالا يملكه الكثيرمن اصحاب
القوام الممشوقة....... مستر جورج ..تحياتى.

الأستاذة ام فيصل
21-05-2013, 11:51 AM
معالجة لموضوع اجتماعي مهم
شكرا جزيلا
تحياتي

non non
21-05-2013, 02:45 PM
merciiiiiiiiiiiiiiiiiiiiiiiiiiiii

mr/Guirguis George
22-05-2013, 03:47 PM
شكرا لمشاركات حضراتكم