مشاهدة النسخة كاملة : الحقوووووووووووووووووووونى


mohamed_1722
13-06-2013, 01:48 PM
انا طالب فى الصف الثالث الثانوى ومعايا كيمياء من الصف الثانى وقريت فى منشور من الوزاره ان انا هاخد 50% من درجه ماده الكيمياء فقررت اقسم سنه تالته على سنتين عشان اخد درجه الكيمياء كامله عايز اعرف ازاى اقسم سنه تالته

يعنى ينفع امتحن ماده واحده ولنفترض علم النفس و الاجتماع واسيب بقيت مواد تالته + كيمياء سنه تانيه للسنه الجايه

ده النص اللى انا قريته :

يسمح للطالب الذى أتم دراسة المواد المقررة فى الصف الثالث الثانوى العام بأداء الامتحان فـى جميع المواد المقررة ، أما الطالب الذى انتقل من الصف الثانى الثانوى إلى الصف الثالث الثانوى بمادة رسوب عليه أداء الامتحان فى جميع مواد الصف الثالث الثانوى المقــررة بالإضافة إلى مادة رسـوبه فى الصف الثانى الثانوى ، ويحتسب للطالب الدرجات الفعليــة التى يحصــل عليها فى الامتحان فى المواد المقررة فى الصف الثالث الثانوى .

وبالنسبه لمادة رســـوبه ( فـى امتحان الصف الثانى الثانوى ) فلا يحتسب للطالب أكثر من 50 % مــن النهاية الكبرى المقررة للمادة

وده رد الاستاذ الفاضل اشرف عزت فى موضوع تانى لطالب حالته قريبه من حالتى

امتحان المادة فى الدور التانى تاخد 50 % فقط
ولو طلعت بيها تالته برضو 50%
لو قسمت تالتة وطلعت بيها السنة اللى بعدها تاخد الدرجة كاملة

عايز اعرف ازاى اقسم سنه تالته يعنى ينفع امتحن ماده واحده واسيب الباقى ولو مدخلتش كل المواد هل كده ابقى راسب واخد درجه الكيمياء كامله ولا لا

اتمنى لو حد يقدر يساعدنى عشان مش قادر اوصل لحد من شئون الطلبه عشان اساله

فى انتظار ردود حضراتكم

~ Smile 4 Life ~
13-06-2013, 06:09 PM
بداية أخي الكريم أنا زي حضرتك بالظبط سايبة الكيميا من تانية
قولتلك بس المعلومة دي عشان تثق في كلامي
أجلتها لظروف مرضية عندي ولكن قدر الله وما شاء فعل
بالعكس في البداية كانت فكرة تاجيلها نغصة عليا حياتي وعيشتي ومكنتش طايقة نفسي بسببها
لكن دلوقتي ولله الحمد حسيت قد ايه بآية " وعسي أن تكرهوا شيئا وهو خير لكم"
ربنا ليه حكمة في اللي حصل ده ..
دلوقتي الكلام اللي قالهولك الاستاذ مظبوط يعني انت عشان تاخد الدرجة كاملة لازم تاخدها في سنة بعد تالتة
سواء كانت لوحدها او أخدتها مع مواد من سنة تالتة
اما بالنسبة لانك تمتحن مادة واحدة السنة دي وتسيب باقي المواد مع الكيميا للسنة الجاية
فعلي ما اعتقد يعني عادي انا اعرف فيه ناس امتحنت مادتين بس وسابت باقي المواد للسنة الجاية طبيعي
بس برده لازم تتأكد من متخصصين .. لان برده مش متأكده
لان ممكن لو امتحنت مادة وحدة يبقي كده اسمك ساقط في المواد كلها وتعيد السنة بكل المواد
حقيقة مش عارفة فـ ياريت تحاول تسأل مدرسين وبسرعة عشان تقدر تحدد موقفك
لان علم النفس فاضله 11 يوم وباذن الله تقدر تخلصه بسهوله
لكن اهم شئ انك تمتحن المستوي السنة دي لانك لو سبته هيضيع عليك نهائيا
والله أعــــلي وأعــــــــلم .. أتمني اني أكون قدرت افيد حضرتك
بالتـــــــــوفيق