EnG.BeLaL
01-07-2008, 06:28 PM
البداية انا عارف ان السؤال ده غبي لانكم ان عارفين الاجازة عمرها ما هاتكون اسبوعين و الكلام ده موجه لطلبة العلمي عامة و علمي رياضة بالاخص .
بس كلنا عارفين ان النتيجة بعد اسبوعين و هي اما ............ او .................
طبعا كلنا عارفين ايه اللي في النقط دي
و لو النتيجة وحشة لقدر الله و ده هايكون عامة لطلبة العلمي رياضة اللي هما اصلا متوقعين النتيجة فطبعا هاتكون الاجازة اسبوعين لانا هانقضي بقيت الاجازة نكد . و لو حلوة طبعا هايبقى احلى 3 شهور في حياتنا .
و ياريت كل واحد يقولي هو حاسس او متوقع الاجازة اسبوعين ولا 3 شهور . و بإذن الله تكون 3 شهور و تكون احلى اجازة قضيناها في حياتنا و انا رغم اني علمي رياضة و و خايف جدا بس لاني عندي امل كبير في ر بنا انا بقول ان الاجازة 3 شهور .
mina_totti65
02-07-2008, 10:55 AM
بالنسبه لى انا مش هتفرق اسبوعين و 3شهور ولا اسبوع حتى لانى خلاص زهقت انا حاسس انى عملت اللى عليا وزاكرت كويس
والحمدلله عملت اللى عليا برضو فى الامتحانات ومسبتش سؤال حتى اللى مش عارفوا عملته وخلاص
والباقى على ربنا يساعدنا كلنا ويعدى السنه الجايه دى على خير
EnG.BeLaL
02-07-2008, 06:16 PM
هو ده اللي مطمني اني عملت اللي عليا برضه
Last Fantasy
02-07-2008, 06:35 PM
الحمد لله إني أجلت في تانيه والا كان زماني ضحية من ضحايا المجزرة بتاعت الفيزياء والتفاضل
C A N D Y
02-07-2008, 07:30 PM
انا مش عارفة ليه انا مش حاسة ان فى اجازة خالص..يعنى السنة اللى فاتت فى تانية ثانوى ربنا الحمد لله وفقنى فى الامتحانات و كنت حاسة انى عملت اللى عليا عشان كدة سافرت اخر يوم فى الامتحانات و قضيت اجازة تحفة مش فى بالى اى حاجة .. و جت النتيجة و خلت الاجازة احلى بكتيييييييير
السنة دى بأى من يوم ما خلصت امتحانات و انا مش ليا نفس اسافر او اخرج او اعمل اى حاجة لانى قلقانة أوى و طبعا مش هسافر قبل النتيجة و التنسيق و الهم دا يعنى دلوقتى عمالة اشوف الكليات و اسأل الناس اللى اعرفهم عن الكليات اللى دخلوها و طبيعة الدراسة و كدة و يوم النتيجة دا هيبقى ......هبااااب انا متوقعة انه يكون اوحش يوم فى حياتى و اكيد الايام اللى بعده
يعنى ولا قبل النتيجة ولا بعد النتيجة ...
بس انا هعمل زى ما واحدة صحبتى قاليتلى:
انتى عملتى اللى عليكى سيبيها على ربنا و مفيش حد هياخد اكتر من نصيبه و استمتعى بالاجازة دى لانها مرحلة مهمة و متخليش حاجة تدايقك
يااااااه نفسى اعمل كدة أوىىى
EnG.BeLaL
02-07-2008, 07:58 PM
انا مش عارفة ليه انا مش حاسة ان فى اجازة خالص..يعنى السنة اللى فاتت فى تانية ثانوى ربنا الحمد لله وفقنى فى الامتحانات و كنت حاسة انى عملت اللى عليا عشان كدة سافرت اخر يوم فى الامتحانات و قضيت اجازة تحفة مش فى بالى اى حاجة .. و جت النتيجة و خلت الاجازة احلى بكتيييييييير
هو ده اللي حصل معايا برضه السنة اللي فاتت لكن السنة دي انا خايف
وفاء البحر
02-07-2008, 09:38 PM
يا اخ بلال ان الله لا يضيع اجر من احسن عملا
تفائل خير ان شاء الله
SARAH-KH
03-07-2008, 01:46 PM
انا الحمد لله مش بفكر فى حكاية الكلية دى كتير اسالونى لية قولتلكوا لية؟ علشابنا مش هيضيع انا عارفة ان ربناا مش هيضيع تعبى و بعدين انا بستمتع بكل لحظة فى الاجازة وبعدين كل يوم خروج وانا رابيحة دريم بارك يوم الاحد نصيحة اعملوا زى ركدة وسيبوها على ربنا
EnG.BeLaL
03-07-2008, 02:10 PM
يا اخ بلال ان الله لا يضيع اجر من احسن عملا
تفائل خير ان شاء الله
هو ده اللي مريحني اني متأكد ان ربنا مش هيضيع تعبي
arabSquad
06-07-2008, 04:29 AM
ربنا يستر بجد , انا الحمدلله حليت كويس في الامتحانات بس مش عارف ليه حاسس ان النتيجه هتيجي صدمه
مافاضلش غير حوالي 10 ايام تقريبا كدا على النتيجه :s
bosy .. mostafa
06-07-2008, 03:16 PM
انا غصب عني اسبوعين بس
لإن المدرسين نفسهم يبدأوا دروس بعد النتيجه بشهر
بس ده جنان طبعاً و مش راح أوافق و مش راح احضر مع ناس كده يعني
هبتدي ان شاء الله مع المدارس
مع العلم اني تانيه ثانوي
بس انا متوقعه نتيجتي و هي هتبقى حاجه استغفر الله العظيم كده
مع اني والله تعبت وصحتي ضاعت مع تعبي ده , بس الكيميا بوظت املي خالص هي و التفاضل حرااااااام
أحلام مفقودة
06-07-2008, 05:56 PM
انا خايفه موووووووووت للاني لسه في سنه تانيه ثانوي لكني والله سيباها على ربنا وان ظني ان ربنا مش هيضيني علشان انا تعبت اويييييييي السنه دي وربنا معانا
EnG.BeLaL
09-07-2008, 07:53 PM
مع اني والله تعبت وصحتي ضاعت مع تعبي ده , بس الكيميا بوظت املي خالص هي و التفاضل حرااااااام
انتي ارحم على الاقل انتي الكيميا و التفاضل لكن انا التفاضل و الميكانيكا و الفيزيا و الاحصاء :confused:
انا بقى خايفة جداااااااااااا بس وصقة من ربنا انوا مش هيضيع تعب حد بصراحة ثانوية عامة جابتلنا المرض كلنا بس الحمد الله ربنا مش بينسا حد تعب و احنا كلنا تعبنا كلنا انشاء الله خير تفائلوا خير تجده