إنت عارف إنت بتكلم مين


جملة مرعبة جداً أكيد إنتو عارفين
من أنت الذى تقولها؟ ولماذا نعرف إنت مين؟
هل أنت مشهور لهذه الدرجة!
الغريب إن الذى ينطقها يحسسك إنه رئيس جمهورية
تعالو معى نناقش هذه المشكلة

نزلت الشارع أشوف إيه أخر الأخبار فى الدنيا
فقابلت أحد المارة فى الطريق فسألته هذه الأسئلة
أسمك فقال سامح محمد
كام سنة فقال 21 سنه
المؤهل فقال معهد فنى تجارى
هل تسمع هذه الجملة أو أنت تقولها (إنت عارف إنت بتكلم مين )
فقال طبعا أعرفها وأنا بقولها كتير
فسألته إنت مين علشان تقول كده
فقال أنا أعرف رتب كتير فى وزارة الداخلية يعنى واصل
فسألته لماذا تقولها
فقال أنا بقولها لما بأكون فى مشكلة من أى نوع وأكلم معارفى تخلص المشكلة فوراً
شكرا يأخ سامح

وشد إنتباهى فى إشارة مرور أمين شرطة يعلو صوته على أحد سائقى السيارات
كما شد إنتباهى أيضا شكل السيارة فإنها موديل حديث زجاج فامية
أرقام السيارة مش مكتوبه غير كلمة ملاكى القاهرة
وعند سؤال أمين الشرطة فقال هو أنا كل مأقول لحد رخصك يقولى إنت مش عارف إنت بتكلم مين
ويكلم ضابط قريبه أو معرفة وأضر أمشيه بدون سحب الرخصة أو حتى مخالفة
وطبعا كان مع أمين الشرطة الحق لأن منظر السيارة يقلق للأسف مكنش معاى الكاميرة
وخفت لأمين الشرطة يقلب عليا فامشيت

وفضلت ماشى ومرة واحدة سمعت صوت عالى جداً فأتبعت الصوت لحد مالقيت ناس كتير أوى
فوقفت أتفرج فوجدت شخص يخلع ملابسه ويقول إنتو مش عارفين أنا مين أنا هعرفكم أنا مين
فسألت أحد الأشخاص من هذا الذى يتكلم
فقال أنت متعرفهوش
فقلت لأ والله
فقال ده مجرم خطير وعائلته كلها مجرمين وهتقوم مجازر هنا الأن
من الأفضل إلحق إمشى

وفى يوم أخر عندى ركوب المترو من محطة حدائق حلوان شاهدة موقف غريب بعد تحرك القطار فبعض الناس قامو بالقفز من تحت (عبرو من على شريط المترو) بنات وشباب فقام أمين الشرطة
الإمساك بأحد هذه الشباب وقال له البطاقة
فقال له الشاب أشمعنى البنات
قاله الأمين وأنتا مالك فدخلو مكتب الضابط المسؤل
فقال الضابط البطاقة يأبو الكباتن
قالو الشاب إنتا مش عارف إنتا بتكلم مين
قالو لأ يأخويا معرفش ومش هعرف فأعطى الشاب البطاقة وكارنية الجامعة للضابط وقال له انا هعرفك أنا مين وفى حوالى 3دقائق جاء أمين شرطة ودخل مكتب الضابط وأخذ البطاقة والكارنية وقام
الضابط بتوصيل الشاب لخارج المحطة عرفتو ده مين؟

وفى يوم أخر أثناء ركوبى ميكروباص من التحرير فؤجئت بأمين شرطة يأخذ المنادى ويقول له البطاقة
فقال له أشمعنى بقيت الميكروبصات
فقال له الامين وإنتا مالك
وأخذ المنادى والبطاقة ومشى
فسألت سواق السيارة أنت هتسيبو
قالى ليه هو ميعرفش انا مين
ونزل السواق وبعد حوالى خمس دقائق جاء هو والمنادى
وتحرك الميكروباص
فسألت السواق أنتا شكلك مهم
قالى يأستاذ بخمسة جنية أخذت الواد والبطاقة وقال القرش بيعمل المستحيل

ها عرفتو إحنا بنتكلم مع مين!
هل سنظل نسمعها كثيرا؟
هل يوجد حل وماهو الحل؟



م ن ق و ل

الحل ان البلد دي تمشي بما يرضي الله ويكون الغني زي الفقير مش الغني في السماء والفقراء تحت الجذمة شكرا لطرحك هذا الموضوع

هي المشكلة اللي بتخلي الناس تخاف انهم ما بيعملوش اللي عليهم يعني لو الظابط ده ظابط صحيح اسم ع مسمى ما كانش يهمو ده مين الغلط غلط والذنب مذنب يعني لو شد مع الشاب ده محدش هيمسك عليه زله قديمة ولا خطا يخليه يسيبه

فعلا لو الناس تمشي صح مش هنسمعها ...بس خلينا واقعيين شويه الظابط عسكرى المرور ...ةغيرهم من الناس البسيطه
اللى كل همها لقمه العيش اللى تعيشها وتعيش ولادها هل الانسان ده هيفكر ولو للحظه انه يسمع كلام ضميره اكيد لاا
ايه اللى يدخلو فى مشاكل فو فى غنى عنها يعنى لو كل واحد حط نسه فى ظروفه هيعمل نفس تصرفه الراجل البسيط ده
يخاف ليدسوه الكبار ومش هنسمع عنه حاجه ولو الاعلام حاول يدافع الموضوع هيتردم عشان كده مفيش فايده هنسمع الجمله دى
وهنفضل نسمعها لان احنا مش عايشين فى ارض خياليه احنا عايشين فى بلد نظامها كده ومن راى ان اى محاوله للتغيير هتكون زى
اى محاوله تانيه يعنى نهايتها الفشل...

اولا سلام عليكم

المشكلة مش مشكلة انا مين وانت مين

احنا ليه وفين وليه
يعنى البلد كلها ماشية بالكوسة ( اسف على التعبير 9
الواسطة والمحسوبية وراس المال هما اللى ممشيين البلد
وياريت نعرف هما مين علشان نقدر نجاوبهم لمايقولولنا ( مش عارف انت بتكلم مين )



شكرا يا استاذى الفاضل على الموضوع

شكرااا على مروركم وردودكم جميعااااااا

ان استخدام السلطة مهما كانت لااغراض شخصية سواء كان للحصول على مال او لفرض سيطرة او لتهديد كل ذلك يعتبر (قانونيا)جريمه يعاقب عليها القانون تسمى جريمة استخدام المركز والسلطة لمصالح شخصية وقد تصل عقوبة السجن فيها الى 5 سنوات
ز( دينيا) ارى انها مثل قطاع الطرق والفارضين اتاوات وجبايات على الناس وطبعاااا كل ذلك حرام والمال الناتج عنه حرام ولا بركة فيه
والمفروض ان المسئول فى الموقع اللى شغال فيه انه يخدم المواطنين فهو وظيفته اساسا خدمة الناس وكلن الذى يحدث هو انه يرى ان وظيفته هو ذل الناس
وربنا مش هيسيب ظالم او مفترى وان شاء الله كل واحد بيعمل لاخرته ولا حول ولا قوة الا بالله

هيا خربانة خربانة حال البلد دى مش هيتعدل ابدا مدام فيها شوية الحرامية دول