انا تعبت وانتم اكيد ( هي دي مصر في عهدك) [الأرشيف] - بوابة الثانوية العامة المصرية

مشاهدة النسخة كاملة : انا تعبت وانتم اكيد ( هي دي مصر في عهدك)

انيمي

01-07-2008, 10:51 AM

انا مسؤلة عن كل كلمة هقولها

الديمقراطية في مصر
فساد في مصر
سرقة في مصر
تزوير في مصر
لصوص في مصر

تعالو نتكلم مش في ديمقراطية نتكلم براحتنا بقي !!!!!!!!!!!!!!! !!!!!!!!!!!!!!! !!!!!!!!!!

التعليم ودة ملفي الاول .؟.؟.؟

التعليم دة من المفترض انة بيقدم البلد دي دة في عهد اسماعيل كان عالية يقرب 126مليون جنية ديون ودة بسبب انو عاوز يطورالتعليم ( حقيقي )
مش زي واحد صاحبنا كل ما يطلع في حوار تلفزيوني يقول نفس الكلام ( بينة حافظة )
المدارس نظام الطلاب بيحضرو وافقرا تحت الجذمة واما الغني زي واحدة صحبتنا بتغش في الموبيل والمراقب شيفها وساكت لية ليها ناس سنداها ؟؟؟؟
اما بقي الثانوية العامة بتاعت مصر ؟؟؟؟
دي بقت كارثة مهو حاجة من الاتنين يتتلغي يتتلغي
مدارس الثانوية العاة غاية في الارف والقذارة بنات مش بتحضر بس بتدفع علشان الغياب ؟؟؟؟
ويقلك الغاء دروس الخصوصية شوفو اول احنا اطرينا ليها لية ؟؟؟
اصل لقينا مدارس كويسة ومدرسين خبرة وقلنا يادروس ؟؟؟
المدرس يدخل يكتب كلمتين عي السبورة ويقعد يرغي اكيد معتمد ان كلنا بناخد درووس ؟
لية بقي اتعب نفسي واروح مدرسة والله دي مدارس زبالة ومجتش علي قد المدارس
مدرسين والله ميعرفوش حاجة بقالهم كام سنة بيدرسو ؟؟؟
انا عن نفسي مش بيهمني اتعلم ولا اء خلاص كلنا مش بنشتغل بالشهادة وشهادة اية دي ( باستثناء الوسطات ) قولي يامصر فيكي اية كويس نفتكرة دي وزارة ولا اية بالظبط كل مايجو يتكلمو يقولو تطوير تطوير اية ياعم الحج بتسكت مين اه تطوير عاوزة بتاع تران والله عاوزين راية حمرة وهي تطير
يخلونا نتعب طول السنة ومبنمش ويجي ويجبلك امتحانات عسل تخلي الطالب الحمار يحلها ويقولك منظومة جديدة للطلاب علشان يفكرو وميخلوش كلة حاجة بالحفظ مش كنتم تدربونا عليها ولا احنا فران تجارب !!!!!!!!!!!!!!!
اهو دة تعليم مصر افرحي بقي يا مصر وافتخري دة في متخرجين مبيعرفوش يقراو الارقام ؟؟؟؟؟؟؟؟؟؟
مش هنسكت لغايية اما يجي حقنا علشان حرام راعو ضمركم ولو لحظة وارجعو لربكم

ولسة في ملفات كتير استنوني

بندق__2007

01-07-2008, 11:09 AM

مستنين ملفاتك

و انا مبسوط بالشباب اللى بيحاول يفهم و يفتح الملفات دى و مش خايف

و عايز فعلا يوعى الناس

ربنا معاكى يا انيمى

RANCY

01-07-2008, 02:36 PM

تسلمى يا انيمى كلامك كله صح هو ده بالظبط اللى بيحصل مستنيينك ومستنيين ملفاتك ...................... ربنا معاكى

انيمي

12-07-2008, 09:53 AM

شكرا علي ردودكم

Ra2oF

12-07-2008, 08:28 PM

بجد ده الشعور الجواي بس المشكلة نبدأ منين علشان نصلح و الاصلاح مش هيجي غير بتغيير الحكومة كلها ::: و ده عايز انقلاب عسكري :: و شوف مين في الحربية يجرؤ علي انقلاب ؟@ علشان كيده مفيش غير حل المظاهرات و ديه صعبة في زمن كله خوف و جبن :: :: :: :: :: بس في زي 6 ابريل ::!؟

شكراا لشعورك

رونالدينهوو

12-07-2008, 11:25 PM

شكراااااااااااا على الموضوع وربنا يخليك لمصر

اخرالعنقود1

13-07-2008, 01:51 AM

شكرا على الموضوع
وكلناا فعلا جوانا ده بس مش عارفين نطلعه
عايزيين نعمل حاجه تبرد النار اللى جوانا
ربنا يساعدنا ونعمل حاجه مفيده

انيمي

13-07-2008, 02:32 PM

خلاص خلصت دلوقتي رقابة علي النت والتليفون والرسايل يعني ديموقراطية مزيفة !!!!!!!!!!!!!!!!!!!!!!!!!!!

eng*moon light

13-07-2008, 05:38 PM

و الله يا بنتى عندك حق
لا بيرحموا ولا بيسيبوا رحمة ربنا تنزل

رونالدينهوو

13-07-2008, 08:22 PM

مستنين ملفاتك

و انا مبسوط بالشباب اللى بيحاول يفهم و يفتح الملفات دى و مش خايف

و عايز فعلا يوعى الناس

ربنا معاكى يا انيمى

هنخاف من اية اللى راح راح والدنيا خربانة (مصر خربانة )

M.TAHER

13-07-2008, 08:42 PM

والله عندك حق فى كل اللى بتقوله

beautyblotyboy

16-07-2008, 02:20 AM

عندك حق والله انا ضعت بسبب الكيمياء حاسس اني مظلوم

سندريلا فايز

16-07-2008, 02:32 AM

ربنا معاكى بس تفتكرى هتغيرى حاجة اكيد لا طبعا بس خليك يمكن والله اعلم

vampire1188

16-07-2008, 10:55 AM

Ra2oF

17-07-2008, 12:53 AM

ماتبطلوا النظرة التشاؤمية دي بقىىىىىىىى

مالها مصر ؟ .. اي نعم فيها مشاكل بس هاتفضل بلدكوا ...

والله انا بستعجب جدا من الناس اللي تفضل تقول البلد خربلنه البلد منيلة البلد بايظة

طب عملت ايه انتا لبلدك ؟!

ياريت كل واحد يجاوب على السؤال دا ويشوف نفسه .. هل هوا يستحق اصلا انه يكون من البلد دي ولا لأ

ولو مش عاجباه البلد .. يسيبها !!

السلام عليكم و رحمة الله و بركاته

حضرتك ماشي بمبدأ :: متقولش مصر ادتنا ايه :: قول هتدي ايه لمصر ::
ماشي بس يا صاحبي ما العمل لمصر مصر نفضيتلوا :::: هتقولي زي ميين :: هقولك احمد زويل اخد نوبل و نفضولوا راح امريكا و رجع طلب يعملولوا مركز ابحاث نفضولوا برده و ايه قطر الهي كلها حجم اصغر محافظة في مصر تاخدو و تعملوا مركز في قطر :::
و غيروا زي الباز و ناس كتير حاولت تدي بس مينفعش :: غير ان الواحد يبقي حرامي و يسرق البلد او يحتكر سلعة ::: بس هو ده الماشي في البلد ::: عرفت ليه الناس كرها مصر :: و عايز اوضح احنا مبنكرهش بلدنا احنا ساعت لنا بلدنا تقع في خطر كلنا هنفديها بس احنا كارهين الحكومة :::::::

انيمي

17-07-2008, 08:17 AM

ماتبطلوا النظرة التشاؤمية دي بقىىىىىىىى

مالها مصر ؟ .. اي نعم فيها مشاكل بس هاتفضل بلدكوا ...

والله انا بستعجب جدا من الناس اللي تفضل تقول البلد خربلنه البلد منيلة البلد بايظة

طب عملت ايه انتا لبلدك ؟!

ياريت كل واحد يجاوب على السؤال دا ويشوف نفسه .. هل هوا يستحق اصلا انه يكون من البلد دي ولا لأ

ولو مش عاجباه البلد .. يسيبها !!

انا هقولك حاجة مهمة اوي الي عايش في مصر دي ولا بيحس ويقولك سيبها دول الاغنياء لية لان الفقرا في وزارة الاستاذ نظيف تحت الجذمة البلد بايظة قول مصر عملت ليك اية هتديك الاشهادة وتقعد علي القهاوي باستثناء ان حضرتك مسنود من راس كبيرة ( ماهي خلاص بلد رشاوي ووسطات ) وكل الناس عارفة دة كويس اوي واكيد حضرتك عارف بس بتخاف تتكلم لان خلاص البلد دي مكشوفة والبلد دي علي وشك الانهيار لو لم تتغير هذة الحكومة افاسدة وزير التعليم الي بيدافع عن الي بيغشو ولا اي بيشجع الكليات الخاصة ولا وزير الزراعة بتاع المواد المسرطنة ولا وزير الثقافة وشغال في الهيافة انت اكيد مش عايش في مصر ونبي بص قدامك كويس وشوف بلدك وغيرها --