مشاهدة النسخة كاملة : "التعليم": رفع راتب المعلم المساعد ليصل لـ1031 جنيهاً بمرتب مايو


شعبان ناصر على
21-06-2013, 03:10 AM
كشف الدكتور طارق الحصرى مستشار وزير التربية والتعليم، أن الموازنة المتفق عليها للوزارة خلال العام المالى المقبل تبلغ 62 ملياراً و700 مليون جنيه، فى حين بلغت موازنة العام الماضى 49.9 مليار جنيه، مؤكداً أن مرتب المعلم المساعد فى الأول من مايو الجارى سيبلغ 1031 جنيهاً، بعد إضافة العلاوات الدورية والخاصة.

وقال الحصرى، إن موازنة الديوان العام تبلغ 4.2 مليار جنيه، منها 3.2 مليار "باب سادس" توزع بالكامل على المديريات، و500 مليون جنيه "باب أول" توزع مكافآت لـ250 ألف معلم مشترك فى أعمال الثانوية العامة، ومليار ومائتى مليون جنيه "باب ثانى" لطباعة الكتاب المدرسى.

وأوضح الحصرى، أن نصيب الديوان العام من الموازنة يبلغ 4.2 مليار جنيه، والمديريات 55 ملياراً، والهيئات المساعدة مثل محو الأمية والأبنية التعليمية 9.2 مليار، موضحاً أن الزيادة تأتى فى ثلاث مجالات، هى الأبنية التعليمية ومرتبات المعلمين ومحو الأمية، طبقاً لنص الدستور الذى أقر الإلغاء التام لها خلال عشر سنوات.

وأكد الحصرى، أن الوزارة فى طريقها لمراجعة المنظومة التشريعية للعملية التعليمية بالكامل، طبقاً للنصوص الأربعة الخاصة بالتعليم التى وردت فى الدستور، خاصة المادة 129 الخاصة بإنشاء المجلس الوطنى للتعليم، وكذلك تعديل القانون 139 الخاص بمنظومة التعليم فى مصر.

وفى سياق متصل، أكد الدكتور مجدى بخيت رئيس قطاع التعليم الفني، أن إيرادات المدارس الزراعية بلغت خلال العام الجارى 94 مليون جنيه، والصناعية 45 مليوناً، والتجارية أربعة ملايين جنيه، متوقعاً أن تكون جملة الإيرادات بنهاية العام الحالى 750 مليون جنيه بنسبة ربح 10% إلى 12%، وأشار إلى أن الولايات المتحدة وافقت على منحة قدرها مليون دولار لتدريب 27 مدرسة فندقية.

محمدومعاذ
21-06-2013, 12:34 PM
هذا الكلام يقصد به تضليل الرأى العام حول اوضاع المعلمين واظهارها افضل مما هى عليه بمراحل

anaarabion
21-06-2013, 01:39 PM
دا راتب المعلم المساعد قبل الاستقطاعات و الضرائب ، يعنى المبلغ ده هيصفى على 600 او 700 بالكتير

anaarabion
21-06-2013, 01:40 PM
هذا راتب المعلم المساعد قبل الاستقطاعات و الضرائب ، يعنى فى الاخر هيصفى على 600 او 650 بالكتير

Mr...Ahmed
21-06-2013, 01:55 PM
هو صاحب الخبر ده ولامؤاخذة لسه مقبض مرتب مايو ولا ايه دانا اتفلقت خلاص

انت مش قبضت يا استاذ مرتب مايو زى ما الخبر الكاذب ده بيقول !!!

وصلت 1031 !!!!!!!!!!!!!!!

محمـد الشيخ على
21-06-2013, 02:05 PM
مش قلنا دى اخبار محظوره مضلله والله حتى قبل خصم التامينات والمعاشات ما بيوصل كده مره تانيه بلاش الاخبار دى لانها بتخلى الناس تبصلنا على اننا مفتريين بنطالب بزياده واحنا مرتبتنا مش محتاجه

amrshaker
21-06-2013, 07:38 PM
ياجماعة دول بيشتغلونا انا معلم بالازهر ومرتبي 645جننه +50%الكادر (105)

malakdarsh
21-06-2013, 07:47 PM
كدابين ولاد تييييييييييييييييييييييييييييييييت

الأثري المالكي
21-06-2013, 08:25 PM
والأزهر فين من الكلام دا

محمود دايون
21-06-2013, 08:56 PM
يا جماعه يمكن بيتكلم عن مرتب المعلم المساعد فى دوله تانيه ههههههههههههههههههه

Mr_HalEeM
22-06-2013, 12:05 AM
lعشان الناس ييجو يقولولنا انتوا بتقبضو فوق الالف ولو حلفنا مفيش فايده

محمودقنديل
22-06-2013, 12:21 AM
لسه فيه فنكوش تاني والله انا 17 سنه ومرتبي 1375

samiro returning
22-06-2013, 01:17 AM
فين الحد الادنى يا منافقين يا مضللين يا تجار الدين

ashraf rashwan
22-06-2013, 02:57 PM
انا ست سنين ومرتبي 755

مهند؟
22-06-2013, 04:49 PM
المرتب اصبح فى الازهر 800جنيه بعد بدل الاعتماد الجديده

وليد العمدة
22-06-2013, 05:16 PM
انت تكذب يا مهند انا ليه سبع سنين فى الازهر تعاقد 2006 وتثبت قبضت الشهر ده 651+97 بدل اعتماد وحسبنا الله ونعم الوكيل الحال قبل الثرورة زى بعدها الغفير اصبح مرتبه اكثر من الف جنيه

محمـد الشيخ على
22-06-2013, 05:42 PM
انا نشرت موضوع قبل كده بعنوان اخبار محظوره
يا جماعه نشر مثل هذه الموضوعات يضرنا لانه بيقلب الفئات الاخرى على المدرسين والخبر ده ممكن نعتبره بيتكلم عن دوله تانيه فياريت كفايه كده بلاش احباط