انا داخل تانية ثانوي [الأرشيف] - بوابة الثانوية العامة المصرية

مشاهدة النسخة كاملة : انا داخل تانية ثانوي

احمدالمدريدي

28-05-2013, 11:25 AM

باذن الله انا مخلص الصف الاول الثانوي السنة دي وداحل علمي باذن الله
بس عندي كام سؤال هل كل المواد لازم اخد فيها درووس خصوصية مع العلم انه الدرس الوحيد اللي اخدته في اولي كان كيمياء بس
تاني حاجة ايه اللازم اعمله في تانية عشان اهيئ نفسي لتالتة
تالت حاجة ايه هي افضل الكتب الخارجية لتانية ثانوي وشكرا

That Moment

28-05-2013, 12:40 PM

بص بالنسبة لتانية انصحك تاخد دروس فى كل المواد لأنها كلها هامة اما لو تقدر تذاكر بعض المواد لوحدك فده براحتك وده يعتمد على انك اديت ازاى فى اولى من غير دروس..

اما بالنسبة ازاى تهيئ نفسك لتالتة انك تعمل الصح ... يعنى تعمل سنة تانية دى على انها بروفة لسنة تالتة يعنى تعمل جدول لنفسك وتمشى عليه ومن خلاها حتعرف فى نهاية السنة تختار مابين علمى علوم او علمى رياضة حسب تحصيلك فى الاحياء والميكانيكا.

اما بالنسبة للكتب الخارجية فعليك وعلى كتاب الامتحان للمواد الاتية(عربى-كيمياء-احياء-فيزياء) اما الفرنساوى ممكن تختار مابين genial وBravo والانجليزى The best او Surprise اما فى الرياضيات والميكانيا عليك طبعا وعلى المعاصر

وباالتوفيق :)

Mr.Optimistic

28-05-2013, 01:13 PM

باذن الله انا مخلص الصف الاول الثانوي السنة دي وداحل علمي باذن الله
بس عندي كام سؤال هل كل المواد لازم اخد فيها درووس خصوصية مع العلم انه الدرس الوحيد اللي اخدته في اولي كان كيمياء بس
تالت حاجة ايه هي افضل الكتب الخارجية لتانية ثانوي وشكرا
الأحياء ::: مش لازم .. زاكرها كويس وهي سهلة مش محتاجة دروس .
الكيماء ::: ممكن تاخد .. بس لو مش عاوز وبتفهم فيها ... ملوش لزمة .
الفيزياء ::: مفهاش حاجة صعبة غير أرشميدس .. ومش صعب هوا بس محتاج حل كتير والباقي سهل ( انا مكنتش باخد فيها ... ولو عاوز خد )
الميكانيكا ::: دي بقي لازم تاخد فيها .
الرياضة ::: لازم .
الانجليزي :: لازم .
العربي ::: روح عشان تتأسس قي النحو لتالته ( عليه 25 درجة ) .

تاني حاجة ايه اللازم اعمله في تانية عشان اهيئ نفسي لتالتة
اتأسس صح في النحو والانجليزي والألماني ( أو الفرنساوي ) والأحياء لو هتخش علمي علوم
أو الميكانيكا ( لو هتخش علمي رياضة ) وشوف نفسك فيهم
تالت حاجة ايه هي افضل الكتب الخارجية لتانية ثانوي وشكرا
الكيمياء ::-- مفيش أحسن من كتاب المدرسة في الكيماء يالذات لأنه منظم جدااا .
الفيزياء ::- مش عارف بس الامتحان مش أد كده لأنه مش جايب حاجات كتير ومبسط الموضوع مما هو عليه . ( شوف مذكرات )
الأحياء :: لابد فيها من سلاح الامتحان ( هيفيدك كتير ) .
الميكانيكا :: ( المعاصر )
العربي :: ( الامتحان )
الانجليزي ( surprise )

lolo ezzat

28-05-2013, 01:37 PM

شوف.ربنا.يوفقك.ان.شاء.الله
وطالاما.انت.مش.متعود.على.الدروس.الخصوصيه.يبقا.ملها ش.لازمه.
وعلى.فكره.انت.فى.تانيه.حط.فى.دماغك.تالته.مش.تانيه. لان.فى.تانيه.كده.كده.هتنجح.وتعدى.وكمان.بيبقا.فى.در جات.اعمال.سنه.دى.بتنقصك.فمش.هتبقا.مقباس.ليك.ولا.حا جه..أهم.حاجه.تهتم.بالمزاد.الاساسيه.اللى.هتدرسهم.بر دو.فى.تالته.وبالاساسيات.بتاعتهم.وتأسس.نفسك.فيهم.لت الته.وتتعلم.ازاى.تفكر.وازاى.تذاكر.وتتعود.على.تنظيم .الوقت
يعنى.عايزه.اقوللك.متشغلش.بالك.اووى.ف.تانيه.لان.كدا .كدا.الدرجات.بيكون.فيها.ظلم.عشان.اعمال.السنه.وكده. اهم.حاجه.تهئ.نفسك.لتالته....وآه.نسيت.اقولك.ركز.فى. الفرنساااااوى.جداااا.عشان.الامتحان.فى.تالته.هيجيلك .من.اول.سنه.اولى.لحد.اخر.حاجه.فى.تالته
وربنا.يوفقك.ان.شاء.الله
وبالنسبه.للكتب.الخارجيه..كتب.الامتحان.كوويسه.والاض واء.والجيم.والمعاصر
بس.اهتم.بردو.بكتب.المدرسه.خصووووصااا.فى.المواد.الع لميه

asmaa232

28-05-2013, 01:49 PM

انت لو مستعد تروح دروس يبقى تروح المواد اللى هتكملها ف تالتة زى الفيزيا دى ضرورى تروح عشان تحل مسائل كتير
والميكانيكا بردو لو هتكمل رياضة 2
الكيما والاحياء ممكن تزاكرهم لوحدك عادى

الملخصات بقى تجيب المعاصر ف الرياضة والميكانيكا والامتحان ف الفيزيا والاحياء والكيميا والاضواء ف العربى وانجليزى ممكن تجيب أكتر من ملخص زى سنيور وذا بست
الفرنساوى ممكن تكتفى بمزكرة الدرس

ahmad khalid

28-05-2013, 06:28 PM

طب هو المعاصر ف الانجليزى بتاع سنة تانية عامل ايه؟
انا بفكر اجيبه عشان انامتعود على طريقة العرض بتاعته

asmaa232

29-05-2013, 02:46 AM

طب هو المعاصر ف الانجليزى بتاع سنة تانية عامل ايه؟
انا بفكر اجيبه عشان انامتعود على طريقة العرض بتاعته

انا مجربتهوش بس اسمع انه كويس
ممكن تجيبه وتجيب ملخص كمان معاه

مروة محمد فراج

03-06-2013, 11:41 AM

انا زيك داخلة تانية ثانوى
بس حاسة ان الاحياء هى المادة الوحيدة اللى ممكن مش اخد فيها درس

ربنا يوفقنا ان شاء الله

احمدالمدريدي

03-06-2013, 11:59 AM

انا زيك داخلة تانية ثانوى
بس حاسة ان الاحياء هى المادة الوحيدة اللى ممكن مش اخد فيها درس

ربنا يوفقنا ان شاء الله
باذن الله التوفيق لينا ولطلاب تالتة ثانوي

ahmad khalid

03-06-2013, 12:21 PM

حكاية انى اخد درس ولا مخدش تعتمد على المنهج مش المادة

menna monmon

03-06-2013, 03:37 PM

سنة تانية اسهل من اولي لو بتحب المواد العلمي انا كنت فاولي باخد دروس في كل المواد ما عدا اﻻحياء بس فتانية اخدت فيها لضيق الوقت وقلة المدرسين في المدرسة
بس انا برضو مش مقياس ﻻني ماخدتش اﻻعدادية من مصر اخدتها من السعودية فكان ﻻزم دروس في كل المواد
بس علي حسسب المنهج لو شفت انك محتاج دروس فيه يبقي تاخد
اما بالنسبة للكتب ميكانيكا ورياضيات المعاصر
العربي انا كنت شغالة من اﻻضواء واﻻمتحان
واﻻحياء والكيمياء والفيزياء اﻻمتحان
وفرنساوي برافوو
وانجليزي سينيور

احمدالمدريدي

03-06-2013, 07:22 PM

ahmad khalid

03-06-2013, 09:11 PM

انا بس محتار هل اخد درس في الفرنساوي ولالا وكذلك الاحياء و الكيمياء
هو انت كنت واخد فرنساوى فى اعدادى

احمدالمدريدي

03-06-2013, 09:55 PM

هو انت كنت واخد فرنساوى فى اعدادى
اه وبفضل الله جبت 27 من 30 في الفرينش في اولي

ابانوب ايليا

03-06-2013, 10:14 PM

لازم تاخد درس فى الفرنساوى لانه تراكمى

طالبةُ التفوقِ

03-06-2013, 10:37 PM

ربنا معاك وبالنسبة للدروس حسب تعودك انت انا مكنتش باخد عربى ولا فرنش والاحياء كانت مساعدة من مدرسة الكيمياء لو انت بتحب الفرنش ممكن تقدر مش تاخد فيه لانه سهل وهما4 دروس فى كل ترم والاحياء عايزة حفظ ومذاكرة بس وبالنسبة للكتب العربى الاضواء والرسالة والانجلش سيربريز بس انا كنت بستعمل جيم عشان المستر والفرنش جينيال والرياضة والميكانيكا المعاصر والفيزياء والكيمياء والاحياء الامتحان حلو فى الشرح لكن لو عايز تزود الوسام حلو فى الكيمياء والمثالى فى الفيزياء وحاول تأسس نفسك فى النحو ووالانجلش احفظ كلمات كتيييير هتساعدك صدقنى وبالتوفيق ان شاء الله

ahmad khalid

04-06-2013, 01:43 PM

اه وبفضل الله جبت 27 من 30 في الفرينش في اولي
خلاص يبقى انت ان شاء الله مشمحتاج فيه درس لأن فى كتير من القواعد موجودة فى منهج اعدادى زى مثلا قاعدة الماضى المركب و غيره وهتلاقى درس مكرر من اعدادى اللى هو اول درس عن الطقس و ده احنا واخدينه فى سنة 3
بس المهم انك تكون متأسس فيه صح مش كنت بتعدى بالكوسة

Bassant222

13-06-2013, 06:26 AM

خلاصة تجربتى فى تانية ثانوى
اولا لازم تحدد اهدافك فى تانية وعايز تطلع منها واخد ايه
اول حاجة الفرنساوى او الالمانى لو شديت فيه بجد فى تنية فى تالتة اعتبره مش موجود اصلا
العربى النحو والبلاغة لازم تبقى خارج م تانية كويس جدا فيهم
الانجليزى خد درس هو سهل وحلو جدا انا جايبة فيه 38.5 ده بسبب اعمال السنة طبعا بس عشان تتأسس لازم تذاكره كويس فى تانية بردو هتطلع 3 مطمن منه
الفيزيا بلاش تاخد فيها درس لان احسن لمدرسين بيشتغلو مع الشهادة بس فمحدش هيبقى مهتم بيكم وباقى المدرسين طولعمرهم بيدو اولى واول مرة يشرحو منهج 2 فى حياتهم فهتتلغبط وهتحس ان المادة مستحيلة فركز فيها مع نفسك وسيبك م اللى بيقولك صعبة انا قالولى كدة وركزت فيها بجد مع نفسى مع انى يعتبر لميتها فى يومين ليلة الامتحان وناقصة فيها نص درجة
الكيمياء لازم تاخد درس عشان فى اساسيات لازم تفهمها كويس اول باب منها كله حفظ بس التانى هتبدأ توزيع الكترونات وكدة فلازم تفهمها التالت روابط فى كام نظرية لازم تفهمهم وباقيه حفظ ، الرابع كله حفظ لانه باب المعادلات والخامس اللى هويعتبر اتقل باب فيهم بيتكلم عن الحديد معادلاته تقيلة شوية محتاجة مذاكرة كتير وتسميع مش اكتر
رياضة 1 لو انت علمى رياضة لازم تهتم بيها كويس جدا خصوصا الترم التانى لانها بتنمى قدراتك ف الرياضة كلها عموما ، والميكانيكا حلوة جدااا محتاجة تخيل وحل كتير ولازم تاخد فيها طبعا
الاحياء بقى تافهة جدا متشيلش همها انا لاماها اخر يومين فى الترم وجايبة 17.5 مكنتش بهتم بيها لانى علم رياضة حتى لو انت علوم احياء تانية مختلفة عن تالتة خالص

احمدالمدريدي

14-06-2013, 06:50 PM

Bassant222

15-06-2013, 06:26 AM

امين ان شاء الله

mostafazain22

05-10-2014, 03:01 PM

ربنا معانا .

احمدالمدريدي

05-10-2014, 10:28 PM

ياااااااااه انتوا رجعتوا موضوع قدييييييييييييييييم من السنة اللي فاتت ربنا معانا في تالتة السنادي