بسم الله الرحمن الرحيم عايز اعرف من الناس الي ليها خبرا في الجمعات الخاصه او المعاهد النضيفه لو الواحد جايب ٦١٪ مجموع السنتين الحق اخش ايه خاص او اي جامعه تكون شهدتها نضيفا حسبات او تجاره خاص حتي ممكن الحق خاص ولا لا السنه الي احنا فيها دي ارجو سعدوني ويكون ليكو جزيل الشكر واي واحد عندو معلومه ميبخلش بيها في مستقبل شخص متوقف عليكو

ايه يا جدعان مفيش حد بيرد ليه الي يعرف حاجه ارجوكو ساعدوني

انت دفعة ايه؟ الدفعة بتاعت 2013 ولا 2012 ؟

لو 2012 السنة اللي فاتت ممكن تدخل تجارة خاص

لو 2013 دفعة السنة ديه مينفعش افيدك في حاجة علشان التنسيق لسه منزلش وفي اخبار كتيرة جداً قالت ان التنسيق هيزيد عن السنة اللي فاتت

انا الدفعه دي تالته ثانوي السنه دي بص انا عايز بس اي حاجه ممكن اخشها شهدتها حلو يعني لو تجاره خاص او معهد عالي كويس و سؤال تاني معلش ممكن الحق في مودرن اكاديمى ولا لا انا سمعت انها مش هتطبق النظام الجديد بتاع الكليات الخاصه

طاب معلش انتا قصدك ايه بدفعت ٢٠١٢ ولا ٢٠١٣ اصلي انا عايز السنه كولها علي الرياضه بس فا مش عارف بقي هكون التنسيق بتاعي تبع الدفعه الجديده ولا القديمه

التنسيق لسه منزلش التنسيق بينزل بعد نتيجة الامتحانات اللي هي من المحتمل تكون في نص شهر 7

يعني انت سقطت الرياضة السنة اللي فاتت وخدتها السنة ديه لوحدها؟ لو كده يبقي انت هيطبق عليك دفعة السنة ديه 2013 والله اعلم اتاكد من المعلومة ديه من الادارة التعلمية اللي انت فيها او من المدرسة

بالنسبة للجامعات والمعاهد الجامعات الخاصة بتدي شهادة افضل من المعاهد وعلي حسب امكانيتك لو تقدر تدفع فلوس كتيرة في الجامعة كل ما فرصة العمل بتكون اعلي بالنسبة لك

بص انا عايز بس اي جامعه تديني شهاده وخلاص تكون نضيفا يعني لو تعرف تقولي يبقا كتر خيرك اوي حوار الشغل ده بقي حاجه تانيه لاني اساسن انا كونت منفض للتعليم ومركز في الكورسات عشان كونت عارف ان دي الي هعرف اشتغل بيها المهم بس ياريت لو تعرف تقولي جامعات حلوه ونضيفه حتي لو غاليه عادي

زي ما وضحتلك لازم التنسيق ينزل الاول وتشوف هتكون جايب كام لان في كلام كتير جداً ان التنسيق هيكون اعلي من السنة اللي فاتت.

بالنسبة للجامعات علي حسب انت ساكن فين علشان الحضور بيكون عليهم درجات وممكن تنجحك المادة لو انت هتشلها فلازم الانتظام في الجامعة في اول سنتين

لو انت ساكن في الجيزة يبقي تدخل جامعة في اكتوبر msa جامعة اكتوبر للعلوم الحديثة والاداب
لو انت ساكن في القاهرة يبقي تدخل جامعة miu جامعة مصر الدولية - أو aast الاكاديمية البحرية

الجامعات ديه غالية وشهادتها معتدمة وهتخرج تشتغل علطول لانك وانت في اخر سنة ليك في الجامعة عارف انت هتخرج تشتغل فين