يا جماعة ينفع اخش علوم ب علمى رياضة ؟

انا بتكلم علوم فيزيا كيميا و كده

مش رياضة !!!

و ايه مستقبلها

هل بتشتغل فى شركات الدواء هل ليها شغل فى البترول و كده

بليز واحد فاهم يخش يرسينى على الحوار

لحسن انا جايب السنة اللى فاتت 93 و شكلى هتفسح السنة ده و مش هلحق حاجة
بعد اللى شوفناه فى التفاضل و الفيزيا و الفراغية و الميكانيكا و اخيرا الاحصاء !!!!!!!


و بالنسة بمعاهد المساحة

ده ايه نظامها ؟ سمعت انها بتدرس فيها سنتين و تخش هندسة !

و بالنسبة لفنون تطبيقية هل مستقبلها حلو ؟

يعنى لما ادخلها قسم عمارة مثلا كويسه و لا ايه النظام

اصل واحد قالى تعبانه فى العمارة مش اد كده

و معلش الفنية العسكرية
هل بتحتاج نظر و عادى مش مهم ؟
اصل نظرى ضعيف

و انتوا ايه رائيكم ؟ تقترحوا عليه بايه

بصراحة انا محتار و مش عارف هل اعيد السنة و لا اخش تجارة و لا اخش ايه بالظبط
تخطيطاتى باظت خاالص بعد اللى حصل السنة ده

يلا قدر الله ما شاء فعل و الحمد لله على كل شىء

بص انا ادك ع فكرة
ورياضة زيك وعارفة اللى بتعانيه :D
علوم فيزياء كيميء ،، اه ينفع
مستقبلها معرفش

اما فنون تطبيقية بقى
فدى حبيبتى بجد بجد
انا اصلا دى الكلية اللى نفسى ادخلها من وانا طالبة فى اعدادى
وخلى بالك فيه فرق بين فنون تطبيقية وفنو ن جميلة
فنون تطبيقية 14 قسم اروع من بعض
ومستقبلها المعروف انه جميل جدا ان شاء الله
وخلى بالك امتحان القدرات بتاع العمارة اللى انت امتحنته دا مالوش دعوة بفنون تطبيقية خااااااالص
روح الكلية بتاعت فنون تطبيقية بكرة ان شاء الله واعرف تروح امتة تسحب استمارة امتحان القدرات بتاعها

اتمنى اكون افدتك

اه بالمناسبة شيل من دماغك فكرة تعيد السنة دى
الدنيا مش هتقف على كلية
وربنا وحده اعلم الخير ليك فين
وانسى انك فى مصر هنا تشتغل بالكلية كمان
انت هتشتغل بامكانياتك ومهاراتك
وركزع اللغات والكمبيوتر
وارضى باللى يقسمهولك ربنا
عشان ترتاح بجد
وبص للجانب المشرق من الحياة
:D:D
مش الثانوية اخر الدنيا ولا هى كل حاجة اصلا
حتى بعد اما تتخرج تقدر تدرس اللى بتحبه دراسة حرة كمان

شوف انت بامكانك ايه وتقدر تصلح وتعمل ايه
وربنا يوفقك

بص انا ادك ع فكرة
ورياضة زيك وعارفة اللى بتعانيه :D
علوم فيزياء كيميء ،، اه ينفع
مستقبلها معرفش

اما فنون تطبيقية بقى
فدى حبيبتى بجد بجد
انا اصلا دى الكلية اللى نفسى ادخلها من وانا طالبة فى اعدادى
وخلى بالك فيه فرق بين فنون تطبيقية وفنو ن جميلة
فنون تطبيقية 14 قسم اروع من بعض
ومستقبلها المعروف انه جميل جدا ان شاء الله
وخلى بالك امتحان القدرات بتاع العمارة اللى انت امتحنته دا مالوش دعوة بفنون تطبيقية خااااااالص
روح الكلية بتاعت فنون تطبيقية بكرة ان شاء الله واعرف تروح امتة تسحب استمارة امتحان القدرات بتاعها

اتمنى اكون افدتك



اولا شرف لى انك تبقى قدى :)

ثانيا متعرفيش الاقسام فى فنون تطبيقية ايه ؟ اصلى بصراحة معرفش عنها حاجة !
و لما بروح احضر عندهم كورسات هل كويسه و هخش امتحن هقفل الامتحان و اخد لائق علطول :)

اصل بعيد عنك انا خطى مش اد كده

بص انا اللى هيخلينى اخد الكورس ان شاء الله
انى عاوزاها بجنون بجد
فبحاول اعمل كل حاجة ممكن تضمنهالى ان شاء الله
وتوكل على الله
واللى فيه نصيبك وربنا كاتبهولك وفيه الخير ليك هو اللى هييجى لك فى الاخر
ممكن يكون خطك فى الكتابة مش اد كدة بس تكون خطوطك فى الرسم والتصميم كويسة
اما الاقسام
فادى ال14 قسم بتوعها
أقسام الكلية


- قسم الغزل النسيج والتريكو
- قسم طباعة المنسوجات والصباغه والتجهيز
- قسم الملابس الجاهزة
- قسم الإعلان
- قسم الزخرفة
- قسم النحت و التشكيل المعماري
- قسم الاثاثات والانشاءات المعدنية والحديدية
- قسم المنتجات المعدنية والحلى
- قسم التصميم الصناعي للأجهزة والمعدات
- قسم الزجاج
- قسم الخزف
- قسم التصميم الداخلي و الأثاث
- قسم الطباعة و النشر و التغليف
- قسم التصوير الفوتوغرافي و السينمائي و التلفزيونيكنت بسمع زمان انهم بيشتغلوا من الكلية كمان بمرتبات كويسة جدا ،،

خد الاقتباس دا كمان جبته من الويكيبيديا
و تهتم الكلية بدراسة الجانب الذى يمكن تطبيقة من الفنون في الحياة العملية كل قسم في مجاله. تقبل الكلية الحاصلين على الثانوية العامة (http://ar.wikipedia.org/wiki/%D8%A7%D9%84%D8%AB%D8%A7%D9%86%D9%88%D9%8A%D8%A9_% D8%A7%D9%84%D8%B9%D8%A7%D9%85%D8%A9) المصرية بقسم العلمي و لكن بشرط اجتياز اختبار القبول الذى تعده الكلية. وتسمى النقابة الخاصة بخريجي الكلية بنقابة مصممي الفنون التطبيقية ، ويشترك خريجى قسمي النسيج وطباعة المنسوجات فقط بنقابة المهندسين أيضا ، كما يمكن للخريجين أن يشتركو في نقابة التشكيليين أيضا .
عدد سنين الدراسة فيها 5 سنين
اول سنة اسمها اعدادى
زى هندسة يعنى



ربنا يسترها معانا فى التنسيق ان شاء الله

يا جماعة ينفع اخش علوم ب علمى رياضة ؟

انا بتكلم علوم فيزيا كيميا و كده

مش رياضة !!!

و ايه مستقبلها

هل بتشتغل فى شركات الدواء هل ليها شغل فى البترول و كده


ينفع تدخل علوم بس مش هينفع تدخل الاقسام اللى فيها بيولوجى...حيوان نبات حشرات ميكروبيولوجى كيمياء حيوية الخ
بالنسبة لسؤالك عن شركات الادوية..انا ليا اخو صاحبى الانتيم لسه متخرج من صيدلة السنة اللى فاتت..كنا قاعدين نتكلم وكده فقال ان الكيميائى بيفهم احسن بكتير من الصيدلى فى تركيب الادوية وعموما ده له شغله وده له شغله والفرص متساوية
بالنسبة للبترول فله تلات سكك :
1- كيميا جيولوجيا وده الاعم والاشمل وفعلا فيه ناس اتخرجت وجاتلنا الكلية بيحكوا على حياتهم اللى بقى لونها وردى:D بعد ما اتخرجوا من القسم ده ولعلمك القسم ده شغله احسن من شغل كلية هندسة البترول بتاعت السويس، العيب الوحيد ان العدد كبير ( السنة دى هياخدوا 150 طالب )
2- جيوفيزياء وديه سكة رخمة ومعقدة ولازم تكون بروفيشنال فى الرياضيات ودى برده شغلها كويس لان التخصص ده نادر فى مصر وعدد الخريجين قليل وشغلهم مالوش دعوة باى كلية تانية ولا باى تخصص تانى ( هياخدوا السنة دى 25 طالب بعد ما كانوا هياخدوا 50 ) وفى القسم ده انت بتستغل علم الرياضيات والفيزياء عشان تعمل شوية حسابات تستكشف بيها الارض وده ينقسم لشغل حقلى وشغل مكتبى ، الشغل الحقلى هو اللى بيعمل الحسابات دى فى مكان الاستكشاف وبعد كده يبعت النتايج للشغل المكتبى عشان يحللها ويوضح النتايج
3- جيولوجيا منفرد..ديه سكة العلماء بقى لان القسم ده اصعب قسم فى الكلية واستحدثوا فيه حاجات عالمية تحس انك فى مكان اوروبى فعلا ولو خدت دبلومة بعد البكالوريوس هيتاح ليك انك تشتغل فى التنقيب عن المعادن وتصنيع الرخام والحاجات دى..وعلى فكرة رئيس مركز اكتشاف الكواكب فى وكالة ناسا دكتور عصام محمد حجي كان عندنا فى الكلية وطفش مننا وراحلهم وهو كان معيد عندنا فى قسم الجيولوجيا
والتخصص الجيولوجى ده بيكون الاهم فى التنقيب عن البترول..لما مثلا بييجوا يحفروا عشان البترول لازم ننزل بالبريمة فى اعماق معينة ودى طبعا عملية مكلفة، دور الجيولوجى بقى انه يدرس الحفريات اللى بتطلعها البريمة ويحدد فاضلنا قد ايه حفر عشان نوصل للبترول او يقولنا مفيش بترول اصلا ( ده اعلى مرتب على فكرة:D )
اخيرا فيه قسم نشأ جديد فى الكلية بس بفلوس( انا بتكلم على علوم القاهرة ) القسم اسمه (( علوم البترول الجيولوجية)) هتدفع كل سنة 6 الاف جنيه بس هتتدرب فى شركة شلمبرجير ( دى شركة بترول عالمية ) فى الصيف واول ما هتتخرج هتسافر المانيا تشتغل هناك وطبعا فى الحالة دى الشغل مضمون اول ما تتخرج بس ست الاف جنيه فى السنة كتير شوية.
اتمنى اكون افدتك وعموما وتلخيصا لكلامى علوم محتاجة جهد ودماغ رايقة واخلاص للى انت بتتعلمه ومذاكرة من اول يوم وعدم اكتفاء بالبكالوريوس..ساعتها هتلاقى المقابل كبير جدا

شوف يا حبيب قلبي ...
بصراحة أنا سعيد جدا بالردود اللي قبلي اللي إن شاء الله هاتفيدك جدا ...هما كلمومك عن الفنون التطبيقية وعلوم اللي هما أدرى بيها وأنا هاكلمك عن بقيت سؤالك...
1- معاهد المساحة : أولا المعاهد الفنية الصناعية سنتين بتقبل دبلومات الصنايع بمجموع معين والثانوية العامة بأي مجموع , وهى فعلا مؤهلة لكليات الهندسة بشرط حد أدنى جيد جدا(75%) ..وبيكون ليها تنسيق لدخول كليات الهندسة زي تنسيق الثانوية العامة والتنسيق بيكون أقل وبالنسبة للدراسة في المعهد نفسه الدراسة عادية جدا وعايزة بس مذاكرة ومجهود وبصفة عامة هى أسهل بكتير من الثانوية العامة ومافهاش أى تعقيدات
ده كلام أصحابي في الكلية ..كانت مجاميعهم في ال ث.ع تعبانة جدا وبصراحة مستواهم عادي ... دخلوا معهد سنتين وجابوا امتيازات ودخلوا هندسة (أرزاق) والمعاهد برضه فيها دروس وكده .
الخلاصة : المعهد سنتين تدخل منه هندسة بمجموع " مش لازم يعني مساحة...أي معهد"
وبالنسبة للفنية العسكرية ....بعد الفاصل

ها قد عدنا ...
شوف يا حاج الفنية العسكرية بتقبل الحاصلين ع ال ث.ع بحد أدنى (90%) وهي فيها تخصصات زي الهندسة ( ميكانيكا ..كهربا.....إلخ)
ومن رأيي إن لما الواحد يبقى ظابط مهندس دي حاجة جميلة (بصراحة لو كان قدامي فرصة ماكنتش أتردد) بس مش عارف هاتحتاج واسطة ولا لأ؟؟؟؟؟ دي المشكلة إنما النظر الضعيف مش مشكلة .
أهم بقى م الكلام ده في كام حاجة كده عايز أقولك عليها

الأهم من كل ده إنك ماتخدش كلمة من واحد بس وتقفل دماغك عليها ... يعني اسأل أكتر من واحد ودور على أكتر من مصدر لمعلوماتك.
(يعني مثلا إيه المانع إنك تروح كلية الفنون وتتكلم مع دكتور أو معيد هناك ... أكيد هاتلاقي .... وهكذا ده مثال بس ) ,
بس برضه إوعى تسيب نفسك فريسة للوسوسة والتردد والقلق ع المستقبل واحسم أمورك في الوقت المناسب
وبعدين هانخاف من إيه """ علمت أن رزقي لن يأخذه غيري فاطمئن قلبي"""
يا رب تكون استفدت مني أي حاجة ولو عايز نكون على اتصال أو عايز تسأل عن حاجة ...ده إيميلي :
khairy1988@gmail.com
معلش نسيت أعرفك بنفسي (ده لو عايز تعرفني أصلا)
أنا محمد خيري طالب بهندسة القاهرة 20سنة

شوف يا حبيب قلبي ...
بصراحة أنا سعيد جدا بالردود اللي قبلي اللي إن شاء الله هاتفيدك جدا ...هما كلمومك عن الفنون التطبيقية وعلوم اللي هما أدرى بيها وأنا هاكلمك عن بقيت سؤالك...
1- معاهد المساحة : أولا المعاهد الفنية الصناعية سنتين بتقبل دبلومات الصنايع بمجموع معين والثانوية العامة بأي مجموع , وهى فعلا مؤهلة لكليات الهندسة بشرط حد أدنى جيد جدا(75%) ..وبيكون ليها تنسيق لدخول كليات الهندسة زي تنسيق الثانوية العامة والتنسيق بيكون أقل وبالنسبة للدراسة في المعهد نفسه الدراسة عادية جدا وعايزة بس مذاكرة ومجهود وبصفة عامة هى أسهل بكتير من الثانوية العامة ومافهاش أى تعقيدات
ده كلام أصحابي في الكلية ..كانت مجاميعهم في ال ث.ع تعبانة جدا وبصراحة مستواهم عادي ... دخلوا معهد سنتين وجابوا امتيازات ودخلوا هندسة (أرزاق) والمعاهد برضه فيها دروس وكده .
الخلاصة : المعهد سنتين تدخل منه هندسة بمجموع " مش لازم يعني مساحة...أي معهد"
وبالنسبة للفنية العسكرية ....بعد الفاصل

حبيت اضيف معلومة كمان بالنسبة لبكالوريوس الكيمياء ..؛ انت بعد البكالوريوس لو خدت دبلوم تحاليل بتنضم لنقابة الاطباء وبيكون معاك تصريح انك تفتح معمل تحاليل

شكرا ليكم جدا يا شباب

و بجد و الله بارك الله فيكم

و ربنا يوفقنا جميعا

شكرا ليكم جدا يا شباب

و بجد و الله بارك الله فيكم

و ربنا يوفقنا جميعا



لا شكر على واجب ولو عايز تيجى الكلية تعالى وهدخلك واقعدك مع دكتور جيوفيزياء ومعيد جيولوجيا يدوك معلومات اكتر ..انا موجود الاسبوع كله ما عدا الجمعة والخميس

شكرا لك يا مان
باذن الله بعد ما النتيجة تطلع و نشوف التنسيق
بس عموما معلوماتك فدتنى جدا

ربنا يكرمك بجد و الله

انا كمان علمى رياضة
و كنت عايزة اعرف ايه الفرق بين فنون عمارة و الفنون التطبيقية؟
وهل الفنون التطبيقية قسم فى الفنون الجميلة؟و اختباره هو العمارة اللى امتحناها فى المدرسة؟
و هل مستقبل الفنون عمارة حلو و لا؟؟؟؟

ارجو الرد بلييييييييييز

انا كمان علمى رياضة
و كنت عايزة اعرف ايه الفرق بين فنون عمارة و الفنون التطبيقية؟
دى كلية ودى كلية تانية خالص
وهل الفنون التطبيقية قسم فى الفنون الجميلة؟
لا طبعا ،، دى كلية ودى كلية تانية خالص
و اختباره هو العمارة اللى امتحناها فى المدرسة؟
امتحان العمارة بتاع المدرسة دا ،، لفنون جميلة قسم عمارة وبس ،، اما بقية اقسام فنون جميلة فكان ليها امتحان الفنون اللى كان قبل الفيزياء بيومين ،، اما كلية الفنون التطبيقية فمالهاش دعوة بالامتحانات دى وليها امتحانها خاص بيها فى الكلية نفسها
و هل مستقبل الفنون عمارة حلو و لا؟؟؟؟

ارجو الرد بلييييييييييز

واضح يابنتى انك متلخبطة جامد بين فنون جميلة وفنون تطبيقية

اولا دى كلية ودى كلية تانية خاااااااالص
يمكن انا ركزت فى كلامى فوق على فنون تطبيقية لو قريتى ردودى تانى

ثانيا
عدد سنين الداسة فى فنون جميلة 4 سنين انما فى فنون تطبيقية 5 سنين ،ن منهم سنة اعدادى ،، يعنى زى هندسة

الكليتين تبع جامعة حلوان

فنون جميلة مكانها فى الزمالك وفنون تطبيقية فى الجيزة جمب جامعة القاهرة "ولذلك بيختلط الامر على البعض انها تبع جامعة القاهرة بينما ان هى اصلا حلوان"
انا بكلمك طبعا ع محافظة القاهرة

ثالثا
بخصوص الاقسم ( ممكن تعملى عليها سيرش فى جوجل كمان )

ففنون تطبيقية-بردو بكررها تانى - سبق وشرحت معلومات كتير عنها فوق وعن ال14 قسم بتوعها

اما فنون جميلة فاقسامها كالاتى :

قسم العمارة

قسم هندسة الديكور
قسم التصوير (الرسم الملون)
قسم الجرافيك
قسم النحت

رابعا: بخصوص امتحانات القدرات

فنون جميلة :
العمارة اللى تبع المدرسة يدخلك قسم العمارة فقط
الفنون : اللى تبع المدرسة بردو يدخلك بقية الاقسام (هندسة الديكور- تصوير - جرافيك - نحت )

الفنون التطبيقية:
امتحان القدرات بتاعها فى الكلية ،، واعتقد سحب الاستمارات بدأ الاسبوع دا
وانهاردة كان من حرف الالف للجيم
وهينتهى يوم الخميس ( من ن الى ى )
فالحقى لو حرفك بعد الجيم
وتقدرى تشوقى دا فى القسم اللى فيه اخبار التنسيق


واتمنى لكم التوفيق كلكم ودعواتكم ليا كمان
_____________


http://www.helwan.edu.eg/ara/faculties/fine/index.htm

علوم خدت من كام السنة الى فاتت وهينفع ادخلها السنة دى انا جايب 93السنة اللى فاتت رياضة وانا عكيت فى الرياضة والفيزياء

الي اين ايها المعلم
الوزارة عملت لختبار عشوائي المدرسيين في عينة عشوائية
ثم فتحت المجال لاختبار اخر لجميع المدرسين خلال شهر
فهل يعقل ان يتم امتحاب المدرسين في اللغة العربية والمواد التربوية بدون اي تدريبات مسبقة
وك||أن الوزارة تتعمد اظهال المدرسين في صورة فاشلة لعدم صرف كادر المعلم
ارحموا من في الارض يرحمكم من في السماء
مدرس غلبان واقف في طابور العيشس

انا ادبى ومليش والحمدلله فى الكلام دة كلة ربنا يوفقكم

علوم خدت من كام السنة الى فاتت وهينفع ادخلها السنة دى انا جايب 93السنة اللى فاتت رياضة وانا عكيت فى الرياضة والفيزياء
القاهرة تقريبا واخدة من 371 او ازيد درجتين
اطمئن ان شاء الله هتلحق ..بس نصيحة لو هتدخلها عشان مالحقتش هندسة هتتعب اوى ومش هتعرف تمشى فيها ؛ لازم تحب الكلية جدا وتركز وما تقولش خلاص ما انا فاتتنى هندسة عشان تتفوق ولعلمك كل اللى بيقولوه الجهلة عنها مجرد اشاعات

شكرا يا جماعه على ردودكم انا برده استفت منها كتير بس عندى سؤال يا 3olomgy

كيميائى (تركيب الادويه ) لازم يكون من علمى علوم ؟؟

ممكن اعرف كلية هلوم اللى لسة فاتحة فى بورسعيد هتاخد من كااااااااااااااااام ارررررررررررجوكم حد يرد عليا باقصى سرعة بس ياريت يكون متاكد ارجوكم ارجوكم المساعدة

سورى كلية علوم

طيب لو سمحت هل ممكن اخش القسم بتاع البترول ده من علمى رياضة ... وعلى اى اساس بيختارو العدد 25 او 50 اللى انت بتقول عليهم والقسم اللى بفلوس ده بيبقى من اول السنه ولا فى التخصص بس الفلوس بتدفع.........شكرا

يا مستر 3olomgy ممكن استفسار ؟؟؟؟ اولا اهلا بيك واحب اعرف مين حضرتك بالظبط لانى جدبد هنا فى المنتدى وانا علمى علوم ( احياء... فيزياء... كيمياء ) وانا حبت السنه دى 93.5% انا ان شاء الله هلحق علوم وانا حبيت الكليه دى هل بقى ممكن الحق احلى واسهل قسم اللى هو الاول ده ولا ليه شروط اللى هو بتاع البترول وافادكم الله وانا احب اتعرف عليك اكتر وده ايميلى

يا مستر 3olomgy ممكن استفسار ؟؟؟؟ اولا اهلا بيك واحب اعرف مين حضرتك بالظبط لانى جدبد هنا فى المنتدى وانا علمى علوم ( احياء... فيزياء... كيمياء ) وانا حبت السنه دى 93.5% انا ان شاء الله هلحق علوم وانا حبيت الكليه دى هل بقى ممكن الحق احلى واسهل قسم اللى هو الاول ده ولا ليه شروط اللى هو بتاع البترول وافادكم الله وانا احب اتعرف عليك اكتر وده ايميلى
اهلا وسهلا بيك وبلاش مستر دى:D..قول يا محمد او علومجى او اينشتاين ( اللى يعجبك ) و انا لسه طالب فى سنة اولى ( طالع تانية ولله الحمد )
وايميلى فى البروفايل بتاعى مينفعش اكتبه عشان قوانين المنتدى
مجموعك حلو وممكن تلحق ان شاء الله خصوصا ان التنسيق نزل جامد السنة دى
والكلية فعلا تتحب ولو دخلتها هتحبها اكتر لان العلم لا يكيل بالباذنجان :D
بالنسبة لقسم كيمياء جيولوجيا - اتمنى اكون فهمت قصدك صح - ده مالوش شروط وبتدخله من سنة تانية وهياخد السنة دى حسب اخر كلام عرفته 150 طالب و عدد الطلاب اللى عايزين يدخلوه حوالى 300 طالب وبالتالى اكيد الكلية هتحط شرط او اتنين عشان تقلل العدد بس انت مالكش دعوة بينا السنة دى لان الكلام ده للى طالعين تانية وزى ما قلت قبل كده سنة اولى بتكون دراسة عااااااااااااااامة بدون تخصص
واى استفسارات تانية انا فى الخدمة
طيب لو سمحت هل ممكن اخش القسم بتاع البترول ده من علمى رياضة ... وعلى اى اساس بيختارو العدد 25 او 50 اللى انت بتقول عليهم والقسم اللى بفلوس ده بيبقى من اول السنه ولا فى التخصص بس الفلوس بتدفع.........شكرا
مش فاهم قصدك اوى بس هعيد كلامى تانى
بالنسبة لقسم الجيوفيزياء وهو القسم اللى بياخد 25 طالب ..؛ ده بياخد من علمى رياضة وعلوم والاساس اللى هيختاروا ال25 طالب عليه هو التقدير فى مادتى الجيولوجيا والجيوفيزيا فى سنة اولى بالاضافة للتقدير العام ...يعنى هياخدوا اعلى 25 فى التقدير العام ..لو لقوا لسه العدد كبير هياخدوا اعلى تقديرات فى الجيولوجيا والجيوفيزيا لحد ما العدد يبقى 25 والله اعلم مش اكيد اوى بالنسبة للحتة دى
القسم اللى بفلوس التخصص فيه بيكون من اول سنة ..يعنى لما بتقدم فى الكلية ببطاقة الترشيح بتقول لشئون الطلبة انا عاوز ادخل قسم ( علوم البترول الجيولوجية ) والفلوس بتتدفع من اول سنة ولعلمك المبلغ اللى انت بتدفعه ده شوية على المعدات والاجهزة اللى هتتدرب عليها وشركة شلمبرجير وهالبيرتون مساهمين بجزء كبير فى انشاء القسم ده
ممكن اعرف كلية هلوم اللى لسة فاتحة فى بورسعيد هتاخد من كااااااااااااااااام ارررررررررررجوكم حد يرد عليا باقصى سرعة بس ياريت يكون متاكد ارجوكم ارجوكم المساعدة
والله معرفش بصراحة ولسه تنسيق المرحلة التانية مانزلش..ان شاء الله اول ما ينزل هقول ليكى
شكرا يا جماعه على ردودكم انا برده استفت منها كتير بس عندى سؤال يا 3olomgy

كيميائى (تركيب الادويه ) لازم يكون من علمى علوم ؟؟
بصى هو مفيش حاجة اسمها كيميائى تركيب ادوية ..فى قسم الكيمياء بتكون الدراسة عامة بس بعد كده بتاخدى دبلومة حسب المجال اللى عايزة تشتغلى فيه وزى ما قلت قبل كده انك لو خدتى بكالوريوس كيميا ودبلومة تحاليل بعد كده بتتسجلى فى نقابة الاطباء وتفتحى معمل تحاليل او تشتغلى اخصائى تحاليل او فى شركة ادوية او مستحضرات تجميل ...او اقل حاجة تكونى مندوب منتجات طبية ودى مرتبها كويس على فكرة
اتمنى اكون قدرت اجاوبكم على قد ما اقدر واسف لو كنت اتأخرت فى الرد عليكم

اللى جايب 94% ممكن يلحق كلية ايه
ارجو الافادة وشكراااااااااااااااااا

ممكن فى حالة تسجيل الاستمارة
يجب طباعة الصفحة الرغبات
ولا دى ملهاش دعوة

اوك يا محمد باشا معلشى انا مش فاهمك كويس انت دلوقتى القسم ده موجود فى كل الكليات بالجمهوريه ولا جامعه عين شمس بس ولا ايه بالظبط ؟؟؟؟ وتانى حاجه القسم ده بتاع كيمياء جيولوجيا ده اللى بيدخلوه شرط ان هم يكونوا علمى علوم ولا ايه ؟؟؟؟ وانا عاوز افهم كل حاجه بخصوص ده وربنا يخليك للمنتدى :d عمرو

اوك يا محمد باشا معلشى انا مش فاهمك كويس انت دلوقتى القسم ده موجود فى كل الكليات بالجمهوريه ولا جامعه عين شمس بس ولا ايه بالظبط ؟؟؟؟ وتانى حاجه القسم ده بتاع كيمياء جيولوجيا ده اللى بيدخلوه شرط ان هم يكونوا علمى علوم ولا ايه ؟؟؟؟ وانا عاوز افهم كل حاجه بخصوص ده وربنا يخليك للمنتدى :d عمرو
القسم اللى هو بفلوس اللى هو اسمه (( علوم البترول الجيولوجية )) موجود فى كلية العلوم جامعة القاهرة فقط
قسم كيمياء جيولوجيا ده مالوش اى شروط ..علمى رياضة او علوم مش هتفرق وعشان اوضح اكتر ؛
انت دلوقتى دخلت كلية العلوم وفى سنة اولى..تمام ؟ هتاخد يا سيدى الآتى : رياضيات + فيزياء + كيمياء + مادتين انت تختارهم حسب التخصص اللى عايز تتخصصه فى سنة تانية
هنفترض دلوقتى انك عايز تدخل كيمياء جيولوجيا يبقى : فيزيا + كيميا + رياضة + جيولوجيا + اى مادة تختارها.
وقبل سنة تانية ما تبدأ هتكتب فى الرغبات انك عايز تدخل قسم كيمياء جيولوجيا
اتمنى اكون افدتك وانا فى الخدمة لو فيه استفسارات تانى

«شركات البترول بتحجز طلبة قسمي الجيوفيزياء والجيولوجيا عندنا في الكلية قبل تخرجهم» هكذا عبر الأستاذ الدكتور أحمد رفعت، وكيل كلية العلوم لشؤون الطلاب بجامعة عي شمس عن المستقبل الذي ينتظر خريجي قسمي الجيولوجيا والجيوفيزياء .
ما قسم «الجيوفيزياء» فنجد شركات البترول تتهافت علي خريجيه، وتعرض عليهم مرتبات تتجاوز آلاف الجنيهات، وأغلبها بالعملة الصعبة، وذلك لأن خريجي هذا القسم يتميزون عن طلاب كليات الهندسة بإحاطتهم المتعمقة والنظرية بعلوم الفيزياء والكيمياء والعلوم الأساسية، فضلاً عن قدرتهم علي التعامل مع المعلومات وتحليلها،
الكلام ده من جريدة المصرى اليوم تعليقا على كليات القمة والدكتور بيوضح ان قسم الجيوفيزيا اهم بكتير من كلية الهندسة فى بقية المقال ...أتفضلوا الرابط
اضغط هنا (http://www.almasry-alyoum.com/article2.aspx?ArticleID=113818)

افادكم الله انت كده دخلتنى فى متاهه يا ريت تعملنا تكست كده وتفسر فيه كل حاجه وترفعه وياريت تتكلم فيه عن الاقسام اللى هى فى كليه معينه عن غيرها .... وبالنسبه للاقسام اللى للكليات عامه وشكرا وعلى فكره انا ضفتك على ايميلى وياريت تقبل الاضافه وانا بجد دلوقتى حيران ياريت كل قسم والشغل المتوافر وجزاكم الله خيرا يا أما بقى هعد فة بتنا شكلنا كده :d

انا بجد دلوقت حسيت انى ضعت خلاص

فعلا الموضوع يلخبط الى حد ما ياريت حد يعملها فى شكل منسق ومرتب كل الاقسام وده بياخد من ايه وبيطلع ايه وكده

افادكم الله انت كده دخلتنى فى متاهه يا ريت تعملنا تكست كده وتفسر فيه كل حاجه وترفعه وياريت تتكلم فيه عن الاقسام اللى هى فى كليه معينه عن غيرها .... وبالنسبه للاقسام اللى للكليات عامه وشكرا وعلى فكره انا ضفتك على ايميلى وياريت تقبل الاضافه وانا بجد دلوقتى حيران ياريت كل قسم والشغل المتوافر وجزاكم الله خيرا يا أما بقى هعد فة بتنا شكلنا كده :d

معلش انا اسف ليكم لو معرفتش اوضح بس لو جبتلكم الكتاب بتاع الكلية اللى بيشرح الامور دى هتتعقدوا اكتر ومش هتفهموا حاجة
عموما انا هقول الكلام تانى بشكل مفسر اكتر واعذرونى انا هتكلم على جامعة القاهرة فقط لان هى دى اللى اعرف عنها معلومات ؛
قسم ( علوم البترول الجيولوجية ) ده لوحده مالوش دعوة بنظام الكلية وبيدرس كل العلوم اللى تفيدنا فى استخراج البترول واستكشافه وتكريره يعنى قسم شامل ..الدراسة فيه بتبدأ من سنة اولى وزى ما قلت المصروفات 6 الاف جنيه وده القسم الوحيد على مستوى الجمهورية ولو دخلته خلاص سيبك من الكلام الجاى ,
مفهوم لحد كده ؟
بالنسبة للكلية عموما بقى ؛ الدراسة فى سنة اولى بتكون عاااامة يعنى مفيش لسه تخصص فى الاقسام ...كله بيدرس تلات مواد اجبارى اللى هما : كيميا + فيزيا + رياضة +مادتين ( خليك فاكر المادتين دول عشان هوضح ااهميتهم بعد كده ) انت بتختارهم حسب القسم اللى انت عايز تدخله.
دلوقتى انت عايز تدخل قسم الجيوفيزيا ..تعمل ايه ؟
هتدخل سنة اولى وهتدرس رياضة + كيميا + فيزيا + جيولوجيا + جيوفيزيا وتحاول تجيب تقديرات فى الجيولوجيا والجيوفيزيا عشان زى ما قلت دول هما المادتين اللى هيأهلوك لقسم الجيوفيزيا وبرده تقديرك العام لازم يكون جيد ع الاقل
الحمد لله انت نجحت فى سنة اولى هتدخل بعد كده قسم الجيوفيزيا بس العدد محدود وعشان كده لازم تتفوق فى سنة اولى عشان يبقى ليك اولوية .
طيب دلوقتى انت عايز تدخل قسم كيمياء- جيولوجيا ...تعمل ايه ؟
هتدخل سنة اولى وهتدرس رياضة + كيميا + فيزيا + جيولوجيا + اى مادة والسلام
كالعادة هتبدأ الدراسة فى القسم من سنة تااااااااااااااااااااااااااااااااااانية
ياريت اكون قدرت ابسط الشرح
بالنسبة لمجال الشغل :
1 - الجيوفيزياء ..زى ما قلت وبعيد تانى ؛ بنستخدم خواص فيزيائية زى الكهرباء والاشعاع والحرارة والموجات ..الخ الخ عشان نعمل علاقات رياضية بين مكونات الارض والخواص الفيزيائية دى وبالتالى نحدد البترول موجود فين وليه وازاى وامتى وكل الكلام ده وهو ده القسم اللى انا هدخله ان شاء الله ..من الاخر لو مش بتحب الفيزيا والرياضيات ابعد عنه
2- جيولوجيا منفرد ...بيشتغلوا فى الحفريات ..الحفريات دى بتبقى عبارة عن كائنات ماتت من ملايين السنين واتدفنت فى صخور وبالتالى اتحجرت ..دلوقتى العصر اللى اتكون فيه البترول له حفريات معينة ..لما الجيولوجى يحلل العينات اللى طالعة من البريمة يقدر يحدد هل فيها حفريات البترول ولا لاء ...هل ينفع نلاقى فى المكان ده بترول ولا لاء وليهم ايضاً مجالات تانية مفهمش فيها ويفهمها المتخصصين
3- كيميا جيولوجيا ..وهو قسم بيدرس نص جيولوجيا ونص كيميا يعنى الفرصة متاحة ليك انك تشتغل فى مجالات الكيميا وفى نفس الوقت مجالات الجيولوجيا ومجال عمله بالنسبة للبترول نفس مجال عمل الجيولوجى ...يعنى تحليل العينة وتحديد الحفريات فيها او تكرير البترول واستخراج مشتقاته زى الجازولين والبنزين وكده
اخيرا فرص الشغل متساوية واكيد الشخص الكفء واللى معاه لغة انجليزية جيدة هتكون فرصته احسن

السلام عليكم

انا داخله تانيع علوم الحمد لله
داخلها من علمى رياضه
وهختار كيمياء فيزياء ان شاء الله
الكليه جميله جدا انا كنت داخله مش مرتاحه وخايفه لتكون رياضه بس
بس الحمد لله طلعت فيهاكمان كيمياء
وكنت مفكراها صعبه
انا الحمد لله جبت النتيجه النهارده
1امتيازو5جيد جدا و1جيدو1مقبول

انا داخله تانيه علوم اسكندريه
بجد كلية العلوم لذيذه جدا
وعلى فكره انا دخلاها من علمى رياضه
وداخله في تانيه كيمياء فيزياء ان شاء الله
بجد دراستها جميله جدا
وربنا يوفق الجميع

انا داخله تانيع علوم الحمد لله
داخلها من علمى رياضه
وهختار كيمياء فيزياء ان شاء الله
الكليه جميله جدا انا كنت داخله مش مرتاحه وخايفه لتكون رياضه بس
بس الحمد لله طلعت فيهاكمان كيمياء
وكنت مفكراها صعبه
انا الحمد لله جبت النتيجه النهارده
1امتيازو5جيد جدا و1جيدو1مقبول

اهلا وسهلا ..اخيرا حد من علوم ظهر..انا افتكرت انى لوحدى فى الدنيا دى:D
انا جايب 2 امتياز مرتفع ، 3 جيد جدا ، 2 جيد و1 مقبول ولسه مادتين ما امتحنتهمش وطالع تانية جيوفيزيا ان شاء الله ..ياريت تشاركينا فى موضوع ( منتدى كلية العلوم ) والكلية فعلا مش صعبة ولا حاجة بس عايزة اجتهاد وتركيز

بص يا مان انا طالب فى 3 علوم قسم كف
وبصراحة انا بسمع وحاسس انة احسن قسم فى علوم وشغلة واسع فى اغلب الشركات والله اعلم
ع فكرة انا كنت علمى رياضة ودخلت كف
فالاخر انصحك انسى علوم علشان هى صعبة قوى

ع فكرة انا كنت الاول سنة اولى علوم 7امتياز و 2ج وب91%
بس فى تانية اتشلت خالص
انا عاوز اقول ان اولى خادعة
اتمنى انكم تدعولى اطلع تانى من الاوائل

بص يا مان انا طالب فى 3 علوم قسم كف
تقصد كيميا فيزيا ولا ايه ؟
عموما ربنا معاك وهى سنة اولى سهلة اه بس انت شكلك اتخدعت فى سنة تانية وان شاء الله ترجع من الاوائل تانى

تقصد كيميا فيزيا ولا ايه ؟
ايوة كف يعنى كيميا فيزيا
و رف يعنى رياضة فيزيا
دا علشان اللى داخلين علوم جديد

تقصد كيميا فيزيا ولا ايه ؟
ايوة كف يعنى كيميا فيزيا
و رف يعنى رياضة فيزيا
دا علشان اللى داخلين علوم جديد




اصل احنا الرموز دى بترمز عندنا لاسامى المقررات ...ر132 ، جف 102 ؛ ر110 ..الخ
اهلا وسهلا بيك

لو انتا كنت علمى رياضة السنة دية وجتلك او عايز تخش علوم ليك قسمين
القسمين دول بتختار واحد منهم قبل ما تدخل و القسمين هم:1-جيولوجيا. 2-قسم علوم طبيعية
قسم الجيولوجيا متعلق بالأرض وكدة
لكن قسم العلوم الطبيعية عن الكيمياء و الفيزياء و الرياضة و طبعا لازم قبل ماتخش الكلية تختار قسم من الأثنين دول<لبمذكورين اعلاة>
ولو دخلت علوم طبيعية وأن شأء اللة تنجح فى سنة أولى بعد كدة تختار تخصص تانى
يا أماكيمياء فيزياء أو رياضة كيمياء تختار واحد منهم ودة طبعا بعد ما تنجح فى سنة أولى وكمان مستقبلها مضمون تتخرج بتقدير وتشتغل فى شركات
وكمان كلية العلوم هى الكلية الوحيدة المعترف بيها عالميا وفى ناس كتير أتخرجو منها و طلبتهم الدول العربية

لو انتا كنت علمى رياضة السنة دية وجتلك او عايز تخش علوم ليك قسمين
القسمين دول بتختار واحد منهم قبل ما تدخل و القسمين هم:1-جيولوجيا. 2-قسم علوم طبيعية
قسم الجيولوجيا متعلق بالأرض وكدة
لكن قسم العلوم الطبيعية عن الكيمياء و الفيزياء و الرياضة و طبعا لازم قبل ماتخش الكلية تختار قسم من الأثنين دول<لبمذكورين اعلاة>
ولو دخلت علوم طبيعية وأن شأء اللة تنجح فى سنة أولى بعد كدة تختار تخصص تانى
يا أماكيمياء فيزياء أو رياضة كيمياء تختار واحد منهم ودة طبعا بعد ما تنجح فى سنة أولى وكمان مستقبلها مضمون تتخرج بتقدير وتشتغل فى شركات
وكمان كلية العلوم هى الكلية الوحيدة المعترف بيها عالميا وفى ناس كتير أتخرجو منها و طلبتهم الدول العربية

ياريت بس تذكر اسم الجامعة عشان ماحدش يتلخبط لان نظام التشعيب مختلف من جامعة لجامعة
وكمان مش كلية العلوم بس هى اللى معترف بيها عالمياً ..على فكرة فيه كليات علوم كتير فى مصر متأخرة عن المناهج العالمية
كل الود

يعني يا جماعة مفيش تغيير في الاقسام بتاعت علمي رياضة للي داخلين السنادي ولا متعرفوش حاجة عن الموضوع ده؟.
و كنت عايز اسأل هو عشان اشتغل في شركات تكرير البترول ادخل كيميا فيزيا ولا كيميا جيولوجيا..
و لو عايز الشركات تخطفني خطف اول ما اتخرج ادخل ايه؟
انا طبعا علمي رياضة...