مشاهدة النسخة كاملة : فية هندسة السنة دى هتاخد من 90
mrhamed 26-06-2008, 12:58 PM بسم الله الرحمن الرحيم
انا احمد من الشرقية ومن علمى رياضة
اللى ما بفهمش اسامة ابو زيد اللى واضع الامتحان :confused:
كلة كان املة فى 50/49/48/47 مثلا بس بعد الامتحان
طيب يعنى انا جيب 92 فى تانية
يب يا بحت اللى جايب فوق 95
يعنى انا اعمل اية والناس اللى معايا بنفس المجموع
انا اتوقع الهندسة هتنزل حوالى 4% اللسنة دى
الذكى اوى فى التفاضل 2%
الحبر والهندسة والميكانيكا 2%
اما الفيزياء حوالى 3%
انا بتكلم على الذكى اوى اللى دماغة عالية واللى ربنا قواة عامل حساب ان هو هيجيب 100% هيجيب 95% فى تالتةو طبعا غير العربى و الانجليز ى
التنسيق هينزل السنه دى
اما مشكلة التسريب يا عم مش كان كام واحد وبعدان دة فى امتحان الانجليزى السهل وامتحان التفاضل الطين الللى انا لو ختة قبل ما دخل على الامتحان مش كنت ههحل
ادعوا الله وانتظروا النتيجة ثم التنسيق
كلامى صحيح ولا فية خطا
nanes 26-06-2008, 01:03 PM على فكره انا كمان اعتقد ان التنسيق السنه دي هينزل جامد جدا
لأن ببساطه مفيش حد هيجيب مجموع عالي زي زمان
ولو انتو لسه فاكرين ((الجمل الله يخرب بيته)) كان وعد من اول ما مسك الوزاره ان مفيش حد هيجيب 100/100
قام جاب لنا امتحانات الواحد يو م ما يحلم ب 95%
يبقي انجااااااااااااااااااااااااااااااااااااااااااااااا اااااااااز
ع العموم ربنا معانا يارب
وكلام حضرتك صح جدا والله
هندسه هتنزل بس مش 4% عمرها اخرها هتاخد من 93% وربنا معاكم انا مش فارق معايه علشان انا ماجله السنه دي ادعولي بقي وربنا يستر السنه الجايه وادخل هندسه يارب اسفه للاطاله
molhm 26-06-2008, 05:05 PM بص يا سيدي الواضح
أن معظم الطلبة ..في الفزياء ما بين ال 30 والا ال 40
و معظم الطلبة ..في الرياضيات ..ما بين 35- 45
يعني المفروض التنسيق ينزل 2 في المية ..!
ده المفروض لكن ياعالم ايه اللى هيحصل ..!
أنا يا عم كنت جايب 96 ..وخلاص رتبت نفسي على تجارة انجليزي ..!
لأني مش هزيد عن 37 في الرياضيات خصوصا..!
لأني كنت مستسهل الرياضيات ..و ومحلتش عليها حل يتحمل الامتحانات ..دي
saso2008 26-06-2008, 09:33 PM يارب
:(:(:(:(:(:(:(:(:(:(:(
arch.bosycat 26-06-2008, 09:55 PM ربنا معاكو يا جماعة
و على فكرة هندسة مش املة ولا حاجة
انا في 4 هنسة ( عمارة ) و طلعااااااااااااااااااان روحى
EnG.BeLaL 26-06-2008, 10:01 PM انا و الله كان نفسي في بترول دلوقتي بقول يارب حتى هندسة اقاليم انا حاسس اني مش هاعدي 90 السنة دي ربنا يستر .
بس لسه عندي امل في ربنا
أحمد بلما 26-06-2008, 11:40 PM يبقوا قابلوني لو التنسيق نزل 1% بلاش أحلام ،إذا كانت الامتحانات موضوعة للحد من دخول كليات القمة المجانية تقوموا تقولوا هينزلوا التنسيق؟؟؟؟
MGMAS 27-06-2008, 02:04 AM ان شاء الله التنسيق هينزل بدرجة معقولة و كويسة ..
لأن الدرجات هتكون قليلة جدا جدا .. و اللى جاب 95 و 94 السنة اللى فاتت مش هيعرف يجيب 90 السنة دى ..
لو فضلت الهندسة زى ما هى حوالى 94.7 % المدرج مش هيتملا خمسه حتى ..
و بعدين الوزارة لو عاوزة تحافظ على مكانها لازم هتنزل التنسيق .. لأنها لو معملتش كده يبقى راحت فى الكزوزة ......
لأن الشعب مش هيوافق اطلاقا على حكاية تشجيع الكليات الخاصة دى .. و هيحصل باذن الله ( أنقلاب )
gonog 27-06-2008, 02:19 AM bravo هحلى فكرة حكاية الانقلاب ....اعتصام...العام الماضى اقل هندسة كانت 93,5% المفروض السنة دى 90%
عاشق الرياضيات 27-06-2008, 04:25 PM هندسة مش هتنزل عن السنة اللى فاتت .. ده اذا ماخدتش اعلى كمان !! وهنشوف . . الحوار بتاع الامتحانات الصعبه دى كل سنة وفى الآخر تلاقي المجاميع فى السما والكليات كمان .. وعلى العموم انا باذن الله ناوى على علوم قسم رياضيات وربنا يسهل .
Ra2oF 27-06-2008, 05:01 PM هندسة مش هتنزل عن السنة اللى فاتت .. ده اذا ماخدتش اعلى كمان !! وهنشوف . . الحوار بتاع الامتحانات الصعبه دى كل سنة وفى الآخر تلاقي المجاميع فى السما والكليات كمان .. وعلى العموم انا باذن الله ناوى على علوم قسم رياضيات وربنا يسهل .
انت بتتكلم في ايه ؟!!!1 امتحانات ايه الكل سنة صعبة؟!؟!؟!؟!
الامتحانات بقلها 10 سنين مبتجيش صعبة ::::؟؟؟! تقلي السنة الفاتت مجتش صعبة
قارن بين امتحانات 2008 و امتحانات السنين الفاتت في فيزياء ... رياضيات 2 ... احصاء و شوف الفرق :::
عاشق الرياضيات 27-06-2008, 05:06 PM اوك سيبك من كل الكلام اللى ماعجبكش .. المهم ان الكليات بردو مش هتنزل عن السنة اللى فاتت . وهنشوف .!
molhm 27-06-2008, 06:34 PM اوك سيبك من كل الكلام اللى ماعجبكش .. المهم ان الكليات بردو مش هتنزل عن السنة اللى فاتت . وهنشوف .!
تعرف ؟
أنا شاكك أصلا أنك في ثانوية ..!
شكلك يا عم واحد ..عاطل وفاضي لنا وجاي ترخم علينا ..!
إمتحانات إيه اللى كل سنة بيقولوا سهلة ..أمتحان الفزياء السنة اللى فاتت مثلا كل المسائل كانت عبارة عن قانون وتعويض مباشر
وبقية الامتحان تسميع والرسم البياني عيل فى ابتدائي يعرف يرسمه..
أما الكليات لو منزلتش فده غش ..وتدليس ..وطبعا ده شيء متعودين عليه ..في مصر عادي جدا جدا..
وبما أنك نويت على علوم رياضيات ..
ربنا يعينك لاننا فى بلد مش بتقدر العلم ولا بتعرفه..!مهما تفوقت فيه..!وبساطة جدا ..ممكن أبن دكتور ياخد مكانك ..في الكلية ..ولا تبقى معيد ولا بتاع.وحتى ممكن متقدرش تشتغل مدرس رياضيات.
و هتقعد..باالعلم بتاعك على الرصيف.لحد ما تنساه .وعلى فكرة انا كان نفسي ..أدخل دار علوم و أدرس اللغة العربية.
هه ههه على امل طبعا انى اكمل .و ابقى اديب وكده هع هع هع لكن طبعا أنا عارف ان العلم لا يكيل بالبتنجان..وخليت ..الاتجاه اللى بحبه هواية ..وخدت اتجاه دراسي تاني خالص.يوافق ظروف البلد
..وحتى لو فاتت مني الهندسة هدخل تجارة انجليزي مش دار علوم..!
نصيبنا ان احنا اتولدنا في مصر ..!
mohsenadel1 27-06-2008, 07:46 PM يا جدعان سيبكوا من الكلام ده وسيبوها على ربنا انا فى تانية كنت 92.4 دلوقتى مش هزيد عن 88
hosam amin 27-06-2008, 08:30 PM ياجدعان سيبوها على الله وربنا هيدى كل واحد على قد تعبه
عاشق الرياضيات 27-06-2008, 09:25 PM اوك سيبك من كل الكلام اللى ماعجبكش .. المهم ان الكليات بردو مش هتنزل عن السنة اللى فاتت . وهنشوف .!
تعرف ؟
أنا شاكك أصلا أنك في ثانوية ..!
شكلك يا عم واحد ..عاطل وفاضي لنا وجاي ترخم علينا ..!
إمتحانات إيه اللى كل سنة بيقولوا سهلة ..أمتحان الفزياء السنة اللى فاتت مثلا كل المسائل كانت عبارة عن قانون وتعويض مباشر
وبقية الامتحان تسميع والرسم البياني عيل فى ابتدائي يعرف يرسمه..
أما الكليات لو منزلتش فده غش ..وتدليس ..وطبعا ده شيء متعودين عليه ..في مصر عادي جدا جدا..
وبما أنك نويت على علوم رياضيات ..
ربنا يعينك لاننا فى بلد مش بتقدر العلم ولا بتعرفه..!مهما تفوقت فيه..!وبساطة جدا ..ممكن أبن دكتور ياخد مكانك ..في الكلية ..ولا تبقى معيد ولا بتاع.وحتى ممكن متقدرش تشتغل مدرس رياضيات.
و هتقعد..باالعلم بتاعك على الرصيف.لحد ما تنساه .وعلى فكرة انا كان نفسي ..أدخل دار علوم و أدرس اللغة العربية.
هه ههه على امل طبعا انى اكمل .و ابقى اديب وكده هع هع هع لكن طبعا أنا عارف ان العلم لا يكيل بالبتنجان..وخليت ..الاتجاه اللى بحبه هواية ..وخدت اتجاه دراسي تاني خالص.يوافق ظروف البلد
..وحتى لو فاتت مني الهندسة هدخل تجارة انجليزي مش دار علوم..!
نصيبنا ان احنا اتولدنا في مصر ..!
اولا شكرا على اول سطرين !
ثانيا انا مش باعمل احباط انا كنت عاوز اقول زى ما انت قلت هى مصر كده اللى تتوقعه يحصل عكسه تماما
ثالثا انا بحب الرياضيات لدرجة لا تتخيلها ونفسي ادخل علوم قسم رياضيات علشان ابقى معيد ( باذن الله طبعا ) واكمل فى الكلية ولو ماحصلش يبقى فعلا مش هينفع ابقى مدرس لان خريج تربية اولى منى وهبقى - زى ما انت قلت - على الرصيف !!
يعنى طالما كده كده هنترمى فى الشارع يبقى الواحد يدرس اللى بيحبه ويميل له !
beckham7 27-06-2008, 11:37 PM انا سمعت يا جماعه الهندسة حتاخد من 96 والبترول من 99.5 تقريبا عشان يقللوا عدد القبول
EnG.BeLaL 28-06-2008, 01:38 AM انا سمعت يا جماعه الهندسة حتاخد من 96 والبترول من 99.5 تقريبا عشان يقللوا عدد القبول
انت تعرف حد شغال في مكتب التنسيق ولا وزير التعليم العالي قريبك :D
تسابيح 28-06-2008, 01:59 AM السلامـ عليكمـ ورحمة الله وبركاته
إذا كان لي مكان بينكمـ فأنا طالبة رياضة <<حتى لا تبدؤا الهجوم بأني لست من الثانوية العامة;)
أما عن التنسيق و الكلية
فالله تعالى قد قسمـ لك رزقك وعملك قبل ولادتك
فقد رفعت الأقلامـ وجفت الصحف
وقد أخذنا بالأسباب وانتهت تقريبا الامتحانات
فلا داعي لتضييع الوقت والتوتر الموجود الآن بل الرضا التامـ بأن الله قد قدر لنا الخير
ولكن الانسان يؤوس ظلومـ عجول
ولذلك
كفانا وقت ضاع دون ذكر الله
فلنحرص على رضى المولى عز وجل
أتريد نصيبك من الدنيا وتنسى الأخرة؟
لا ورب الكعبة فشهادة الثانوية العامة ليست بالشهادة التى تلقي بها وجه ربك
ولذلك فدار الأخرة هي دار المقامة
ونشهدك ربي أنا رضينا بحكمك وقضائك فأرضى اللهم عنا
وأنا قد أسلمنا إليك فأهدينا سبلك
فجر الإسلام 28-06-2008, 07:24 AM على فكرة يا تسابيح كلامك جميل جدا
أنا مش رياضة
بس حاسة ان ان شاء الله التنسيق هينزل
عمر علي أبوشادي 28-06-2008, 08:10 AM في البداية السلام عليكم ورحمة الله وبركاته
في بدايه حدثي اليكم ادعو الله ان يوفقنا الي ما يحب ................. جاءت يوم امست تنسيق الكليات الخاصة هندسة 70% يعني ايه الكلام ده يعني كل اللي بيفهم ومبيفهمش يخش هندسة هندسة يعني الاعمار والبناء................. إلخ انتم تعرفون الباقي لا احب ان اطبيل عليكم فعلا اتضحت نيه الوزاره ................؟؟؟؟؟؟؟؟؟؟
لمادا يريدون دلك انا اتوقع مع احترامي الشديد لكل شعور الطلبه ان الجمل كان نيه الاصلاح ولكن البيئية التي وضع فيها انقلبت عليه لانهم لا يريدون الاصلاح ولا يريدونه نفسه ونري دلك واضحا لان الجمل يدافع عنهم وعن واضعي الامتخان لمادا لانه اراد الدافع عنهم لانههو امرهم بددلك ولكنهم لم يفهموا مخزي كلامه انه اراد امتحانات صعبه لان ياتي طالب وحاصل علي مجموع مائه في المائه هده مهزله لا اقلل من مجهود الطالب ولكنه لم يصل الي مستوي الطالب الاجنبي الدي يحصل علي التعليم ولا يحصل علي مجموع المائه وعندما تظهر المسابقات الدوليه نجد المصريين في نهاية المقام لمادا لانه لا يعتمد علي نفسه
في اوروبا انا ليا اصحاب وقرايب كتير بره واغنيه بس المافجاه اللي لم انتظره انه عندما يدخل الكليه تنفصل حياته نهائيا عن والده ولا يستطيع الوالد حتي مشاهده نتيجه ابنه في الكليه الا بادن الطالب وان الوالد لا ينفق علي الطالب يدهب ويعمل ارزل الاعمال مع انه غني ولكن انا لا امر بفعل مثل دلك ولكن نري انهم يعودهم علي الاعتماد علي النفس ...... وهدا عكس ما يحدث في مصر تماما ..
مع العلم ان وزير التربييه والتعليم مهندس (انا لا ادافع عنه ) وله اراه النقدية وبدأ المشروع الفعلي لمشروع الجوده الدي معظم الطلبه لا يسمعون عنه الا انه هجس من بتاع الوزارة انا اخويا (طب منوفيه ) ماسك لجنه الجوده في الكليه بتاعته وجاي للكليه فلوي تقدر بالملايين مجود ان لجنه تعيين الجوده ومعاهم المستشار الاجنبي جه وشاف الطلبه والجامعه عملوه من وعي وقالوا ان احسن كليه علي مستوي مصر في الجوده التعليميه والفلوس بتنهال عليم لتطوير الكليه اما بقي عن المدارس هما ابتدوا ببعض المدارس حددوا من المدارس قول ثلثهم وجيبوا كل الوسائل التعليميه من شبكان نت المدرسين اللي نص كم بيروحهم وغير كتير ............ التعليم بيواجه اخطر مراحله لاما يتطور او ينتهي
حبيت اتكلم بخصوص التسريب انا فرحان السنه دي احنا ضحيه للتطوير كه من السنه الجايه مفيش تسريب او قول ثلاث ارباعه انتهي والثانوية العامه الي هيحط امتحان هيكون بيفكر الف مرة من انه يحط امتحان كده ولا كده
انا طولت عليكم الموضوع ده هندسة ان شاء الله هتنزل لعده اسباب اولاها تنسيق الجامعات الخاصة مش معقول تاخد الهندسة الخاصة من سبعين والعادية من 95 دا حارم
السبب التاني ان المجاميع منخفضة انا لسه كنت بكلم الاستاد بتاعي كان بيعلم قلي في التفاضل احنا مسقطين مدرسه بحالها ولا حد فتح بقه ولا حد اتكلم فالمجاميع قليه خالص
السبب الثالث ان هدف الوزاره من الاول المجاميع المنخفضة وتبقي زي زمان مثلا انا والدي داخل بترول ب 75 فهما نفسهم ترجع تاني
في النهاية تمنايتي بالتوفيق للجميع وارجو ان اكون قد نقلت نظريتي اليكم وهي تقبل الخطأ او الصواب
ENGkhdaaS : PROBLEMS THAT DONT KKILL YOU MAKE YOU STRONGER AND ABLE TO FACEU
Rogy_Mezo 28-06-2008, 05:36 PM ربنا معاكو يا جماعة
و على فكرة هندسة مش املة ولا حاجة
انا في 4 هنسة ( عمارة ) و طلعااااااااااااااااااان روحى
طب أفكر في ايه يعني:confused:
FUNNYBABY 29-06-2008, 02:47 PM كلا مسخر لما خلق له
واكيد اكيد الحاجه الوحيده الى ضمنها ان ربنا مش هيضيع تعبى لانى بجد تعبت قوى السنه دى
*NaSoOoMa* 29-06-2008, 02:55 PM انا الحقيقة لسة في تانية بس انا رائي ان التنسيق مش حينزل انا راي انهم عاملوا كدة علشان يجبروا الناس انهم يدخلوا جامعات خاصة لان في حمل كبير على الكليات الحكومة دة رأي مش عارفة اذا كان صح لا غلط و ممكن ينزل حاجة بسيطة
العصفورة الصغيرة 30-06-2008, 11:55 PM بصوا ياجماعة بالعقل كدة كلية الهندسة بتاخذ فى الدفعة الواحدة عدد ثابت وهو 11000هتجيبهم منين والامتحانات عملة كدة لو قلنا ان اعلى واحد فى العلم رياضة جاب 98 وطبعآ الى جابوا كدة وكملوا علم رياضة قليلون جدآ لو قلنا ان هما نقصوا السنة دى 10درجات هيجيبوا السنتين مع بعض 96,5ودرجةفى المية مستوى رفيع يعنى 97,5 يعنى هيبقى اعلى واحد فى الهندسة جايب 97,5 وطبعا قليل من يستطيع ان ينقص عشر درجات فى الامتحانات دى ربنا ياخذ الى حضتهااااااااااااااااااا
herkl77 01-07-2008, 01:14 AM انا حأقولكم كلمة صغيرة واخرج المجاميع اللى حصلت فى التنسيق السنة اللى فاتت 2007 عمرها ماحتحصل تانى لا السنة دى ولا اى سنة قادمة واللى بيقول ان الهندسة حتاخد 90% اقوله مش حتوصل ال90% ممكن جدا 86 او87 كمان وان غدا لناظره قريب
|