مشاهدة النسخة كاملة : الحزن فرض


Dark Tulip
05-07-2013, 04:50 PM
الحزن فرض
على شباب اتغدر
وقع ع الارض
حوّل لونها لـ أحمر
و حتى الورد
صار صبّار اسمر

أب موجوع
و قلب أم اتحرق
عَلم مرفوع
و شاب فى دمه غرق
وصراخ مسموع
من صداه الإزاز انفلق

ابنى الشهيد
قولولى ايه اللى جناه
دا عريس جديد
قدام عينى شايفاه
بيتزف سعيد
فى جنتك يارب ألقاه ..

طال أو قصر العمر
مش هسامحك ياللى ف ايدك دم ابنى
و فى يوم الحشر
عادل حكيم هيحاسبك و يحاسبنى
ميرضيهوش الغدر
و ابنى هيقول :
يارب اسأله "ليه قـتـلـنى" ؟!!

يمكن وزنها اتكسر
أو يمكن مش عارفة اكتب و اقول
ماهو الكلام هان وصغر
أما شوفت أب على إيده ابنه مقتول
مش هتكلم عن فاجعته أو منظره
بس هدعى من القلب .. ربنا يصبره ....

Dark Tulip
05-07-2013, 04:52 PM
إهداء لـ روح على عبد الله
شاب اتقـتـل 2013/7/3
و رغم ان صلة القرابة ممكن تجعل شهادتى فيه مجروحة
لكن بشهادتى وشهادة كل الناس هو كان اجمل و احسن انسان ممكن تعرفوه
ربنا يصبر ابوه و امه واهله
و خطيبته اللى اشترالها الشبكة و ملحقش يلبسهالها ...
و مش غريب ان امبارح شاب تانى جاره اسمه "نور"
اتقـتـل بردو و هو لسة ماشافش ابنه اول فرحته اللى مراته حامل فيه
ربنا يصبرها و يصبر ابوه المريض واهله كلهم
و غيرهم كتييير
الله يرحمهم جميعا و يلهم اهلهم الصبر و يجمعهم بيهم فى الفردوس الأعلى

الأستاذة ام فيصل
06-07-2013, 12:51 AM
ربنا يرحمه ويدخله فسيح جناته ويصبرك ويصبر اهله وذويه

انا لله وانا اليه راجعون

مستر محمد سلام
06-07-2013, 03:34 AM
شكرااااااااااااااااااااالحضرتك
واسكنهما الله الجنــــــــــــــــــــــــــــــــــــــــــــان ان شاء الله

http://t3.gstatic.com/images?q=tbn:ANd9GcTboC7YvBp9AN6YkHPdJYLz-DWKgjrVmL9KPgXrJyuObkmm1jh2BQ