السلام عليكم و رحمة الله وبركاته

اولا : انا شايفة في تقصير شديييييد اوى من المنتدى فى قسم حقوق بجد مفيبييش تفاعل خالص و المقيمين على القسم و لا بيعبروووه .. المفروض ادارة المنتدى تشوف مراقب يكون متابع القسم هنا
يعنى معظم المواضيع الى عن الاستفسارات الى بيرد بيكون 2 او 3 بكتيييير مش كدة يعنى !!!!

ثانيا : انا فى سنة اولى حقوق انجلش عين شمس و عايزة حد من حقوق انجلش القاهرة ادردش معاه شوية فى شوية حاجات خاصة بالكلية فى جامعة القاهرة ..
انا قريت كتييير هنا ان مبانى لحقوق القاإرة كانت وحشة و .. و ..
دلوقتى هى اتنقلت الشيخ زايد و بقت تحفففففففة الصراحة .. ما علينا مش دة المهم .. انا عايزة اتكلم عن مستوى التعليم .. هل الدكاترة بيهتموا بالشرح و بمستوى تعليم الطلاب و لا اى بتنجان و خلاص ..
احنا هنا فى عين شمس اهم حاجة يلموا فلووس ازاى من الطلبة دة اول اهدافهم و مبيهتمووووش بجودة المادة العلمية زى مكان معرووف عن جامعة عين شمس
و سمعت ان منهج القاهرة اتقل مننا .. فهل دى ميزة و تميزك فى الشغل و لا هو حشو و خلاص زى لى كنا بشوفه فى المدارس .. ياريييت حد يجاوبتى بمنتهى الحيادية من غير تحيز لجامعته

أهلاً بحضرتك يافندم حضرتك أنا متابع فى المنتدى وبرد على أى استفسار

واذا كان هناك أى تقصير فى الرد ببعض الاحيان ذلك لضيق وقتى

بالنسبة لحقوق القاهرة أنجلش فعلى ما أسمع من بعض المصادر الموثوق منها

أنها من اسواء الكليات وذلك لانها تأخذ من مجموع قليل بالنسبة لحقوق أنجلش

المناهج كبيرة لدرجة أنى الدكاترة بيكروتوا المنهج

مبانى غير فاخرة بالمقارنة باى مبانى أخرى

وطبعاً نظراً لصغر عدد الدفعة أى محاضرة يتم غيابها لن يتم تعويضها

أما عين شمس اللى أنتى فيها الان أفضل بكثير والدكاترة بتهتم بالشرح للطلاب بها

وأيضاً بتاخد من مجموع عالى تقريباً من 95% فما فوق


تحياتى وأتمنى لكى التوفيق

أهلاً بحضرتك يافندم حضرتك أنا متابع فى المنتدى وبرد على أى استفسار

واذا كان هناك أى تقصير فى الرد ببعض الاحيان ذلك لضيق وقتى

بالنسبة لحقوق القاهرة أنجلش فعلى ما أسمع من بعض المصادر الموثوق منها

أنها من اسواء الكليات وذلك لانها تأخذ من مجموع قليل بالنسبة لحقوق أنجلش

المناهج كبيرة لدرجة أنى الدكاترة بيكروتوا المنهج

مبانى غير فاخرة بالمقارنة باى مبانى أخرى

وطبعاً نظراً لصغر عدد الدفعة أى محاضرة يتم غيابها لن يتم تعويضها

أما عين شمس اللى أنتى فيها الان أفضل بكثير والدكاترة بتهتم بالشرح للطلاب بها

وأيضاً بتاخد من مجموع عالى تقريباً من 95% فما فوق


تحياتى وأتمنى لكى التوفيق


اولا شكرا على اهتمامك و ردك

ثانيا حابة اوضح لحضرتك كام نقطة
حقوق انجلش القاهرة بقت فى الشيخ زايد و مكان فاخر جدا جدا عن عين شمس كأنك فى جامعة خاصة محترمة
بالنسبة للعدد احنا اة مقسومين مجموعتين بس كل مجموعة ليها الدكاترة الخاصة بها
بالنسبة للمجموووع .. احنا ولا 95% و لا اىىىىىىىىى حاجة بالعكس الكلية السنادى قبلت من انتساب اى 65% تقريبا .. عكس القاهرة تماما منزلتش عن 85%
معندناش معيدين تروووحلهم .. عاوز شرح تانى غير الدكتور بتاخد مجموعة و بفلوووس كمان ..
مفييييش جودة فى التعليم