مبروك يا مصر
الحرب بدءت عندنا
مش عارفين نحاربوا عدونا
قررنا نحاربوا نفسنا
ون***وا فى بعضنا
مبروك يا مرسى حرقت قلبنا
شوفت انت لفين وصلتنا ؟؟؟؟
حتى لو المعارضة هى السبب
دا مش شغلنا
والرئيس فايدته أية
غير أنه يجمعنا كلنا
وانت الرئيس المنتخب
و أنت المسئول عننا
مبروك بجد علينا كلنا
يمكن لما نحاربوا بعض
نعرفوا نخدوا حقنا
او حتى قبر يلمنا
هى يعنى سوريا احسن مننا ؟
تحية كبيرة لكل بلطجى وبلطجية
تحية كبيرة للحروب الاهلية
تحية كبيرة لمفهوم الحرية
تحية كبيرة لشعبنا
وارضنا وشمسنا وبحرنا
وربنا يخلى المعارضة والجماعة
ويدوم عزهم وعزنا
ما هما بيحاربوا بعض من اجلنا
وزرغتوا يا ولاد الحرب بدءت عندنا
مبروك لكل اهلنا
شوفتوا كنا فين بعد الثورة
ودلوقتى بقينا فين
يا فرحة عدونا
للاسف أنا مش شايف عدو لنا
اكتر من نفسنا
اخرتها نحاربوا بعضنا
يلا نزرغتوا كلنا

الشاعر
عبد الحميد بدوى