اولا مبروك لكل الناجحين فى الثانويه العامه وربنا يسهل والتنسيق يقل شويه السنه دى
لى استفسار ارجو من اصحاب الخبره الرد على للافاده مع الشكر
ابنى جاب فى تانيه علمى رياضه السنه اللى فاتت 95.6 وكان نفسه يدخل هندسه جدا ولكن قدر الله وماشاء فعل وجاب السنه ده فى تالته 89.76 % وطبعا من امبارح وهو فى حاله نفسيه سيئه لانه ضاع الحلم
سؤالى هو ايه النصيحه فى الاختيارات بعد الهندسه وبعد الحاسبات والمعلومات لانه مهما نزل التنسيق لااعتقد ينزل كل ده
سؤال تانى انا اسكن فى مدينه 6 اكتوبر واسمع عن المعهد العالى للهندسه بمصروفات فى اكتوبر انه يوازى كليه الهندسه تقريبا فهل هذا صحيح وياريت لو حد عنده فكره كام مصروفاته وهل كويس ولا لأ من ناحيه الدراسه وسوق العمل
اكرر شكرى لكم وربنا يوفق الجميع

انا طالب بالصف الثالث الثانوى علمى رياضة
كان نفسى ادخل هندسة بس مجموعى مش مساعدنى

انا جبت 76.10 % انا ممكن ادخل هندسة خاصة
او حاسبات ومعلومات خاصة

لو فى ممكن اعرف فين والمصاريف كااااام
ضرووورى جداااااا

فيه هندسه خاصه فى جامعه مصر وجامعه 6 اكتوبر فى مدينه 6 اكتوبر
لكن المهم التنسيق حيبقى كام
انت جايب 76 % اعتقد التنسيق اكتر من 80 % وربنا يستر

طب انا بنتي 92و3 في تالته وفي تانيه 94و5 تفتكروا ممكن التنيسق يقل تلحق حاسبات ومعلومات ولا مش ممكن تنزل للدرجاتي السنه دي

مصروفات هذا المعهد حوالى 10 آلاف جنية في السنه الواحدة وهو يعطي بكالبريوس هندسة

ممكن حاسبات تنزل يكون الحد الادني ليها 92 ولا ده بعيد

اولا مبروك لكل الناجحين فى الثانويه العامه وربنا يسهل والتنسيق يقل شويه السنه دى
لى استفسار ارجو من اصحاب الخبره الرد على للافاده مع الشكر
ابنى جاب فى تانيه علمى رياضه السنه اللى فاتت 95.6 وكان نفسه يدخل هندسه جدا ولكن قدر الله وماشاء فعل وجاب السنه ده فى تالته 89.76 % وطبعا من امبارح وهو فى حاله نفسيه سيئه لانه ضاع الحلم
سؤالى هو ايه النصيحه فى الاختيارات بعد الهندسه وبعد الحاسبات والمعلومات لانه مهما نزل التنسيق لااعتقد ينزل كل ده
سؤال تانى انا اسكن فى مدينه 6 اكتوبر واسمع عن المعهد العالى للهندسه بمصروفات فى اكتوبر انه يوازى كليه الهندسه تقريبا فهل هذا صحيح وياريت لو حد عنده فكره كام مصروفاته وهل كويس ولا لأ من ناحيه الدراسه وسوق العمل
اكرر شكرى لكم وربنا يوفق الجميع

اولا : قدر الله وماشاء فعل ..ولازم يحمد ربنا على كل حال

ثانيا : بالنسبه للمعهد العالى للهندسه ف مدينة الثقافه والعلوم انا اخدت فيه سنه واحده ( اعدادى ) بصراحه

دراسته كويسه جدا ومعقوله جدا

وخصوصا قسم مدنى ....يعتبر احسن قسم ف المعهد ...ومهندسين كتير حاليا ماسكين مواقع متخرجين من المعهد ده

باالنسبه لمصاريفه ..تقريبا ...8 الاف جنيه

بالتوفيق

اشكرك على الاهتمام
لكن ارجو توضيح اكتر بتقول خدت فيه سنه واحده يعنى نقلت حاجه تانيه ولا مكمل فيه وكمان هو عنوانه فين فى اكتوبر وهل شهادته تعتبر زى كليه الهندسه ويتسجل فى نقابه المهندسين ولا لآ
معلش ياريت تفاصيل اكتر عن المعهد ده
مع الشكر

بعد ظهور تنسيق المرحله الاولى والاحباط اللى الطلبه فيه ولا نزل التنسيق ولا حاجه

ياترى ايه العمل ؟؟؟؟؟

هندسة الشروق كويسة ابحث عن تنسيق الجامعات الخاصة فى جوجل وهتعرف اسعار هذا العام ونسبة المئوية للقبول