بسم الله الرحمن الرحيم


بصراحة كنت أتصفح أحد المنتديات الإسلامية ،فلفت نظري هذا الموضوع

جاءت إليها أمها ووجها يتهلل فرحا وقالت :
بنيتي لقد جاء فلان وابنه لخطبتك
ألجم الفرح الفتاة ..أخرس لسانها ونطقت عيناها ببريق السرور والأمل :
الآن سيتحقق حلمي أبني بيتا من السعادة وأربي جيلاً يكون قطعة ً مني
أربيه على ناظري يكون عونا لي في الدنيا وذخراً لي في الآخرة
لم تنم تلك الليلة فهي لاتحتاج النوم بعد أن تحولت أحلام نومها
إلى حقائق تداعب يقظتها............ ......... ....
وافق أبوها على الخطبة وتمت الرؤيه الشرعية
سُرّ بها العريس وسرت به
وابتدأ الجميع يوزعون كروت الدعوة ليلة الفرح الموعودة
ذهب العريس إلى عمله أخبر بعض أصحابه بأنه سيتزوج إبنة فلان
بارك له الجميع
وفي اليوم التالي قابلهُ أحد زملائه وقال له :
الله الله أنت إذن ستتزوج الكاتبة الفلانيه
التي تكتب في المنتدى الفلاني نظر العريس إلى زميله متعجباً
عن من تتحدث وماهذا الكلام؟؟؟؟؟؟؟
قال : زميلة خطيبتك كاتبه في المنتدى الفلاني بالاسم الفلاني ؟
قال : وما أدراك ومن أعلمك ؟
قال : أختي تعرفها وأسرت لها بذلك ؟
وهي تكتب باسم مستعار (( ............ .))
أتريد أن ندخل الى المنتدى لنشاهد مواضيع خطيبتك ؟
قال : العريس وهو يتصبب عرقاً ولما لا ؟
فتح الزميل المنتدى ،استخرج بالبحث جميع مواضيعها
ثم بدأ الاثنان في التصفح
فها هي ترد على فلان وتشكر فلان وتتناقش مع فلان
وتضحك من طرفة فلان
وهذا فلان يمدح ما تكتب ويثني على ماتقدم
وهي ترد عليه بالثناء والشكر
احمرَّ وجه الخطيب وخرج من المكتب
واتصل ببيت خطيبته
وقال لأمها :
هل تسمحين لي أن أكلم خطيبتي قالت أمها: لامانع
أخذت البنت الهاتف
وقلبها يخفق ويداها ترتجفان تخشى من سماع الكلام المعسول
أو أن لاتملك القدرة على الرد وهو يحدثها عن بيت المستقبل؟
لكنه فاجاءها بسؤال واحد :
هل أنتِ الكاتبة الفلانية في المنتدى الفلاني ؟؟؟؟؟؟؟
قالت : نعم أنا هي
قاطع حديثها وقال آسف أنا لا أتزوج فتاة إنتر نت
وقفل السماعة
..
..
..
v
v
v

هل تقبل الزواج من فتاة تكتب بالمنتديات...؟؟؟
هل الإنترنت حكراً على الرجال فقط دون النساء ؟؟؟؟ ))

ربنا يشفى
لا تعليق

بصراحة مفهاش حاجة بس بشرط انها بعد الخطوبة تسيب المنتديات خالص :::::::::::::::::: اصل طالما انا معرفهاش و انا رايح معرفهاش من زمان زي فلان الفي القصة :: يبقي اساسا انا معرفش هي كانت بتعمل ايه و هي صغيرة :::::: يبقي عادي بس زي ما قلت تسيب المنتديات بعد الخطوبة :::و لكن لما اكون عارفها من زمان :و حببها : خلاص خلصت منتديات ايه ما انا هعد اكلمها و اعملها جو منتديات :D:D:D

ربنا يشفى فعلاااا

بالمناسبة الموضوع ده
بقاله اكتر من 5 سنين من اول ما بئا فيه منتديات فى العالم العربى
يعنى موضوع ابيض واسود
وبينى وبينك موضوع لا يرقى لمستوى المناقشة
حتى القصة نفسها غبية شوية
ايه يعنى بتكتب فى منتدى
السوال الصحيح بئا وكان المفروض اسم الموضوع
هل تقبل الزواج من فتاة تكتب فى جرس الفسحة
ساعتها هقولك حاشا وكلا
شكرا على المجهود
نصيحة اخوية اختار الموضيع اللى تحطها
واسف على الاطالة

منتدي عن منتدي يفرق بالنسبه للمنتدي ده فلما لا الاخوات كلهن فضليات والموضوعات في نطاق الادب والخلاق

الموضوع ده غريب فعلا ومفيش مبرر لرفضه
هل احنا لو بنكتب فى منتديات نبقى مش محترمين

مفهش حاجة اية يعنى لما تبقى عضوة فى منتدى
و ياريت مش كل حاجة الاجابة تبقى بالطريقة دي ربنا يشفى واحد منزل موضوع للنقاش اللى مش عاجبة الموضوع ميردش و خلاص

يا عينى على الجهل المجانين فى نعيم يا ابنى/بنتى هى الكسبانة أصلا بدل ما تتجوز انسان لسه عايش مع الديناصورات ........
هو فاكر نفسه (طويل العمر يطول عمره يزهزه عصره وينصره على من يعاديه هاى هئ ) ده بيستهبل
لو أنا ولد طبعا عادى أوافق بس شرط يكون منتدى زى المنتدى ده..............محترم و كويس....

بيور هيرت هم قصدهم ربنا يشفى العريس ده مش كاتب الموضوع

ياجماعة النقاش مش بالظريقة دى خالص


كل واحد لو رائيوا بس من غير مايتعدا حدودوا على الى عامل الموضوع
الى مش عاجبوا الموضوع يقول مش عجبوا لية بالنقاش مش بالسلوب دة

وبعدين الموضوع حلو جدااا وينفع النقاش فية فعلالالا

انا احيك

من امتى الكتابه كانت عيب ؟؟؟؟؟؟؟؟ طالما فى الحدود واعتقد ان فى هذه القصة يبدو أن الفتاة لم تخرج عن الحدود .... فما المانع ؟؟؟؟؟؟

مفهش حاجة اية يعنى لما تبقى عضوة فى منتدى
و ياريت مش كل حاجة الاجابة تبقى بالطريقة دي واحد منزل موضوع للنقاش اللى مش عاجبة الموضوع ميردش و خلاص

بالمناسبة انا قصدى على القصة نفسها
مش على اللى منزلها
لان هو زكر انه نقالها من منتدى تانى
ثم القصة والسوال نفسه لا يرقى زى ما قولت لمستوى المناقشة
ولو الكتابة فى المنتديات عيب يبئا حضرتك اتفضلى سيبى المنتدى

لا بالعكس انا شايفه انه يرقي جدا لمستوي المناقشه
مسألتش نفسي السؤال ده قبل كده
هل اللي بعمله ده فيه حاجه تتغضب ربنا ؟
مع العلم ان لي حدود الحمد لله ومش بتكلم مع ولاد وكده
بس انا فعلا سألت السؤال ده لاخويا وقاللي ان في نماذج مينفعش انه يوافق عليها
ووراني بعض الردود لبعض زميلاته في الكليه في منتدي الكليه بتاعته
اللي هي بتتكلم مع ولاد عادي جدا وطريقة كلامها مش حلوه
بس هو راضي عن ردودي في المنتدي
وده اللي مخليني مطمنه لاني بجد بحترم رأيه جدا لانه متدين جدا الحمد لله
بس فعلا موضوع يستحق النقاش
بس ع حسب طرقة البنت دي كلاممها حدودها كده
مش اي كتابه وخلاص
شكرا لحضرتك ع طرحك للموضوع
وانا برشحه انه يكون موضوع جيد للنقاش
لانه بصراحه عجبني اوي

هو هنا مش بيتكلم عن ردود او مواضيع او منتدى بشكل خاص
هو هنا بيتكلم بصفه عامة عن المنتديات
انا بعتبر ان النت ده كان اسواء اختراعات القرن العشرين
لانه شغلنى عن حاجات جميلة كنت بعملها
بس حاول اقلل منه
لانى بقيت فعلا مدمن نت ومنتديات للاسف
بس حضرتك هنا بتكلم عن ان الشخص ده تركت خطيبته بعد ما اكتشف انها بتكتب فى منتدى
منطق غريب لموضوع اغرب

بصراحة انا شايفة ان انا ممكن ارفض ان خطيبى ان شاء الله يعنى يكتب برده فى منتديات بس الكلام ده بعد الخطوبة طبعا لانى مشتركة فى مواقع برده فمش معقول هامنعه انه يعمل حاجة انا بعملها ولا ايه

وباعدين الموضوع عادى جدااااا وفعال كمان مافيهوش اى مشكلة على الاطلاق

الموضوع مكرر كتير فى المنتديات

وبعدين البنت بشخصيتها و ليس بالمنتديات

ا المفروض يكون في ثقة متبادلة بين الطرفين ويكون متاكد من انها لن تفعل شيئاخاطئ وهي ايضا واذا ماكنش فيه ثقة متبادلة من البداية فكيف بعد الزواج والائتمان على الشرف والعرض وغير ذلك لازم يكون فيه ثقة اكتر من كدا. وبعدين عالنت فيه كل شئ الحلو والوحش وكل انسان يختار مايليق به وباخلاقه ويدخله بس

اولا لو فى ثقه متبادله بينهم هو هيبقى متاكده منها
وان هى مش بتعمل حاجه غلط وبعدين هى غلطانه من الاول
اكيد كانت لازم تقولوا حاجه زاى ديه لو هى مش شايفه انها بتعمل
حاجه غلط وكان هو مش هيتفجىء ولا حاجه
وبعدين الحاجات ديه بتيجى بالنقاش مش النرفزه والزعيق

وكل حاجه بيبقى ليها حل

أولا شكرا على طرحك للموضوع يا first love ولكن ...
يعني ايه يعني فتاة انترنت ؟؟؟؟؟؟
ليه خطيبها يسيبها لمجرد انها بتقعد على الانترنت وبتكتب في منتديات؟؟؟؟!!!
مادام هيا بتتكلم بإحترامها ومش تعدت الحدود اللي ربنا امرها بيها يبقا ايه المشكلة ؟؟؟
الكلام ده لو لقى مشاركاتها فيها كلام مش محترم او كدا أو مثلا طريقة كلامها وردودها على الولاد غير أخلاقية ومش كويسة ... ساعتها طبعا يعمل اللي عمله
لكن بالشكل اللي في القصة دي يبقا انسان غريب جدا وفاهم الدين والدنيا غلط

ده رأيي

وشكرا أخي First love على التوبيك ربنا يبارك فيك

ياجماعه انا بشكر كل انسان او انسانه رد عليا

وعلى فكره اانا مش زعلان من الــــــــ انتقد الموضوع ولا حاجه
وعلى فكره ردودكم تهمنى مهما كانت

وكمان الاختلاف فى الراى لايفسد للود قضيه

واحنا اخوات واصحاب وعادى يعنى


شكرررررررررررا

شكرا على موضوعك يا first love
لكن هو فى حاجة اسمها بنت نت؟
يعنى ايه
انا لما قريت القصة حسيت ان الشخص اللى سابها ده معقد او تافه
لسبب انوا يسيب خطيبته علشان بتكتب فى موقع او منتدى؟
وفيها ايه؟
انا اعتقد ان القصة ديه قديمة
لان كل الدنيا على الكمبيوتر والنت وحتى انا لو مش مسجلة فى موقع وابديت راى يبقى كده حرام ؟
اعتقد ان لكل بنت حدود تكتب اللى هى عاوزاه فيها بس متقدرش تعدى الحدود ديه
علشان كده انا من راى ان مفيهاش حاجة لو حد اتجوز فتاة نت زى ماانتوا مسميانها
وبعدين ليه تسيب الكنتدى اللى بتكتب فيه بعد الخطوبة ليه؟
وفيها ايه
انا ماما واخواتى عارفين حكاية انى بكتب فى المنتدى وانى مشتركة فيه ومع ذلك مقلتليش حاجة لانها عارفة ايه نظامى وايه طريقتى
بس بصراحة حكاية ان البنت تسيب المنتدى بعد الخطوبة مش ظريفة لانها مش هتفرق كتيير اوى
او حل محايد
محدش يكتب فى المنتديات خالص

شكرا على موضوعك يا first love
لكن هو فى حاجة اسمها بنت نت؟
يعنى ايه
انا لما قريت القصة حسيت ان الشخص اللى سابها ده معقد او تافه
لسبب انوا يسيب خطيبته علشان بتكتب فى موقع او منتدى؟
وفيها ايه؟
انا اعتقد ان القصة ديه قديمة
لان كل الدنيا على الكمبيوتر والنت وحتى انا لو مش مسجلة فى موقع وابديت راى يبقى كده حرام ؟
اعتقد ان لكل بنت حدود تكتب اللى هى عاوزاه فيها بس متقدرش تعدى الحدود ديه
علشان كده انا من راى ان مفيهاش حاجة لو حد اتجوز فتاة نت زى ماانتوا مسميانها
وبعدين ليه تسيب الكنتدى اللى بتكتب فيه بعد الخطوبة ليه؟
وفيها ايه
انا ماما واخواتى عارفين حكاية انى بكتب فى المنتدى وانى مشتركة فيه ومع ذلك مقلتليش حاجة لانها عارفة ايه نظامى وايه طريقتى
بس بصراحة حكاية ان البنت تسيب المنتدى بعد الخطوبة مش ظريفة لانها مش هتفرق كتيير اوى
او حل محايد
محدش يكتب فى المنتديات خالص

انا معاك ياصاحبى

بس فيه حاجه هوا مسبهاش على فكره الموضوع للنقاش

ولو الموضوع مضايق الناس دى كلها نخلى المشرف يحذفه ولا ايه

والله ياجماعة انتوا مديين الموضوع اكبر من حجمه
لو كانت منتديات هافة واسلامية مثل الثانوية العامة وغيرها من المنتديات الراقية
دة ملوش تأثير ع البنت نهائى لان دى خبرة بيحاول الانسان يكتب هذة المواضيع للوعى
فقط