انا الحمد لله خلصت 3 ثانوى ع خير بمجموع حلو وان شاء الله الحق " طب "يارب
وكنت عايزة اعرف اى جامعة احسن جامعة القاهرة ولا عين شمس ؟؟
وياريت حد يرد عليا بس قبل التنسيق ضرورى اللى هو كمان 4 ايام
شكرا مقدما

نفس السؤال عايزه اعرف اى جامعه افضل طب القاهرة ولا عين شمس ولا اسكندرية ( الاقربلى اسكندرية )

او اى جامعة تانية

طب وبعدين ياريت حد يكون بيدرس ف واحدة فيهم يرد علينا
افيدونا افادكم الله :d دا احنا غلابة والله ^_^

الدكاترة كلهم ملهمش مستقبل

انا طالب في سنه خامسه ان شاء الله)بعد النتيجه) انا صراحه معرفش انه الافضل من الناحيه العلميه وصعب جدا نعرف لان كل شخص ينتمي اكتر ومتحيز اكتر لكليته
بس من ناحيه المبني قصر العيني ضخم جدا لكن فيه اصلاحات فمنظره ضايع خالص السنه دي وقد يستمر كذا سنه
_والاساتذه ناس محترمه جدا جدا وبيعاملونا بطريقه راقيه جدا
_والتقديرات مرتفعه بس مش عشان ان الدنيا سهله لكن ايضا بسب عندنا طلبه ممتازه واوئل الجمهوريه
ربنا معاك بس اكيد مش مهم المكان بس حاول تثبت نفسك
وماتدخلش الدراسه سخن وعايز تحفظ كل حاجه
يعني خد اول شهرين قرأءه وترجمه وفهم وتسال عن نظام الامتحان ومتحفظش كل حاجه ولو مشيت بالفهم بس يكفي انك تكون شاطر بس مش من الاوائل
ملحوظه ان الاوئل دول افضل طلبه يعني مش حفظيه وبس كمثل الطلبه الفشله الذين يدعون الذكاء

اا نا شوفت مناقشه فى منتدى الطلاب بتاعهم اجمعوا على ان القاهره افضل عملى وكدا وعين شمس نظرى وامتحانات طحن ودكاتره القاهره روعه