مشاهدة النسخة كاملة : حاسس بايه ؟؟
lally adel 01-07-2013, 03:47 PM السلام عليكم و رحمة الله و بركاته ...
ازيكوا يا شباب عاملين ايه ؟؟ يا رب تكونو بخير ان شاء الله
الحممد لله كل الثانوية العامة دلوقتى خلصوا امتحانات على خير و اخدنا الاجازة اخييييراااا الحمد لله
بس فى سؤال انا بساله لنفسي كتيير .. وكنت عايزة اعرف لو انتو كمان سالتوه لنفسكو و يا ترى كانت ايه الاجابات
حاسس بايه ؟؟.. حاسس انك عملت اللى عليك فعلا ف السنة اللى عدت دى ؟؟ ولا قصرت ؟؟ و يا تري لو كنت قصرت ايه الاسباب لدة ؟؟
حاسس انك حليت كويس ف الامتحانات بما يتوافق مع المجهود دة ؟؟ ولا احسن مما كنت متوقع ؟؟ ولا اسوا لا قدر الله ؟؟
حاسس انك قربت من حلمك اكتر ولا بعدت اكتر ؟؟
حاسس انك كدة راضي عن نفسك ولا زعلان منها ؟؟
طب ايه اللى كان المفروض تعمله وماعملتوش ؟؟ وايه اللى عملته و مكانش المفروض تعمله ؟؟
النتيجة ان شاء الله كمان اسبوعين .. حاسس ببايه ؟؟ خايف ولا مطمن ولا قلقان ولا واثق ولا مرتاح ولا مضطرب ولا اييييه
كلمونى عن احساسكو :cool:
smsmzeros 01-07-2013, 04:17 PM موضوع جميل ومتميز
انا مش ثانوى بس عجبتنى فكرة الموضوع
lally adel 01-07-2013, 04:31 PM موضوع جميل ومتميز
انا مش ثانوى بس عجبتنى فكرة الموضوع
شكرا لذوقك ومرورك :rolleyes:
Sayed Mahmoud 01-07-2013, 05:50 PM الصراحة انا واثق فى ربنا , عشان حاجة واحدة بس ان الله لا يضيع اجر من احسن عملا
وانا اظن انى عملت الحمد لله يعنى
lally adel 01-07-2013, 06:39 PM الصراحة انا واثق فى ربنا , عشان حاجة واحدة بس ان الله لا يضيع اجر من احسن عملا
وانا اظن انى عملت الحمد لله يعنى
احسن حاجة والله ..
الفكرة ان شاعات الواحد ما بيبقاش عارف يا ترى كدة انا احسنت عملى ولا كان المفروض اعمل اكتر من كدة .. و ساعات بنحس مهما عاملنا اننا برضه مقصرين
Sayed Mahmoud 01-07-2013, 10:27 PM فعلا انتى عندك حق فى كده ..
بس نعمل ايه خليها على الله :)
Mohamed Nada* 02-07-2013, 01:02 AM موضوع رائـــــع
وطبعا كل واحد من جواه حاسس انه قلقان اوى
بس يارب ان شاء الله خير
lally adel 02-07-2013, 01:24 AM موضوع رائـــــع
وطبعا كل واحد من جواه حاسس انه قلقان اوى
بس يارب ان شاء الله خير
يارب يعديها على خير و يفرحنا كلنا
EyadError 03-07-2013, 07:02 PM السلام عليكم و رحمة الله و بركاته ...
ازيكوا يا شباب عاملين ايه ؟؟ يا رب تكونو بخير ان شاء الله
الحممد لله كل الثانوية العامة دلوقتى خلصوا امتحانات على خير و اخدنا الاجازة اخييييراااا الحمد لله
بس فى سؤال انا بساله لنفسي كتيير .. وكنت عايزة اعرف لو انتو كمان سالتوه لنفسكو و يا ترى كانت ايه الاجابات
حاسس بايه ؟؟.. حاسس انك عملت اللى عليك فعلا ف السنة اللى عدت دى ؟؟ ولا قصرت ؟؟ و يا تري لو كنت قصرت ايه الاسباب لدة ؟؟
حاسس باحساس غريب , اوقات بحس عادى مافيش قلق و اوقات احس بقلق د شديد جدا و اكاد اجزم انى مش هدخل الكلية اللى انا عاوزها ... انا عملت اللى عليا بس بردو مش عارف اقنع نفسى , دايما اقول انى كان عندى اكثر اقدمة :(
حاسس انك حليت كويس ف الامتحانات بما يتوافق مع المجهود دة ؟؟ ولا احسن مما كنت متوقع ؟؟ ولا اسوا لا قدر الله ؟؟
فى امتحانات احسن و امتحانات مثل ما كنت اتوقع و امتحانات ..... أسوأ للاسف :(
حاسس انك قربت من حلمك اكتر ولا بعدت اكتر ؟؟
حاسس انى بعدت .
حاسس انك كدة راضي عن نفسك ولا زعلان منها ؟؟
اوقات بقبا راضى و اوقات لأ
طب ايه اللى كان المفروض تعمله وماعملتوش ؟؟ وايه اللى عملته و مكانش المفروض تعمله ؟؟
النتيجة ان شاء الله كمان اسبوعين .. حاسس ببايه ؟؟ خايف ولا مطمن ولا قلقان ولا واثق ولا مرتاح ولا مضطرب ولا اييييه
مضطرب و قلقان و خايف و مطمن... مش عارف ازاى !!!
كلمونى عن احساسكو :cool:
موضوع جميل , كليمينا عن احساسك :006et4: , جاوبى على الاسئلة :bosyht9:
lally adel 03-07-2013, 07:46 PM موضوع جميل , كليمينا عن احساسك :006et4: , جاوبى على الاسئلة :bosyht9:
اولا شكرا على ردك و مرورك ..
ثانيا شكرا تانى لانك اول حد جاوب على الاسئلة كلها ..:078111rg3:
ثالثا .. انا لو كلمتكو عن احساسى هلغبطكو اكتر ما انتو متلغبطين :o
بس حااااضر هجاوب على الاسئلة
lally adel 03-07-2013, 08:20 PM السلام عليكم و رحمة الله و بركاته ...
ازيكوا يا شباب عاملين ايه ؟؟ يا رب تكونو بخير ان شاء الله
الحممد لله كل الثانوية العامة دلوقتى خلصوا امتحانات على خير و اخدنا الاجازة اخييييراااا الحمد لله
بس فى سؤال انا بساله لنفسي كتيير .. وكنت عايزة اعرف لو انتو كمان سالتوه لنفسكو و يا ترى كانت ايه الاجابات
حاسس بايه ؟؟.. حاسس انك عملت اللى عليك فعلا ف السنة اللى عدت دى ؟؟ ولا قصرت ؟؟ و يا تري لو كنت قصرت ايه الاسباب لدة ؟؟
اولا حاسة انى يمكن مكنش عملت كل اللى عليا و دة لو قارننا السنتين ببعض " تانية وتالتة " تانية الحماس كان محركنى اوى من الاول للاخر .. لكن تالتة كنت عاملة زى اللى بيتفرج على فيلم شافه قبل كدة .. فده كان بيخليني ف تالتة حاسة بملل و زهق شدييييد و يمكن ده كان سبب ف بعض التقصير
حاسس انك حليت كويس ف الامتحانات بما يتوافق مع المجهود دة ؟؟ ولا احسن مما كنت متوقع ؟؟ ولا اسوا لا قدر الله ؟؟
لا للاسف انا ف معظم الامتحانات حليت اسوا مما كنت متوقعة .. بس يمكن دة لانى فعلا قصرت زى ما قلت
حاسس انك قربت من حلمك اكتر ولا بعدت اكتر ؟؟
مش قادرة احدد بدقة .. ساعات بحس انى لا بعدت عنه و بعدت اووووى كمان .. و ساعات بقعد مع نفسي واحاول اتعال بالورقة والقلم بعديدا عن العوااطف فالاقى انه لااا انا لسه قريبة منه ان شاء الله و لسه فى امل
حاسس انك كدة راضي عن نفسك ولا زعلان منها ؟؟
لما بيسيطر عليا شعور انى قصرت وانى كان لازم اعمل احسن من اللى عملته بزعل من نفسي اووى .. لكن لما بسمع كلام مدرسيني اللى دايما يشكروا ف اللى عملته و ف شغلى السنة دى و يقولولى انتى على طول متهمة نفسك بالتقصير لكن احنا مش شايفين كدة و يفضلو يقنعونى بده بفرح انى قدرت اوصل الانطباع ده للمدرسين سواء اللى كنت شغالة معاهم من تانية " العربي والانجلش " او اللى كنت بشتغل معاهم لاول مرة " الفيزيا و الاحياء "
طب ايه اللى كان المفروض تعمله وماعملتوش ؟؟ وايه اللى عملته و مكانش المفروض تعمله ؟؟
حاسة انى كان المفروض ماستسلمش للياس او الملل اللى كان مسيطر عليا ده و انى امسك نفسي اكتر من كدة
النتيجة ان شاء الله كمان اسبوعين .. حاسس ببايه ؟؟ خايف ولا مطمن ولا قلقان ولا واثق ولا مرتاح ولا مضطرب ولا اييييه
انا ممكن اعمل كوبي و بيست لكل اللى انا كاتباه ده و هو دة يبقى احساسي فعلا .. ربنا يستر
كلمونى عن احساسكو :cool:
اديني جاوبت اهو .. بناء على رغبات الجماهير :)
اسراء سمير00 03-07-2013, 10:14 PM انا احساسي السنه دي
هو خوف شديد جدا جدا
من المجموع ثم التنسيق
خايفه اوي مدخلش الكليه الي نفسي فيها
او الي اهلي شيفني فيها .............
بس بجد انتم عارفين اني الامتحانات كانت عامله ازاي
بس انا واثقه في ربنا انه مش هيضيع تعبنا....
اي يعني الامتحانات كانت صعبه!! ...اي يعني محلناش كويس !!
بس مدام عملت الي عليك /ي سبها علي ربنا
وانا خلااااااااااااااااااااااااااااااااااااااااااااااص
سبتها علي ربنا علشان هو الي عالم بينا وبأهلينا
تعبوا علشانا قد ايه واكيد ربنا مش هيضيع تعبهم ولا تعبنا
انا اسفه علي الاطاله بس عنوان الموضوع هو الي عايز كده
هو ده احساسي
اسراء سمير00 03-07-2013, 10:19 PM موضوع جااااااااااااااااااامد
وجميل جدااااااااااااااااااااااا
شكرااااااااااااااااا لحضرتك
lally adel 03-07-2013, 11:54 PM انا احساسي السنه دي
هو خوف شديد جدا جدا
من المجموع ثم التنسيق
خايفه اوي مدخلش الكليه الي نفسي فيها
او الي اهلي شيفني فيها .............
بس بجد انتم عارفين اني الامتحانات كانت عامله ازاي
بس انا واثقه في ربنا انه مش هيضيع تعبنا....
اي يعني الامتحانات كانت صعبه!! ...اي يعني محلناش كويس !!
بس مدام عملت الي عليك /ي سبها علي ربنا
وانا خلااااااااااااااااااااااااااااااااااااااااااااااص
سبتها علي ربنا علشان هو الي عالم بينا وبأهلينا
تعبوا علشانا قد ايه واكيد ربنا مش هيضيع تعبهم ولا تعبنا
انا اسفه علي الاطاله بس عنوان الموضوع هو الي عايز كده
هو ده احساسي
و نعم بالله .. ربنا يا رب يكرمك و مايضيعش تعبك و يرزقك بالكلية اللى بتتمنيها انتى و اهلك .. و يتمم فرحتك على خير ..
اطاله ايه دة انتى مختصرة الكلام اووى اهوه :d
le jasm!n 05-07-2013, 04:32 PM انا بقا هموت من الخوف بجد لدرجه ان انا مش عارفه انام من كتر التفكير انا حد كل امله في الحياه اني ادخل الكليه اللي شايفه نفسي فيها واللي حاسه بجد اني هبقي انسانه ناجحه فيها انا اتعرضت لمأساه في سنه 2 بعد ما جبت 95.5 ومش دا اللي استحقه يكفيني قدام نفسي بس انا اتحديت نفسي وقولت مش هستسلم وهبقي قويه والحمد لله ربنا اعني علي دا وبدأت سنه 3 وذاكرت وعادي كان في ايام جد ومذاكره وكان في ايام كسل اكيد اصل مش بتبقي كل الايام اجتهاد يعني بس انا مش عارفه ليه حلي في الامتحانات كان غير المتوقع خاااااااااااااااالص كدا؟؟؟؟ يعني اكتر ماده اجتهدت فيهال وقولت هتبقي تمام وكدا مش حليت فيها كويس زي ما انا عاوزة........ بس حد قالي كلمه هي دي اللي مصبراني ان انا اجتهدت وتعبت وربنا شاهد علي دا اكيد مش هيجزيني علي حلي بس ودا ال انا عندي ثقه فيه دلوقتي وعلطول بردو عندي ثقه في الله رغم كل الاحباط اللي كان بيبقي جوايا بعد كل امتحان.......ز علي فكرا انا رخمه طولت عليكو معلش بس اسألكم الدعاء بجد ان ربنا يحققلي امنيتي ويحققلنا كلنا اللي بنتمنااااااااااه
lally adel 05-07-2013, 05:45 PM انا بقا هموت من الخوف بجد لدرجه ان انا مش عارفه انام من كتر التفكير انا حد كل امله في الحياه اني ادخل الكليه اللي شايفه نفسي فيها واللي حاسه بجد اني هبقي انسانه ناجحه فيها انا اتعرضت لمأساه في سنه 2 بعد ما جبت 95.5 ومش دا اللي استحقه يكفيني قدام نفسي بس انا اتحديت نفسي وقولت مش هستسلم وهبقي قويه والحمد لله ربنا اعني علي دا وبدأت سنه 3 وذاكرت وعادي كان في ايام جد ومذاكره وكان في ايام كسل اكيد اصل مش بتبقي كل الايام اجتهاد يعني بس انا مش عارفه ليه حلي في الامتحانات كان غير المتوقع خاااااااااااااااالص كدا؟؟؟؟ يعني اكتر ماده اجتهدت فيهال وقولت هتبقي تمام وكدا مش حليت فيها كويس زي ما انا عاوزة........ بس حد قالي كلمه هي دي اللي مصبراني ان انا اجتهدت وتعبت وربنا شاهد علي دا اكيد مش هيجزيني علي حلي بس ودا ال انا عندي ثقه فيه دلوقتي وعلطول بردو عندي ثقه في الله رغم كل الاحباط اللي كان بيبقي جوايا بعد كل امتحان.......ز علي فكرا انا رخمه طولت عليكو معلش بس اسألكم الدعاء بجد ان ربنا يحققلي امنيتي ويحققلنا كلنا اللي بنتمنااااااااااه
طولتى ايه بس ورخمة ايه .. ماتقوليش كدة
ربنا يا رب يحققلك كل امانيكي و يفرح قلبك ويسعدك يااااااااارب;)
le jasm!n 06-07-2013, 06:21 PM يارب ويحققلك اللي بتتمنيه ان ش الله............ بس قوليلي نفسك تدخلي اي؟
lally adel 06-07-2013, 10:37 PM يارب ويحققلك اللي بتتمنيه ان ش الله............ بس قوليلي نفسك تدخلي اي؟
انا نفسي ف طب بشري .. بس اللى ربنا يكتيه هو اللى هيكون .. ربنا يستر
وميض أمل 06-07-2013, 11:01 PM نفسسس احساس القلق والخوف
وبرضو حاسه اني ما حليتش كويس نهائي :-(
لكن عندي ثقه ف ربنا وأمل ﻷنه على كل شيء قدير
وانا طول السنه بذلت من الجهد ما أملك وعملت اللي أقدر عليه
شكرا لموضوعك ^____^
وربنا يحقق أمانينا كلنا
MIDO.SHOUMAN 07-07-2013, 12:47 AM مش ملاحظين ان الامتحانات كانت اصعب من سنة تانية و ان معظم الطلاب محلوش كويس حتى المتفوقين كانوا بيعيطوا من الامتحانات على الاقل في الدقهلية يعني اللي بيقول انه محلش كويس رغم انوا اجتهد و ذاكر ده مش عيب و لا تقصير لكن الامتحانات اللي كان فيها لعب وده مش كلامي ده كلام المدرسين كلهم قالوا ان الامتحانات السنه دي اصعب من اللي قبلها و اللي قبلها و اللي قبلها..... بس هي دي طبيعتنا عايزين نقفل كل المواد و السلام و ده غلط
بس..... عشان كده مش هينفع اجاوب على الاسئلة غير اني اتمنى اخش طب بشري
و اخيراااا ربنا يوفقنا كلنا و ندخل الكلية اللي بنتمناها كلنا آمييييييييييييين
قولوا امين بس من قلبك
lally adel 07-07-2013, 02:52 AM نفسسس احساس القلق والخوف
وبرضو حاسه اني ما حليتش كويس نهائي :-(
لكن عندي ثقه ف ربنا وأمل ﻷنه على كل شيء قدير
وانا طول السنه بذلت من الجهد ما أملك وعملت اللي أقدر عليه
شكرا لموضوعك ^____^
وربنا يحقق أمانينا كلنا
احساس طبيعي .. من الردود اللى قبل كدة هتلاقى ان كلنا مشتركين فيه تقريبا
يااااارب ربنا يحققلك امنيتك فعلا و يفرح قلبك وتزيد ثقتك ف ربنا كدة و اطمئنانك لحد ما تطمنى بحق و حقيقي و تطمنينا معاكى ;)
lally adel 07-07-2013, 02:54 AM مش ملاحظين ان الامتحانات كانت اصعب من سنة تانية و ان معظم الطلاب محلوش كويس حتى المتفوقين كانوا بيعيطوا من الامتحانات على الاقل في الدقهلية يعني اللي بيقول انه محلش كويس رغم انوا اجتهد و ذاكر ده مش عيب و لا تقصير لكن الامتحانات اللي كان فيها لعب وده مش كلامي ده كلام المدرسين كلهم قالوا ان الامتحانات السنه دي اصعب من اللي قبلها و اللي قبلها و اللي قبلها..... بس هي دي طبيعتنا عايزين نقفل كل المواد و السلام و ده غلط
بس..... عشان كده مش هينفع اجاوب على الاسئلة غير اني اتمنى اخش طب بشري
و اخيراااا ربنا يوفقنا كلنا و ندخل الكلية اللي بنتمناها كلنا آمييييييييييييين
قولوا امين بس من قلبك
اميييييين يا رب العالمين ..
هى مش فكرة صعبة و سهله .. كل واحد فعلا زى ما انت قلت حاطط ف دماغه انه يقفل و خاصة اللى اجتهدوا اوووى اوووى .. فلو لقى نفسه هينقص و لو نص درجة بيحبط و يحس انه عك الدنيا ف الامتحان و الدنيا بتسود ف وشه ..
ربنا يكتبلنا اللى فيه الخير ياااااارب:rolleyes:
عبد الغفور البرعى 07-07-2013, 12:05 PM حاسس ان دى هى النهاية نهاية حبنا
lally adel 07-07-2013, 05:57 PM حاسس ان دى هى النهاية نهاية حبنا
نهاية ايه بالظبط ؟؟ :d
ان شاء الله تبقى نهاية الثانوية العامية .. و بداية مرحلة جديدة ان شاء الله تكون افضل ;)
عبد الغفور البرعى 10-07-2013, 07:20 PM نهاية ايه بالظبط ؟؟ :d
ان شاء الله تبقى نهاية الثانوية العامية .. و بداية مرحلة جديدة ان شاء الله تكون افضل ;)
هههههههه يابت يامهلبية
المســ نور ــتقبل 11-07-2013, 05:11 PM السلام عليكم ورحمة الله وبركاتة
موضوع رائع وافادنى بشدة . اولا انا طالب داخل 3 ثانوى وبجد قلقان جداً من قبل مابداء السنة فماذ تنصحونى بان اعمل واريد اعرف كيف كنتم تذاكرون وما هى العواقب التى كانت تقف امامكم وكيف استطعتم ان تقضوا عليها وما المادة التى اخذت جهدا كبير منكم ، وايضا اريد ان اعرف امتحانات الثانوية العامة هل هى صعبة وهل وجهتم مادة كانت تستحق وقت اطول للاجابة على الامتحان.
انتظركم واتمنى لكم كل النجاح والتفوق.
مصطفى ب2 11-07-2013, 05:38 PM السلام عليكم ورحمة الله وبركاتة
موضوع رائع وافادنى بشدة . اولا انا طالب داخل 3 ثانوى وبجد قلقان جداً من قبل مابداء السنة فماذ تنصحونى بان اعمل واريد اعرف كيف كنتم تذاكرون وما هى العواقب التى كانت تقف امامكم وكيف استطعتم ان تقضوا عليها وما المادة التى اخذت جهدا كبير منكم ، وايضا اريد ان اعرف امتحانات الثانوية العامة هل هى صعبة وهل وجهتم مادة كانت تستحق وقت اطول للاجابة على الامتحان.
انتظركم واتمنى لكم كل النجاح والتفوق.
لو انا هيرجع بيا الزمن هعمل الاتى:
1- اوزع مجهودى صح يعن ابتدى من اول السنه باربع ساعات مزاكره و يزيدوا بالتدريج
2- مش هاخد مع مدرس درس علشان مشهور بس لكن هاخد مع مدرس افهم منه
3- اثق فى المدرس الى اختارته ثقه عمياء واسمع كلامه ومترددش اساله اى سؤال
4- اهتم بالمواد كلها انا السنه دى اهتمينت بكل المواد ماعدا الرياضه والنتيجه انى مش هنقص فى اى ماده اكتر من درجه او درجتين لكن فى الرياضيات احتمال انقص 15 درجه على الاقل
5- مقلقش من الامتحانات او التنسيق لان فى الاخر الكليات دى نصيب
فلازم الواحد هو ورايح الامتحان يرمى حموله على ربنا لان القلق ده بياثر جامد اوى
بالنسبه للامتحانات كانت بعضها سهل وبعضها صعب واى سؤال صعب فى الامتحان تقدر تحله لو انت ركزت كويس فى اللجنه وكنت مزاكر الكتاب كامل والاجزاء مابين السطور وكان فى اسئله صعبه فى العربى بس درجتها اتوزعت واتلغت و الامتحانات كانت كلها تتحل فى الوقت بتاعها وكان هيتبقى وقت كتير علشان تراجع لو مكنش الواحد حل الاسئله الاختيارى ومضيعش وقت فى التسطير وتحسي الخط
Dr.Nariman 12-07-2013, 12:44 AM ملناش غير ان احنا نقول يارب
lally adel 12-07-2013, 03:14 AM السلام عليكم ورحمة الله وبركاتة
موضوع رائع وافادنى بشدة . اولا انا طالب داخل 3 ثانوى وبجد قلقان جداً من قبل مابداء السنة فماذ تنصحونى بان اعمل واريد اعرف كيف كنتم تذاكرون وما هى العواقب التى كانت تقف امامكم وكيف استطعتم ان تقضوا عليها وما المادة التى اخذت جهدا كبير منكم ، وايضا اريد ان اعرف امتحانات الثانوية العامة هل هى صعبة وهل وجهتم مادة كانت تستحق وقت اطول للاجابة على الامتحان.
انتظركم واتمنى لكم كل النجاح والتفوق.
شكراااا .. و الحمد لله ان الموضوع عجبك و افادك ..
ان شاء الله بعد ما ربنا يطمنا على النتيجة هعمل موضوع لكل الطلبة نتكلم فيه سوا عن التجربة بتاعت الثانوية العامة دى و اه غلطاتنا ففيها و نجاول على كل الاسئلة اللى انت سالتها دى ..
ادعيلنا بس ربنا يطمنا من النتيجة على خيييير
lally adel 12-07-2013, 03:17 AM ملناش غير ان احنا نقول يارب
ياااااااااارب بحق الايام المفترجة و الفضيلة دى تفرح قلوبناااا ياااارب و تطمنا على نتيجة تعبنا ياااارب
ميدو جمي 16-07-2013, 10:39 AM الحقيقة مش قادرة انام خالص كوابيس ورعشة طول اليوم
لا معملتش اللي عليا بعكس سنة تانية
الخوف الاكبر من التنسيق وكمان من مواد معينة ربنا يستر
فعلا ساعات بحس انه عادي وساعات بحس ان القلق مسيطر عليا
يارب ارحمني انت الرحمن الرحيم
اظاهر ان ده احسسنا كلنا
عبد الغفور البرعى 16-07-2013, 11:13 AM متخافوش ياجدعان هتجيبو مجاميع قليلة
ana_ahmed_bahgt 16-07-2013, 11:29 AM طب انا رايح 2 ثانوي ممكن اقول حاسس بايه :d:d:d
عبد الغفور البرعى 16-07-2013, 11:35 AM طب انا رايح 2 ثانوي ممكن اقول حاسس بايه :d:d:dهش هش يادبانة
دراكو مالفوى 16-07-2013, 01:01 PM حاسس انى بموووووووووووووووووووووووووووووووووووووووووووووووو وووووووووووت
عبد الغفور البرعى 16-07-2013, 01:07 PM حاسس انى بموووووووووووووووووووووووووووووووووووووووووووووووو وووووووووووتيارب تمووووت
دراكو مالفوى 16-07-2013, 01:28 PM يارب تمووووت
انا وانت فى يوم واحد ان شاء الله:stickjo4:
عبد الغفور البرعى 17-07-2013, 03:59 PM انا وانت فى يوم واحد ان شاء الله:stickjo4:ماشى ياابن الحلوة
|