انا ابني داخل ثانية ثانوي ان شاء الله وهوا بيحب الفيزياء والكيمياء والأحياء وجايب أعلي الدرجات فيهم في 1ث ومقفل الفيزياء والبيولوجي وشبه مقفل الكيمياء عشان اعمال السنة بس جايب درجة وحشه في العربي 48 مـن 60 فهوا عاوز يعرف يذاكر ازاي ينظم وقته ازاي وخصوصاً المواد العلمية لأنه هيدرس في الترم الأول فيزياء وميكانيكا وناوي يدخل علمي علوم >> هو بمدرسة لغات <<< وما المقصود ان المواد بتتقسم علي سنتين بيأخذ نص المنهج في ثانية ويكمله في ثالثة مش فاهم !!

يعنى مثلا الكيمياء بتاعت ثانوية عامة كانت 9 ابواب
فهما قالو الطالب يدرس 5 ابواب فى سنة تانية و 4 فى سنة تالته و المثل فى باقى المواد
اما العربى فممكن اعمال السنة لأنها عليها 12 درجة فبتنقص جامد

طيب الخمسة ابواب اللي في 2ث هل هيمتحنهم في 3ث ثاني ولا اية النظام ولا هيدرسوا وتنتهي العلاقة بين 2 و 3

طيب الخمسة ابواب اللي في 2ث هل هيمتحنهم في 3ث ثاني ولا اية النظام ولا هيدرسوا وتنتهي العلاقة بين 2 و 3

لا الجزء اللى اخده ف تانية مش هيمتحن عليه ف تالتة وبكدا هيكون انتهى
وباقى المنهج ملهوش علاقة باللى قبله بمعنى ان الامتحانات مش هيبقى فيها اى حاجة من منهج تانية

انا حصل معايا نفس الموضوع اعمال السنة هى اللى بتنقص جامد خصوصا ان عليها 12 درجة وكنت بردو مقفلة فيزيا والكيميا والبيولوجى نقصت فيهم نص درجة