مشاهدة النسخة كاملة : يوميات ملاحظ


العمدة011
01-06-2013, 05:53 AM
ستبدأ امتحانات الشهاده الازهريه (الثانويه والاعداديه ) اليوم السبت 1/6/2013

أولا : أتمنى من ادارة المنتدى أن يتم تثبيت هذا الموضوع الى نهاية الامتحانات .

ثانيا : أتمنى من جميع المشاركين في أعمال الامتحانات أن يسردوا لنا وقائع ما يتم في لجانهم

مع ذكر اسم اللجنه وموقعها وأن يكون هذا الموضوع منبرا لشرح مايحدث لنكشف المسؤولين عن

التقصير في حق ابناءنا الطلبه

( وشكرا جزيلا )

الاستاذ عوض على
01-06-2013, 06:26 AM
جزاك الله خيرا
وأنا سأراقب فى معهد فتيات أجا الاعدادى الثانوى
وان شاء الله تعالى ستكون اللجنة منضبطة
وربنا يسهل الأمور

الاستاذ عوض على
01-06-2013, 04:27 PM
اللجنة كانت عندنا هائة

وزار المعهد عندنا اليوم وكيل الوزارة الدكتور جمعة عبد البديع

ورئيس اللجنة طلب من جميع المراقبين أن تكون اللجان هادئة

وهكذا طلب منه أولياء الأمور فى الصباح عندما تحدثوا معه قبل أن تبدأ اللجنة

وبالتوفيق للجميع

د/ايمن محمود البتشتى
01-06-2013, 04:57 PM
نجع سالم الاعدادى الثانوى
لجنة ادبى بنبن
مادة الفقه عدت بدون نرفزة ولا ضغط عالى من قبل الطلاب الاستفزازيين الذين لا يستطيعون الاملاء فكانت المصيبة التى الحمد لله تم احتوائها ان الطلاب سوف يسلموا اوراق الاجابة وليس بها اجابة فاخذنا الحيلة معهم لغاية ما تم مت كانة سطرين على الاقل فى الاوراق ثم اخذنا الورق اغلبية الطلاب من هو راسب منذ سنتين عندما سألنا عن السبب قالوا لنا اول مره نشوف فيه المعهد الكل تجار سمك ويويمية واللى متجوز المهم المعروف عن هؤلاء الطلاب انهم بيعينها خالص وجاءت اللجنة الثانية وكانت مادة الانشاء وبدات التأليف منهم وبسبب الحر قامو بتسليم الورق مع نصف الوقت قبلها بعشر دقائق مع الوعيد كل الوعيد ان ماحصل فى لجنتهم لازم يحصل فى بقية اللجان علشان المساواة واخبرناهم اننا لانجامل احد على حساب احد وكلكم سواسية وربنا يعدى بقية الايام اللجاية على خير
على فكرة اللجنة تدى متظبهة من وكلاء الادوار لم نجد احد منهم فى الدور ورئيس اللجنة جاء اول اليوم ولا حياة لمن تنادى والوكيل الثقافى فى البطاطه

العمدة011
01-06-2013, 07:53 PM
معهد فتيات نجع الطويل بالاقصر

والله اليوم عدى بسلام تام ولكن كنت احتياطي وكل واحد له وضع يختلف عن الاخر بلجنته من يغشش ومن لا يغشش

اما رئيس اللجنه فلا دور له سوى تنظيم العمل فقط ولا ينكر على هذا ولا ذاك .

Mr.Ahmed Heibah
01-06-2013, 11:06 PM
كنت فى معهد نبروه الاعدادى الثانوى
كانت الأمور هائة والطلاب على ما يرام مستواهم جيد

فتحى زبادى
01-06-2013, 11:35 PM
رئيس لجنة محترم
لجنة معهد فتيات شباس عمير
اليوم موقف لن انساة من رئيس اللجنة اولياء الامور والعماتل جايبين كراتين بسكويت وشاى وحلبة والخ رئيس اللجنة رفضى ذلك والعمال والاهالى صمموا لكن رئيس اللجنة رمى الحاجة على طول دراعة فى حوش المعهد وطلب من كل مدرس ان يدفع لنفسة حساب الشاى والسكر وخلافة دفعنا كل واحد 5 جنية ورفضنا جميعا مبدا اطعم الفم تستحى العين لكن الغش للامانة هو رفض الورق والكتب وسمح بالمرونة فى اللجنة خاصة العلمى وفى النهاية اقول لة الف شكر انت رجل محترم

أبو أنس محمد علي
01-06-2013, 11:36 PM
كنت فى معهد بنين ميت غمر الإعدادى الثانوي
الأمور هادئة والحمد لله ولكن بالنسبة للعمال رأيناهم دخلوا في الصباح وكان عددهم كثير ثم بعد ذلك لم نر منهم أحدًا

العمدة011
02-06-2013, 12:45 AM
أشكر جميع الزملاء على حسن تفاعلهم مع هذا الموضوع .

وهذا يعني أن الموضوع هام من وجهة المشاركين

وأتمنى المزيد من المشاركه والتفاعل حتى نعمل بأنفسنا على تثبيت الموضوع .

مادامت ادارة المنتدى تثبت ماهو هام من وجهة نظرها فقط .

ولكن كانت وجهة نظري القاصره أن ادارة المنتدى عندها حكمه وحنكه في أهمية المواضيع .

ولكن لابأس فليكن التثبيت بتفاعلنا .

وأشكركم جميعا مره أخرى

مستر خالد غباشى
02-06-2013, 01:27 AM
فى الحقيقة انا لاارقب فى اى لجنة والحمد لله لان مفيش امن ودائما اكون فى مشاكل لان الكوسة زى ماهى ولكن الجديد الى سمعتة ان فية اقلام صينى بتكبت ولا ترى الكتابة الا عندما تنير باللبيسة غليها ودة منشر جدااااااااااااااااااااا فى قطاع شبراخيت----بحيرة

(ياسين والقران الحكيم)
02-06-2013, 01:41 AM
مستر عمرو
معهد ف/الواسطى الثانوى
اللجنة مميزة جدا- مفيش غش زى ما هو معروف عن الازهر /أحب أسجل اعجابى بالشيخ جعفر رئيس القطاع بس كلمتة لرئيس لجنة البساتين كانت شديدة قوى

حسام صالح اسماعيل
02-06-2013, 07:01 AM
كنت اتمنى المشاركة فى يوميات ملاحظ لكن من فضل الله على اننى غير منتدب فى امتحانات الشهادة هذا العام ففى الاعوام السابقة كنت ارى مهازل لاحصر لها فى الامتحانات والقائمين على الازهر لا يحركون ساكنا (ودن من طين و ودن من عجين) رغم علمهم بهذه المهاترات والفوضى والغش اللى وصل للركب وسلامى لشيخ الازهر

تامر فاروق محمد
02-06-2013, 03:01 PM
انا فى معهد صفط تراب بالمحلة
اللجنة فى المعهد هادئة و الطلبة مستواها كويس بس الواحد ما بيحاولش يشد اوى عليهم

mohamednaser300
02-06-2013, 06:56 PM
انا في لجنة اعدادي و كالمعتاد
الغش سيد الموقف
و اول حاجة عملوها زجاجة ماء غازية + باكو بسكويت
انا كنت احتياطي لكن ان شاء الله هطلع عليهم باكو البسكويت قطعة قطعة و ربنا يثبتنا لما فيه خير العباد

العمدة011
02-06-2013, 07:33 PM
اليوم كنت في لجنه اعدادي

والحمد لله الوضع كان هادئ ولكن المشكله في عدد العمال كانوا كثيرون مما يعمل على شئ من الفوضى في بعض اللجان

مادة الفقه ماده ثلثه ولكن على الرغم من ذلك نجد الطلاب يبحثون عن الغش ولكن دون جدوى

ولكن السبب ليس منهم ولكن منا نحن من جعلناهم يدمنون هذا الوباء

وقدمت نصيحتي في نهاية اللجنه للطلاب بعدم الاعتماد على الغش حتى لا يتزللون لاحد

وفاجأتني احدى الطالبات باجابه أعجبتني وهي ( وكذلك حتى لا نفشل في الجامعات لأنه لاغش بها)

نور عمر2
02-06-2013, 10:02 PM
معهد الرصيف الثانوى للبنين غش للركب بأمر رئيس اللجنة ومعاونيه

نور عمر2
02-06-2013, 10:05 PM
الغش للركب فى معهد الرصيف الثانوى الرياض كفر الشيخ

teacher120
02-06-2013, 10:10 PM
بفضل الله كنت فى معهد فتيات كفر دميره القديمه اعدادى معهد هادىء جدا وممتاز ونظيف والوضع مريح- والطلبه مستواها جيد جدا
ايضا ازف بشرى لاخوانى المنتدبين للجان اعدادى انه سيتم احتساب كافه الايام لاننا على قوه اللجنه كما قال رئيس اللجنه

الاستاذ عوض على
03-06-2013, 05:30 AM
للابلاغ
الرابط
http://www.thanwya.com/vb/showthread.php?t=523306

ابو حسناء2005
03-06-2013, 07:14 AM
الازهر معروف منذ الالاف السنين ان به يساهل فى الامتحانات والحمدلله اننى لااراقب هذا العام ونرجو الخير للازهر واثات ان التعليم الوسطى افضل من التعصب الاعمى

محمد عبدالفتاح الحرجاوي
03-06-2013, 09:32 AM
بالامس كنت بمعهد فتيات جرجا الاعدادي سوهاج
بصراحة اللجنة هادئة ورئيس اللجنة راجل محترم لكن لاول مرة بالازهر تحضر احد الموجهات و تفتش الطالبات تفتيشا ذاتيا بحثا عن موبايلات او اوراق وهذا شيء كويس

mr farag
03-06-2013, 11:47 AM
انا كنت في معهد فتيات البلينا الاعدادي وتضم اللجنة معهد قراءات فتيات البلينا .
وكنت ملاحظا في احدي لجان القراءات ولم اسمح بالغش مطلقا رغم ان الطالبات للاسف غير مذاكرات ولكن الحمد لله اليوم مر بسلام

الأستاذ عصام
03-06-2013, 01:52 PM
انا كنت في لجنة قراءات فتيات وراقبت على عالية قراءات ( فقه _ انشاء ) واليوم كان هادئ وإن كان في غش في بعض اللجان لكن لجنتي لم اسمح بوجود الغش فيها رغم كل الضغوط ولكن لم اتزحزح عن الصح مطلقا

أحمدمحمدالحفناوى
03-06-2013, 04:09 PM
أنا فى لجنة معهد كفر الغاب الإعدادى الثانوى التابع لمنطقة دمياط الأزهريةومرت الأيام الثلاثة الأول بهدوء شديد وانتظام والحمد لله لا غش ولا خلافه وربنا يسترها معانا للنهاية

حسام الدين ريه
03-06-2013, 06:19 PM
حدث مع احد زملائى ما يلى وانا اذكره بلسانه والعهده عليه:
النهارده كان هيجيلى شلل خماسى..؟ عارفين ليه؟ فى امتحان الشهادة الاعدادية فتيات وفى مادة الفقه:جاء سؤال عن مشروعية (الزنا) فكانت اجابة احدى الفتيات أنه مباح......وعندما لفت انتباهها ربما تكون مرتبكة أصرت أن الاجابة صحيحة...الله يسترها المدرسة الى كانت معايا لحقتنى بالعافية بكرسى وكباية مياة ساقعة
التانية:فى مادة الانشاء: قالت طالبة فى موضوع النيل:ان النيل عندنا دمه خفيف وحبوب حتى ان الميه بتيجى من البحر الاحمر والمتوسط واحنا عاوزين نحافظ عليه عشان هو كويس ...انا كنت داخل الامتحان زى الفل ...خرجت بالمرارة والكلاوى والهر بر ..وحسبى الله ونعم المنتقم الجبار

happy mino
03-06-2013, 07:55 PM
لجنة ميت سلسيل بنين
تعدى الاهالى على الملاحظين بالسلاح
وخروج الملاحظين فى حماية الشرطة
خبر نرجو تأكيده من المشاركين فى لجنة ميت سلسل محافظة الدقهلية

*المفيد*
03-06-2013, 11:06 PM
الغش بالحمول على عينك ياتاجر
هل سينصلح الأزهر ؟
هذا ما تم من مدرسى اللغة العربية اليوم فى النحو

*المفيد*
03-06-2013, 11:10 PM
نريد أن نعلم أولادنا !
كيف نقف أمامهم بعد ذلك لنوصل الرسالة السامية وهى رسالة الأنبياء ؟

es3721839
04-06-2013, 06:16 AM
انا عضو فى معهد مصر الجديدة العسكرى
مستوى المعهد طين
والطالب جى عشان يغش ومتوقع انه يغش
انا عن نفسى ما بحبش الغش
انبارح كانى معى عصو كييف نوم فى اللجنه ودى ما ينفعش
اللجنه الحمد الله عدت على خير

الاستاذ عوض على
04-06-2013, 02:26 PM
أتمنى أن تكون جميع اللجان مثل لجنة معهد فتيات أجا الاعدادى الثانوى بالدقهلية
فهى لجنة متميزة ومنضبطة وهادئة جدا

Mr.Mohammed Khedr
04-06-2013, 03:58 PM
حدث مع احد زملائى ما يلى وانا اذكره بلسانه والعهده عليه:
النهارده كان هيجيلى شلل خماسى..؟ عارفين ليه؟ فى امتحان الشهادة الاعدادية فتيات وفى مادة الفقه:جاء سؤال عن مشروعية (الزنا) فكانت اجابة احدى الفتيات أنه مباح......وعندما لفت انتباهها ربما تكون مرتبكة أصرت أن الاجابة صحيحة...الله يسترها المدرسة الى كانت معايا لحقتنى بالعافية بكرسى وكباية مياة ساقعة
التانية:فى مادة الانشاء: قالت طالبة فى موضوع النيل:ان النيل عندنا دمه خفيف وحبوب حتى ان الميه بتيجى من البحر الاحمر والمتوسط واحنا عاوزين نحافظ عليه عشان هو كويس ...انا كنت داخل الامتحان زى الفل ...خرجت بالمرارة والكلاوى والهر بر ..وحسبى الله ونعم المنتقم الجبار



ههههههههههههه
والله فعلا
شر البلية ما يضحك
اعانه الله

أحمدمحمدالحفناوى
04-06-2013, 06:43 PM
الحمد لله معهد كفر الغاب للبنين التابع لمحافظة دمياط هادئ والامتحان فيه منتظم خالى من الغش

أستاذ الرياضيات
04-06-2013, 08:07 PM
اليوم الثلاثاء كنت فى معهد فتات أبو دشيش بلقاس وكان الأمتحان فى الهندسة وكانت اللجنة هادئة ومنظمة ولايوجد بها أى مشاكل من قبل رئيس اللجنة أو الأعضاء أو الطالبات وربنا يفوت الأيام القادمة على خير

مهند؟
05-06-2013, 04:55 PM
معهد بنين الضهريه
الغش على ودنه

محمدمبروك
05-06-2013, 08:52 PM
جميع لجان الازهر غش فى غش بلاش تجميل الغش سيد الموقف ولا جعفر نافع ولا عوضين كلة طبيخخخخخخخخخخخخ

الاستاذ عوض على
06-06-2013, 04:58 AM
لا يصح تعميم هذا الحكم على الجميع
لكل قاعدة شواذ
وبالفعل بعض اللجان منضبطة

مهند؟
06-06-2013, 06:26 AM
الغش للرررررررررررررررررررررررررررركب
ولاحياة لمن تناااااااااااااااااااااااااااادى

العمدة011
06-06-2013, 10:59 PM
اللهم انتقم ممن يغش أبناءنا

أويساعد على الغش

Mr.Mohammed Khedr
07-06-2013, 04:21 AM
جميع لجان الازهر غش فى غش بلاش تجميل الغش سيد الموقف ولا جعفر نافع ولا عوضين كلة طبيخخخخخخخخخخخخ



عندك حق
ولا جعفر نافع ولا عوضين نافع !!!!!!


ولن ينفع جعفر واحد اخى الكريم
والله لابد ان نكون كلنا جعفر
لابد ان نحترم انفسنا حتي يحترمنا طلابنا
ولابد ان يبدا كل منا فى مكانه فيمنع منظومة الغش من اساسها مهما كانت التهديدات


والا فالنتيجة كما سمعت
كسر الرجليين
حسبنا الله ونعم الوكيل

مهند؟
07-06-2013, 08:57 AM
والله المعلمين بالازهر هم من يتعمدوا الغش فى الازهر
قول لى ليه؟
اقولك لان كل الملاحظين فى اللجنه لو اتفقوا جميعهم على عدم الغش فى اللجان لن يجرؤ احد على تهديدهم
انما واحد بيغشش والتانى بيشد فا ال بيشد طبعا هو ال بيتعرض للتهديد
فالمفروض الكل يخاف على بعضه.
وامنعوا الغش تؤجروا.

الأستاذ عصام
07-06-2013, 09:25 AM
اللهم اهد معلمي الازهر لما تحب وترضي

مهند؟
07-06-2013, 01:14 PM
الله يحرق الغش على ال بيغشش على ال عاوز يغش على ال بيغش على ال بيفكر يغش على ال قاعد جنب ال بيغش ومبيقولش انه بيغش من ال بيغشش.
قــــــــــــــــــــــــــولـــــــــــــــــــــ ــــــــــــوا امـــــــــــــــــــين

أستاذ الرياضيات
07-06-2013, 07:00 PM
هناك أقاويل كثيرة أن هناك غش جماعى فى معهد بنين الضهرية شربين وبمساعدة رئيس اللجنة وأولياء اﻷمور وخاصة أصحاب المال والعزوة

مهند؟
08-06-2013, 06:08 AM
اى نعم هناك غش فى معهد بنين الضهريه
ورئيس اللجنه بيركب السيارة مع احد اولياء الامور

بهاء البحراوى
08-06-2013, 12:25 PM
انا مراقب بمعهد حلميه الزيتون الاعدادى الناموذجى
كان هناك شكوة من امتحان الخط حيث اشتكى الطلاب بعدم معرفتهم لسوال الخط الخاص الكتابه بخط الثلث

الأستاذ عصام
10-06-2013, 09:48 AM
جميع لجان الازهر غش فى غش بلاش تجميل الغش سيد الموقف ولا جعفر نافع ولا عوضين كلة طبيخخخخخخخخخخخخ

فعلا عندك حق
وان وجد انضباط يستحيل ان يكون في كل لجان المعهد

ابوعبده واحمد
10-06-2013, 10:19 PM
انامراقب بمعهدفتيات فرشوط والغش هناك بامر من رئيس اللجنة وهناك مدرسة بالمعهدامهاتوحةعبدالله مقيمةبالمعهدلان لهاابنة فاشلةفى لجنة2وعماريتازهر

على444
10-06-2013, 11:33 PM
االاخ اللى فى معهد نبروه اللى بيقول اللجنه هادئه والامور على مايرا م احب اقوله هى على مايرام عشان انت سايب اللجنه والغش للركب واللى عايز حاجه بيعملها مش عشان حاجه تانيه دى لجنه متباعه من اولها الى اخراها العيال يا استاذى مبيعرفوش يكتبوا

العمدة011
11-06-2013, 01:24 PM
والله اليوم شدينا مع رئيس اللجنه لان هناك أحد الاشخاص لانعرفه وكنا نعتقد انه موجه مر ومعه الساقع والاكل وقال هذا ضيافة مني لكم وليست لي مصلحه في هذه اللجنه وبعد ذلك نعلم انه ليس تابع للازهر ومعه بنتان في اللجنه ولكن جمعنا الساقع ووضعناه امام رئيس اللجنه وحذرناه من ان يحدث هذا مره اخرى

ازهري بكل فخر
12-06-2013, 02:34 PM
اليوم الاربعاء في لجنة معهد فتيات ميت الخولي دقهلية دخل احد الموجهين للجنة وفتح ورقة اجابة لطالبة لتنقل منها الاجابة في مادة الجبر والهندسة للعلمي
وان شاء الله سانشر اسمه واسم الطالبة ان تكرر ذلك
اللهم انتقم من ذلك الموجه الغشاش وانتقم من الملاحظ الذي تركه يفعل ذلك وارنا فيهم يارب عجائب قدرتك

ازهري بكل فخر
12-06-2013, 02:40 PM
معهد بنين الضهريه
الغش على ودنه

في الضهريه مدرس اسمه السيد هشام مش عارف شرعي ام عربي ولكنه يموت لو لم يغشش ويقبض

ازهري بكل فخر
12-06-2013, 02:45 PM
لا يصح تعميم هذا الحكم على الجميع
لكل قاعدة شواذ
وبالفعل بعض اللجان منضبطة
انت راجل محترم ولكن هل يحتاج القمر الى بيان ؟
معهد فتيات ميت الخولي الموجهين الزائرين يقومون بتغشيش الطالبات لدرجة ان احدهم اليوم فتح ورقة اجابة طالبة لطالبة اخرى لتنقل الاجابة هل هذا شذوذ ام قاعده ؟ وهل يعمل هذا العمل ابتغاء مرضاة الله ؟ ام مرضاة للشيطان ولمن اوصاه بتلك الطالبة ؟ ولعلمك هذا يتكرر يوميا من موجهي تفتيش منية النصر ربنا ينتقم منهم شر انتقام

محمد فاروق محمد علي
12-06-2013, 03:08 PM
السلام عليكم ورحمة الله وبركاته
احترامي لكل المشاركين في هذا الموضوع الرائع الجميل الموفق وشكر وتقديري للزميل صاحب الموضوع
انا مدرس ابتدائي
والعيب يا جماعة مش في الموجهين ولا رئساء اللجان ولا اولياء الامور و لا الطلبة
للاسف العيب فينا نحن المدرسين سواء كنا ملاحظين او غير ملاحظين لاننا نري المنكر اقصد الغش بكل صوره ولا نتكلم ولا نحرك ساكن ونخشي موجه ونخشي رئيس لجنة ونخشي سفالة طالب ونخشي زميل ولا نخشي الله

الاستاذ عوض على
12-06-2013, 08:14 PM
لا حول ولا قوة الا بالله العلى العظيم

العمدة011
13-06-2013, 07:14 PM
السلام عليكم ورحمة الله وبركاته
احترامي لكل المشاركين في هذا الموضوع الرائع الجميل الموفق وشكر وتقديري للزميل صاحب الموضوع
انا مدرس ابتدائي
والعيب يا جماعة مش في الموجهين ولا رئساء اللجان ولا اولياء الامور و لا الطلبة
للاسف العيب فينا نحن المدرسين سواء كنا ملاحظين او غير ملاحظين لاننا نري المنكر اقصد الغش بكل صوره ولا نتكلم ولا نحرك ساكن ونخشي موجه ونخشي رئيس لجنة ونخشي سفالة طالب ونخشي زميل ولا نخشي الله

أحسنت أخي . وبارك الله فيك وأكثر من أمثالك

رغم الظلام الاسود في الازهر الا أن أملنا أن يكون هذا الظلام هو ما يسبق ضوء الصباح .

سامح جلال موسى
14-06-2013, 02:51 PM
معهد بنين الضهرية/شربين/دقهلية
غش جماعي مقنن ورئيس اللجنة كرشه واسع وبيركب سيارة أحد أولياء الأمور كل يوم ذهاباً وإياباً مع وجبة دسمة كاملة وقمنا مراراً وتكراراً بالتبليغ عن هذا ولكن الظاهر كدة منطقة المنصورة وبتوع الخط الساخن لمنع الغش في الامتحانات عايزنها تبقى هيسة وعايزين الغش يبقى على الملاء ولن نجد من مجيب لتحجيم هذا الغش الفاضح في معاهد الضهرية

على444
14-06-2013, 05:39 PM
مستوى ايه اللى بتتكلم عليه يعنى غش من الطلبه وكمان من المدرسين ( الغش سيد الموقف ) وبالاخص لجان نبروه وخصوصا ( العلمى ) ياريت نحاول نكون صادقين حتى ولو كانت الحقيقة مؤلمه
( اسف ان كنت جرحت حد بكلامى بس الحقيقه اجمل بكتير )

الفيلسوف
14-06-2013, 09:29 PM
يا جماعة أقسم بالله العظيم أنا شوفت بنفسى طلاب لا يعرفون مبادئ الكتابة
طالب فى ثالثة ثانوى مش عارف يكتب يا ناس
كل دا بسبب الغش لو كان فى امتحانات ولجان محترمة كان عمر الطالب دا ما هيوصل لثالثة ثانوى ابداً

ابراهيم صقر
14-06-2013, 11:38 PM
لجنة رقم 1069 بمعهد بنين بحطيط (احمد المراسى) مركز ابوحماد -محافظة الشرقية

كلها بها غش جماعى لا استثنى منها أحداً (سوى مدرس كيمياء وفيزياء ) ومهدد بال*** من قبل الطلاب وأولياء الامور ويقولون له ستكون مجزرة وهتشوف !

ويوميا زملائه يوبخونه ويقولون له :-

يا عم مشى نفسك انت حتاخد ايه لما واحد يضربك ضربة كده أو كده

فى الاخر حيجيبوا العيب عليك ويقولوا انت اللى استفزيت الطالب وخليته يعمل فيك كده

أحمدمحمدالحفناوى
15-06-2013, 02:23 PM
لا حول ولا قوة الا بالله العلى العظيم فى نهاية الأمر تيقنت أن طالب الأزهر قبل ما تبدأ الامتحانات بينوى على الغش

MR.Mamdouh Ramadan
15-06-2013, 03:43 PM
فليفعلوا ما يريدونه اقتربت الساعة

الجعدور
22-06-2013, 08:20 PM
فى لجنة بنين منية النصر الغش بالقوة من الداخل ومن الخارج واى فرد يعترض يكون مصيرة الضرب المبرح كماحدث اليوم لعامل البوابة فى اللجنة وحسبى الله ونعم الوكيل