"التعليم": رفع راتب المعلم المساعد ليصل لـ1031 جنيهاً بمرتب مايو



http://img.youm7.com/images/NewsPics/large/s920122595620.jpg (http://img.youm7.com/images/NewsPics/large/s920122595620.jpg)
كشف الدكتور طارق الحصرى مستشار وزير التربية والتعليم، أن الموازنة المتفق عليها للوزارة خلال العام المالى المقبل تبلغ 62 ملياراً و700 مليون جنيه، فى حين بلغت موازنة العام الماضى 49.9 مليار جنيه، مؤكداً أن مرتب المعلم المساعد فى الأول من مايو الجارى سيبلغ 1031 جنيهاً، بعد إضافة العلاوات الدورية والخاصة.
وقال الحصرى، إن موازنة الديوان العام تبلغ 4.2 مليار جنيه، منها 3.2 مليار "باب سادس" توزع بالكامل على المديريات، و500 مليون جنيه "باب أول" توزع مكافآت لـ250 ألف معلم مشترك فى أعمال الثانوية العامة، ومليار ومائتى مليون جنيه "باب ثانى" لطباعة الكتاب المدرسى.
وأوضح الحصرى، أن نصيب الديوان العام من الموازنة يبلغ 4.2 مليار جنيه، والمديريات 55 ملياراً، والهيئات المساعدة مثل محو الأمية والأبنية التعليمية 9.2 مليار، موضحاً أن الزيادة تأتى فى ثلاث مجالات، هى الأبنية التعليمية ومرتبات المعلمين ومحو الأمية، طبقاً لنص الدستور الذى أقر الإلغاء التام لها خلال عشر سنوات.
وأكد الحصرى، أن الوزارة فى طريقها لمراجعة المنظومة التشريعية للعملية التعليمية بالكامل، طبقاً للنصوص الأربعة الخاصة بالتعليم التى وردت فى الدستور، خاصة المادة 129 الخاصة بإنشاء المجلس الوطنى للتعليم، وكذلك تعديل القانون 139 الخاص بمنظومة التعليم فى مصر.
وفى سياق متصل، أكد الدكتور مجدى بخيت رئيس قطاع التعليم الفني، أن إيرادات المدارس الزراعية بلغت خلال العام الجارى 94 مليون جنيه، والصناعية 45 مليوناً، والتجارية أربعة ملايين جنيه، متوقعاً أن تكون جملة الإيرادات بنهاية العام الحالى 750 مليون جنيه بنسبة ربح 10% إلى 12%، وأشار إلى أن الولايات المتحدة وافقت على منحة قدرها مليون دولار لتدريب 27 مدرسة فندقية.


مصدر الخبر (http://www.youm7.com/News.asp?NewsID=1066328)

الناس دى بتتكلم ازاى

يا جماعة بنتهى البساطة المعلم المساعد مرتبه شه خمسة كان 677

وانا معايا زملائي فى المدرسة معلمين مساعدين وقبضوا كده

الناس دى بتهرج والوزارة بتستخف بالعقول

ولا حاسبين المرتب بالاستقطاعات

فعلا حاجة تحيير والله

المرتب شاكب راكب 637 بالتمام والكمال ولا زيادة وان كان مقصود كلامه 1031 قبل الاستقطاعات ولكن بعد الاستقطاعات واذي منه يصلالي 637

انا كنت عارف كدة من الاول
مستحيل مرتب المعلم المساعد يبقى اعلى من المعلم

مرتب المعلم المساعد حوالى 1000 من قبل مايو ولكن هذا قبل الاستقطعات
يعنى لو هو وزير صريح كان قال هو بيأخذ كم حاليا و سوف يأخذ كم بعد الزيادة و كان قال كم الزيادة بالجنيه بدل الخداع و الضحك على الدقون

المرتب شاكب راكب 637 بالتمام والكمال ولا زيادة وان كان مقصود كلامه 1031 قبل الاستقطاعات ولكن بعد الاستقطاعات واذي منه يصلالي 637

حتى مع الاستقطاعات لامرتب لا يصل لهذا المبلغ
حتى لو تم توزيع المكافأة على الشهور لا يصل المرتب لهذا المبلغ

دول شوية كدابين سواء كان الوزير او حتي المساعدين

هههههههههههههههههههههههههههههههههههههههههههههههههه ههههههههه وانا ماليش نفس اضحك
امال مرتبى 665 ليه وانا معلم مساعد منذ 3 سنوات ونص ومن غير اى استقطاعات وكمان لو انضافت المكافاه على الشهور يدوبك يجيب 900 جنيه ولو كملها كمان هى الناس دى بتتكلم على معلم مساعد فى كوكب المريخ باين وكمان سنة 3013 تقريبا

هههههههههههههههههه
احنا كمان اخدنا 650
وكل محافظه ع حسب مزاجها بس المهم ف الاخر مش هنوصل للرقم ده اكييييد
ربنا يصلح الاحوال

نفس سياسة اللف والدوران حسبي الله

سلمولى على النهضة بتاع الاخوان انا معلم متعاقد مرتبى 193 جنيه وحسبى الله ونعم الوكيل

لا تعليق وخلاص نشف الريق وتشتت الفريق وارتفع الزعيق وشاهد البطريق ما حدث على الطريق من كثرة خيانة الصديق والنفس ماتت من الضيق وأنا خرجت من الحريق ومنه لله كل زنديق حد فاهم حاجة من المكتوب ده أنا كاتبه ومش فاهم زى اللى مكتوب فوق .

يا جماعة المرتب حالياً 800 جنيه بدون الاستقطاعات
وبعد الإستقطاعات بيوصل حوالي 670 جنيه
السنة المالية الجديدة المرتب هيبقي 1031 بدون الاستقطاعات
وبعد الإستقطاعات بيوصل حوالي 900 جنيه

كدابييييييييييييييييييييييييييييييييييييييييين

وبدا موسم الكذب هكذا الحال في كل قول فالرجاء محاسبة مساعدة الوزير طارق باشا الحصري علي تصريحاته بان مرتب المعلم المساعد من اول يوليو 1031 ج وبالفعل تم قبض المرتب بعد اضافة 30% وكان 655 ج فبا سيادة الوزير الرجاء محاسبة مساعدك المسئول طارق الحصري

انا اخذت مرتب شهر مايو اليوم 670جنيها فقط فين 1000 جنيه

باركولى قبضت شهر 5 عارفين كام 690 جنية يعنى كذب على حق هو احنا فى مصر هنتقدم طول مافية امثال الكذاب وكل الى على شاكلتة حسبى الله ونعم الوكيل

ربنا يسامحهم ... على التحايل الى بيعملوا فى الناس .. واللف والدوران وعدم التصريح بالتفاصيل المباشرة

يا جماعة زيادة المرتب هتنطبق من 1-7 بداية السنة المالية
ولكن هتنطبق بأثر رجعي من 1-5

دولة الظلم مازالت مستمرة بعد الثورة :
=======================

عن قانون كادر المهن الطبية اتحدث :

فى قانون كادر المعلم :

المعلم فى التربية و التعليم و الازهر الشريف الحاصل على مؤهل عالى + دبلوم تربوى + شهادة icdl و تعاقد لمدة تزيد عن 3 سنوات يصل اجمالى المرتب بالحوافز بالبدلات + كادر المعلم ( الاكذوبة الكبرى ) 758 جنية . كل هذا غير امتحانات الذل و العار التى تعرض و مازال يتعرض لها المعلمون .

و مدير المدرسة او مدير الادارة يحصل على ما بين 1600 الى 2100 حسب الاساسى بعد مدة خدمة تصل الى مابين 20 و 30 سنة , و بعد الخروج على المعاش يضيع من المرتب ما يقرب من 60 %

اما كادر المهن الطبية فحدث و لا حرج

وفيما يتعلق ببند الأجور والعلاوات والمزايا المادية بالقانون

فتحددها المادة السابعة من الفصل الثالث من القانون، وهي بالنسبة للأطباء والتمريض والفنيين فئة الشهادات العليا،
حيث يحصل الطبيب البشري المبتدئ على راتب بقيمة 1200 جنيه، كأول رابط للأطباء حديثي التخرج، يضاف إليها 1500 جنية علاوة الكادر، ليصل الإجمالي إلى 2700 جنيغ، يضاف إليها العلاوة سنوية بقيمة 7%،

أما بالنسبة لأطباء الأسنان والصيادلة وأطباء العلاج الطبيعي، والتمريض العالي، فيصل راتبهم الشهري إلى 1200 جنية شهريًا، ليصل الإجمالي لـ2500 جنيه، يُضاف إليهم علاوة الكادر بقيمة 1300، وعلاوة 7% سنويًا،

أما بالنسبة للفنيين من خريجي العلوم، فيصل الراتب إلى 1200 جنية شهريًا يُضاف إليها 1150 جنيه، علاوة الكادر، ثم علاوة الـ7% السنوية.

وبالنسبة للمؤهلات فوق المتوسطة من الفنيين والتمريض، فيصل الراتب الشهري إلى 980 جنيه، يضاف ‘ليها علاوة الكادر بقيمة 870 جنيه، بإجمالي 1850 جنيه، إضافة إلى العلاوة السنوية 7%،

أما المؤهلات المتوسطة فيصل راتب أول رابط 800 جنيه، يُضاف إليها 670 جنيه علاوة الكادر، بإجمالي 1470 جنيه، يُضاف إليهم 7% علاوة سنوية،

على أن يتم صرف الإجمالي مرة واحدة في الشهر وليس على دفعات.

فهل سيسكت المعلمون على هذا الظلم , و هذه المهانة ؟!!!!!!!!!!!

سلملى على الكادر

انا هرد عليكوا بكلمة واحدة
الوزير : كداب
الحصري : كداب
الحكومة : مايلة !

وحياة ابوك يا وزير وحياة ولادك يا سروجى ارجو منكم ان تطلبو مفردات المعلم المساعد والمعلم من اى مدرسة تعجبكم و شوفو صافى مرتبه لو كان مرتب المعلم و صل 900 فقط و ليس 1031 و لو المعلم المساعد وصل 700 فقط وليس 1031 تبقوا انتم ناس بجد مش ناس تصريحات و فقط
حرام عليكم الكذب و عندما تتحدثون عن المرتب وتذكرون رقم ارجو منكم ان تذكروا صافى المرتب و ليس المرتب قبل الاستقطاعات و بلاش بلبله

خليك ورا الكذاب لحد باب الدار

اشاعات خرفانية

انا معلم مساعد ولسه قابض فضله خيرك انت وهو
مبلغ وقدره 658 جنيه فقط لا غير يدوبك يجيبوا بطيخه وشويه جبنه قديمه ورغفين عيش ونتغدي بيهم في الحر ده
سياده الوزير والساده مساعدي الوزير ربنا يريحنا منكم

انتوا زعلانين تعالوا شوفوا مرتبى انا بقى 249

حد عرف الجديد فى كفر الشيخ فيه مدارس المرتب فيها بشهر مايو تم نقصه بمقدار 120 جنيه
وبيقولو باقى المدارس هتنقص من الشهر الجاى هو فيه ايه انا مش فاهمه حاجه؟
حتى فيه مشكله اصلا فى المرتبات انا مثل بقبض 665 من سنه وفيه ناس زيي ونفس تعاقدى بتقبض من سنه فاتت 710 فى مدارس تانيه ودلوقتى بينقصو من الكل من غير ما يشوفو مين كان مرتبه غلط ومين صح حد يفهمنى لانى خلاص هتجنن من الاستعباط ده وقولو للاخ اللى بيقول 1031 مرتب المعلم المساعد نقص وبقى 500 حسبى الله ونعم الوكيل

المعلم المساعد قبض شهر مايو في مدرستنا 671 جنيهاً
فأين الـ 1031 جنيهاً ؟!!!!!!!!!!!!

انا قبضت 580 جنية
والله حال البلد مش هيتعدل الا لما ينصلح حال المعلم
انا شايف ان اقل مرتب فى البلد هو مرتب المعلم
يا جماعة دول فى فرنسا بيطالب القضاة انهم يتساوو بالمدرسين
واحنا هنا اقل مهنة فى المرتب هى مهنة المعلم
ويقولو المعلم رسالة وليس مهنة
العالم اللى بتتكلم دى هما ما يعرفوش ان اخر الرسل هو سيدنا محمد صلى الله علية وسلم
ولسة ياما نشوف يابلد
فيكى حاجة محــــــــــــــــــــــــــــــــــــــــــيــران ى
نزرع القمح فى سنين تطلع الكوسة فى ثوانى

كله كذب فى كذب

أنا قبضت انهارده المرتب 649 جنيه بدون ولا مليم زياده يا تري ايه اخره الكدب يا ساده

ههههههههههههههههههههههههه


احسن تعليق

ياحبيبى مساعد الوزير كان قصده على معلمين مساعدين فى كوكب تانى بس احنا فهمناه غلط وده مش ذنبه احنا اللى ماخدناش بالنا انى احنا فى مصر

دى اكيد كدبه ابريل بس اتاخرت شويه

يمكن يا جماعة يكون قصده ان المرتب دا هيكون من شهر 7 القادم مع الموازنة الجديدة

و ان المبلغ دا قبل الاستقطاعات

و بعد الاستقطاعات يوصل لاكثر من 750 جنية