مع الاسف
الاخوان حرقوا نفسهم بنفسهم
والبلد كلها بقت ضدهم
معرفش أذا كان فى حد ظلمهم
ولا هما بسلامتهم ظلموا نفسهم

لو كانوا صبروا شوية
ماكنش دلوقتى بقى حد قدهم
وكل حاجة كانت هاتبقى تحت امرهم
لان بصراحة مفيش حد منظم زيهم
تفكيرهم الاول كان تفكير سليم
وقولوا المشاركة لا المغالبة
والرئاسة بعدين

انما الصراع
على الكراسى والمناصب
والوصول للسلطة لحس مخهم
خليهم يشبعوا
بعد ما خدوا كل حاجة لوحدهم
بكرة هايسيبوا كل حاجة غصب عنهم

بس انا اقول كلمة حق
لو كان اى حد غيرهم
كان برضة بقى شكلهم
واذا كانوا هما وحشين
المعارضة كمان أوحش منهم
البلد دى أخر همهم
وانا عن نفسى
معدتش بصدق حد
وربنا يستر والبلد دخلت
فى حيطة سد
وملعونين كلهم
وزى ما حرقوا قلبنا
ربنا يحرق قلبهم
الشاعر
عبد الحميد بدوى