وصل اليوم فاكس من مديرية القاهرة للمدارس ومضمونه هو تجديد العقود للمعلمين المؤقتين من اعوام 2009 حتى 2012 على بند 3/10 "تعاقد مؤقت" ايضا يعنى ناس متعاقدة من خمس وست سنين وبرضو مش هيجددوا معلم مساعد هيفضلوا مؤقتين على عكس ما قالته الست مديرة المديرية ان الكل هايتعملوا عقد معلم /اخصائى مساعد مع ان كل المحافظات جددت معلم مساعد انا مش عارف الناس دى بتعمل كده ليه
بجد
مصر عمار فى عهدك يامرسى
الناس هيطلعو معاش وهما مؤقتين

وكمان فى الفاكس فى الاخر كده مكتوب ان لم يستوفى صاحب العقد الاوراق وتوقيع التعاقد الجديد مع الادارة حتى6/30يصبح العقد لاغى تماما دون الرجوع لصاحب العقد " الطرف الثانى"

حسبى الله ونعم الوكيل

نفس الظلم يحدث للمؤقتين فى المنوفيه ولنا الله

وفي اسيوط نفس الكلام بس مش عارفين هيكون في تاثير علي المرتب ولا لاء لو حد يعرف حاجه كمان يبلغنا

يا جماعة متاكدين

انا متأكد من الكلام ده لأن احنا جاتلنا النشرة وكمان نموذج العقد اللى هانعمله ونوديه للاداره هو هو نفس العقد بتاع السنة اللى فاتت "نموذج عقد عمل للعاملين المؤقتين "وهارفع صورته ان شاء الله ومش عارفين نعمل ايه واخر يوم للتعاقد6/30 يعنى ده اسمه تهديد بس النشرة ماوصلتش كل المدارس لغاية دلوقتى ياريت لما توصل نلاقى اهتمام من الناس ومانلاقيش سلبية عشان ده حقنا

اللي بيقول مرسي السبب العقود دي تم تحريرها في عهد مرسي يا حضرت بقول من خمس وست سنين والا الموضوع اسقاط علي ناس ملهاش دخل

عايزين صوره من الفاكس
و صوره من العقد لو سمحت
و ان كان الوضع هكذا
فلنحدد يوم و ننزل كلنا امام مديرية التربيه و التعليم
فى عبده باشا
و نعلن الاعتصام
و لتكن مطالبنا
هى
تحرير عقود مميزه بتاريخ 2011
حتى يكون من حقنا التثبيت الان
هل من رجال اخرين يريدون ان يأخذوا حقهم
الكل يدخل
كى نحدد موعد اعتصامنا بعد ان نتأكد من صحة الخبر
و على فكره انا من ادارة شبرا
و متعاقد من 1-9-2010

نرجو رفع صورة العقد + صورة الفاكس

العملية بوخت قوي وبقيت لازم ليها واقفة بجد

ان شاء الله انا رايح المدرسة بكرة وهارفع صورة الفاكس والعقد عشان الناس تفوق

اللي بيقول مرسي السبب العقود دي تم تحريرها في عهد مرسي يا حضرت بقول من خمس وست سنين والا الموضوع اسقاط علي ناس ملهاش دخل
يا استاذى العزيز يعنى مرسى رئيس جمهورية وجاى بعد ثورة وانت بتقول انها غلطة اللى قبله المفروض انه يصلح الغلط هو احنا كنا عملنا ثورة ليه وبعدين يا استاذى العزيز هى مش محافظة القاهرة دى مش فى مصر زى باقى المحافظات زى المنيا وقنا وبنى سويف اللى جددوا معلم مساعد احنا بنطلب بحقوقنا مش بنظلم حد

انا من محافظة القاهرة ومتعاقد من 2006 ومعايا التربوى واى سي دى ال ومعلم دراسات وشكيت طوب الارض لغاية ارسلت رسالة لديوان المظالم ولا حياة لمن تنادى وانا لماسمعت عن تجديد العقد بنفس الظلم السابق مستعدة اعمل اى حاجة عشان اخذ حقى بالقانون انا معكم ضد الظلم

زميلى فى مدينة السلام
جددوله عقد عادى
زى السنين اللى فاتت
بس هما مش غلطنين فى حاجه
احنا اللى غلطنين
لأننا سايبين حقنا
و سلبيين
و نستاهل اللى يجرلنا

أخوان مدرسى الزل والهوان مدرسى أخر الزمان يا أخوانى انا اخوكم من القليوبية وبنفس العقد من 2009
يجب ان نعلم ان الحياء والخجل لا يأتى بالحقوق ولكن ياتى بالندم والزل يكفى اننا كنا نأخذ مثل زميلى فى المدرسة حتى شهر 7 -2011ثم فى شهر 8 أصبح هو 620 ونحن 125 ورضى المحافظ والمسؤلين وارتاحت ضمائرهم ولا أعلم كيف ووعدونا اننا تلقائيا سيعدل عقودنا وودمرتبنا بعد اكمال الثلاث سنوات تلقائيا حتى ان احدهم قال لى انهم لن يرسلوا لنا حتى وسنقبض مرتبنا الجديد تلقائى وهاهى النتيجة لاننا احرجنا وقلنا ظروف البلد ومرضناش نضرب ورق زى غيرنا وقلنا نحن قدوة وهاهم يكافؤننا ولو تزكرتم ان اول من خرج بمطالب فؤية كانت المصرية للاتصالات -البترول - البنوك -الكهراء اى من كنا نتمنى ان نكون مثلهم والدين ظلموا هم نحن والاطباء لاننا نحرج ونخجل ولسنا على قلب رجل واحد ارجوا منكم لانفسكم ولاولدكم التجمع والاتفاق على يوم ولفوا على المدارس وشفوا من هم مثلنا لنطالب بحقنا وتزكروا ماضاع حق ورائه مطالب ومن لا يستطيع فاليبحث عن عمل أخر
والسلام ختام

عزيزى المافع عن الرئيس مشكلتك انك وكانك بتقبض منهم وانك مش حاسس بينا انت فاهم يعنى ايه انك تدخل المدرسة مع زميلك وتتعب ربما أكثر من ثلاثة من زميلك (شايل جدول مثل ثلاثة لاختلاف المواد)ومواصلات ثم عند القبض تأخذ أقل من خادمهم عارف لما لانك شريف وماشى بالحلال تتعب قد ايه الان كما ان من ولى أمر قوم ......ولمعلوماتك مشكلة مدرسى الاجر انهم نصف مليون واخبارهم كل يوم فى الجرايد ان لم يعلم بأمر نصف مليون يبقى عمره ماهيحس بحد وان كان يهمك انصحه يعطى الناس حقوقهم ويوزع دخ الدولة بالعدل ويارب ساعتها نأخذ نصف مرتبنا الان لان ده هيكون لصالح البلد والدين ولله الامر من قبل ومن بعد وحسبنا الله ونعم الوكيل

احنا بجد تعبنا انا المفروض ليا اجازة وضع فىشهر 11اللى جاى والعقد الجديد مكتوب فية شهرواحد بالاجر على العلم ان العقد القديم فى 3شهور بالاجر الواحد مش عارف يعمل اية دلوقتى على العلم ان زمايلى المتعاقدين اخدوا ال3 شهور بالاجر وكمان مش عارفين المرتب هيكون كام