بِسـم اللهِ الرّحمنِ الرّحيـمِ
اللهم صلي علي من منه انشقت الأسرار وانفلقت الأنوار وفيه ارتقت الحقائق و تنزلت علوم آدم فأعجز الخلائق

هدى محمد السيد محمد
مدرسة لغة انجليزية/ثانوى
بمدارس المنصورة التجريبية للغات
إبداء رأى وليس أمر حبا لعملى

وتفضلوا بالتكرم وقراءة إبداء الرأى للعلم فقط

Read this comprehension passage, then judge the questions and their answers yourself (Picturing yourself given 3 hours like poor clever clear-minded students who are aware of their responsibility to do their best to get the full mark fairly)
اقرأ قطعة الفهم هذة ثم احكم بنفسك على الأسئلة وحلولها (متخيلا نفسك أثناء الثلاث ساعات المعطاه للطلبة المساكين الأذكياء الذين يتمتعون بالذهن الحاضر وقدر كافى من المسؤولية والرغبة فى الحصول على الدرجة النهائية)
Picture the scene: a young woman is walking to her car in a multi – storey car park late at night. Suddenly, a man jumps out at her from behind a column. She performs some fancy moves, kicks him and while he is on the floor, she jumps into her car and drives away unharmed.
تخيل المشهد : فتاة في مقتبل العمر تسير على الاقدام متجهه إلى سيارتها الموجودة فى موقف سيارات متعدد الطوابق في وقت متأخر من الليل. وفجاه ، رجل ينقض عليها من وراء العمود. وإذا بها تقوم ببعض الحركات الرائعة، فتركله وبينما هو طريح الأرض ، تقفز الى سيارتها وتقودها بسرعة بعيدا دون ان تصاب بأذى.
This scenario should teach you three important things: real life is nothing like in films; never walk alone at night whether you are a man or a woman, and most importantly use your brain and not your body to defend yourself against an attack.
هذا السيناريو يجب أن يعلمك ثلاثة اشياء هامة : الحياة الواقعية ليست كما في الافلام (تختلف الحياة الواقعية عن الموجود بالأفلام) ؛ لا تمشى ليلا بمفردك أبدا سواء كنت رجلا او امرأة ، والأهم أن تستخدم عقلك وليس جسدك للدفاع عن نفسك ضد اي هجوم.
Staying safe is all about not putting yourself in a dangerous situation. Avoid a potential attack before it happens by using your common sense. This means don't go out alone at night, stay in well lit areas, make sure someone always knows where you are, walk with confidence and carry a mobile phone with you. Basically, don't make yourself a target. Attackers look for people who are vulnerable.
البقاء آمنا هو عدم وضع نفسك في موقف خطير بشتى الطرق. فتجنب هجوم محتمل قبل وقوعه باستخدام حسك / تفكيرك السليم. بمعنى أنك لاتخرج وحدك ليلا ، وأن تبقى فى أماكن جيدة الإنارة ، تأكد دائما أن شخص ما يعرف أين أنت(مكان تواجدك) ، امشى بثقه واحمل معك هاتفا محمولا. أساسا لا تجعل نفسك هدفا. فالمهاجمين يبحثون دائما عن الأشخاص الغير محصنين.
If you do find yourself in a dangerous situation, where you are being threatened, try and defuse it. That is, try not to make the situation worse by trying to fight. The best defence is to remove yourself from the situation. Calmly walk away, run as fast as you can, or eventually you can use your force.
فإذا وجدت نفسك بالفعل في موقف تهدد فيه بالخطر، حاول أن تخفف هذا الخطر. بمعنى آخر حاول الا تجعل الوضع اسوأ بمحاولتك للهجوم. فأفضل دفاع هو أن تبعد نفسك عن هذا الموقف. ابتعد بهدوء والفرار بأسرع ما يمكن ، او يمكنك استخدام قوتك فى النهاية.


هذا هو السؤال رقم "6" فى ورقة الامتحان
الجزئية رقم "6"
الاجابة رقم "C) at the end of the attack " في نموذج الإجابة خطأ.
مع العلم بأن الاجابة رقم "b)as a second solution" هي الصحيحة
أستند فى هذا على الآتى :
أولا
· فكرة الكاتب من البداية هى أهمية استخدام العقل وليس القوة الجسدية عندما يحاول شخص ما الهجوم علينا.

most importantly use your brain and not your body to defend yourself against an attack.
والأهم أن تستخدم عقلك وليس جسدك للدفاع عن نفسك ضد اي هجوم.


أى أنه يركز على حلين فقط
(التفكير السليم السريع)
(استخدام الجسم فى حالة فشل العقل فى التصرف)

*ثم انتقل الكاتب فى الفقرة التالية بتوضيح كيف نستحدم الحل الأول وهو الأهم (التفكير السليم السريع)

*ولأن القطعة منظمة الأفكار قام الكاتب فى الفقرة الأخيرة بوضع موقف واقعى (أنت على وشك أن يهجم عليك)
E عليك باستخدام العقل (حل أول) بأن......
E أو القوة الجسدية (حل ثانى) وليس فى آخر الهجوم

أعتقد طالما هناك حلين إذن فيه أول وثانى
وليس أول وأخير

ثانيا
· إذا كانت الأجابة كما هى فى نموذج الاجابة أنه يمكنك أن تستخدم القوة الجسدية
(at the end of the attack)
لا تصح لانه بيقول فى نهاية الهجوموغير منطقى أن يهدف الكاتب الى ذلك لأنه معناه (استنى واتحمل الهجوم وأخذ علقه) وبعدين أرد وادافع عن نفسى فى نهاية الهجوم.

ثالثا
· انظر الى هذة الجملة
Calmly walk away, run as fast as you can, or eventually you can use your force.

ابتعد بهدوء والفرار بأسرع ما يمكن ، او يمكنك استخدام قوتك فى النهاية.
تلخص وتركز على الحلين الذى تناولهم الكاتب من البداية.
يعطينى هنا إختيارين فقط
وليس ثلاثة لكى أضطر أن أختيار
(وفى النهاية eventually / at the end of the attack)

الف شكر ياستاذ

بس مدرسى اللغه صححوا غلط واخذوا المكافاه بتاعة التصحيح

بصراحه هذا المنتدى به استاذ ه كان بيصححوا

وواحد منهم بيقول بصراحه من الاخر انا مقدرش اعمل حاجه

بدلا من ان يعتذر كما قالت الاخت ميرو

والله حرام ان لايستطيع المعلم اظهار الحق ------------ ومن اذن يستطيع الطالب الغلبان

لن يضيع حق مادام وراءه مطالب

انا موافقة ان the second solution هى اللى صح مش at the end of the attack

wallahy ma ana 3aref negbha meneen walla meneen el emt7nat el sa3ba walla el as2lah el 3'alat yalla menhom le Allah

اي شخص يقرء هذه القطعه بتركيز قادر علي القول- يأبسط تفكير- ان الاجابه(b- as a second solution) هي الصحيحه و بعدين كفايه الفيزياء:( و الاحصاء و ياريت يبقي في ذكري حلوه من الانجليزي

Pleaaaaaaaaaaaaase, take the both answers:D

كأستاذ في كلية العلوم - جامعة المنصوره- واعمل في مجال التدريس و التصحيح ، ارجو اعادة النظر في إيجابات نموذج الاجابه و قراءة القطعه بتركيز و ذلك لإعطاء كل ذي حق حقه فمن رايي ان الاجابه(as a second solution )هي الاصح . و ِشكرا

أشكر لك الاهتمام
وعلى الأقل اذا لم يصل ندائنا الى المسئولين يبقى عملنا شئ أخفى خجلى به كمدرسة للمادة أمام الطلبة القادمون
الأمر لله

طبعا الإجابة اللى أجمعتم عليها هى الصح لأن على رأى أمى" بعد العيد ما يتفتلش كعك" يبقى ازاى at the end of the attackيعنى طالما الهجوم حصل ووصل للنهاية يبقى ما عادش نصايح تنفع- المشكلة إن ده بيتكرر كل سنه، لأن الوزارة معندهاش نظام يخليها تختار ناس يحطوا امتحانات - ماشيين بالأقدمية زى الجيش مع إن مصر مليانه خبرات - البلد بقت عامله " زى اللى ماسك ديل قطه" يعنى مش عارفه تظبط قطعةcomprehension - طيب هما ارسلوا بعثات والمدرسين رجعوا ليخضعوا لنفس النظم وما فيش حاجه بتتغير , وصراحة يا هدى عندك حق طبعاً فى رأيك ، بس ماعندكيش حق تزعلى جامد على ستارة اتقطعت طالما البيت كله بينهار وأعتقد لما البيت كله يترمم ، يمكن بقى ساعتها نفكر فى الامتحانات والثانوية أم سنه واحدة وأم سنتين، لازم الأساس يبقى سليم وبعد كده الحجات كلها حتبقى مظبوطه

I agree 2 the answer which said(as a second solution) and i hope u recommended it

أشكر الأستاذ سمير
المؤمن يعيش بالأمل دائما

As a chemist & i have read this comper. I see that the right answer s the(as a 2nd solution) thanks

انا ( مدرس )في كلية العلوم _ جامعة المنصوره- بناءا علي اقتراح احد اقاربي قرات القطعه و اري ان الإجابه الصحيحه هي(as a second solution)و قررت ان قول رأيي الحق ز نعم انا اوافق علي ما اجمع عليه اعضاء هذا الموقع من اجابة ذكرتها انفا

اوافق علي هذه الجابه (as a second solution) و اري انها الصحيحه ز شكرا

و الله حرام عليهم كدة حتى نموذج الاجابة طلع غلط
انا خلاص فقدت الامل

ارجو النظر في اعادة تصحيح نموذج الإجابه اولا ثم تصحيح الامتحان بعد ذلك .الاجابه من رأيي انها (as a second solution)

حرام كفاية الامتحانات الصعبة كلفيزياء والاحصاء والرياضيات اللي ضيعت مننا درجات كتييييييييير بسبب ناس معندهمش رحمة وقرروا يدبحوا جيل باكمله كمان يكون في غلطة في نموذج اجابة الانجليزي المادي اللي كنا خارجين منها وضامنين تميزنا فيها؟؟؟؟؟؟؟؟حراااااااااااااااااااااااااااااااااااا ااااااام اي حد عند ذرة تفكير حيحلهاthe Second Solution ازاي مش مقتنعين؟او علي الاقل احسبوا الاجابتين صح.الاعتراف بالحق فضيلة.الموضوع مش عند وفتونة.ارحموووووووووووووووووووووووووووووووووونا وكفاية اللي رااااااااااااااح.:(

ارجو ان تلقي شكوانا صدي ولا تضيع هبااااااااااااااااااااااااااااااااءا.كفاية الصعوبة والتسريب واضاعة فرصنا في الالتحاق بكليات ال قمة في ظل سياسة الدولة لتقليل الاعداد نعمل ايه؟نروح فين؟اغيثووووووووووووووونا(ربي اني لا اسالك رد القضاء لكن اسالك اللطف فيه):(

انا واحد من اللى بيستبعدوا الخطأ قبل رؤية الصح
والمفاجأة فعلا ان لما شفتها استبعدت a / d وكانت المفاجأة لما بصيت ولقيت at the end of the attack
عجبتنى اوى قلت للطلبة حلوة كان عايز يغلطكوا بيها .... قمت قلت الاختيارى الرابع صح ولما بصيت فيه لقيته as a second solution ههههههههههههه ...... كنت هاقولهم الاربعة غلط بس قلتلهم استنوا لغاية لما اركز فيها لانى كنت قريت بسرعة ........ الناس انقسموا لنصفين ... وكل نصف يدافع عن اجابة .....
تعلوا نحلل..... اللى اختار ...... at the end of the attack اختارها علشان كلمة eventually
والتى تعنى انه كان فيه first , second and third .........
واللى اختار as as a second solution اختارها علشان مفيش غيرها وبدون مبرر اخر .....
وكلمة Or لا تؤيد as a second solution اطلاقا ... شفتم or وماشفتوش ال , (comma)
ايهما اصح
Calmly walk away , run as fast as you can, or eventually you can use your force
ولا
Calmly walk away or run as fast as you can, or eventually you can use your force
طب امتى as a second solution تبقى صح ؟ لو كان قال
Calmly walk away or run fast if you can, or eventually you can use your force
حتى ظهر رأيين كبيرين من ذوى الخبرة والاثنين بهما تعقل غير عادى
الرأى الاول : وهو رأى ا/سامى حنا واللى انا كنت هنضرب من اساتذة المنتدى بسببه
وهو ان محرر القطعة خانه التعبير فى كلمة attack وكان ممكن يقول مثلا at the end of situation
او كلمة مناسبة غير situation مش لازم يعنى ولكن اتفق الاستاذ مع نموذج الاجابة
الرأى الثانى : وهو رأى ا/طارق فؤاد اللى انا كنت ضده فى الاول ...
كالعادة انا ضد ا/طارق على طول بس فى الاول ..... وبعدين هوه اللى بيكسب .... يالا
الراجل قفل الموضوع وقال مابقاش ييجى منه فايدة ......... ههههههههههههه
وبعد كده نزّل كتاب اولى ثانوى الجديد على المنتدى ........ ههههههههههههه ....
فسألت نفسى انت بتتخانق ليه ..... مفيش واحدة صح
واللى بيقول على واحدة صح وجهة نظره ان ال 3 التانيين غلط
على فكرة ... طلابى الاعزاء ... انا راجعت لعلمى رياضة بعد امتحان التفاضل ولما شفت حالتهم كنت هانصحهم
انهم المفروض مش عارف ايه ومش عارف ايه .... بس جيل اليومين دول مش بتاع الكلام ده
تخيلوا الكلمة اللى خلتهم يفوقوا ويدخلوا امتحان الانجليزى حالفين على ال25
بالهنا والشفا .... و مجموعة اخرى قلتلهم انتوا ولاد حلال وتستاهلوا كل الخير ...... ههههههههههههههه
فهموا قصدى .... ونسوا الموضوع وبدأوا وكأن شيئ لم يكن ...... فرفعت لهم القبعة
وبعد بقية الامتحانات والظلم اللى شافوه ... طبعا نزلت القبعة ..... وهل يصح ان نبكى على اللبن المسكوب ؟
وهل يصح ان نجرى وراء السراب ؟
طلابى الاحباء .... لو فقدتم الثقة فى اشياء كثيرة .... فهل يمكن ان تفقدوا ايمانكم بالله عز وجل ؟
لو ايمانكم بالله قال اتحطموا ............. يالا حطموا انفسكم ؟
" اللهم لا نسألك رد القضاء ولكن نسألك اللطف فيه "
طوّلت عليكم ..... ولكن ده كان ملخص لما حدث فى المنتدى الايام القليلة الماضية
ا/بدوى الدجوى

أختي هدى ، أخي بدوي ( و معذرة بدون ألقاب)، زملائي الأعزاء..

قتلنا هذا الموضوع بحثا و مناقشة و مقتنع برضو زيكم ان (في نهاية الهجوم خطأ) لأنه طبعا مينفعش ان ابدأ دفاعي بعد ما انضرب ده ببساطة..

و انا في التصحيح كنت واخد سؤال غيره بس أول ما شفت النموذج زعقت في الموجهين بتوع الغرفة و قلتلهم حرام عليكم تمشوا النموذج الخطأ ده.. طبعا قعد أحد الموجهين يدافع عن النموذج و يقولي شايف كلمة eventually معناها at the end و نقوله ماشي بس مش مفروض يجيب بعديها كلمة attack كان ممكن يجيب اي كلمة تانية ما توحيش انه انضرب و خلاص في نهاية الهجوم أو الضرب بقى فيه نفس يدافع.

صدقوني مش هانعرف ناخد حقنا ببساطة لإننا في مصر .. كنا خدناه من الكهربا اللي حاطوا عليها فلوس الزبالة و لا من التليفونات اللي تضاعفت عشرين مرة و ما حدش اعترض و لا من انتخابات ربنا أعلم بحالها و لا من أسعار الأكل اللي بقت لا تطاق حتى الفول و العدس اصبح الفقراء لا يستطيعون شراءه. و لا اللي بيحاولوا يهربوا من الجحيم فغرقوا في البحر.. أرجوكم ما تفتحوش مواجع اكثر
بالله عليكم نص درجة تساوي ايه قصاد اللي بيموتوا من الجوع؟؟؟؟!!!
عارف ان نص درجة ممكن يغير من كلية لأخرى بس صدقوني السنة دي مش هتفرق لأن هتفاجئوا رغم المجاميع (التي متأكد أنها ستكون أقل بكثير من العام الماضي) ان التنسيق هيرفع معدلات القبول بالكليات لأقصى درجة و عارفين طبعا السبب و خطة الدكتور المحترم أحمد نظيف في الاهتمام بالجامعات الخاصة و تنظيف البلاد من الفقراء الذين لا يستحقون أن يعيشوا و يتعلموا في مصر الغنية التي تتقدم للأمام دائما (حسب الإحصاءات الرسمية)

الأخ اللي بيقول ( مدرسى اللغه صححوا غلط واخذوا المكافاه بتاعة التصحيح ) أولا من أدراك انهم صححوا خطأ و لم يراعوا ضمائرهم عند مس هدى في قطاع المنصورة (هي كانت بتصصح برضه على فكرة عشان تشيل شوية من الهجوم) مشيوا على النموذج.. لكن هذا لا يعني ان الجميع ساروا على النموذج الخطأ
و بعدين حضرتك بتقول قبضوا مكافأة التصحيح .. انت متخيل ان بعد من خلص شغل عشرة أيام متصلة و سفر و بهدلة هيراعوا ده و يدوك المكافأة و انت ماشي ... ليه هو انت مش في مصر؟ .. يا سيدي ما لك عند الحكومة تأخذه بعد شهور قول سنة و أحيانا أكثر و لما اقبض المكافأة أوعدك اني اقولك لو هتفضل معانا في المنتدى ... ربنا يديك و يدينا العمر

رد رائع يا مستر طارق
ماذا ننتظر في بلد الظلم فعلا؟

يكفينا أن نؤمن بـ

الخير فى وفى أمتى إلى يوم الدين

ربنا يكرمك يا مستر طارق وياريت جميع من يضعوا ردود او حتى مواضيع فى المنتدى يتبعوا نفس طريقتك الهادئة والمقنعة جدا فى الرد وبدون اى انفعال او تجريح فى اى شخص بارك الله فيك وجعلك قدوى ومثل يحتذى به للمدرس المسلم الذى يراعى الاخلاقيات ومنطق العقل فى احاديثه

بارك الله فيك يا أستاذ طارق . وطبعا أنا قلت لبعض الطلبة اللى عندى إن الإجابتين هيمشوها صح وذلك لرفع روحهم المعنوية حت لا تؤثر النصف درجة فى الإمتحانات المقبلة . ولكن الكارثة والفاجعة إنى فوجئت بحوالى أربعة من الطلبة اللى عندى لم يكملوا الإمتحانات .يعنى ما فرقتش كتير النصف درجة ده كفاية التفاضل والفيزياء حتى الإحصاء اللى الطلبة بتخوش تقفلها والله طالعين بيقولولى يا مستر يارب نجيب 2 من 25 بشرط ان هذا الطالب حصل فى العام السابق على 95%.بارك الله فى رئيس الوزراء ووزير التعليم . بالمناسبة أنا مش عارف إيه موضه‘ إن كل وزير تربية وتعليم يبقى دكتور أنا مش فاهم طيب ما يخلوا وزير الداخلية مدرس ووزير الصحة مهندس مه خلطبيته . يالا أهى العجلة ماشية وإحنا بنقول أمين وحسبى الله ونعم الوكيل

انا فعبل شايف اننا المفروض نقفل بقى موضوع الغلطة اللى فى النموذج ونشوف اللى هيحصل قدام
بس اللى انا عاوز اعرفه هما المدرسين هما الشماعة اللى الكل بيعلق عليها مشكلته؟
هو اللى حاطط امتحان دكتور فى الجامعة مش مدرس وطبعااا هو اللى حاطط النموذج والوزير نفسه اصلا دكتور فى الجامعة يعنى دول عمرهم ما مسكو طباشيرة ووقفوا يشرحو فى فصل ولا عارفين يعنى ايه شرح بجد فى فصل متكدس بالطلبة مش هما فى الكلية قاععدين بيدوا المحاضرة فى تكييف و عايشين حياتهم والمدرسين برضه هما اللى يتشتموا
وبعدين المدرس مش وزير يقول انا مش مصحح طب ليه محدش قال المستشارين اللى مسئولين عن الالتزام بالنموذج ام لا.؟؟؟؟

انا بس حبيت اقول ان اى مشكلة تحصل يبقى اللوم على المدرس
يتعب طول السنة والولد ميذاكرش ويجيب مجموع وحش يقولك اصل المدرس مشرحش كويس
يتعب طول السنة والامتحان ييجى صعب يقولك ملناش دعوة اصل المدرس مركزش على اللى هاييجى
يتعب طول السنة والامتحان ييجى سهل ويبقى فيه جملة غلط فى نموذج الاجابة يقولك اصل المدرس هوة اللى بيصحح الاجابة الغلط وهوة السبب فى نقصان الطالب للنص درجة
؟؟؟؟؟؟
ياجماعة والله حرااااام اذ1 لى طالب شاعر بالظلم من النص درجة دى لازم يشتكى ويدعى على السبب بس حرام ده المدرس ده اخر مرحلة فى الامتحان (واضع الامتحان دكتور----واضع النموذج دكتور----المشرف اعلى التصحيح مستشار ثم موجهين)
ثم المدرس ياتى فى المرحلة الاخيرة بالتصحيح
فبالله عليكم لم تختزلوا كل تللك المراحل وتضعوا اللوم على المدرس الذى صحح فقط؟؟؟؟؟؟؟؟
طب فين الدكتور اللى حاطط فين المستشارين فين الموجهين؟؟؟؟؟؟؟؟؟؟؟؟؟؟؟؟؟؟؟
لازم نعرف مين السبب فى المهزلة دى
وبعدين كل المدرسين متفقين على خطأ النموذج يعنى المدرسين فى صف الطلبة ورغم ذلكك المدرسون برضه هما السبب
انا مش هاقدراقول حاجه تانية غير ربنا مع كل الطلبة وان شاء الله الحق لا يضيع ابدااااا وربنا يوفقكم جميعااااااااا

ربنا يكرمك يا مستر طارق وياريت جميع من يضعوا ردود او حتى مواضيع فى المنتدى يتبعوا نفس طريقتك الهادئة والمقنعة جدا فى الرد وبدون اى انفعال او تجريح فى اى شخص بارك الله فيك وجعلك قدوى ومثل يحتذى به للمدرس المسلم الذى يراعى الاخلاقيات ومنطق العقل فى احاديثه

قصدك مين يا حودة يا خويا ؟:o

قصدى النقاش بتاع النهاردة اللى كان بينا واللينك اللى بعته وردك الهايل اللى اعتقد انه افحهم جميعا دة انت بعت اللينك غلط خمس مرات يا مستر وناسي برضوا ؟ . ياريت نيتك ماترحش بعيد يا مستر :rolleyes:

عاجباني أوي المشاكسة اللي بين مستر بدوي و مستر محمود بس ربنا يستر و ما حدش فيهم يخلط المزاح بالجد.. انا واقفلهم اه !!!!! هههههه

لو لى حق فى طلبى هذا ياأستاذ طارق أرجو حذف مشاركة الأستاذ بدوى الاخير و braveheart لان آخر مشاركات ليس لها علاقة بموضوعى

"وإذا أردنا أن نهلك قرية أمرنا مترفيها ففسقوا فيها فحق عليها القول فدمرناها تدميراً"

أريد من زملائى المشاركة المعنوية فقط للطلبة لأنهم الأهم.
مهما كان الفساد الذى نعانى منه جميعا علينا ألا نيأس طالما نتمتع بنعمة الإسلام والانتماء الى أمة محمد - صلى الله عليه وسلم

على فكرة يا استاذة هدى الرد بتاعى وكلام مستر بدوى ليهم علاقة قوية اوى بالموضوع بس انتى اللى مش ملاحظة كدة

"وإذا أردنا أن نهلك قرية أمرنا مترفيها ففسقوا فيها فحق عليها القول فدمرناها تدميراً"

أريد من زملائى المشاركة المعنوية فقط للطلبة لأنهم الأهم.
مهما كان الفساد الذى نعانى منه جميعا علينا ألا نيأس طالما نتمتع بنعمة الإسلام والانتماء الى أمة محمد - صلى الله عليه وسلم




اخذلنى تشبيهك لنا ..... وباّية قراّنية
احقا هذا ما نستحقه
أنحن مترفين وفاسقين ؟
لا تعليق
وبعدين ..... ألم يصلك ردى ؟
انتى تدافعين عن قضية ليس لكى فيها اى حق
و كلامك غلط لان as a second solution برده غلط واثبتت الكلام ده
و قدرناك يا ميس هدى واشتركنا فى موضوعك بكل سلاسة حتى نصل الى حل
والحل اللى رد حضرتك وضحهولى ان انا غير مرغوب فى موضوعاتك
بس صدقينى ماكنتش اعرف ان الموضوعات بقت ملكية خاصة
كنت بفتكر انه منتدى تعليمى فقط وليس اعلامى للاساتذة
فاسق؟ لك الا تتقبلى مرورى ...... وياريت نشوف رد استاذ / طارق
اصل هوه المسئول عن الفاسقين فى المنتدى

كيف يضر الدكتور مريضه وهو يعلم

لقد عرضت الموضوع على مدرس Irish فى الجامعه الامريكيه قالى بالطبع as a second sol

مع كامل احترامى لااستاذ العزيز الاستاذ كوكى

يا ميرو انتى ماقرأتيش كويس
انا قلت ان الاتنين غلط وان واحدة تحسب صح يبقى فيه ناس هتتظلم
وانا مؤيد ان الاتنين يتعلموا صح لانها غلطة من محرر القطعة ولا ذنب لاحد ان يُحاسب على غلطة شخص اّخر
ورجاء شوفى رأيى فى نفس الموضوع ده وبعدين ردى عليا .... وانتى عارفة القاعدة العلم مافهوش مجاملات
ولا أحد يستطيع ان يحجر على رأى أحد حتى لو كانت جنسيته British مش Irish
على كده فى الجامعة حيث التعليم الاكاديمى .... لايوجد اية اراء بعد رأى الدكتور
وبعدين الغلطة كانت ان الاربعة خطأ وكان على محرر القطعة توضيح الامر اكثر ..... ازعلوا لو قلت ان at the end of the attack هيه اللى صح
امضاء/ الفاسق

انا مش عارف ارد على الاستاذة الفاضلة واقول ايه لكن كل اللى هااقوله شيء واحد كلامي انا والاستاذ الفاضل بدوى الدجوى كان متعلق اوى بالموضوع بتاعك والدليل على كدة الموضوع اللى حضرتك كنتى مشاركة فيه واتحذف من قبل الادارة بعد 4 ساعات فقط من وضعه لخروجه عن الاداب والذوقيات العامة واللى اشتركتى فيه بسب كل زملائك المدرسين واتهمتيهم بالجبناء واتهمتى ادارة المنتدى اتهامات بالاشتراك مع احد الاعضاء الجديدة وكان المستر بدوى بيقول ان الموضوع حذف لكنه ذكر ان نفس كلام العضو دة موجود فى المنتدى وفى موضوع اخر وكان بيبعت اللينك اللى رد فيه على العضو دة وشتان الفرق بين ردين رد مدرس بيدافع عن زملائه بمنطق واحترام شديد لمهنته ولزملائه ورد مدرسة تبحث عن الشهرة وتحاول ايجادها فى سب زملاءها والمنتدى وطبعا علشان رد حضرتك الخارج واللى كان بغرض الشهرة فقط اتحذف الموضوع . على فكرة انا كنت كاتب رد قاسي جدا على موضوعك دة وسبحان الله مستر بدوى كان اول المعترضين خوفا على احراجك بين زملاءك عرفتى دلوقتى ان ردى انا ومستر بدوي مش كان خارج عن الموضوع ليه . وسبحان الله يبدوا انك تتخذى سب زملائك فى المنتدى هدف فبعد ان قمتى بسب كل المدرسين قمتى بسبي انا ومستر بدوي . سامحك الله

الأستاذ الفاضل لم أرغب فى البعد عن موضوعى الأصلى هنا.
ولكن أود أن ألفت نظر سيادتك إلى أن الشهرة التى تشير إليها والظلم رجس من عمل الشيطان مدتهم قصيرة آخرهم ندم .
الكلمة الطيبة والعمل الصالح دائما الى أن تقوم الساعة وهما الباقيان حتى بعد الممات - وشكرا لله الذى أنعم على بهذه النعم (العمل الصالح لله)

علي رسلكم يا ساده
مالي اري الامور تزداد حدة ولهيبا
اعزائي ... لا اظن اطلاقا ان هذا الحوار يدور بين معلمين اجلاء افاضل ، علي ايديهم تنشأ الاجيال؟؟؟
اري ان الامور لا تناقش هكذا ..... وان الحلول لن تكون كذلك
اخوتي واخواتي
اطرحوا هذه النقاشات جانبا فلا قيمه لها .... فهي تنشر الكراهية كانتشار النار في الهشيم
لما لا يكون شعارنا الدائم
اختلاف الراي لا يقسد للود قضية
Never we clay whatever we say
تقبلوا مروري وخالص تحياتي
ع

حصل خير ........ بس لا يحاسب الانسان على رد الفعل
واحنا عارفين اخلاق استاذ محمود كويس جدااااااااا
وميس هدى برده سبق لى التعامل معها عن طريق اعتذار منى على خطأ واكيد هى فاكرة
بس انا بسألك يا ميس هدى ...... أكان التشبيه ضروريا ؟ أترين فينا هذا بالفعل؟
طلبك فى حذف المشركة لا يعترض عليه احد ..... ولكن وصفتى زميلين لكى بالمترفين الفاسقين
هل كان هذا قصدك بالفعل ؟ ........ انا من نرفزتى عملت امضاء الفاسق
وبعدين الم تلاحظى علينا الا هذه المزحة البسيطة جدا لتحاسبينا عليها فى اشتراكاتنا فى المنتدى ؟
وبعدين الموضوع موضوعك ولم تردى على رأيى ؟ بماذا افسر ذلك ؟
الم يكن من الاحرى ان تردى وبعدين تطالبى بحذف ما لا يعجبك ؟
ولما الاسلوب الرسمى والمطالبة من استاذ طارق شخصيا ؟ ده مجرد تلميح من حضرتك كنا حذفناها على طول
وهل فى اعتقادك ان استاذ طارق لم يقرا طلبك فى الحذف ؟ بس هوه يعرف اخلاقنا كويس
ارجو الرد يا ميس هدى ..... توضيح موقفك من فضلك .... اما موضوع الجملة فأنا كان قصدى انه حرام ندافع عن اجابة من الاجابتين على حساب الاخرى فهذا خطأ محرر القطعة
وزى ماحضرتك مش مقتنعة بـ at the end of the attack مع ذكرك للاسباب
برده فيه ناس مش مقتنعة بـ as a second solution وبرده مع ذكر الاسباب
وعذرا للسادة الافاضل المؤيدين لـ as a second solution
الكلام مش واضح ..... التأييد جه منين لانكم اثبتم ان باقى الاختيارات غلط فهى الصح ام الاصح ؟
وياريت تردى لانك بالفعل تجاهلتينى مرتين ...... وارجو قراءة ردى ......
بدون اتهامات اخرى من فضلك وبلاش تتمسكى بنقطة وتتركى اخرى
وبعد اذن الاساتذة الافاضل عدم التدخل الا فى رأيهم فى الجملة وهو اساس الموضوع
وانا اعرف ا/ محمود جيدا ..... ومن مشاركات ميس هدى قدرت اكون فكرة تجعلتى اندهش مما حدث
تقبلوا مرورى

فعلا يا جماعه المفروض نشوف المشكلات الاخري الاكثر تعقيد ملا نقف عند نقطه صغيره لا تساوي اكثلر من نصف درجه ونبدا بالتجريح او الظن السيء وعلي العموم " كل نفس بما كسبت رهينه " هيروحوا من ربنا فين حسبنا الله ونعم الوكيل

أعتقد أن يستمر الحديث عن موضوع مر عليه عدة أسابيع خاصة أن كلامنا لن يقدم أو يؤخر شيئ أمر مضيع للوقت الذي سوف نحاسب عليه.. فماذا نفعل قلنا لهم ان النموذج خطأ لم يفعلوا شي.. اعترضنا هنا و هناك و ارسلنا توسلات بتصحيح الوضع ، أيضا لم يفعلوا شيئ ، تم سبابنا و اتهمنا بالجبن (و للأسف اشترك بعض الزملاء مع المتهمين لنا ) و تم مطالبتنا بالاستقالة لأن العلامة الذي وضع الامتحان أخطأ..

الأخت هدى الاستشهاد بالأيات القرأنية في غير موضعها كارثة يلزمها الندم و التوبة

بالله عليكم كفانا على (رأي الأستاذ بدوي و مستر محمود ) البكاء على اللبن المسكوب
اقترح غلق الموضوع.. (حتى أكون ديموقراطي لن أغلقه قبل ثلاث ردود على الأقل تنصح بغلقه)
وفقكم الله

اغلقه سيدي

اناارى غلق الموضوع لان فعلا زى ما حضرتك قلت احنااخدنا وقت كتير فى مناقشته
بس ياريت بس يتم تصفية الخلافات التى ليس لها داعى بين الاستاذة هدى والاستاذ ايمن والاستاذ بدوى لانه مينفعش يبقى فيه خلاف بين المدرسين هنا واتمنىمن الاستاذه هدى ان تكون اقل عصبية فى ردود افعالها

بارك الله فيك يا مستر طارق وفى جميع من رد بهدوء على الموضوع واعتذر للجميع عن اى حدة فى كلامى وردى

thanks for u

أرد أولا على كلام الأستاذ (Mr-HalEeM)
يمكت أى طالب أو مدرس بيقول (هم فين المدرسيين - ازاى لايعترضوا ) ده لأن فعلا علاقة التدريس تلمس وتؤثر فى جزء كبير من شخصية بعض الطلبة لذلك أول لوجوء للحماية أو الشكوى تكون له وعنه
دى رأى فقط

اناارى غلق الموضوع لان فعلا زى ما حضرتك قلت احنااخدنا وقت كتير فى مناقشته
بس ياريت بس يتم تصفية الخلافات التى ليس لها داعى بين الاستاذة هدى والاستاذ ايمن والاستاذ بدوى لانه مينفعش يبقى فيه خلاف بين المدرسين هنا واتمنىمن الاستاذه هدى ان تكون اقل عصبية فى ردود افعالها

استاذي الكبير
ما هذا لقد اقحمتني في حوار لا امت له بصلة فقد كنت مسافرا حين بدا هذا الحوار
لقد فوجئت مثلك تمتاما بهذا الكلام والتلاسن وحاولت فقط تهدئه الوضع
اما ان تقول خلاف لا اظنه كذلك
هو مجر اختلاف في وجهات النظر فيما بينهم ليس الا
تقبل مروري

أرد أولا على كلام الأستاذ (Mr-HalEeM)
يمكت أى طالب أو مدرس بيقول (هم فين المدرسيين - ازاى لايعترضوا ) ده لأن فعلا علاقة التدريس تلمس وتؤثر فى جزء كبير من شخصية بعض الطلبة لذلك أول لوجوء للحماية أو الشكوى تكون له وعنه
دى رأى فقط

وانا متفق مع رايك ده وفعلا من حق الطلبة يلوموا المدرسين و هما معذورين فى خروجهم من اللوم الى السب والاتهام وحصل خير

استاذي الكبير
ما هذا لقد اقحمتني في حوار لا امت له بصلة فقد كنت مسافرا حين بدا هذا الحوار
لقد فوجئت مثلك تمتاما بهذا الكلام والتلاسن وحاولت فقط تهدئه الوضع
اما ان تقول خلاف لا اظنه كذلك
هو مجر اختلاف في وجهات النظر فيما بينهم ليس الا
تقبل مروري

انا اقصد مستر بدوى ومستر محمود braveheart بس كتبت اسمك خطاا
ههههههههه اانا خليتك زى باللى داخل يحوش خناقة لقى نفسه هوة المتعور فيها :) اسف مرة تانية
وارجو بقى غلق الموضوع وان تهدى النفوس بين الجميع

بالنسبة للأستاذ الزميل بدوى
لم يجانبك الصواب فى ظن استشهادى بالآية أنى أتحدث عنكم
الاية نشير الى حالة المجتمع الذى نعيش فيه - والظلم من جور الحكام (أو أى مسئول لايرغب فى الاستماع لصوت الحق)
طلبى لحذف مشاركتك أنت وزميلى الآخر لادراكى بفهمكم الخطأ لى وكانت رغبتى الأولى للطلبة فقط وليس أى تعليق آحر
*بالنسبة للدفاع عن اجابة واحدة (لاأقصد هذا) ألست معى أن لو هناك خطأ ما فى وضع السؤال / احتراما لمهنتى بجب أن تحسب الاثنين.

*ردا على كلام حضرتك (المنتدى تعليمى فقط وليس اعلامى للاساتذة)
أى معلم محترم يشعر بشرف مهنته لن يهدف الى هذا
لكن ربما اتهمتنى بذلك لأننى كتبت اسمى فى هذا الموضوع ومدرستى ولو لاحظت هى أول مرة أقوم بهذا منذ مشاركاتى. لى سبب فى هذا آخر غير الشهرة سوف أوضحه ان شاء الله فر ردى على الأستاذ الفاضل ( braveheart)
وشكرا

ردى على الأستاذ (braveheart)
أعتذر عن سؤء الفهم الذى حدث بسبب الآية ولقد شرحت ما أقصد سابقا
لكن بالنسبة لاتهامى بالسعى الى الشهرة بكتابة هذا الموضوع - يمكن دا فهمته أنت بسبب كتابة اسمى واسم مدرستى - برضه لم تكن على صواب فى هذا
لو حضرتك لاحظت أنها أول مرة أكتب هذا على موضوع
لكن كان ضرورى لكى أقول أن هذا رأى وياريت أسأل وأواجه من قبل المسئولين عنه
لقد طلب من عدد كبير من الطلبة والطالبات ابداء رأى بشكل واضح ومحدد فى تلك الجزئية اللى فى القطعة
كما طلبوا منى أن أنزلها على هذا الموقع لشهرته
أخذوا منى هذا الرأى وحاولوا (بقول مساكين بيحاولوا) رفعا لعدد من المسئولين فبالتالى كان من المهم أن أضع اسمى و اسم مدرستى عليها لأغرض نفسى لأى أعتراض أو مسئولية ليس من قبل زملائى (اللى أنا واثقة أنهم فى حالة حزن لما يحدث) ولكن بحلم ان يمكن نصبح بلد أفضل / يعنى لما واحد يكتب رأيه - نناقشه - نسمع له - حتى مش مشكلة نحل مشكلته - ده علشان نقدر نكمل ونعيش)
ليس السعى الى الشهرة هدف أى مدرس بحترم مهنته أو حتى أى انسان طالما نحن الى زوال
تحياتى واعتذارى مرة أخرى غلى سوء الفهم هذا

الى الأستاذ الفاضل طارق
أكيد اضاعة الوقت هباء سنخاسب عليه
لكن طالما موضوع مفتوح كاتبة يتعرض لمواقف يضطر للرد.
أقدر رأيك ومشاركتك
كتابتى للآية قمت بتفسير ماأقصد سابقا
لكن لاأندم طالما النية خالصةوموجه لخالقى فقط
بالنسبة لاقتراحك بغلق الموضوع أنضم الى الأصوات التى ترى غلقه لأنه خرج على الهدف الأساسى لى
تحياتى للجميع

اولا الله يكون فى عون أ/ محمود فى رده القادم على كلام حضرتك
فأنا اشعر به واعرفه جيدا ..... والكلام اللى كتبه مش ممكن يسامح نفسه عليه
لان عند من رقة المشاعر ما يكفى لارضاء شعوب
اما بالنسبة لحضرتك لانك فى معظم مواضيعك كنتى متوازنة جدا فكان لنا ان نندهش فقط
ولو تابعتى ترتيب الاحداث هتلاقينا كنا مشاركين بآرائنا .... انا قصدى ان كنا بنساعد فى موضوعك
الى ان حدث اللبس وسوء الفهم ...... علشان نوصل الى لا اخوة الا بعد مناقشة حادة وبالنيابة عن اخى محمود
اطلب منك تقبل اخيين لكى ... ومتزعليش من طلب استاذ طارق ... هوه كل ما يهمه توحيد جبهة المدرسين
وعندما رأى الموضوع هيسبب خلافات فضل ان يغلق بالموضوع على ان يغامر بأحد مننا
وشكرا على الموضوع و شكرا لكى

Thanks a lot
Differring in opinions is natural and very important to learn from each other .

Really, i am so happy seeing things gettin better and the right way
We all must admit
" After clashes , come flashes"
" " Fast rain has come again "
Never we clay, whatever we say
regards
Ayman

Thanks Mr ayman for caring