ياجماعه انا لاحظت حاجه غريبة جدا

بس انا سالت اصحابي في كل المدارس عشان اتاكدت بردو منها

حاجة غريبة انهم يسيبوا اللجنه في امتحان مستوى الرفيع
والى عايز يغش ولا يفتح كتاب براحته خالص ... مفيش مشاكل
فيه ناس قالت عشان خايفين من اولياء الامور ليعملوا حاجه ويكسروا المدسة
ويضربوا المراقبين والحجات دى

يعني هيا دي سياسة مصر
ازاى يحصل كدا
يعني هما يشددوا على الغش ويحاكموا الى بيسرب امتحانات الثانوية
وهما اساس المشكله دي كلها
ايه الفرق ما بين انى واحد ماسمحله الغش بكل الطرق الممكنة
وواحد تانى معاه الامتحان عالجهاز
عايزين يعملوا عدل يبقى العدل يكون في كل حاجه

عادى جدا انا عندى فى المدرسة اللجنة كانت سايبة خالص
والمراقبة كانت عاوزة تعمل معايا مشكلة ليه وليه علشان انا ممشيتش الساعة 1.00
انا مشيت الساعة 1.45
انا عجبتنى جملة واحد قالها
:لو كان نيلك يا مصر صلصة ماكنتش مفت الكوسة اللى فيكى
:lol::lol:

السلام عليكم على فكره هالكلام معروف فى لجنه امتحان المستوى الرفيع لانه هالماده بتكون رئفه بينا هما بيراعوا ده وبيكون التصحيح حلو خالص

وبعدين حتى لو كله جاب الدرجه النهائيه فى المستوى
كده كده مضيع فى الباقى
احنا فى اللجنه كنا بنكتب اى حاجه كله داخل وبيقول الى خلانى اضيع فى الرياضه والفيزياء هبكى على المستوى
وبعدين احنا كنا واخدينه على اساس اننا هنقفل حاجات كتير السنه دى
وهيرفع معنا مجموع السنه اللى فاتت شويه
بس الحمد لله لو مجموع السنه دى جه زى السنه الى فاتت

السلام عليكم ورحمة الله وبركاته

طبعا مش حاجة غريبة
بس على فكرة انا فى لجنتى ما كانش فى همس
والمراقبة كانت حامية علينا قوى
وكان ممنوع الغش نهائى
دى كمان كانت سامعة اللى قاعدين فى اخر درج كانوا بيقولو ايه
ورفضوا كمان اى حد يخرج بدرى
كلنا خرجنا 2.5 احنا يومها اتزلينا

واحنا كمان كان فى فى لجنتنا غش كتير بس عشان المراقبين يمشوا بدرى
مش فاضيين ياعينى

انا كانت سايبة اللجنة ساعتها وليه وليه انى اتاخرت شوية لغاية الساعة 1.30
الدنيا قامت بس مقعدتش
بجد حسبى الله ونعم الوكيل

احنا لما دخلنا اللجنه كان عندنا مدرس ومدرسه الاستاذ كان مستعد يغششنا مقابل ان احنا نغديه
والمدرسه قبل ما الورق ييجي كنا كل اللجنه قاعدين نضحك ونهيص راحت قايله انا هاخليها طين عليكوا دلوقتي وقلت كلمه واحده لزمايلي في اللجنه خليتها رجعت في كلامها
قلت لهم يا بنات احنا قاعدين ل2.5 بقت عايزه تحللنا بعدها
ده كله علشان يروحوا انا مش معترضه انها مش راضيه تغششنا بس علشان اتراجعت عن مبدئها ان هي مش بتحب الغش
فعلا بلد كوســـــــــــــــــــــــــــــــــــــــــــــــ ـــــــــــه

فين الحاجات دى انا نفسى اشوفها بقالى 3 سنين فى الثانويه العامه مشفتش لحنه تدخل علينا ويسيبونا نغش ابداااااااااااااااااااااااااااا نفسى اشوفها يا جدعان

اظاهر انك مش فى مصر يا love is life
تعالى عندنا فى مصر وانت تعرف كل حاجة

احنا كان فى اللجنة عندنا المراقبين نايمين على نفسهم
كل اللى عملوه ( بس يا بابا بس يا حبيبي ) لكن قاعدين مكانهم مش هاين عليهم يقوموا يشوفوا ايه اللى بيحصل
اللى جنبى مثلا كانت فاتحة المذكرة وتملى اللى وراها واللى قدامها
وحسبى الله ونعم الوكيل

مفيش تعليق غير***&&&يبقي انت اكيد في مصر&&&&*** اغبياء بيشدوا في كله ويسيبوا الفتافيت للغلابه حسبي الله ونعم الوكيل

la e7na makansh 3andena 3'esh 5ales bas ellegan el tanya kan kolha 3'esh

احنا برضو الغش عندنا كان على اخره .. بس هيفيد بأيه يعنى كده كده ضايعة

وواحد صاحبى كان مدرس بيغششه و العيال بعد ما تطلع من اللجنة يروحو لزمايلهم اللى لسه قاعدين فى لجانهم يعملوا معاهم واجب برضو و عيشة

بس اكتر حاجة غايظانى ان الحاجتين اللى غشتهم طلعوا غلط رغم انى كنت عاملهم صح فى الاول:mad:

الله ابوظ لجنة كانت لجنة المستوى لدرجة انى فقد التركيز ومعرفتش اجاوب صح لان اللجنة كانت كلها كلام و غناء وكمان الناس قاعدة جنب بعضها فى الدسكات واتصلوا بالمدرسين على الموبيلات وكانت سايبه خالص كل ده علشان نخلص بدرى
منهم لله ضاع منى ال10 من 10 بسبب اللجنة او الاسطبل الى كان اسمه لجنه

ana bas 3aez as2el s3ateak ente za3lana awe leh?:confused:kalamek m3nah en 7adrtek 2felty elemt7an men 3`aer el est3ana besadeak?:D

ههههههههههههه انتو بتتكلمو فى ايــــــــــــــــــــــه والله انتو الود ودكو تكون اللجان كلها زى المستوى ولا ايـــــــــــــــــــــــه واللى معترض يقولى انـــــــــــــــــــا اهووووووووووووووووو

لا دا عادى مافيش مشاكل كل حاجة نتوقعها اليومين دول

ميرسيي على مروركـو يا جماعه
باين انى فيه فرق ما بين لجنه والتانية
بس الاغلبية عندهم الغش مسموح بزياده
وناس تانية مفيش خالص
هيا مساله ضمير

يا اوبريشن
انا مش زعلانه خالص
بالعكس انا جيت من الامتحان فرحانه
ونسيت الى عكيته في الامتحانات الى قبل كدا :d

وشور لجئت لصاحبتي
بس من تحت لتحت يعني :d
ماهو الواحد طبعا مش هيلاقي اودامه فرصة ويضيعها ابدا :d

بس انا زعلانه على الحال الى وصلناله دا
مبنبصش ليه على الدول التانية الى بتتقدم يوم عن يوم في كل حاجه
واحنا كل مدى بنرررجع مليون خطوه لورى

"من يتقي الله يجعل له مخرجا "
انت ممكن تغش الامتحان كله و تبقي خارج عارف انك هتقفل بس اهو بقي نصيبك يجيبلك مصحح مش بيشوف و ينقصك كتير كمان

و ممكن تعمل كل حاجه بمجهودك و ربنا يرزقك ان شاء الله
يا جماعه انا مش عارفه هو الواحد بيغش مين نفسه ولا المراقب ولا ربنا
الي شايف كل حاجه
بقي انتو بتخافو من المراقب مش هتخافو من الي خلقكوا و خلق المراقب ؟؟
!!

و الله من يتقي الله يجعل له مخرجا
و ربنا مش بيضيع تعب حد
و تاكد انك لو معتمد علي الغش برده عمرك ما هتنجح

اتمني محدش يزعل من كلامي بس لو غلط ياريت حد يقولي

هما قالو العيال استووا فى الاماتحانات نسهلهالهم شوية
هههههههههههههه حالنا يصعب على الكافر ربنا يستر فى النتيجة

لالالالالالالالالالالالالالا احنا ماكنش فى نفس يطلع من الجنة

دا احنا كدة كويس

لا اللجنه عندنا كانت صعبه جدا ومش كان فى اى نوع من انواع الغش وكمان خدو الورق مننا بدرى جدا
علشان عايزين يمشو
يعنى لا لخلنا نغش ونخلص ولا ان احنا خدنا وقتنا كامل

يبقا انت اكيد في مصر

هما بيحاكموا اللى سربوا الامتحان والطلبة المستفيدين من كده عشان بقت قضية رأى عام انما لو كانوا اكتشفوا القضية من غير ما الاعلام يعرف ولا كانوا اتحركوا.

لا تــــــــــــــــــعليق

الحمد لله ما كنش فيه غش فى لجنتنا بس اللجان التانيه كانوا بيطلعوا الكتب على الدرج

هم يبكي وهم يضحك

اهو هو دا الهم الي يضحك

بس بتهيألي لازم كل واحد يكون مسئول عن نفسه قدام ربنا ....

ومش نستنى المراقبيين يقولوا بس يا بابا وبس يا ماما وبس يا حبيبي