إنتو بس مشغولين بالمكافأة وهى ما تطلعشى قد مرتب واحد فى السكة الحديد فين الكادر ؟ الأطباء خلصوا فى شهر وإحنا لسه محلك سر من أربع سنين لازم موقف عشان ناخد حقنا .

ايه رايكم فى 30/6/2013 يكون اضراب شامل عن العمل فى جميع مدارس مصر وان يتم وقف جميع اعمال الامتحانات ومشاركه الثوار فى التظاهرات
السنا مصريين
السنا نعانى من نفس ما يعانى منه جميع الشعب
بل ان معانات المدرسين اكبر من اى معاناه
ناهيك عن غلاء الاسعار والمرتب الضئيل
نحن نتعامل مع طلاب فى مرحله المراهقه وهى اسوا الفئات العمريه
لا بد من بدل لهذا بالاضافه الى رفع راتب المعلم ليبدا على الاقل من3000جنيه
يسقط يسقط حكم المرشد

وانتو ان شاء الله لما عايزين تطلعوا يوم تلاتين كلكوا علمانين على سلفين على ليبرالين على اخوان

انت مفكر هتلاقى بعد الخراب اللى هيحصل هتلاقى تلاتين ج تقبضهم فى البلد مش 3000 اصحوا بقه احنا بنخرب على انفسنا

سيبونا من الشعارات الرنانه وحب الوطن ومصر يا جماعه فوقو من الكلام اللى لا هيودى ولا يجيب

عايزين نبص لأكل عيشنا ونصحصح علشان نحب البلد علشان مش ييجى يوم منلقيش ناكل ونطفش ونسيبها بره بعقود بشلن ولا بصاغ

رد على ازهرية وافتخر انتى اخوانية وتلاقيكى مستريحة ماديا تعالى شوفى احوال المدرسين ماتقيليش احوال البلد لما احوال البلد فقيرة مجلس الشورى بيعتمد ليه كادر الاطباء وسيتم تطبيقه الشهر القادم انا مدرس دراسات اجتماعية ابتدائى معلم اول بقالى 15 سنة بأقوم بالتدريس وكمان اتعينت بعد ما اتخرجت ب12 سنة والان مرتبى باكادر وال50 فى الماءة كله كله 1200 جنيه وعندى 3 اولاد اعدادى وثانوى عام ورياض اطفال وعندى ايجار شقة وكهرباء ومياه وغاز ولبس للعيال ودواء وغيره وغيره وغيره مع العلم انى زوجتى لاتعمل وانا لم اعطى دروس خصوصية فى حياتى فماذا افعل بالله عليكى وتيجى تقولى اصبروا اين العدالة الاجتماعية اللى قال عليها الرئيس امتى هاتتحقق والله انا مااشتريت للاولاد اى ملابس منذ سنتين واذا اشتريت باشترى من السكاند اى المستعمل بس الادوية بأجيب نصف الدواء فقط بع مااقول للدكتور عاوز ارخص دواء والله حرام حرام الواحد كره مهنة التعليه اللى هى رساله للانبياء بس الواحد هيشرح ازاى للاولاد فى المدرسة وانا بقميص واحد طوال العام وبتطلون واحد طوال العام دى مش حالتى لوحدى ده معظم زملائى كده وحزبى الله ونعم الوكيل وكل ده وحضرتك بتقولى ماننزلش يوم 30 لا احنا مش عايشين وغيرنا عايشين وربنا ماقالش كدة خالص

اللة يلعن ابو كل فاسد

يا جماعة نفسنا بس نعيش حياة كريمة مش اكتر

يا جماعة طريق الالف ميل بيبدأ بخطوة و الحمد لله بدأنا هذا الطريق و لكن من المتوقع انك حتلاقي صعوبات كثيرة أثناء السير و هذا ما نلاحظة الان من الدعاوي الانقلابية من اعلام كاذب و ناشر للفتن فمنذ ان مسك الرئيس مرسي و تعددت المليونيات لاسقاطه من مليمية أبو حامض في 24/8/2012 يعنى بعد ما الريس مسك ب44 يوم و محاولة اقتحام القصر الجمهوري في 4/12/2012 و اعلان مجلس مش عارف ايه و مرورا بمليونية " مصر مش عزبة و كش ملك و مبنتهددش و الفرصة الاخيرة و..............الخ انتهاءاً بيوم 30/6/2013 المزعوم فأحب اقول لهؤلاء المحرضين و بعد المغيبين و المنساقين و المنتفعين لن تفلحوا ان شاء الله في ارجاعنا للخلف ولو للحظة قد فشلتم في الماضى و تفشلون الان و سوف تفشلون ان شاء الله
يقول الله تعالى " إن الله لا يصلح عمل المفسدين "

المعلم الشريف يعلم طلابة الايثار وحب الوطن

مش حرق الوطن علشان مصلحة شخصية

ولما نولع في البلد يوم 30 هانلاقي مرتبات؟

البورصة خسرت 28 مليار والفلول مبسوطين بهذا الانجاز.