مشكلة عدم استخراج شهادات تغير المسمى الوظيفى من اكاديمية المعلمين لمحافظة المنيا [الأرشيف]

مشاهدة النسخة كاملة : مشكلة عدم استخراج شهادات تغير المسمى الوظيفى من اكاديمية المعلمين لمحافظة المنيا

kkkk22

14-07-2013, 03:48 PM

ذهبت الى اكاديمية المهنية للمعلمين ببنى سويف للاستفسار عن موعد استخراج شهادة الصلاحية التى تفيد تغير المسمى الوظيفى لنا فأكد لى المسئول عن الاكاديمية بأن مديرية المنيا لم ترسل أى كشوف بخصوص هذا الوضوع وأن ما تقوم به المديرية لا نعرف عنه شيئا حتى تاريخه و المهم ارسال هذة الكشوف للاكاديمية لانها المنوط بها تغير المسمى الوظيفى و الترقية و خلافه والا ما تقوم به المديرية ليس الا مجرد تهدئة للمعلمين فقط و يبقى المسمى الوظيفى كما هو دو ن تغير . الرجاء التواصل من معلمى المنيا العملاقة و خصوصا الدكتور عبد الرحمن المنياوى بخصوص هذا الشأن

صالح أحمد حمضى

14-07-2013, 05:26 PM

أ/محمد على عاشور

15-07-2013, 10:20 AM

يا جماعة حد يعرفنى أعمل ايه ..أنا غيرت المسمى الوظيفى من معلم ايتدائى إلى اعدادى ورحت التوجيه وعملى نشرة لمدرسة اعدادى وبعدين رحت الادارة قالولى لازم موافقة التعليم الابتدائى لكنه رافض ......مش عارف اعمل ايه

الحل :
من المدرسة قم بعمل افادة معتمدة بختم المدرسة بان نقلك منها لن يسبب عجزا بها واطلع على التعليم الابتدائي اعتمدها

صالح أحمد حمضى

15-07-2013, 04:04 PM

شكرا ع الاستجابة .....بس فى حاجة هيقولولى فى التعليم الابتدائى عندنا عجز على مستوى الادارة ..... أعمل ايه ساعتها

أ/محمد على عاشور

15-07-2013, 10:58 PM

شكرا ع الاستجابة .....بس فى حاجة هيقولولى فى التعليم الابتدائى عندنا عجز على مستوى الادارة ..... أعمل ايه ساعتها

انت القرار الصادر لحضرتك من المديرية فيه كلمة ويبقي بالمرحلة الابتدائية لحين سد العجز والا لا
خد الورقة واطلع على وكيل الوزارة هات عليها تأشيرة وارجع للتعليم الابتدائي ونفذ

صالح أحمد حمضى

16-07-2013, 02:03 PM

أ/محمد على عاشور

16-07-2013, 04:43 PM

بعد إذن حضرتك ... القرار اللى معايا مكون من 4 ورقات وفيه النقطة بتاعة سد العجز وبعدين وكيل الوزارة هيأشر ازاى على قرار مكون من أربع ورقات . وهيه سهلة اننا أقابله وإن هوه يأشر على طول . أو أروح له ومعايا نشرة المدرسة الاعدادى اللى عاملهالى توجيه الاعدادى .......
معذرة رد عليه بسرعة وخليك على تواصل معايا أصل أنا ماعنديش خبرة فى الحاجات دى وياريت تبعتلى عنوان صفحتك ع الفيس

ممكن تركز معايا وتفهمنى وتتبع الخطوات دى لو سمحت
1- طلب الى مدير المدرسة برغبتك فى النقل لاعدادى ويأشر ويختم انه نقلك لن يحدث عجزا تمام
2- تاخد الطلب وتطلع على مكتب وكيل الوزارة وتكتب طلب جديد انك عاوز تنتقل ولا يوجد مانع من مدير المدرسة وتطلعهم على طلب مدير المدرسة
3- اطلع على مدير التنسيق بالمديرية ووريه الورق هيأشر برده
4- ارجع لمدير ادارتك هيكتب تنفذ التأشيرة
5- روح التعليم الابتدائي بالورق ما حدش هيتكلم معاك مطلقا

صالح أحمد حمضى

16-07-2013, 05:03 PM

ألف شكر يا أستاذ / محمد على عاشور وسأبدأ فى تنفيذ هذه الخطوات
وخليك معايا ربنا يوقفلك ولاد الحلال وادعيلى ربنا يوفقنى

أ/محمد على عاشور

16-07-2013, 05:10 PM

ألف شكر يا أستاذ / محمد على عاشور وسأبدأ فى تنفيذ هذه الخطوات
وخليك معايا ربنا يوقفلك ولاد الحلال وادعيلى ربنا يوفقنى

متابع مع حضرتك
لا تقلق ربنا ييسر لك الامور

صالح أحمد حمضى

18-07-2013, 01:25 AM

الناظر رافض يعملى افادة يا أستاذ محمد مش عارف أعمل ايه مع إنى تعبت جدًا على ماغيرت المسمى الوظيفى

أ/محمد على عاشور

18-07-2013, 02:10 AM

الناظر رافض يعملى افادة يا أستاذ محمد مش عارف أعمل ايه مع إنى تعبت جدًا على ماغيرت المسمى الوظيفى

لا تقلق بسيطة
ممكن تجيب احصاء عجز وزيادة عن مادتك فىالمدرسة

صالح أحمد حمضى

18-07-2013, 04:41 PM

آسف يا أستاذ محمد أنا بتعبك معايا بس الاحصاء ده أجيبه منين

صالح أحمد حمضى

18-07-2013, 04:51 PM

يعنى الاحصاء ده أجيبه منين ولا أعمله أنا وبيتعمل ازاى

أ/محمد على عاشور

18-07-2013, 05:02 PM

يعنى الاحصاء ده أجيبه منين ولا أعمله أنا وبيتعمل ازاى

المهم ان الاحصاء يبين ان هناك زيادة فى عدد المدرسين فى مادتك

ممكن تلاقيه مع مسئول الحكومة الالكترونية ام مسئول الاحصاءات المدرسية او من يقوم بعمل المدرسة