السلام عليكم و رحمة الله وبركاته

نظرا للظروف العصيبة التي تمر بها البلاد

و نظرا لحال المعلمين قررت اني اخوض تجربة السفر

و كأي مدرس طموح في اي مدرسة جيدة قدمت ورقي في مكاتب سفريات

احد هذه المكاتب التي ردت علي طلبي مباشرة هو مكتب غرناطة للسفريات و قالوا لي ان ميعاد المقابلة الشخصية غدا ان شاء الله

كنت عاوز شوية معلومات عن المكتب دا لو حد سبق له ان قدم فيه او سافر من خلاله او يعرف حد تعامل معاه قبل كده

المعلومات العادية زي مثلا العمولة الخاصة به او نوع المدارس اللي بيتعامل معاها خليجيا

و جزاكم الله خيرا

بص ياباشا هو على حسب المدرسه والتخصص بتاعك وغالبا عموله المكتب بتبقى مرتب شهر وانت وشطارتك ولو اتقبلت عاوز تمضى امضى بس متةديش الباسبور غير لما تقتنعواقرا العقد كويس وشوف هوالتعاقد عام دراسى ولا عام كامل والتأشيره عليهم

بص يا باشا الاول مقدمة الموضع بتعتك ذى العسل واكيد انت عسل واللة علشا ن كدة لازم تسمع كلامى لانى واضح ان الفكرة جديدة بالنسبة ليك اما انا اديلها سنة بالظبط المهم لازم تبعد عن كل المدارس الخاصة فى اى دولة خليجية وخاصة السعودية وجرب اولا المدارس الحكومية فى الخليج الاول وهى دى الخلاصة وجرب وانت هاتشوف بس مش عايزك تتعب زى الناس اللى تعبت وانا مافيش بلد خليجى الا وكان لية 5او6 اصدقاء مصريين

شوف يا سيدي اعتقد هذاااااا المكتب عندة مقابلات مدارس كثيرة ومعظمها راتب متوسط والمكتب بياخد اتعاب كبيرة عن المكلتب الاخري ومدير ها متشدد في هذاااا الموضوع

السلام عليكم أنا مدرس انجايزي ومعاي مقابلة شخصية يم السبت ان شاء الله في الشركة الدولية للتوظيف وبيقولوا ان المدرسة تسمي مدارس الرواد بمدينة أبها بالسعودية ياريت حد يفيدني بمعلومات جزاكم الله كل خير

ابعد عن حفر الباطن لانها مرهقة ماديا وجسديا

انا عملت مقابلات كتير فى مكتب غرناطة اقرب وقت من اسبوع كل المدارس هناك السعودية فقط والراتب ضعيف من 2000 الى 2500 ريال فى مدارس ومقابلات كتير كل يوم ممكن تقابل فى اكتر من مدرسة فى نفس اليوم حسب التخصص المطلوب فى مدارس فى جدة - الرياض - الدمام - الجوف واماكن اخرى كتير ممكن تروح المكتب مباشرة دون الاتصال ومعك كل الاوراق سيرة ذاتية وصورة المؤهل وصورة شخصية وشهادة خبرة اى اوراق موجودة
وده تليفون موظف هناك للاستعلام 01002197870 عنوان المكتب السيدة زينب امام مستشفى القصر العينى بجوار صيدلية قصر الدوبارة الدور الرابع

المكتب دة بيجيب المدارس اللي رواتبها اقل رواتب
ومديرها عايز يخد عمولة المكتب اعلي عمولة عن المكاتب الاخري

هذا المكتب يستضيف المدارس اللى مرتبتها ضعيفة جدا من 2000 الى 2500
وياخدو منك عمولة عالية اوى مقارنة بالشركات الاخرى

شركات مضمونة مليون %100
شركة الملتقى اللى فى شارع الطيران مدينة نصر
وشركة الريادة اللى فى جسر السويس

شركات ذات سمعة عاليه واقل عمولة تكاد تكون بسيطة جدا ومرتبات مجزية لذلك شروطها قوية شوية من حيث الامتحانات التحريرية والتقديرات والشهادات

ياريت لو حد عنده معلومات عن شركة الشعراوى اللى بجوار القصر العينى

جزاكم الله كل خير اخواتي الأفاضل
و معظم كلام حضراتكم كان صحيح لذلك رفضت العرض و الذي كان كالتالي

اسم المدرسة : تربية الأجيال
المدينة : حفر الباطن
الراتب الأساسي : 2000 ريال
حافز اخر السنه للسادة المعلمين المتميزين 150 ريال
تذاكر الطيران رايح جاي 1500 ريال
السكن لو لوحدك عليهم و لو هتجيب زوجتك استقدام هيدوك بدل سكن 5000 ريال

الاقامة و مصاريف التأشيرة كل سنه عليك انت يعني تقريبا 4200 ريال علي المدرس
احلي ما في المقابله ان العقد الموقع 12 شهر كاملين يعني لو نزلت اجازة بتاخد مرتبك عادي حتي لو انت في مصر

طبعا الاجابة كانت هي اني رفضت العقد و توجت لمكتب آخر
السؤال : من وجهة نظرك حضراتكم شايفين العقد بمنظور ايه؟

بس يا باشا حاول ترجع وخد العقد فرصة السفر صعبه جدا ممكن تعمل الف مقابله وما يحصلش نصيب 2000ريال ممتازه جدا انا لسه زاجع من السعوديه من الاحساء على 2000 ريال والحمدلله ربنا كرمنا من الدروس

معلومات جميلة ربنا يكرمكم علشان خطوة السفر بفكر فيها انا كمان

ياعم على عرفنا بعد اذنك نظام الدروس ازاى وازاى نعمل اعلان والاجر بتاع الدروس كام

يا استاذ علي يا منزلاوي حضرتك انا مدرس حاسبب آلي و انت تعلم ان معلم الحاسب الآلي مش هيدي دروس ولا شيء و يا دوب هيتم الاعتماد علي مرتبه فقط دا غير ان حضرتك بقول لسيادتك في العقد السابق ذكره الاقامة علي المدرس يعني حضرتك المدرس هيتكفل بمبلغ 4100 ريال كل سنه يدفعهم او هيتم خصمهم من الراتب

احلي ما في العقد هو انه 12 شهر
لك جزيل الشكر
و بالتوفيق يا اساتذه

السلام عليكم يا اخوانى انا اخوكم هيثم مدرس انجلش انا قدمت فى مكتب غرناطه و عملت مقابلة و الحمد لله اتصلوا بيا و حدودلى ميعاد الامتحان التحريرى بكره ايه رايكم؟ هل اذهب ام لا ؟ وكنت عاوز اعرف ايه نظام المدارس الخاصة فى السعودية؟

بص يا باشا الاول مقدمة الموضع بتعتك ذى العسل واكيد انت عسل واللة علشا ن كدة لازم تسمع كلامى لانى واضح ان الفكرة جديدة بالنسبة ليك اما انا اديلها سنة بالظبط المهم لازم تبعد عن كل المدارس الخاصة فى اى دولة خليجية وخاصة السعودية وجرب اولا المدارس الحكومية فى الخليج الاول وهى دى الخلاصة وجرب وانت هاتشوف بس مش عايزك تتعب زى الناس اللى تعبت وانا مافيش بلد خليجى الا وكان لية 5او6 اصدقاء مصريين
اتفق معاك تماما .. انا بالسعودية والكلام دة فعلا صح

نصيحة يا عم ابعد عن غرناطة بكل مدارسها