Muhammad Karim
28-06-2013, 10:34 AM
بدأت الأجــازة عند ناس كتير بأحلام -زي كل سنــة - انــها تكون اجازة مختلفــــــة..
وبعد ما الاجازة ابتدت بدأت الاحلام دي تتلاشي واحدة واحدة -برضو زي كل سنة:d -
ودة بلا فخـر من أسباب تخلفنا كــعرب ..!!
بنفضل طول عمرنا نضيع وقت نقدر نعمل فية كل حاجة، ولما نبقي مش قادرين
نعمل حاجـــة خلاص نبدأ نندم، غلط بنورثة وعارفين انـة غلط ، وبرضو سايبين نفسنا جواه..
الرســـول - علية الصلاة والسلام - قال لنا ان الناس كلها يوم القيامة لازم هتتسأل علي 4 حاجات ، وأولهم : انت ضيعت عمـــــرك ف اية ؟؟
هل ضيعتـة علي ال facebook ? تعدي ساعة واتنين، وعمرك كلة قاعد في مكانكـ؟
يعني عشت زيادة عدد وخلاص ؟ واحد هيحطوا لة في الاخر صورة سودا - بعد عمر طويل - علي ال facebook مكتوب عليها "قـول الله يرحمة ف comment ويومين وخلاص اتنسيت ؟
ولا في حاجة بتعملها عمر الناس ما هتنساك عشانها ؟!
أول خطوة للتغيير ف حياتك انك تصارح نفسك ...
هل أنا ليا لازمة ؟! طب انا بعمل اية ف حياتي ؟ طب لما شريط حياتي يتعرض عليا في الحساب هكون فرحان بية ؟ ...
نمسكها واحدة واحدة ..يومي بيمشي ازاي وبصحي اعمل اية ؟ كام ساعة ضيعتها وماعملتش فيها حاجة ؟ كام حاجة مفيدة عملتها ؟
لو صارحت نفسك ممكن تلاقي أيام وسنين كاملة عدت من غير ما يكون فيهم حاجة فخور انك عملتها .. بس ما تخافش كلنا قدامنا فرصة نتغير :)..
كمل قراءة بنية التغيير
بعد ما عرفت اية اللي بتعملة ف يومك واية مشاكلة ، ابدأ احلم ، نفسك تكون بعد سنة مثلا عامل ازاي ؟ نفسك الناس تفتكرك ب اية ؟؟
حدد ليك أهداف ولو قصيرة وأجري وراها وعيش عشانها .. هتبدأ تحس لحياتك طعم .
تعالي نبدأ الأجازة دي أو الايام دي واحنا عارفين ان كل واحد مننا ف حياتة 4 جوانب ..
العقل والجسم والقلب والروح
عقلك بتديلة حقة أزاي ؟
بس بس ، عارف ان نظام تعليمنا بيبوظ عقولنا ولو الدراسة كان شكلها كذا كان زماني أنا دلوقتي بقيت كذا ، صلي ع النبي :d
اللي كان كان
مشكلتنا كمجتمع اننا مبنعملش حاجة مفيدة تقريبا ، تافهين بمعني أوضح! ناس قاعدين حاطين ايديهم علي خدودهم وبيتحسروا !!
شوف أنت نفسك تتعلم اية ونفسك تعررف ايه وتبقي ازااي، وما ترسمش لنفسك حدود
وتحبط نفسك ، جرب الحاجات اللي فاكر انك ما بتعرفش تعملها ، دور علي كل حاجة تتعمل ودور ع الحاجات اللي بتحبها ، المهم ما تفضلش ايدك علي خدك..
(( خـلي جزء من اجازتك علم ))
جسمـــــك وصحتك اللي ربنا هيحاسبك عليهم، شكرت وحافظت عليهم ولا لأ ؟
بطل كسل واستغل نعمة ربنا دي ف كل حاجة بتعرف تعملها .. حافظ عليها وماتدمرهاش .
((خلي جزء من أجازتك رياضة ))
قلبك اللي بترمية ف أي حتة ، حافظ علية ، حب اللي بتعملة ، حب اصحابك ، حب اهلك وخلي نفسك تحب حياتك
((خلي كل حاجة بتعملها ف اجازتك تتحـــب ))
روحــــــــــــــك ..
قرب لربنا واشكره علي نعمه واسعي لرضاه في كل حاجة بتعملها ..
قوي علاقاتك بالناس واخرج من الدايرة اللي انت فيها وساعدهم ، انزل اعمال خيرية بنية حلوة ،وشوف فقرا ومجتمعات تانية واعرف انك لازم تساعدهم في كل حاجة وتهتم بأمرهم ..
" من سعي لأخية المسلم في حاجة ، فضيت له أو لم تقض غفر الله له ما تقدم من ذنبة وما تأخر ،وكتب له براءتان ،براءة من النار ، وبراءة من النفاق "
((خلي اجازتك تغذية لروحــــــك ))
شـوف ازاي ممكن تشتغل ع ال 4 جوانب دول وتشغل وقتك فيهم واعمل خطة لنفسك ( والله مش تعقيد بس الحاجات دي علي فكرة هتخليك سعيد مش العكس):blush:
قرر دلوقتي انت عايز اية وحاسب نفسك ...
ماتفضلش قاعد علي كرسيك ده لغاية السنة الجاية أبوس ايدك:d.
لـو كل 10 قروا الموضوع .. واحد فقط .. أخد خطوة ايجابية ..
يبقي كده التعب جاب نتيجة ..كن انت هذا الشخص;)
وبعد ما الاجازة ابتدت بدأت الاحلام دي تتلاشي واحدة واحدة -برضو زي كل سنة:d -
ودة بلا فخـر من أسباب تخلفنا كــعرب ..!!
بنفضل طول عمرنا نضيع وقت نقدر نعمل فية كل حاجة، ولما نبقي مش قادرين
نعمل حاجـــة خلاص نبدأ نندم، غلط بنورثة وعارفين انـة غلط ، وبرضو سايبين نفسنا جواه..
الرســـول - علية الصلاة والسلام - قال لنا ان الناس كلها يوم القيامة لازم هتتسأل علي 4 حاجات ، وأولهم : انت ضيعت عمـــــرك ف اية ؟؟
هل ضيعتـة علي ال facebook ? تعدي ساعة واتنين، وعمرك كلة قاعد في مكانكـ؟
يعني عشت زيادة عدد وخلاص ؟ واحد هيحطوا لة في الاخر صورة سودا - بعد عمر طويل - علي ال facebook مكتوب عليها "قـول الله يرحمة ف comment ويومين وخلاص اتنسيت ؟
ولا في حاجة بتعملها عمر الناس ما هتنساك عشانها ؟!
أول خطوة للتغيير ف حياتك انك تصارح نفسك ...
هل أنا ليا لازمة ؟! طب انا بعمل اية ف حياتي ؟ طب لما شريط حياتي يتعرض عليا في الحساب هكون فرحان بية ؟ ...
نمسكها واحدة واحدة ..يومي بيمشي ازاي وبصحي اعمل اية ؟ كام ساعة ضيعتها وماعملتش فيها حاجة ؟ كام حاجة مفيدة عملتها ؟
لو صارحت نفسك ممكن تلاقي أيام وسنين كاملة عدت من غير ما يكون فيهم حاجة فخور انك عملتها .. بس ما تخافش كلنا قدامنا فرصة نتغير :)..
كمل قراءة بنية التغيير
بعد ما عرفت اية اللي بتعملة ف يومك واية مشاكلة ، ابدأ احلم ، نفسك تكون بعد سنة مثلا عامل ازاي ؟ نفسك الناس تفتكرك ب اية ؟؟
حدد ليك أهداف ولو قصيرة وأجري وراها وعيش عشانها .. هتبدأ تحس لحياتك طعم .
تعالي نبدأ الأجازة دي أو الايام دي واحنا عارفين ان كل واحد مننا ف حياتة 4 جوانب ..
العقل والجسم والقلب والروح
عقلك بتديلة حقة أزاي ؟
بس بس ، عارف ان نظام تعليمنا بيبوظ عقولنا ولو الدراسة كان شكلها كذا كان زماني أنا دلوقتي بقيت كذا ، صلي ع النبي :d
اللي كان كان
مشكلتنا كمجتمع اننا مبنعملش حاجة مفيدة تقريبا ، تافهين بمعني أوضح! ناس قاعدين حاطين ايديهم علي خدودهم وبيتحسروا !!
شوف أنت نفسك تتعلم اية ونفسك تعررف ايه وتبقي ازااي، وما ترسمش لنفسك حدود
وتحبط نفسك ، جرب الحاجات اللي فاكر انك ما بتعرفش تعملها ، دور علي كل حاجة تتعمل ودور ع الحاجات اللي بتحبها ، المهم ما تفضلش ايدك علي خدك..
(( خـلي جزء من اجازتك علم ))
جسمـــــك وصحتك اللي ربنا هيحاسبك عليهم، شكرت وحافظت عليهم ولا لأ ؟
بطل كسل واستغل نعمة ربنا دي ف كل حاجة بتعرف تعملها .. حافظ عليها وماتدمرهاش .
((خلي جزء من أجازتك رياضة ))
قلبك اللي بترمية ف أي حتة ، حافظ علية ، حب اللي بتعملة ، حب اصحابك ، حب اهلك وخلي نفسك تحب حياتك
((خلي كل حاجة بتعملها ف اجازتك تتحـــب ))
روحــــــــــــــك ..
قرب لربنا واشكره علي نعمه واسعي لرضاه في كل حاجة بتعملها ..
قوي علاقاتك بالناس واخرج من الدايرة اللي انت فيها وساعدهم ، انزل اعمال خيرية بنية حلوة ،وشوف فقرا ومجتمعات تانية واعرف انك لازم تساعدهم في كل حاجة وتهتم بأمرهم ..
" من سعي لأخية المسلم في حاجة ، فضيت له أو لم تقض غفر الله له ما تقدم من ذنبة وما تأخر ،وكتب له براءتان ،براءة من النار ، وبراءة من النفاق "
((خلي اجازتك تغذية لروحــــــك ))
شـوف ازاي ممكن تشتغل ع ال 4 جوانب دول وتشغل وقتك فيهم واعمل خطة لنفسك ( والله مش تعقيد بس الحاجات دي علي فكرة هتخليك سعيد مش العكس):blush:
قرر دلوقتي انت عايز اية وحاسب نفسك ...
ماتفضلش قاعد علي كرسيك ده لغاية السنة الجاية أبوس ايدك:d.
لـو كل 10 قروا الموضوع .. واحد فقط .. أخد خطوة ايجابية ..
يبقي كده التعب جاب نتيجة ..كن انت هذا الشخص;)