السلام عليكم
اولا كل سنة و انتم طيبين

انا اية داخلة 2ث علمى ان شاء الله
كنت عايزة استفيد من خبراتكم
ياريت الى خلص 3 ث الحمدلله و تفوق
يدينى نصايح بخصوص مذاكرة المواد و الكتب الخارجية و كده
و كمان ياريت اى حد من فيصل او الهرم يقولى اسماء المدرسين بتوعه بس يكونوا ممتازين و متنسوش هتتحاسبوا على شهادتكم ليهم
ارجو المساعدة لانى لحد دلوقتى معرفش حد من المدرسين الممتازين اللى ان شاء الله ناوية اخد معاهم فى 3 ثانوى
((و الله فىى عون العبد ما كان العبد فى عون اخيه ))

ان شاء الله هنزلكو شوية نصايح بس على رواقه علشان اليومين دول بالذات مشغولين شوى وكدا

ربنا معاكو

بس خدى النصيحه دى تصبيره

حددى هدفك وشوفى انتى عايزه ايه وليه و طريقك اليه هيكون بالمذاكرة و مش المذاكرة بس

لأه لازم حاجات تانيه

اول حاجه قربى من ربنا ( طبعا ده لازم يكون دايما مش عشان يعنى ف ثانوية )

بر الوالدين

ادعى ف كل وقت بحلمك

التفاؤل ثم التفاؤل ثم التفاؤل

انا برضه داخلة تانية علمى :) بس مش محددة خالص علمى ايه ومش عارفة اقرر ابدا :( بس الواحد بيقول يعنى اهو لسه قدامه تانية :d و ربنا معانا بقى

انا برضه داخلة تانية علمى :) بس مش محددة خالص علمى ايه ومش عارفة اقرر ابدا :( بس الواحد بيقول يعنى اهو لسه قدامه تانية :d و ربنا معانا بقى

احسن كدا انا برضه رايح 2 احسن يا جماعة متحددوش الا بعد 2

بصي انا كنت ببذل مجهود بس ماللي هو بدح يعني
مش اللي 24 ساعه بذاكر بالعكس كنت بلعب واتفرج علي افلام يوميا وبخرج عادي جدا بس كنت بذاكر الحاجه في وقتها اللي اخده في الدرس اروح اذاكره واحل عليه بس كدة بس للامانه بطلت الكلام دة من شهر 3 وبقيت مركز علي المذاكرة بس والحمد لله جبت 94 ولولا اني اتظلمت في التاريخ كنت جبت اعلي كمان بس انا راضي جدا بمجموعي دة الحمد لله اعلي واحد في العيله يعتبر :d
الخلاصه متخنقيش نفسك اوي عشان ممكن تزهقي ودة يبقي اثره سلبي عليكي وفي نفس الوقت متنفضيش للمذاكرة وتندمي
ذاكري وفي نفس الوقت رفهي عن نفسك عشان متزهقيش من المذاكره
وربنا يوفقك يارب

بصى اولا وقبل كل شئ الحكاية حكاية توفيق من عند ربنا لازم تعرفى ان اللى مكتوبلك هتشوفيه زاكرتى مزاكرتيش اجتهدتى ماجتهديش لعبتى ملعبتيش اللى مقدرلك هتشوفيه :)
ثانيا ركزى علا الفهم ثم الفهم ثم الفهم ثم الفهم ثم الفهم اوعى واياكى تحفظى حاجة من غير ما تفهميها اووووووووووووى :)
والكلام ده فى كل المواد وعلا رأسهم الـــــــــــــــــــعربـــــــــــــــــــــــــى :)
دى النصيحة اللى اقدر افيدك بيها :)
لكن فيه فرق بين انى اقولك انا كنت بعمل ايه وانى اقولك انتى المفروض تعملى ايه :) انا كنت بعمل كذا وجبت كذا مش شرط انك تعملى زيى وتبقى نسخة منى وانتى مخنوقة عشان تجيبى زيى بل بالعكس لما هتزاكرى بطريقتك واللى علا مزاجك هيدخل دماغك وهيثبت اكتر من انك تستخدمى طريقة حد تانى :) فأنتى تشوفي ايه اللى يخليكى مرتااااااااااااااااااااااااااااااااااااااااااااااا ااااحة نفسيا وانتى بتزاكرى واعمليه :) وانا اتكيت علا كلمة مرتاحة نفسيا لأن اهم حاجة الراحة النفسية عشان يبقا مخك مركز فى المعلومة اللى قدامك
لو مخنوقة ومضايقة وقرفانة خلاص متضغطيش علا نفسك وتزاكرى حاولى بقا الاول تريحى نفسيتك بأى طريقة وبعدين تزاكرى ممكن تتفرجى علا فيديوهات للدكتور ابراهيم الفقى الله يرحمه ده برده كلامه ساعدنى كتير جدا وربنا يعلم هو اللى خرجنى من حالة الاحباط والاكتئاب اللى جالتى فى 3 وملانى تفاؤل :)
وطبعا القرآن خير علاج نفسى والصلاة :)
نامى كويس وكلى كويس (بس مش كتير :p )
وتوكلى علا الله وربنا يوفقك بقا ان شاء الله :)
وافتكرى دايما الآية دى (((((((( إن الله لا يضيع أجر من أحســـن عملا ))))))) وليس من ((((( أكثــــــر عملا )))))) :)

انتو لسه رايحين تانية متفكروش في الحاجات دي دلوقتي

السنة الجاية آخر سنة لعب في حياتكو
بس برضه يعني لازم تذاكروا عشان تمهيد لتالتة