مشاهدة النسخة كاملة : الحلوانى لـ"المعلمين": سامحكم الله على المسئولية التى وليتمونا إياها


MR.Mamdouh Ramadan
01-06-2013, 03:21 PM
قال الدكتور أحمد الحلوانى، نقيب المعلمين، خلال الجمعية العمومية للمعلمين، إن الجهاز المركزى للمحاسبات أرسل تقريرًا إلى وزير التربية والتعليم السابق الدكتور جمال العربى، وفور تسلم النقابة التقرير تمت إحالته إلى النائب العام يوم 9/6 الماضى، مضيفا أنه حينما لم تجد النقابة أى إجراءات تقدمت ببلاغ آخر إلى النائب العام لأن التقرير به عدد من المخالفات فى بعض المحافظات، مؤكدا أن النقابة لن تتنازل عن حق أى معلم.

وعن زيادة اشتراكات النقابة أوضح "الحلوانى" أن زيادة المبلغ من ثلاثة جنيهات إلى أربعة جنيهات ونصف كان قرار الجمعية العمومية السابقة، وعند دراسة المجلس الحالى للنقابة للقرار تم تأجل التنفيذ لحين زيادة رواتب المعلم.

وأكد "الحلوانى" أن تلك المرة هى آخر المرات التى يتم فيها رفع الاشتراك طبقاً للقانون، مشيرًا إلى أن النقابة لا يوجد بها دخل فى مقابل زيادة معاشات 72 ألف معلم بالمعاشات بمبلغ يقدر 327 مليون جنيه، لافتاً إلى أن مصروفات النقابة تقدر بـ365 مليونًا، وأن هناك فجوة بالإيرادات تقدر بـ2 مليون جنيه.

وناقش "الحلوانى" قرار القانون الصادر بخصوص إلغاء بند 2% من المدارس الخاصة، مؤكداً أن حكم المحكمة الدستورية هو الذى قرر إلغاء البند، لافتاً إلى أن النقابة كانت تتكلف رد مبلغ 5 ملايين جنيه للمدارس، مشيرا إلى أن ودائع المجلس السابق وصلت إلى نصف مليار جنيه، وفى عام 2006 تم فك نصف مليار لودائع لصرف مرتبات ستة أشهر، بالإضافة إلى أن نادى الشاطئ تكلف 100 مليون جنيه، والمستشفى أكثر من 60 مليون جنيه، وأن مستشفى المعلمين تم تأجيره من طرف المجلس السابق لمدة سبع سنوات "2012 :2018"، بالإضافة إلى أن مقر النقابة تم تأجيره من 2003: حتى 2028 بمبلغ 55 مليون جنيه.

ووجه "الحلوانى" كلمة إلى المعلمين قال فيها "سامحكم الله على المسئولية التى وليتمونا إياها"، مؤكدا أن مجلس النقابة الحالى يعمل لإرضاء الله ولخدمة التراب الذى يسير عليه المعلم، واختتم كلمته بأنه رغم ضعف الإمكانيات المتاحة إلا أن لديهم دراسات جدوى جديدة لسد الفجوة فى الإيرادات من خلال إنشاء مجموعة أبراج لإدخال عائد إلى النقابة.

صفاء عزمى
01-06-2013, 05:05 PM
بدليل تجنبة الكلام عن احتساب الكادر علي الاساسي القديم

MR.Mamdouh Ramadan
01-06-2013, 06:49 PM
واحنا ايه اللى مسكتنا على حقوقنا

malakdarsh
01-06-2013, 08:13 PM
علي فكرة يا اساتذة ياريت محدش يشكك ف اسلامنا عشان احنا مش اخوانجية
وبعدين علية العوض انتو وصلتو لل هما عاوزينة بالظبط
اه .................. الطائفية
مع احترامنا للاخوان احنا مشفناش حاجة كويسة منكو بقالنا سنة عشان نساندكو بل بالعكس انا شخصيا شفت منكو حاجات كتير وحشة ومحسوبيات وكوسة زي نظام مبارك المخلوع بالظبط
يعني تقدر تقول تغيير في الرجال مع دوام الحال

midohamza2
01-06-2013, 09:07 PM
أما أنت فلا سامحك الله على ما فعلته من اهدار لكرامة المعلم و اهدار لحقوق المعلم المادية والأدبية والله هو المنتقم يا أفشل الناس وحسبى الله فيمن اختارك لتكون نقيب ذل للمعلمين

medokh
01-06-2013, 09:43 PM
العمل صعب عليك سيبه محدش متمسك بيك الا .......................... مصلحتك

عبدالمنعم الصاوى
01-06-2013, 10:31 PM
اللى مش قادر يعمل أى شئ يحفظ كرامة المعلم يستقيل ويريحنا
وأنت يا عم الحلوانى أيه اللى انت عملته للمعلمين وإذا كانت المسئولية تعباك سيب الكرسى واقعد فى بيتك

العربى446
01-06-2013, 10:49 PM
أما أنت فلا سامحك الله على ما فعلته من اهدار لكرامة المعلم و اهدار لحقوق المعلم المادية والأدبية والله هو المنتقم يا أفشل الناس وحسبى الله فيمن اختارك لتكون نقيب ذل للمعلمين

فعلا معك الف حق حكومة لايهمها تطوير التعليم ولا الاهتمام بالصحة ونقابة فاشلة وكانوا بيحاربوا للوصول الى كل النقابات وكرسى السلطة ويقول سماحكم الله الله لا يسمح يابعيد

حمادة صابر
01-06-2013, 11:25 PM
اذا كنت تعبان سيبها وارتاح يا أخي

أ/محمد على عاشور
01-06-2013, 11:28 PM
النقابة قدمت المعلمين على طبق من فضه للوزارة والحكومة
لا تصدقوا الحلوانى فكلامه مشبك

shalbi_123
02-06-2013, 12:41 AM
النقابة قدمت المعلمين على طبق من فضه للوزارة والحكومة
لا تصدقوا الحلوانى فكلامه مشبك

صدقت أستاذ محمد

احمد يدوي
02-06-2013, 01:01 AM
بدليل تجنبة الكلام عن احتساب الكادر علي الاساسي القديم

ايه اخيبه دي
كل همك الكادر عى الاساس القديم ولا الجديد , وهو كااااااام الكادر اصلاً , يا استاذ هو دا كل طموحك ان الكادر على الاساسي القديم ولا الجديد؟؟؟؟ يعني لو تكرموا تعاطفوا وخلو الكادر على الاساسي الجديد هتكون كل مشاكل المعلم المادية اتحلت ؟؟؟
ارحموناااااااااااااااا
امثالك رخصوناااااااااااااا

malakdarsh
02-06-2013, 11:19 AM
خلصت الاخوان خربوا البلد
https://fbcdn-sphotos-f-a.akamaihd.net/hphotos-ak-frc3/228803_520474534682646_712523432_n.jpg

MR.Mamdouh Ramadan
02-06-2013, 01:54 PM
ربنا ياخد اللى عايز يخرب البلد اخذ عزيز مقتدر ويريحنا منهم ويخلدهم فى النار على ما فعلوه من كذب وتضليل وحرق

افعلوا وقولوا ما شئتم لكن لا تنسوا قول رب العزه عزوجل

انا الى ربك الرجعى
تذكروا يوم الموقف العظيم وكلنا عاره كما ولتنا امهتنا وقتها يتذكر الانسان ما قدمت يده وماقال لسانه من كذب وخداع ومن شده هول الموقف يتمنى الناس ان ينصرفوا ولو الى النار وقتها يبكى من *** ومن حرق اخيه المسلم علشان فلوس الفلول اللى سرقوها من الشعب وبيصرفوا ارباحها على *** الناس فى الاشهر الحرم ولكن لن ينفع البكاء ولا المال ولا البنول ولا المحرض
حسبى الله ونعم الوكيل

Mr...Ahmed
02-06-2013, 09:55 PM
لو كنت مش قادر عليها سيبها وبلاش تعمل زى رئيسك مهوش عارف وبردو متبت فيها

خلى فيه دم بققققققققققققققى دانتو نفختونا

السيدالقناياتي
02-06-2013, 10:59 PM
كتر الف خيرك يا حلواني وانت قد المسؤلية الاخوانية عمالين الله ينور انت والوزير اللي حاصل علي دبلوم صنايع هدم في الوزارة انت عملت اية من اجل المعلم ولا كرامة المعلم ولا ولا الله يسامحك انت علي اللي بيحصل للمعلم بسببكم

محمودقنديل
03-06-2013, 02:37 AM
الفنكوش اكبر مقلب حراميه في التاريخ

هاملت1
03-06-2013, 07:29 AM
انت اللي قدمت طلب الترشيح بخط يديك

وبعدين انت مكنتش على قدر المسئولية في مرة واحدة لانك صاحب مدارس خاصة ومصلحة المعلم ليست في صالحك

والله هو الحسيب الجليل