الزواج شئ اعتدنا عليه منذ العهود القديمة وكان الزواج يتم بلا شروط تذكر
أما في عصرنا الحالي أصبح شروط x شروط
ومن هذه الشروط السن المناسب
نريد أن نناقش هذا الموضوع:

لماذا لانتزوج في هذا السن؟؟

لماذا يجب الانتظار حتى سن متأخر ؟؟؟

هل تستطيع حمل المسؤلية؟؟؟

مش هقول رأيي في الموضوع قبل ما اشوف رأيكم

اولاما هو السن الى انت بتتكلم علية

و الله يا سيدى الفاضل الموضوع بتاعك جميل بس انا رأيى ان العملية مش محكومة بسن خالص مالص فالص

العملية غاية ما هنالك تعتمد على 3 محاور متوازية و متكاملة

المحور الاول : الشخصية : راجل متدين و على خلق و متحمل المسؤولية و متفتح و مثقف و مربى على الاصول و العادات الحميدة

المحور الثانى : المال : معك ما يكفى لبيت زوجية و فرشه و مصاريف الزواج و عندك دخل شهرى ثابت يكفيك انت و زوجتك

المحور الثالث : النسبة و التناسب : و هى القدرة على الاختيار المناسب لشريك او شريكة حياتك على أسس عاطفية و عقلانية معا

بس لو فى سنى يعنى 16 سنة مثلا
ممكن اوى يتحمل المسؤلية الان العقل اتشكل بالفعل والشخصية اتكونت بس المشكلة من الى عاوز يتجوز

السلام عليكم
انا من راى انه مفيش سن مناسب او مش مناسب
هو لو الشاب معاه مصاريف الجواز وهيقدر يعيش هو وزوجته ولو على الحصير وعنده شخصيه وهيقدر يشيل مسؤليه بيت كامل يبقى خلاص يتجوز
وطبعا مهم انهم يكونوا متقاربين فى الافكار مش هو يقول شمال وهى تقول يمين تبقى دى مش عيشه.ده رأيى.......
وشكرا على موضوعك........
(وعلى فكره انا مردتش على رسالتك لانى مش هينفع ارد الا اذا كان عدد مشاركاتى 50 وانا لسه حوالى 29بس)

اولاما هو السن الى انت بتتكلم علية

سن البلوغ
........

و الله يا سيدى الفاضل الموضوع بتاعك جميل بس انا رأيى ان العملية مش محكومة بسن خالص مالص فالص

العملية غاية ما هنالك تعتمد على 3 محاور متوازية و متكاملة

المحور الاول : الشخصية : راجل متدين و على خلق و متحمل المسؤولية و متفتح و مثقف و مربى على الاصول و العادات الحميدة

المحور الثانى : المال : معك ما يكفى لبيت زوجية و فرشه و مصاريف الزواج و عندك دخل شهرى ثابت يكفيك انت و زوجتك

المحور الثالث : النسبة و التناسب : و هى القدرة على الاختيار المناسب لشريك او شريكة حياتك على أسس عاطفية و عقلانية معا

إذا أنت من الذين لايشترطون السن
أشكرك على الإضافة

يا باشا القضية واضحة

و باختصار

فيك سمات شخصية كويسة متحمل مسؤولية و متفهم و متدين و ...............
و معاك فلوس تتجوز و تصرف عليها و تعيشها مرتاحة
و تقدر تختار العروسة اللى تناسبك و تناسب مستواك العقلى و المادى و العلمى و الاخلاقى و الفكرى

يبقى ممكن اقولك الف الف مبروك

بس لو فى سنى يعنى 16 سنة مثلا
ممكن اوى يتحمل المسؤلية الان العقل اتشكل بالفعل والشخصية اتكونت بس المشكلة من الى عاوز يتجوز

وأنت لاتشترطين السن
أشكرك على إضافتك

بس انا راى ان ده مش هو السن المناسب للزواج خالص

على فكرةالجوزات الى كانت زمان بتاعة جدى وجدى ايام مكانوا بيتجوزا وهمة عندهم14 سنةهة دة الجوازات الى بتعيش وكانت من غير شروط والحاجات بتاعة الايام دة

السلام عليكم
انا من راى انه مفيش سن مناسب او مش مناسب
هو لو الشاب معاه مصاريف الجواز وهيقدر يعيش هو وزوجته ولو على الحصير وعنده شخصيه وهيقدر يشيل مسؤليه بيت كامل يبقى خلاص يتجوز
وطبعا مهم انهم يكونوا متقاربين فى الافكار مش هو يقول شمال وهى تقول يمين تبقى دى مش عيشه.ده رأيى.......
وشكرا على موضوعك........
(وعلى فكره انا مردتش على رسالتك لانى مش هينفع ارد الا اذا كان عدد مشاركاتى 50 وانا لسه حوالى 29بس)
وعليكم السلام....
أنت من مؤيدي عدم اشتراط السن
أشكرك على إضافتك
وبالنسبة للرسالة لامشكلة.....

بس فيه حاجة برضه يا جماعة
أنا مش بشترط السن بس خلينا في الواقع
مين الشاب اللى عنده 16 سنة ومعاه مصاريف الزواج
ده على 30سنة يبدأ يكون نفسه
والراجل بيبدأ حياته بعد التسعين
هههههههههههههههه

يا باشا القضية واضحة

و باختصار

فيك سمات شخصية كويسة متحمل مسؤولية و متفهم و متدين و ...............
و معاك فلوس تتجوز و تصرف عليها و تعيشها مرتاحة
و تقدر تختار العروسة اللى تناسبك و تناسب مستواك العقلى و المادى و العلمى و الاخلاقى و الفكرى

يبقى ممكن اقولك الف الف مبروك
الله يبارك فيك
انته معزوم طبعا على الفرح
هههههههه
أنت مؤيد لعدم اشتراط السن
أشكرك لإضافتك

من ناحية السن
فأنا اختى في أولى كليه
جالها شاب متدين عنده عشرين سنة
بابا لقاه متدين والله ساعتها مفتكرش إلا قول الرسول صلي الله عليه وسلم
(إذا جاءكم من ترضون دينه وخلقه فزوجوه..............)
وافق عليه طبعا وكتبه الكتاب كمان عقبالكوااااااااا

وبعدين دلوقتى وسائل الإعلام عمالة تعمل ضد الزواج المبكر
بتتقلب علي دماغهم والله
لأن كتير من بنات الثانوى مخطوبين ومكتوب كتابهم وده بأه منتشر
أنا بشجع الزواج المبكر في عصر الفتن اللى احنا فيه ده

بص انا هقول حاجه لو الشاب يقدر يجوز فى السن ده يعنى معاه الى يقدر يفتح بيه بيت (طبعا 97%من شباب مصر مش معاه)يبقى ليه لا على الاقل يحمى نفسه من الى احنا فيه وعصر الفتن ده

الزواج غير مشترط بسن معين
الاهم هو الشخصيه والقدره على تحمل المسئوليه
وتكوين اسره
قد يبلغ شخص سن الثلاثين مثلا لكن شخصيته وسماته لا تؤهله للزواج
على النقيض شخص فى العشرين لكنه متحمل للمسئوليه
فما المانع من انه يتزوج
المساله ليست بالسن وانما بالعقل والنضج الفكرى
مشكور على الموضوع

بس انا راى ان ده مش هو السن المناسب للزواج خالص


أول معارضة !!!
بس ممكن تذكري السبب؟؟؟؟

على فكرةالجوزات الى كانت زمان بتاعة جدى وجدى ايام مكانوا بيتجوزا وهمة عندهم14 سنةهة دة الجوازات الى بتعيش وكانت من غير شروط والحاجات بتاعة الايام دة
عندك حق والله
كانت جدتي بتحكيلي لما اجوزت جدي
بتقول لما خطبها كانت عندها تسع سنين وكانت بتلعب مع العيال
ولما اجوزها جات بالجمل لغاية البيت
أيام....

بس فيه حاجة برضه يا جماعة
أنا مش بشترط السن بس خلينا في الواقع
مين الشاب اللى عنده 16 سنة ومعاه مصاريف الزواج
ده على 30سنة يبدأ يكون نفسه
والراجل بيبدأ حياته بعد التسعين
هههههههههههههههه
احنا بنتكلم على المستطيع
هل السن يفرق ولا لأ؟من ناحية السن
فأنا اختى في أولى كليه
جالها شاب متدين عنده عشرين سنة
بابا لقاه متدين والله ساعتها مفتكرش إلا قول الرسول صلي الله عليه وسلم
(إذا جاءكم من ترضون دينه وخلقه فزوجوه..............)
وافق عليه طبعا وكتبه الكتاب كمان عقبالكوااااااااا
ربنا يوفقهم

وبعدين دلوقتى وسائل الإعلام عمالة تعمل ضد الزواج المبكر
بتتقلب علي دماغهم والله
لأن كتير من بنات الثانوى مخطوبين ومكتوب كتابهم وده بأه منتشر
أنا بشجع الزواج المبكر في عصر الفتن اللى احنا فيه ده
فعلا
إذا أنت مع أن السن ليس شرطا
أشكرك لإضافاتك

بص انا هقول حاجه لو الشاب يقدر يجوز فى السن ده يعنى معاه الى يقدر يفتح بيه بيت (طبعا 97%من شباب مصر مش معاه)يبقى ليه لا على الاقل يحمى نفسه من الى احنا فيه وعصر الفتن ده

معاك لكن هل هيكون مسؤل عن تصرفه في المستقبل؟

الزواج غير مشترط بسن معين
الاهم هو الشخصيه والقدره على تحمل المسئوليه
وتكوين اسره
قد يبلغ شخص سن الثلاثين مثلا لكن شخصيته وسماته لا تؤهله للزواج
على النقيض شخص فى العشرين لكنه متحمل للمسئوليه
فما المانع من انه يتزوج
المساله ليست بالسن وانما بالعقل والنضج الفكرى
مشكور على الموضوع
فعلا باتأكيد
أشكرك لإضافتك......

بسم الله الرحمن الرحيم
أنا من رأيى الموضوع كله مشكلة مصاريف مش سن مناسب بمعنى : الواحد فينا (الأولاد ) بيفضل أبوه يصرف عليه حتى سن 21 سنة ( التخرج من الكلية ) على الأقل لكن أنا مثلا لو استقليت عن والدى واشتغلت من سن 16 سنة وبدأت أصرف على نفسى ويبقى لي مصدر رزق أكيد هكون قادر على الزواج ايه المانع ؟؟؟؟
ملحوظة : أكيد طبعا حكاية الاستقلال والعمل من سن 16 سنة ستؤثر على تعليمى

هو الزواج غير مشترط بالسن

لكن انا عايزك تجبلى حد عنده 16 سنه وبيصرف على نفسه ويقدر يفتح بيت ويكون مسئول عنه لو فى يبئه ممكن يتجوز

واهم حاجه يكون عنده شخصيه ويستطيع الاعتماج على نفسه ويجب ان يكون مسئول عن كل تصرف هو يعمله

شكرا على الموضوع الجميل

16 وعايز تتجوز
يعنى لسه بتاخد مصروفك من والدك وعايز تتجوز
اعتقد ان السنة المناسب للزواج بيكون بعد العشرين
ولزم تكون متخرج وعندك شغل
وياسلام لو هى كمان بتشتغل
الحياة صعبة ولزم الاتنين يكافحه مع بعض
مش 16 سنة وتقول عايز اتجوز

على فكرة انا عندي اخ عنده 26 سنة
والتاني 23
ولسة مش اتجوزوا ......
16 سنة يتجوز ازاي ؟؟
هتقدر تفتح بيت وتربي اطفال وتصرف عليهم صح ؟؟!!!!!


هو الجواز مش مرتبط بالسن في حالة لو كان السن على الاقل بعد العشرين ..


وشكراااااااااااا ليك على موضوعك

اولا الموضوع مش موضوع مصريف وخلاص
الموضوع لية علاقة بدرجة النضج العقلى والقدرة على تحمل المسئولية
وادراك كيفية مواجهة المشاكل المتجددة ودى سنة الحياة
ومعتقدش ان شاب عندة 16 سنة قادر انة يتحكم فى اعصابة ويواجة مشاكلة بشيى من الجدية والحزم
فمابلك بئة لو مسئول منة بيت وزوجة وكمان ليهم مشاكلهم
دة لو فرضنا جدلا انة هيكون معاة القدرة المادية لفتح بيت فى الزمن دة
اعتقد ان السن المناس بين 24 و27 عشان يبقى الشخص قدر يحدد مستقبلة بشكل واضح وعرف امكانياتة اية
فبل كدة معتقدش

أنا مؤمن بإن كل إنسان مهما كان

طالب، سياسي ، وزير أوحتى رئيس دولة

لازم يكون ليه طموح استثماري

مش لازم يكون متفرغ ليه أبدا

ممكن ساعة فقط في اليوم

المهم هو يعرف كيف يبدأ

الانسان لما يتحمل المسؤلية من صغره يكون أقوى في الكبر

بالعكس تماما الشاب يستطيع أنه يتحمل المشاكل التي تعرض له

لأنه يفهم هو عايش في أي عصر

لكن الأكبر في السن عقله لايستطيع استيعاب متطلبات العصر

تجده في حياته كلاسيكي على النظام القديم

مشكلتنا هي تقليد الغرب في كل شئ

هما عندهم نظامهم الخاص لو احنا بنطبقة كاملا يبقى لامشكلة

لكن احنا لينا عاداتنا وتقاليدنا ودينا

هما مثلا
الانسان في هذه المرحلة يمارس الرذيلة بمنتهى الحرية

وعندما يصل للسن الذي تسمونه سن الرشد يتزوج

لكن بما أن مجتمعنا لا يمكن أن يكون مثل ذلك

فلماذا نصر على هذا الشرط؟؟؟

الدراسة ليست مانعا
وبالإرادة تتحقق الآمال

تمام الكلام ده السن مش مقياس :: عقلك هو مقياسك :: بمعني انك بتفكيرك بتجبر القدامك انه يحترمك و تفكيرك ده برده البيخليك تبقي متدين و محترم ::: المشكلة في الحوار كله الفلووووس :::: حكاية تحمل المسؤولية :: بتختلف من شخص لشخص حسب طريقة التربية :: يعني ممكن يبقي واد فافي و مش بتاع تحمل مسؤولية و ممكن يبقي العكس ::
المشكلة هي هتنفق ازاي علي الاسرة ::: الحكاية ديه تنفع في الدول الاوربية و امريكا اوي علشان الشاب لما بيشتغل ممكن يعمل عائد "" بس بره مبدأ الجواز مش مهم عندهم ::: بيجي في الاخر بعد العمل :: و كله ::: علشان بيبقي عنده اساس girl friend او هي عندها boy friend و عندهم مفيش تقاليد زي العندنا :: ء : : علشان كيده الجواز بيجي في الاخر ::::::

شكرا للموضوع و تقبل رأي

الزواج غير مشترط بسن معين
الاهم هو الشخصيه والقدره على تحمل المسئوليه
وتكوين اسره
قد يبلغ شخص سن الثلاثين مثلا لكن شخصيته وسماته لا تؤهله للزواج
على النقيض شخص فى العشرين لكنه متحمل للمسئوليه
فما المانع من انه يتزوج
المساله ليست بالسن وانما بالعقل والنضج الفكرى
مشكور على الموضوع

الكلام ده هو المظبوط والله انا عرف ناس عنديهم 30 سنه بس المشكله مش بتوع مسؤليه بس انا بقول السبب فى انهم لا يستطعون تحمل المسئوليه التنشئه الاسريه الخاطئه

انا شايفة طبعاً ان السن حاجة مهمة جداًاًاًاًاًاًاً
يعنى نجيب عيل وعيله عندهم 16 سنة و انقول انهم حيتجوازوا طبعاً مينفعش
حبيبقوا لسة فى مرحلة المراهقة و مهما كان لسة عقلهم موصل لمرحلة النضج و غير كل دة لسه قاصر
يعنى انا مستعجبة كل اللى ردوا شايفين ان السن ما لهوش اى اهمية
يمكن تكونوا مستعجلين بس احنا لسة صغيرين

امفروض الواحد يهتم بالتعليم اولا لان التعليم هو اللى هيخرجنا من الجهل اللى احنا فيه وبعدين الزواج . والزواج غير مشترط بسن معين ولكن على حسب القدرة على كل حاجة من تحمل المسؤليه الى مصاريف البيت حاجات كتير من هذا القابيل يعنى .......... shreee

[يا اخ العمليه مش عمليه سن انت _من غير زعل_ مين هترضي بيك في السن ده وانت عندك شقه وعفش وعربيه ورصيد في البنك يكفي انه يعيشك مرتاح ولو انت عايز تتجوز في السنه ده اتجوز محدش هيمنعك ومتنساش تعزمنا علي الفرح وعلي فكره الموضوع جميل بس جوانب كتير جدا غير السن

سلام عليكم

طبعا محدش هيتجوز الا لما يحس انه بقا راجل
يقدر يتحمل مسئولية بيت وعيال ومصاريف

وطبعا الواحد غلى ما يبقا كدا
يكون عدا الخمسين سنة

وحضرتك شايف الجواز سهل خالص
والفلوس كتير بس اللى يصرف
والناس مسهلة الامور على الاخر
ماله بابا يعنى انا اقغد معاه فى البيت ويصرف عليا
بلا جواز بلاهم انا اقعد فى بيتى واتلم احسن ما تيقا حياتى غم

مين هترضي بيك في السن ده وانت عندك شقه وعفش وعربيه ورصيد في البنك


هههههههههه
كتيييييييييير
هات بس الحاجات دى
ونا اوعدك انى اجوزك دلوقت لو حبيت

طيب لو تركنا موضوع الشاب لأنه في نظركم يحتاج لأشياء كتيرة
واتكلمنا عن الفتاه اللي في هذا السن
لو اتقدم لها واحد مثلا راشد 20 سنة مثلا وكل الشروط اللي قلناها موجودة
هل فيه شروط؟؟؟؟
ليه بقى ممنوع الزواج؟؟؟
أنا سمعت أنهم عملوا قانون يمنع من الزواج لمن أقل من 18 سنة؟؟؟

[يا اخ العمليه مش عمليه سن انت _من غير زعل_ مين هترضي بيك في السن ده وانت عندك شقه وعفش وعربيه ورصيد في البنك يكفي انه يعيشك مرتاح ولو انت عايز تتجوز في السنه ده اتجوز محدش هيمنعك ومتنساش تعزمنا علي الفرح وعلي فكره الموضوع جميل بس جوانب كتير جدا غير السن

عندي بدل الشقة اتنين
لو عايز ممكن أأجرلك واحدة منهم
بس في أسيوط
ههههههههه

ليه بقى ممنوع الزواج؟؟؟

هو مش ممنوع اوى يعنى
اولا فى اللى هتقولك لما اخلص تعليمى (وتلاقبها كارهة الدراسة والمدرسين )
وفى اللى هتقولك (مبحبوش يا يايا انا بخب مبزو زميلى فى الجامعة وهستناه لما يخلص)

وفى يردو ناس هتقول يالله لقبنا عريس فين الشهود





أنا سمعت أنهم عملوا قانون يمنع من الزواج لمن أقل من 18 سنة؟؟؟


طبعا قانون فى الجون
اهو كلام مين اصلا اللى ها يتجوز قبل الغشرين
بادويك على ما تجهز نفسك للجواز تكون بتلعب فى الاربعين سنة

والله انا شايفة ان السن ده شرط اساسى

لان الزواج ده مسئولية

ولازم الولد او البنت بلغ من السن

اللى يكون شخصيتة فيها اتكونت

وعقله نضج

ويقدر ياخد قرار وكمان لازم تكون عنده خبرة بدروب الحياه

وده مش هيتحقق الا بعد فتره من العمر يعنى متزيدش عن 27 سنه

وشكرا على الموضع

الزواج غير مشترط بسن معين
الاهم هو الشخصيه والقدره على تحمل المسئوليه
وتكوين اسره
قد يبلغ شخص سن الثلاثين مثلا لكن شخصيته وسماته لا تؤهله للزواج
على النقيض شخص فى العشرين لكنه متحمل للمسئوليه
فما المانع من انه يتزوج
المساله ليست بالسن وانما بالعقل والنضج الفكرى
مشكور على الموضوع

انا معاكى فى كل كلمه

وكمان لو هيقدر يصرف على اهل بيته

ليه ميتزوجش

فعن سيدنا رسول الله صلى الله عليه وسلم قال

:" يامعشر الشباب من استطاع منكم الباءهفليتزوج ومن لم يستطع فعليه بالصوم فانه له وجاء" اى وقايه

صدق رسول الله صلى الله عليه وسلم

واكيد طبعا انتوا فهمتونى

هههههههههه جواز ايه يا عم متقلش كده عيب

طيب لو تركنا موضوع الشاب لأنه في نظركم يحتاج لأشياء كتيرة
واتكلمنا عن الفتاه اللي في هذا السن
لو اتقدم لها واحد مثلا راشد 20 سنة مثلا وكل الشروط اللي قلناها موجودة
هل فيه شروط؟؟؟؟
ليه بقى ممنوع الزواج؟؟؟
أنا سمعت أنهم عملوا قانون يمنع من الزواج لمن أقل من 18 سنة؟؟؟

البنت اللى عندها 16 سنة عيلة هى كمان وعندها تعليم و دراسة ولا هى حتبقى خدامة عندة مهيا معها ثانوية عامة وخلاص
ام بالنسب للقانون فأنا معة القانون تماماً عشان اللى بيحصل من جواز البنت للاثرياء العرب اللى بيشتريها بفلوسه واهلها مايصدقوا يخلصوا
بعدين لما يتجوزوا من بدرى كدة شوف كمية العيال اللى حيخلفوها و دة غير التربية للعيال
و طبعاً ال16 سن مراهقة و عدم استقرار فى المشاعر والجواز محتاج للاستقرار عشان هو مش لعب عيال

لو بتتكلم على السن للاتنين_الشاب والفتاة_
من رأيى السن شرط اساسى جدا بالنسبة للشاب لانه اما يكون فى العشرينات
تفرق كتير من انه يكون لسه 16 سنة يعنى بيكون عنده خبره اكتر فى الحياة ومتاعبها
لانه هيكون عرف ازاى يشتغل وازاى يتصرف وازاى يتحمل مسئولية
لكن 16 سنة ازاى يخرج من تحت ايد والده فى البيت وهوا ابن صغير ويتحول مرة واحده لأب مسئول عن اسره

انما البنت مش هتفرق بس برضو بشروط خارج السن يعنى هيا كمان تعرف ازاى تدير شئون البيت لوحدها من غير ما ترجع لماما وبابا
تعرف تربى اطفال ,تعرف يعنى ايه تكون ام ,تعرف تكفى حاجه بيتها وزوجها

بيتهيألى لو اى بنت فى السن دا فكرت فى الحاجات دى كويس ولقت انها مش اد كدا اكيد هترجع عن رأيها ولو لقت نفسها اد الكلام دا مفيش مشكلة لان دا بيرجع للام فى البيت هيا اللى ممكن تحمل البنت المسئولية من صغرها وتطلع واعيه وفاهمه وهيا برضو اللى ممكن تدلع البنت وتطلع مش عارفه اى حاجه وعاوزه تحب وتتجوز وخلاص ومش فاهمه يعنى ايه الجواز ودى المشكلة للاسف........


-------------------------

دى مجرد وجهة نظر

وشكرا على الموضوع