مشاهدة النسخة كاملة : بى بى سى تتحرى حقيقة أعداد المتظاهرين فى 30 يونيو


Muhammad Karim
18-07-2013, 04:35 PM
الشروق
هل كانت مظاهرات 30 يونيو فى مصر هى الأكبر فى التاريخ؟ أعدت هيئة الإذاعة البريطانية «بى بى سى» تقريرا يحاول الإجابة عن هذا السؤال أو الإجابة عما إذا كان من الممكن التحقق من حجم الحشود المشاركة.

ويذكر التقرير أن المتظاهرين المعارضين للرئيس، حينها، محمد مرسى، نزلوا فى شوارع القاهرة ومحافظات أخرى بأعداد غفيرة وذكر البعض أن أعداد المحتجين بلغت 30 مليون شخص، لكن مراسل شئون الشرق الأوسط فى بى بى سى، وير ديفيز، يقول «هذه مبالغة كبيرة».

ويضيف ديفيز أنه «لا أعتقد أنها كانت أكبر مما حدث عام 2011 عندما حدثت ثورة. ميدان التحرير يمتلئ بنصف مليون شخص، ولذا يستحيل الزعم بأن هناك مظاهرة ضخمة فى ميدان التحرير وأن الملايين احتشدوا داخل الميدان».

وشدد على أن «الملايين تظاهروا هذه المرة ضد حكم جماعة الإخوان المسلمين، لكن الحشود لم تبلغ 30 أو 40 مليون شخص كما يتحدث البعض إذ إن هذا الرقم يمثل 45 فى المئة من السكان، وهذا مستحيل».

ويقول كريس جرينواى، من قسم المتابعة فى «بى بى سى» إن وكالة أنباء الشرق الأوسط أوردت أن وزارة الداخلية نفت تقديمها أى تقديرات عن أعداد المتظاهرين، ومن ثم «لا يبدو أنها الجهة التى ذكرت هذه التقديرات».

ويشير جرينواى إلى أن وكالة أنباء «رويترز» نقلت عن مصدر عسكرى لم تسمه أن أعداد المتظاهرين فى تلك الليلة بلغوا 14 مليون شخص، «وبعد ذلك توالت تقارير عن أن تقدير الأعداد بلغ 33 مليونا».

http://www.shorouknews.com/news/view.aspx?cdate=18072013&id=46b3a83e-d030-46f1-a544-eeaf4d6f705e

أ/رضا عطيه
18-07-2013, 05:57 PM
شعب يقوم بثورتين فى سنتين ويخلع رئيسين
الأول سياجه حصن أمنى والتانى سياجه تنظيم دولى

ماشاء الله ولاقوة إلا بالله

وتقوللى بى بى سى ولا سى سى سى

عند المصريين مفيش مستحيل !!!!!!!!!!!!!!!!!!

الشعب المصرى خارج المعيار الكروى للأرض

خلوهم يحسبوا على هواهم

وبلاها عقدة الخواجة وكأنهم هم من سيرسمون لنا المستقبل




رمضان كريم

وائل رسلان
18-07-2013, 06:16 PM
يا جماعه مادام اعلامنا العظيم وخاصة قنوات التلفزيون المصرى قالت 33 مليون يبقى 33 مليون لا يزيدوا ولا يقلوا ... وخلوا بالكم الفيديو المصور من قبل الجيش حقيقى واللى بيوضح اعداد المتظاهرين وليس كالفيديو المفبرك بتاع السيسى مع قيادات الجيش

احنا عندنا ثقه عمياء وعرجاء فى اعلامنا العظيم

وازيدكم من الشعر بيتا .... انتم عارفين انه التلفزيون المصرى يحتفظ باسماء الـ 33 مليون المتظاهرين فى 30 / 6 نفر نفر ... دكر دكر ..... احنا اعلامنا ديجيتال ... انتو فاكرين ايه ..لعبه هى ولا لعبه ؟؟

واللى هيقول ان الاعداد اقل من 33 مليون ... يبقى ده اكيد شخص ....... شخص ..... مؤيد لمرسى ... .... وارهابى .. وده شخص فيه وفيه .. وميفهمش حاجه ... ونصيحة لاى واحد مؤيد لمرسى وضد الانقلاب .. متحاولش تستخدم عقلك ..وتصدق اى خبر واى كدبه... وبلاش مناكفه وغتاته ... وارضى بالانقلاب .... بالشكل ده تبقى حبيبنا وكفائه

أ/رضا عطيه
18-07-2013, 06:33 PM
شكلنا هنلعب كيلو بامية ولا إيه ؟:006et4:

إيه يفيد العدد والصدمه على الوجوه معلمه

كل اللى مش مصدق
ينزل الشارع بتاعهم ويقول لهم مرسى هو رئيسى وهيرجع غصب عنكم

ويبقى ييجى يقول لنا على باقى الحوار اللى هيدور بينه وبين أهله وجيرانه:romarioxp6:

وبلاش مناكفه زى مابتقولوا

انزلوا لأرض الواقع ولو مرة واحدة

هى صحيح ممكن تكون أول وأخر مرة :bosyht9:

لكن التجربة العملية كلها فوائد وحاجات كتيرة!!!!!!!!!!!:stickjo4:



رمضان كريم

خليل اسماعيل
18-07-2013, 07:58 PM
لا إله إلا الله

محمد محمود بدر
18-07-2013, 08:51 PM
حفظ الله مصر والمصريين

المصري أشرف
18-07-2013, 10:19 PM
مش عارف إيه قيمة العدد .. الشرعية هي رؤية الشعب
والمهم هل يوجد في التاريخ شعب يقوم بثورتين
الأولي ونجحت وتم خلع رئيس كنت تخشي أن تعارضه
حتي ولو في الحلم لقوة دولته البوليسية
والثانية أكثر نجاحا وأعظم .. إذ أن الثورة أراد لها
مخلوعنا الثاني أن يوجهها ببوصلة الأهل والعشيرة ولكن
هيهات لم يتعلم مخلوعنا الدرس أن الشعب مازال في
فورة ثورته وأقسم علي أن لاتعود عقارب الساعة للخلف
مرة أخري .. فمن أراد القيادة ياهلا ولكن بمفهوم قوي
الشعب الثورية محققا مايصبو إليه من عدالة إجتماعية
أما من يريد توجهات أخري .. فبالتأكيد سيزداد مخاليعنا

مدحت عبد العظيم
18-07-2013, 11:08 PM
يا أمة ضحكت من جهلها الامم

عبدالله الرياضي
18-07-2013, 11:10 PM
اعداد المتظاهرين اكثر من 99 مليون

Muhammad Karim
18-07-2013, 11:15 PM
اعداد المتظاهرين اكثر من 99 مليون

ازااي يعنـي :d
دا مصـر كلها 80 مليـون :d