مشاهدة النسخة كاملة : إيه اللى المفروض يحصل الفتره الجايه :)
To Be Is To Do 18-07-2013, 02:42 AM أولا كده : مبروك لكل الناس اللى ربنا كرمها بمجموع كويس وهى دلوقتى مطمنه انها ان شاء الله فى الكليه اللى نفسها فيها
وبالنسبه للناس اللى خانها الحظ صدقونى ربنا له حكمه فى كده أكيد انتوا زعلانين بس قدام حتعرفوا ان ربنا قدرلكم الخير :)
ثانيا : الخطوه الجايه هى التنسيق وسحب الورق من المدرسه
التنسيق : اللى بيحصل فيه انه بيتقسم على 3 مراحل كل مرحله بيقولوا فيها انها لغايه مجموع كذا يعنى كل واحد حيعرف اذا كان مرحله اولى او تانيه او تالته
بعد كده حيحددوا لكل مرحله عدد ايام معين لتديم التنسيق فيهم والتنسيق عباره عن ان ف كل محافظه كذا كليه بتقوم بعمليه التنسيق دى انت بتروح الكليه اللى ينفع تعمل تنسيقك فيها هناك حتقعد على كومبيوتر خاص بيك تبدأ تحط بيانات اسمك ورقم جلوسك ومحافظتك والشعبه وما الى ذلك يعنى وتبدأ تختار الكليات اللى انت عايزها هى تبتبقى مكتوبه جاهزه مجرد انت بتختارها عاده التنسيق بيبقى مرتبي الكليات دى حسب بعدها وقربها من محافظتك تسهيلا عليك خلاص اخترت كل الرغبات انت كده عملت التنسيق تقريبا بيدوك ورق يثبت انك عملت تنسيقك وبتنتظر مش فاكر قد ايه حوالى اسبوع ممكن او اقل من كده وتظهر نتيجه التنسييق وتعرف انت قبلت فى كليه ايه وتبدأ المرحله اللى بعدها وهكذا ... على فكره ينفع تدخل على موقع التنسيق من بيتك وتقدم عادى جدا بس أضمنلك تروح الكليه تعمله
طب اللى جايب الحد الادنى لكليه بس مش فى محافظته فيه حاجه اسمها تحويل الكترونى ( على النت بدون اى فلوس ) ودى بتظهر بعد نتيجه التنسيق ما تظهر بتدخل على الموقه بتاع التحويل تكتب جالك كليه ايه وانت عايز تحول لنفس الكليه بس فى محافظتك بتنتظر برده فتره قصيره وتظهر نتيجه التحويل ونسبه كبيره جدا من التحويلات بتتقبل على اساس انك بيبقى فالك درجتين تلاته اربعه مثلاا على الكليه فى محافظتك والتحويل ده بدافع ( تقليل الاغتراب ) ، فيه تحويل ورقى وده بفلوس للناس اللى ناقصها كتير على مجموع الكليه فى محافظتها وبيتقبل برده ان شاء الله
سحب الورق فى المدرسه : المفروض كل واحد يروح مدرسته ياخد شهاده الثانويه العامه وتسحب ورقك منها تقريبا عبارهع عن شهاده الاعداديه واصل الميلاد ( كومبيوتر ) ده اللى متذكره يعنى المهم تروح تسحب ملفك من مدرستك ومش حتعمل بيه اى حاجه خالص غير بعد ما تظهر نتيجه التنسيق ويتقالك تروح تقدم فى الكليه اللى قبلت فيها وساعتها حتنزل ورقه فيها الحاجات اللى طالباها الكليه وهى الصور وطوابع وشويه ورق تانى هما حيقولولكم عليه
ثالثا : التظلمات :_ فيه ناس كتير اوى بتتظلم كل سنه فيه منهم بياخد حقه بعد التظم ودول نسبه بسيطه اوى وفيه منهم مش بياخدوا حقهم ودول الاغلبيه
التظلم :_ بتروح البنك تدفع 100 جنيه حتاخد وصل منه تروح المدرسه اللى بيتعمل فيها التظلم وتديهم الوصل وتملى استماره باسمك ورقم جلوسك والاداره وامدرسه والماده ويدوك معاد غالبا بعد اسبوعين .. اللى بيحصل بيصولوا ورقه الاجابه وتروح تشوفها ويدوك ورقه تكتب فيها ملاحظاتك وتطلب نموذج الاجابه الرسمى وتراجع ورقتك وتكتب انت مظروم فايه ؟ وبعد الاسبويعن تروح تسأل يا زادت يا فضلت زى ما هى مش بتنقص حتى لو تستحق انك تنقص
4 حالات بتاخد فيهم درجات : المرايه انك تكون واخد مثلا فى السؤال فى الورقه 5 وفى المرايه كاتبلك مثلا 3 سهوا يعنى ،، تكون كاتب زى النموذج بالظبط وعاملك على السؤال غلط ،، غلط فى التجميع ،، سؤال مش متصحح او جزئيه من سؤال
غير الحالات دى تقريبا نادرا ما حد بياخد درجات
لو اخدت درجات بترجعلك ال 100 ج لو مخدتش درجات استعوض ربنا فيها :d
ممنوع تاخد مدرس معاك وانت بتتظلم الا اذا كان والدك او والدتك مدرسين لان اللى ينفع يدخل معاك التظلم اقارب درجه اولى فقط ( والد والده اخ اخت )
لو حد محتاج يستفسر عن اى حاجه انا تحت امره الفتره الجايه :)
محمد النويهي 18-07-2013, 03:00 AM تنسيق المرحلة الأولى بياخد لحد مجموع كـــام
To Be Is To Do 18-07-2013, 03:03 AM تنسيق المرحلة الأولى بياخد لحد مجموع كـــام
الله اعلم ده بيتغير من السنه للسنه حسب المجاميع :)
Asa7be Wawa 18-07-2013, 03:04 AM تقريبا بيدوك ورق يثبت انك عملت تنسيقك
معلش مش فاهم الجمله ديه مين اللى بيدينا الورق ده ؟
To Be Is To Do 18-07-2013, 03:10 AM تقريبا بيدوك ورق يثبت انك عملت تنسيقك
معلش مش فاهم الجمله ديه مين اللى بيدينا الورق ده ؟
الكليه اللى عملت فيها تنسيقك .. بيطبعوا الورق اللى عملته فى التنسيق الرغبات واسمك ورقم جلوسك وبياناتك اثبات يعنى انك خلصت تنسيقك
Asa7be Wawa 18-07-2013, 03:12 AM تمام متفتكرش يا باشمهندس الشريحة الاولى علمى رياضة كانت من مجموع كام لكام انا عارف ان التنسيق بيختلف بس انا عايز أعرف السنه بتاعتكم أول ناس كتبوا الرغبات فى المرحله الأولى كانوا مجموع كام ؟؟
To Be Is To Do 18-07-2013, 03:15 AM تمام متفتكرش يا باشمهندس الشريحة الاولى علمى رياضة كانت من مجموع كام لكام انا عارف ان التنسيق بيختلف بس انا عايز أعرف السنه بتاعتكم أول ناس كتبوا الرغبات فى المرحله الأولى كانوا مجموع كام ؟؟
صدقنى مش فاكر معلش :)
Muhammad Karim 18-07-2013, 03:16 AM الكليه اللى عملت فيها تنسيقك .. بيطبعوا الورق اللى عملته فى التنسيق الرغبات واسمك ورقم جلوسك وبياناتك اثبات يعنى انك خلصت تنسيقك
تقريبا التنسيق وتسجـيل الرغبات والتحـويل وكل دا بيتعمـل مجانا ع النت والطالب الي بيطبع كل دا ويسـلمة يوم التقـديم للكلية الي مترشح ليها !!
Asa7be Wawa 18-07-2013, 03:18 AM صدقنى مش فاكر معلش :)
ماشي تسلم ايديك يا باشمهندس تعبناك معانا
To Be Is To Do 18-07-2013, 03:19 AM تقريبا التنسيق وتسجـيل الرغبات والتحـويل وكل دا بيتعمـل مجانا ع النت والطالب الي بيطبع كل دا ويسـلمة يوم التقـديم للكلية الي مترشح ليها !!
تمام ده فى حله انه عامل تنسيقه من البيت او من سايبر هو اللى ملزم يطبعه انما لو من كليه يبقى هما اللى حيطبعوله الورق قبل ما يمشى والكليه برده مجانا عادى
hasan99 18-07-2013, 03:22 AM شكرا ع الايضااح الجميل ده :)
بس من البيت اسهل يعني ع اساس لو عطشت يعني الميه جمبي وكدا :d
To Be Is To Do 18-07-2013, 03:24 AM شكرا ع الايضااح الجميل ده :)
بس من البيت اسهل يعني ع اساس لو عطشت يعني الميه جمبي وكدا :d
hhhhhhhhhhhh ده اكيد طبعا لمحبى الرحرحه :d :d
omnia badr 18-07-2013, 03:44 AM احنا بنملى الرغبات فى الكلية ازاى دا؟؟؟؟؟؟؟؟؟؟؟؟؟؟؟؟؟؟؟
To Be Is To Do 18-07-2013, 03:51 AM احنا بنملى الرغبات فى الكلية ازاى دا؟؟؟؟؟؟؟؟؟؟؟؟؟؟؟؟؟؟؟
فيه كليات فى كل محافظه بتبقى موفره خدمه التنسيق ومجانا يعنى للناس اللى مش عارفه تعمله ازاى من البيت هما بيقولوا ان كليه كذا وكذا وكذا ينفع تعمل فيها التنسيق فبتروح تعملها زى ما حتعملها من البيت عادى ومن نفس الموقع اختلاف بس ان واحد راح عمله فى الكليه والكليه طبعتله الرغبات ،، وواحد عاملها فى البيت او السايبر وهو اللى طبع االرغبات
MIDO.SHOUMAN 18-07-2013, 04:11 AM طيب بعد اذن حضرتك هو نموذج الاجابه بيبقى كاتب توزيع الدرجات بتاع كل نقطة من نقاط السؤال نفسه ولا بيسبها عايمة كدا؟
تاني حاجه : هو اللي هيبص على الورقة و الملاحظات هو نفسه اللي كان بيصحح الورقة
تالت حاجه هو انا لو اجابتي مش زي النموذج بس اجابه صح و في شوية تحوير و ذكاء ممكن اكتبها في الملاحظات و لا اللي هيراجع الورقة هيلتزم بنموذج الاجابه دايما
رابع حاجه : انا نزلت في العربي جامد و طلعت من الامتحان قلت هجيب 27 مع اني كنت بغلط نفسي في حاجات انا عملتها صح لقتني جايب 25.5 ده كله ممكن يكون في ايه في التعبير مثلا؟؟؟؟؟ انا كاتب صفحة و نص بصراحة بس اينا كان ممكن ينقصي عليه درجه بعد القسمة يعني 2 على الورقة فعايز اعرف ايه الحل ممكن اطلب في الملاحظات انه يبص على التعبير جايز اخد في حاجه؟؟
معلش هتعبك معايا و شكرا
To Be Is To Do 18-07-2013, 04:20 AM طيب بعد اذن حضرتك هو نموذج الاجابه بيبقى كاتب توزيع الدرجات بتاع كل نقطة من نقاط السؤال نفسه ولا بيسبها عايمة كدا؟
تاني حاجه : هو اللي هيبص على الورقة و الملاحظات هو نفسه اللي كان بيصحح الورقة
تالت حاجه هو انا لو اجابتي مش زي النموذج بس اجابه صح و في شوية تحوير و ذكاء ممكن اكتبها في الملاحظات و لا اللي هيراجع الورقة هيلتزم بنموذج الاجابه دايما
رابع حاجه : انا نزلت في العربي جامد و طلعت من الامتحان قلت هجيب 27 مع اني كنت بغلط نفسي في حاجات انا عملتها صح لقتني جايب 25.5 ده كله ممكن يكون في ايه في التعبير مثلا؟؟؟؟؟ انا كاتب صفحة و نص بصراحة بس اينا كان ممكن ينقصي عليه درجه بعد القسمة يعني 2 على الورقة فعايز اعرف ايه الحل ممكن اطلب في الملاحظات انه يبص على التعبير جايز اخد في حاجه؟؟
معلش هتعبك معايا و شكرا
اول حاجه : مواد مواد بمعنى ساعات مثلا السؤال عليه درجتين فى النموذج يقسمها انصص زى النفس او درجه ودرجه او الدرجتين على بعض على حسب المستشار اللى حاطط الامتحان مش قاعده عامه يعنى ده بالنسبه للسؤال المقالى انما لو سؤال اختيارات او صح وغلط اوعلل او نتائج او ما شابه ذلك يعنى بيبقى لكل نقطه درجه محدده
تانى حاجه انا كنت شفت توبيك مكتوب ان اللى حيعيد النظر فى الورق هو مستشار الماده نفسه
تالت حاجه : اكتب اى حاجه انت عايز تكتبها يعنى لو اجابتك مش زى النموذج اوى بس صح وهو عاملك غلط اكتبها .. بص اى فتفوته انت شايف مظلوم فيها اكتبها يمكن تاخد درجتها طبعا الاختيار والصح وغلط يا صابت يا خابت مفيهاش نقاش :)
رابع حاجه : للاسف التعبير والبراجراف دى تقدير المدرس وبس انا كنت ناقص فى البراجراف 1.5 قبل القسمه ومفيهوش ولا غلطه وكتبت فى الملااحظات ولكن لا حياه لمن تنادى جالى الرد ان ده يرجع لتقدير المصحح بس اعتقد انى كنت سامع محدش بياخد فى التعبير اقل من 7
اكتب اى حاجه انت شايف انك مظلوم فيها اى حاجه يمكن تاخد درجتها
مفيش تعب ولا اى حاجه تحت امرك وربنا يكرمك ان شاء الله :)
Bahy_Ahmed 18-07-2013, 04:25 AM انا صعب اني اعمل التنسيق في كلية بس حعمله علي النت بس عايز اعرف انا معرفش ايه الكليات الطبية بالظبط وايه الاقرب وكده هل ده هيكون موجود علي الموقع ؟؟
shrok200 18-07-2013, 04:29 AM يعنى انا يا باشمهندس اروح كليه الطب مثلا واقولهم انى عايزة اسجل رغباتى هنا وخلاص ؟؟؟
To Be Is To Do 18-07-2013, 04:30 AM انا صعب اني اعمل التنسيق في كلية بس حعمله علي النت بس عايز اعرف انا معرفش ايه الكليات الطبية بالظبط وايه الاقرب وكده هل ده هيكون موجود علي الموقع ؟؟
طب صيدله اسنان بيطرى علاج طبيعى
موقع التنسيق بيبقى مرتبهم حسب الاقرب ليك ورا بعض انت بس مثلا حتكتب طب وصيدله واسنان محافظتك وبعدين تختار المحافظات التانيه على حسب ترتيبهم لانهم مرتبينهم من الاقرب للابعد
فاطمة عبدالرحمن 18-07-2013, 04:31 AM العلاج الطبيعى بتاخد من كام ؟؟؟؟؟؟؟؟؟؟؟؟؟:):bosyht9:
To Be Is To Do 18-07-2013, 04:32 AM يعنى انا يا باشمهندس اروح كليه الطب مثلا واقولهم انى عايزة اسجل رغباتى هنا وخلاص ؟؟؟
الاول لازم تعرف ايه الكليات اللى ينفع فيها تنسيق عندنا مثلا كانت السنه اللى فاتت هندسه وحقوق واداب على حسب كل محافظه ايه الكليات اللى فيها اللى بتتعاون فى خدمه التنسيق دى :)
To Be Is To Do 18-07-2013, 04:33 AM العلاج الطبيعى بتاخد من كام ؟؟؟؟؟؟؟؟؟؟؟؟؟:):bosyht9:
لا مش عارف اى معلومات عن الكليات حتاخد كام بصراحه
shrok200 18-07-2013, 04:34 AM الاول لازم تعرف ايه الكليات اللى ينفع فيها تنسيق عندنا مثلا كانت السنه اللى فاتت هندسه وحقوق واداب على حسب كل محافظه ايه الكليات اللى فيها اللى بتتعاون فى خدمه التنسيق دى :)
معلش طيب اعرف منين ؟
MIDO.SHOUMAN 18-07-2013, 04:35 AM طيب هو انا هكتب الملاحظات ازاي هقوله ارجو النظر في السؤال كذا و كذا و لا اقعد اشرحه انا كتبت دي ليه و دي ليه كاني بحل الامتحان تاني
و لو مثلا لا قدر الله ماخدتش حاجه من التظلم و رفعت قضيه ايه اللي بيحصل.... بيجيبوا حد تاني يصحح و لا ايه
و معلش مش قادر اوفيك حقك من الشكر.... اصلها صدمه جامده بصراحة...... انا مقفل فيزيا و كيميا و احياء و انقص في الفلسفة و العربي جامد مع اني مجاوب صح و مراجع اجاباتي مع النموذج صح مش عارف بقه بس الحمد لله و حسبي الله و نعم الوكيل
To Be Is To Do 18-07-2013, 04:36 AM معلش طيب اعرف منين ؟
تقريبا هما بيعلنوا عنهم انا السنه اللى فاتت واحد قالى بس معرفش ايه مصدره يعنى :)
To Be Is To Do 18-07-2013, 04:41 AM طيب هو انا هكتب الملاحظات ازاي هقوله ارجو النظر في السؤال كذا و كذا و لا اقعد اشرحه انا كتبت دي ليه و دي ليه كاني بحل الامتحان تاني
و لو مثلا لا قدر الله ماخدتش حاجه من التظلم و رفعت قضيه ايه اللي بيحصل.... بيجيبوا حد تاني يصحح و لا ايه
و معلش مش قادر اوفيك حقك من الشكر.... اصلها صدمه جامده بصراحة...... انا مقفل فيزيا و كيميا و احياء و انقص في الفلسفة و العربي جامد مع اني مجاوب صح و مراجع اجاباتي مع النموذج صح مش عارف بقه بس الحمد لله و حسبي الله و نعم الوكيل
اه عادى مثلا اكتبله فى السؤال كذا النقطه كذا كتبت اجابه تؤدى نفس معنى الاجابه فى النموذج وانها اجابه صحيحه ومع ذلك نقصت درجته .. يعنى عادى اكتب براحتك .. لا اشرحله طبعا ولو حاجه كاتبها زى النموذج وعاملهالك غلط قوله وانا مجاوب نفس اجابه النموذج ومع ذلك لم اعطى درجته :)
القضيه : بتجيب محامى يرفعلك قضيه قصه مين اللى بيصحح انا معرفهاش بس الحكم فى القضيه على حد اللى عملوا قضيه يعنى بتظهر وانت مثلاا فى اولى او تانيه كليه قصدى يعنى مش بتودى ولا بتجيب ( على حد اللى سمعت انهم عملوا قضيه ) :)
باذن الله لو مظلوم تاخد درجات ومفيش شكرا على واجب عادى لو عايز تسأل على حاجه تحت امرك :)
bebo the one 18-07-2013, 04:47 AM شكرا يا باشمهندس على تعبك وسهرك ومحاولة مساعدة الآخرين .. جزاك الله كل خير
To Be Is To Do 18-07-2013, 05:46 AM شكرا يا باشمهندس على تعبك وسهرك ومحاولة مساعدة الآخرين .. جزاك الله كل خير
مفيش شكر خالص الشكر لله ربنا معاكم ان شاء الله :) واياكم ان شاء الله :)
farid27 18-07-2013, 10:11 AM جزاك الله كل خير ...انا عندى علم نفس للاسف دور ثان ومن المنتدى عرفت ان الازمة عامة الدرجات فعلاً سيئة انا همتحنها مش هعمل تظلم لان مش هقدر اسافر بسبب والدى مريض
الدرجة اللى هاخدها كام يعنى لو قفلتها ؟؟ لو مجموعى جاب اداب انتساب في محافظة تانية اقدر اعمل تقليل اغتراب وابقي انتساب لمحافظتى ؟؟؟
farid27 18-07-2013, 10:12 AM اها و سؤال كمان , نسيته :) هل انا اروح اخد الشهادة والملف من المدرسة والا هما هيخترونى بمعاد امتحان علم النفس واللجنة ؟؟؟
amr director 18-07-2013, 11:37 AM يعنى انا هعرف الكليات بتاعه التنسيق دى ازاى؟؟؟وعايز اعرف بكتب كام رغبه ؟؟وترتيبها بيكون ازاى؟؟ وفي حاله انى لو عملته من البيت خلاص كده مش هروح في حته وهستنى النتيجه؟؟؟ايه الموقع اللى بدخل عليه؟؟ ارجو الرد وشكرا
amr director 18-07-2013, 11:44 AM عنى انا هعرف الكليات بتاعه التنسيق دى ازاى؟؟؟وعايز اعرف بكتب كام رغبه ؟؟وترتيبها بيكون ازاى؟؟ وفي حاله انى لو عملته من البيت خلاص كده مش هروح في حته وهستنى النتيجه؟؟؟ايه الموقع اللى بدخل عليه؟؟ ارجو الرد وشكرا
amr director 18-07-2013, 12:00 PM انا عايز اعرف يعنى هعرف الكليات اللى بقدم فيها التنسيق دى منين؟؟
وبكتب كام رغبه ؟؟وارتبهم ازاى؟؟
الورقه اللى هبطعها دى اعمل بيها ايه بعد كده؟؟وفي حاله انى لو عملته من البيت خلاص كده مش هروح في حته وهستنى النتيجه؟؟؟ايه الموقع اللى بدخل عليه؟؟ ارجو الرد وشكرا
ngmellail 18-07-2013, 01:31 PM معلش لو سمحت ممكن اعرف هي تنسيق المرحله الثانيه ممكن يبقي من كام يعني احتمالات وهل ممكن ادخل تربيه طنطا انا جايبه 90.9 علمي علوم بعد ما كنت جايبه في ثانيه 94.5 للاسف ولا كمان مش حبقي مرحله تانيه
ngmellail 18-07-2013, 01:33 PM معلش حضرتك طيب انا المفروض املا رغباتي امتي هل استني لما المرحله الاولي تخلص وكمان انا عايزه اعرف حاجه هو انا مش حعرف المرحله التانيه كلياتها من كام الا بعد المرحله الاولي ما تخلص مانا مش عارفه حاجه انا حبقي اني مرحله وحكتب رغباتي امتيييييييييي
To Be Is To Do 18-07-2013, 07:37 PM يعنى انا هعرف الكليات بتاعه التنسيق دى ازاى؟؟؟وعايز اعرف بكتب كام رغبه ؟؟وترتيبها بيكون ازاى؟؟ وفي حاله انى لو عملته من البيت خلاص كده مش هروح في حته وهستنى النتيجه؟؟؟ايه الموقع اللى بدخل عليه؟؟ ارجو الرد وشكرا
حته كام رغبه هو بيبقى محددلك كام رغبه انت بس بختار من الرغباتت اللى مكتوبه وتملى بيها الرغبات اللى عندك .. لو عكلته فى البيت بتدخل على موع التنسيق تقريبا اليوم السابع بيبقى منزل لينك موقع اتنسيق يعنى .. اه كده تمام بعد ما تعمل تنسيقك من البيت اطبعه وفى الاخر بعد كام يوم حتنزل نتيجه التنسيق وتعرف انت اتقبلت ف انهى كليه
To Be Is To Do 18-07-2013, 07:41 PM معلش لو سمحت ممكن اعرف هي تنسيق المرحله الثانيه ممكن يبقي من كام يعني احتمالات وهل ممكن ادخل تربيه طنطا انا جايبه 90.9 علمي علوم بعد ما كنت جايبه في ثانيه 94.5 للاسف ولا كمان مش حبقي مرحله تانيه
لا حته الكليات تاخد من كام ملهاش قاعده كل سنه ليها ظروفها
معلش حضرتك طيب انا المفروض املا رغباتي امتي هل استني لما المرحله الاولي تخلص وكمان انا عايزه اعرف حاجه هو انا مش حعرف المرحله التانيه كلياتها من كام الا بعد المرحله الاولي ما تخلص مانا مش عارفه حاجه انا حبقي اني مرحله وحكتب رغباتي امتيييييييييي
هما كل مرحله قبلها بيوم او يومين حينزلوا المجموع لغايه كام للمرحله دى ولو مرحله تانيه يبقى تستنى المرحله الاولى لما تخلص وتظهر نتيجتها وتبدا المرحله التانيه وهكذا
M..Elawady 18-07-2013, 07:44 PM طيب توقعكم لكلية الحاسبات والمعلومات ايييييه
مرحلة اولى ولا ثانية واخر حاجه فيها كام بالنسبة للدرجات يعنى
السنة دى ان شاء الله
To Be Is To Do 18-07-2013, 08:33 PM طيب توقعكم لكلية الحاسبات والمعلومات ايييييه
مرحلة اولى ولا ثانية واخر حاجه فيها كام بالنسبة للدرجات يعنى
السنة دى ان شاء الله
اى حاجه عن الكيات صدقنى انا معرفش عنها حاجه :)
farid27 18-07-2013, 09:10 PM جزاك الله كل خير ...انا عندى علم نفس للاسف دور ثان ومن المنتدى عرفت ان الازمة عامة الدرجات فعلاً سيئة انا همتحنها مش هعمل تظلم لان مش هقدر اسافر بسبب والدى مريض
الدرجة اللى هاخدها كام يعنى لو قفلتها ؟؟ لو مجموعى جاب اداب انتساب في محافظة تانية اقدر اعمل تقليل اغتراب وابقي انتساب لمحافظتى ؟؟؟
اها و سؤال كمان , نسيته :) هل انا اروح اخد الشهادة والملف من المدرسة والا هما هيخترونى بمعاد امتحان علم النفس واللجنة ؟؟؟
To Be Is To Do 18-07-2013, 09:40 PM اها و سؤال كمان , نسيته :) هل انا اروح اخد الشهادة والملف من المدرسة والا هما هيخترونى بمعاد امتحان علم النفس واللجنة ؟؟؟[/size]
ادور التانى بتاخد نص الدرجه اللى انت جبتها
يعنى لو جايب 50 حتاخد 25 بس
فى حاله الدور التانى بيبقى فيه شهاده عادى من المدرسه تستلمها يا قبل الامتحان بتاع النفس يا بعده فانت ممكن تروح تاخدها بعد امتحان النفس مره واحده اما بالنسبه للملف اللى عباره عن شهاده الاعداديه واصل الميلاد فده تاخده عادى من المدرسه
|