لافانيا
22-05-2013, 03:20 PM
الصيف بدأ أخيراً مع قطع الكهرباء بشكل متكرر كل يوم أكثر من 4 ساعات في بعض مدن الجمهورية..
ورغم إن المصريين زعلانين جداً من الموضوع وبيلوموا الحكومة إنها السبب في ده، لكن الحكومة مبررها إنه احنا لازم نخفف استهلاك الكهرباء كل يوم ولازم نساعدها في كده.
الحكومة قالت للناس انها هاتبعت رسايل اس ام اس عشان تقول النور هايقطع امتى عشان نستعد، لكن ده ما حصلش وواضح إن الحكومة كده ماعندهاش حل مفيد غير انها تقطع النور .
الموضوع طبعاً أثار سخرية الناس على فيسبوك وتويتر واقترحوا إننا لازم نفكر في حاجات مفيدة نعملها لما النور يقطع:
مثلاً انك تحاول تقرب من عائلتك لما تقعدوا كلكم في أوضة واحدة، أو تفتكر عذاب القبر.. تكبر دماغك وماتذاكرش عشان اللي ذاكر عملها من أول السنة.. وكمان هاتحس بالفقراء والمساكين.
كمان هتلاقي نفسك قاعد في هدوء بدون تليفزيون ولا راديو ولا أي حاجة تزعجك، وهاتتفنن في أساليب الدعاء وانت قاعد لوحدك أو مع الناس، وتعرف تنيم الأطفال بدري من غير مشاكل.
وطبعاً هاتزيد الرومانسية ونرجع لأيام الشموع من تاني..
انت بقى رأيك إيه؟؟
وتفتكر إيه اللي ممكن نعمله تاني مفيد لما يقطع النور.
وهاتقول إيه للحكومة لم هاتساعد في حل المشكلة؟
Mr.Optimistic
25-05-2013, 12:40 AM
مثلاً انك تحاول تقرب من عائلتك لما تقعدوا كلكم في أوضة واحدة، أو تفتكر عذاب القبر.. تكبر دماغك وماتذاكرش عشان اللي ذاكر عملها من أول السنة.. وكمان هاتحس بالفقراء والمساكين.
كمان هتلاقي نفسك قاعد في هدوء بدون تليفزيون ولا راديو ولا أي حاجة تزعجك، وهاتتفنن في أساليب الدعاء وانت قاعد لوحدك أو مع الناس، وتعرف تنيم الأطفال بدري من غير مشاكل.
وطبعاً هاتزيد الرومانسية ونرجع لأيام الشموع من تاني..
انت بقى رأيك إيه؟؟
نخترع نهضة جديدة .
أو نفكر في طريقة جديدة لتولد الكهرباء .
أو ننام .
أطلع أشوف الشارع شكله عامل إزاي .
رغم إن كشافات النور في الشارع بتكون قايدة بعد الظهر ... مش عارف إيه التوفير الرهيب في الكهربا ده .
معنتش بحب أتفرج عالتليفزيون يمكن حاجة تشد انتباهي وفجأة النور يقطع ... ساعتها هضايق ..
عشان كده قللنا الذنوب كتير ..
بس بجد أفكار جميلة .... أهو تجديد في الروتين اليومي .
SwOrD OF JusTice
26-05-2013, 07:31 PM
الف شكر بس انا عندى اعتراض
محدش يجبرنى انى اقعد فى عز الحر والرطوبه علشان هو فاشل
مفيش مشاكل انك لو عاي تقعدىتدعى بس الدعوه مقبوله والنور شغال برضو مش لازم النور يقطع ...
والى عايز يفتكر عذاب القبر عبده القبور ماليه البلد يروح يقعدله فيها ساعتين تلاته كل اسبوع
الحاجه المفيده الى ممكن نعملها اننا نقعد ندعى على مرسى وعلى الاخوان
Mero Ossama
26-05-2013, 07:38 PM
دا بدل ما تلاقوا حل للكهربا ؟؟؟؟
pirenses aya
26-05-2013, 08:33 PM
انا بصراحة بكوون زهقانة اووى
ومش عارفة اعمل بس شكرا
على الافادة اووى بس برده
انا بناااااااااااااااااااااااااااااااام :)
ههههههههه باااااي
لافانيا
28-05-2013, 10:11 AM
تحياتى وتقديرى للمشاركات الحلوة
وبردك حلول مفيدة ههههههههه
تحياتى
ابونرمين
28-05-2013, 02:38 PM
طبعا أفضل وأحل حاجة نعملها:
هى أننا نشكر ربنا اللى جعل لنا عيون مبصرة نرى بها الأشياء ،أفضل من الظلام الأبدى(العمى)
لافانيا
29-05-2013, 09:33 PM
طبعا أفضل وأحل حاجة نعملها:
هى أننا نشكر ربنا اللى جعل لنا عيون مبصرة نرى بها الأشياء ،أفضل من الظلام الأبدى(العمى)
ايون الحمد لله
خالص شكرى وتقديرى
تحياتى
مروة محمد فراج
03-06-2013, 12:01 PM
والله افكار جميلة
ههههههههه
aleman
05-06-2013, 10:00 AM
الصيف بدأ أخيراً مع قطع الكهرباء بشكل متكرر كل يوم أكثر من 4 ساعات في بعض مدن الجمهورية..
ورغم إن المصريين زعلانين جداً من الموضوع وبيلوموا الحكومة إنها السبب في ده، لكن الحكومة مبررها إنه احنا لازم نخفف استهلاك الكهرباء كل يوم ولازم نساعدها في كده.
الحكومة قالت للناس انها هاتبعت رسايل اس ام اس عشان تقول النور هايقطع امتى عشان نستعد، لكن ده ما حصلش وواضح إن الحكومة كده ماعندهاش حل مفيد غير انها تقطع النور .
الموضوع طبعاً أثار سخرية الناس على فيسبوك وتويتر واقترحوا إننا لازم نفكر في حاجات مفيدة نعملها لما النور يقطع:
مثلاً انك تحاول تقرب من عائلتك لما تقعدوا كلكم في أوضة واحدة، أو تفتكر عذاب القبر.. تكبر دماغك وماتذاكرش عشان اللي ذاكر عملها من أول السنة.. وكمان هاتحس بالفقراء والمساكين.
كمان هتلاقي نفسك قاعد في هدوء بدون تليفزيون ولا راديو ولا أي حاجة تزعجك، وهاتتفنن في أساليب الدعاء وانت قاعد لوحدك أو مع الناس، وتعرف تنيم الأطفال بدري من غير مشاكل.
وطبعاً هاتزيد الرومانسية ونرجع لأيام الشموع من تاني..
انت بقى رأيك إيه؟؟
وتفتكر إيه اللي ممكن نعمله تاني مفيد لما يقطع النور.
وهاتقول إيه للحكومة لم هاتساعد في حل المشكلة؟
ممكن نحضر لبسنا وننزل نخرج لاى مكان
مشكور للافكار الجامدة دى
So..What
06-06-2013, 09:25 AM
رائع جداً ومفيد الف شكر ..
aly almasry
06-06-2013, 10:42 AM
انا يا سيدى قطع الكهرباء تكون فرصة ذهبية فعلى اضواء الشموع تتجمع الاسرة الزوجة والاولاد ونحكى قصص مفيدة وخصوصا قصص الانبياء فلدى كتاب جميل عن قصص الانبياء فى القرآن اخرجها بسرعة واقصها على الاولاد تاليا الايات ثم معقب عليها فهى قصص جميلة جدا تحكى اناس جاهدوا وتعبوا وعانوا وابتكروا وافنوا اعمارهم مع اقوامهم المختلفين
فاصبح قطع الكهرباء لى فرصة لان الجميع يتخلى عن التليفزيون والكمبيوتر واى شىء ويكون الذهن حاضرا لكى نقص القصة ونٍسأل فيها ونخرج العبر والعظات
لاشك اننا فى منزلنا المتواضع نشتاق احيانا لقطع الكهرباء من لذة هذا اللقاء الذى لا يمكن ابدا بحال من الاحوال فى ظل الصخب والملهيات ان يتهيأ لنا بسهولة
yaser5544
06-06-2013, 12:50 PM
ناموا بدري علشان تقدروا تقوموا تصلوا الفجر جماعه
hikoko14
06-06-2013, 01:35 PM
بصراحة موضوع جميل و جميع الردود رائعة بارك الله فيكم جميعا
و أدعو نكون احسن بلد فى الدنيا