السلام عليكم
تحية طيبة الى كبار واساتذة الموقع
شكرا جزيلا للاستاذالفاضل

محمد عبد السلام
على مجهودة الكبيرفى رفع كتاب الكيمياء
مجرد راى فى منهج الكيمياء الجديد
فى راى صعب تدريس بعض الجزئيات لطلبة اولى ثانوى
ازاى ندرس لطالب لسة طالع من اعدادى معلومات درسناها فى الجامعة
حاجة تانية اللى واضع المنهج دة عبقرى فاهم هو بيعمل ايةنتكلم عن ابواب المنج
الباب الاول
غير موفق تماما فى موضوعات الباب الاول لانة خلط ما بين الكيمياء والفيزياء
يعنى ممكن نعتبر الباب الاول عبارة عن كيمياء فيزيائية
انا متفق معكم تماما ان موضعات المنهج جديدة

عبارة عن كيمياء فيزيائية متقدمة درستهافى الجامعة مع الدكتور الكبير محمد بدر الصباح بجامعة الازهر
كان يفترض ان تكون بداية المنهج غير كدا
طلبة كتير يمكن تحول من الثانوى العام لتعليم الفنى لان البداية صعبة
الباب الثانى
ماخوذ من الباب السادس فى كيمياء الثانوية العامة ولكن باختصاروبراعة فى الاداء

خلط مابين منهج اولى ثانى القديم مع منهج الثانوية العامة الباب دة عايز مجهود كبير جدا
فى الفصل الثانى
كان المفروض يبدا بشرح

حساب الصيغة الكيميائية
وبعد كدا
يشرح النسب المؤية الوزنية
ويختم بالناتج الفعلى والنظرى
هو واضح من هذا الباب انة سهل لكن هيكون فية افكار كثيرة جدا ونوعيات مسائل هتكون صعبة على الطالب فى المرحلة دى
الباب الثالث
بدا بشرح المحاليل
بصراحة معلوماتة غير منظمة
يجب تعديل من اول صفحة 54 الى صفحة 57 ( معلومات ولا لها لزمة)
الفصل الثانى

الاحماض والقواعد
شرحة كويس لغاية صفحة 69 فقط
انما صفحة 70 و صفحة 71 عايزة تعديل
الباب الرابع
الفصل الاول

المحتوى الحرارى
عبارة عن كيمياء فيزيائية متقدمة
مزيج ما بين الكيميا والفيزيا
الفصل الثانى
غير موفق فى شرحة
كان فى المنهج القديم افضل كثيرا
الباب الخامس
عبارة عن استعراض عضلات لمؤلف الكتاب على المعلم والطالب
هل من المعقول طالب فى هذا العمر يفهم الشرح بالطريقة دى
الكيمياء النووية

منهج يدرس لطالب فى جامعة
وبعدين اين اسسس الكيمياء النووية
المؤلف غير موفق تماما فى شرح النووية
الباب السادس
(لا تعليق)
خارج نطاق الخدمة
لا يصلح للتدريس فى الكيمياء
الخلاصة
منهج الكيمياء
(غير منظم - فية اجزاء غير مناسبة تماما للتدريس - فية حشو كتير - يركز علىالحفظ - كتاب الانشطة يستحيل تدريسة فى بعض المدارس لعدم وجودامكانيات-المنهج سوف يؤدى الى تسرب الكثير الى التعليم الفنى - المنهج كبيرجدا يستحيل تدريسة فى ترم واحد – المنهج يحتاج تدريسة لمدرس خصوصى بارع طبعا فاهمين كلامى يعنى الدروس الخصوصية اسعارها هتزيد مع المناهج الجديدة)

كل احترامى وتقديرى لمؤلفى الكتاب الغير موفقين وبامانة فى الكتاب الجديد

واضح ان وزارة التربية والتعليم تختار اسواالمناهج لتدريسها

دة مش كويس لمصلحة البلد

كنت اتمنى ان المنهج يتناسب مع عقول الطالب ويتناسب مع ظروفنا الحالية

تحياتى للجميع

منتظر ردودكم وانتقاداتكم

وكل عام وانت بخير

اوافقك الرأى
المنهج أكثر تعقيدا
وفى أغلبه يعتمد الحفظ

كلامك صح يا ستاذ محمد وتحليل رائع للمنهج المشكلة لو تم تدريسة فى ترم واحد

مظبوط يا استاذ محمد والمنهج كمان فيه غلطات علمية كتيرة

ياستاذ ايمن خلاص دة المنهج اعتمد بشكل رسمى ولا لسة فى كلام تانى انا سمعت ان فى كلام تانى

السلام عليكم ورحمة الله وبركاته الي اساتذتي لافاضل شكرا لكم وجزاكم الله خيرا معكم تلميذكم كيميائي سيد خضيري مدرس كيمياء اظن من وجهة نظري المتواضعة ان المؤلف لهذا الكتاب حاول ان يدخل الكيمياء من بابها الصحيح ولكنه لم يوفق
فبدأ ياخذ من كل جزئية قطعة وهذا يؤدي الي تنافر بين زملائي
احدهم يريد ان يفهم الطالب الاسس مثلاللاس الهيدروجيني ومن اين اتت وفوائدها كاملة والاخر يكتفي بالمعلوما الموجودة فتتحول الكيمياء الي مادة حفظ صماء
وهل من الصحيح ان ابدأ بالمعادلة الكيميائية قبل ان افهم الطالب يعني ايه مركب والصيغ ؟

السلام عليكم
ردودكم على الموضوع اسعدتنى كثيرا
اتمنى كل واحد يقول راية وبصراحة بعد قراءة المنهج جيدا
فية تخبط كبير فى كل مؤسسات الدولة ودة واضح من نتيجة شغلهم العشوائى واتخاذ قرارات فى غير وقها تماما
اعلنت الوزارة عن مسابقة لتاليف مناهج جديدة
واختارت احدى هذة المناهج
وتركت الباقى
لم تعرف ان المنهج الذى اختارتة اكيد فية عيوب
ولم تدرك ان المناهج التى تركها بدون اختيار بها مميزات
ماذا لو خلطنا
بمعنى
نخار الكويس من كل منهج
افضل اجزاء تم شرحها
يعملوا لجنة من كافة التخصصات وضم مدرسين كبار يختاروا من المناهج التى قدمت للمسابقة افضل اسلوب
مش شرط يختاروا منهج واحد يفرضوة علينا
كنت اتمنى كل المناهج الى قدمت يختاروا منها افضل الموضوعات وافضل اسلوب فى عرض المعلومات
و فى الاخر
اكيد هنخرج بمنهج محترم مفيهوش اى عيوب او اخطاء يليق بمصرنا الحبيبة

كل عام وانتم بخير

السلام عليكم ورحمة الله وبركاته الي اساتذتي لافاضل شكرا لكم وجزاكم الله خيرا معكم تلميذكم كيميائي سيد خضيري مدرس كيمياء اظن من وجهة نظري المتواضعة ان المؤلف لهذا الكتاب حاول ان يدخل الكيمياء من بابها الصحيح ولكنه لم يوفق
فبدأ ياخذ من كل جزئية قطعة وهذا يؤدي الي تنافر بين زملائي
احدهم يريد ان يفهم الطالب الاسس مثلاللاس الهيدروجيني ومن اين اتت وفوائدها كاملة والاخر يكتفي بالمعلوما الموجودة فتتحول الكيمياء الي مادة حفظ صماء
وهل من الصحيح ان ابدأ بالمعادلة الكيميائية قبل ان افهم الطالب يعني ايه مركب والصيغ ؟

ايوة يا استاذ سيد
انا ملاحظ انة بينقل معلومات من مراجع او من كتب الجامعات بدون ما ينظمها او يرتب افكارها بشكل جيد
كمان بيضع عناوين ولا يقوم بشرحها جيدا وكانة بيقول لنا اتصرفوا

المعلومات الاثرائية نادرة فى الكتاب
مش شايف تشويق فى المنهج
مش شايف كيمياء اصلا فى المنهج
مفيش معادلات كثيرة او اجهزة لتحضير مركبات وحتى القوانين مفيش عليها امثلة ومسائل كثيرة

مظبوط يا استاذ محمد والمنهج كمان فيه غلطات علمية كتيرة

لك كل الشكر والقدير استاذ / ايمن
نعلم انك عمل فى كتاب الامتحان
واكيد حضرتك تعرف الاخطاء الموجوة فى شرح الكتاب
انا والله كل ما اقرا صفحة ابحث فى المراجع الموجودة معى للتاكد من صحتها او ابحث فى شبكات الانترنت لمعرفة معلومات اخرى عنها
وان شاء الله نخصص صفحة على المنتدى لابراز الاخطاء العلمية فى الكتاب

وارجو من الجميع
الا تبخلوا علينا بتلك المعلومات الفنية
لو فية اخطاء يجب ابرازها للجميع


ورجاء من اساتذتى بالموقع
المساهمة فى رفع اعمالكم الجميلة
حتى يستفيد منها الجميع باذن الله
وجزاكم الله خيرا

الى كل من يريد تحميل كتب ف الكيمياء
مهمة جدا للمناهج الجديدة
من هنا
http://www.noorsa.net/browse.php?c=63&p=1

السلام عليكم ورحمة الله وبركاته
اريد من اساتذتي الافاضل ان ننظر ماذا نفعل مع الطلاب نأسسهم ولا نحفظهم يب لو هتأسس الطالب بالمنهج ده
هتحتاج فوق 5 محاضرات خارج المنهج ده وان الطالب اقتنع الطلاب نسبة قليلة منهم اللي هاتعرف وهتحب المحاضرات دي والطلبة الاخرين هيكرهو المنهج بتوع ملتزمين بكتاب المدرسة
فارجوا التوصيات لهذه النقطة
-ثانيا عندي فكرة نعمل منهج كيمياء محترم مرتب منظم علي اسس قوية ونسعي لرفعه في الوزارة

انا عايز اعلق على الدكتور بدر الصبار ده رجل كان محترم جدا انا احبه لانى ازهرى اسال الله ان يعطى له كل خير

المنهج غير مناسب للطالب المصرى
المنهج يعتمد بدرجة كبيرة على الحفظ ا
المنهج اجزائة غير متكاملة لا يوجد ارتباط بين اجزاءة وغير مرتبط باى دراسة سبق للطالب ان سمع بها فى المرحلة الاعدادية

اين المعادلات الكيميائية فى المنهج


اين التحضيرات التى يمكن للطالب او للمعلم اجرائها فى المعمل

اضم صوتى الى صوت الاستاذ سيد الخضيرى بان نقوم باعداد منهج مناسب للطالب فى هذة المرحلة ورفعة للوزارة
تحياتى الى الاستاذ سيد الخضيرى وهو رجل نشط زو كفاءة علمية عالية

ياربى
بالله عليكم تقروا صفحة 84
عايز تعليق على اول سطرين فى الصفحة
بالله عليكم تقولوا لى اية علاقة صفحتى 88و89 بالتغير فى المحتوى الحرارى
اقرا المقدمة على الفصل الثانى فى الكيمياء الحرارية
صفحة 90
بعد ما تقول المقدمة لو طالب سالك فيها وقالك ازاى يا مستر .... هترد تقول اية؟
المؤلف اختار مثال من الواقع لكن تفسيرة صعب
بالله عليكم
عايز تعليق على المعلومة الاثرائية اللى ف صفحة 92
للاسف الفصل دة بالكامل المؤلف فشل فى شرحة وصياغتة
ارجو تعليقاتكم على الكيمياءالحرارية
وجزاكم الله خيرا

بسم الله الرحمن الرحيم
والصلاة والسلام علي رسول الله.........................اما بعد :
منهج الكيمياء لايرقي لمستوي الطالب المصري لعدة أسباب وهي :
1- يهتم بالجانب النظري ويركز علي التلقين
2- يحتوي علي معلومات من الفيزياء الذرية والنووية الغامضة علي طالب يخرج من المرحلة الاعدادية
3- كثرة الحشو والتطويل
4- خلوه من المعادلات الكيميائية التي اعتاد عليها في الاعدادية مما يترتب عليه نسيانها في المراحل القادمة
5-صعوبة المفردات المستخدمة مثل نيوكليونات - هاردونات - كوراك
6- تكرار بعض المعلومات المشروحة في علوم الاعدادية مثل مزايا وعيوب الاشعاع
اخوكم / علي السيد معلم الكيمياء والفيزياءوجزاكم الله خيرا علي سرد هذا الموضوع وشكرااااااااااااااااااااااااااا

اقدم شكري لكل الاعضاء علي الاهتمام بهذا الموضوع الحيوي اظن ان هو قصده هما لما الماء يتفاعل مع نترات الامونيوم تنخفض درجة الحرارة فيمتص حرارة المريض
طيب ليه ماستخدمش مواد عادية في درجة حرارة مخفضة ولا هي فلسفة
بالنسبة للكيمياء الحرارية شوية ثرمو دينامك مع بعض والطالب والمعلم يجمعوا ويرتبوا الفصل معاهم ربنا

ياجماعة احنا مممكن نبعت بمزكرة للوزير نشرح فية وجهة نظرنا فى المنهج بصفتنا مدرسين كمياء حتى يعاد تقييم المنهج ولحد علمى الوزير الجديد كلف لجان لمراجعة جميع القرارات والمناهج الى اتخذت فى العهد السابق

ياجماعة احنا مممكن نبعت بمزكرة للوزير نشرح فية وجهة نظرنا فى المنهج بصفتنا مدرسين كمياء حتى يعاد تقييم المنهج ولحد علمى الوزير الجديد كلف لجان لمراجعة جميع القرارات والمناهج الى اتخذت فى العهد السابق

انا للاسف لا اعمل فى مدرسة
دة بقى دور المدرسين المعينين والموجة العام والادارات التعليمية
كل واد يقوم بدورة ويهتم بالموضوع دة جدا
لان المنهج دة فعلا مستواة لايليق بتدريسة
عايز تعديل
والغاء بعض الجزئيات
واضافة حاجات تانية اهم وباسلوب منظم

من اكبر عيوب المناهج الجديدة عدم مشاركة المدرسن او أخذ أرائهم حتى قبل طباعة المناهج لان المدرسين خير من يحكم على المنهج من جميع جوانبة نسأ الله السلامة لبلدنا

المعلومات الاثرائية نادرة فى الكتاب
مش شايف تشويق فى المنهج
مش شايف كيمياء اصلا فى المنهج
مفيش معادلات كثيرة او اجهزة لتحضير مركبات وحتى القوانين مفيش عليها امثلة ومسائل كثيرة

ما حدش خد باله منكم ان الكتاب خالى تماما من اسئلة التقويم والاسئلة فى كتاب الانشطة غير كافية

مستر فكتور يا ريت تعرفنى هو فين منتدى روضة العلوم الطبيعية

منتدى روضة العلوم للاسف تم غلقة لا نعرف ما السبب
والان تم عمل موقع جديد اسمة
الثانوية الجديدة

ما حدش خد باله منكم ان الكتاب خالى تماما من اسئلة التقويم والاسئلة فى كتاب الانشطة غير كافية

يا مستر المشكلة مش ف الاسئلة
فية مشكلة كبيرة فى المنهج نفسة
لا يصلح لطالبة اولى ثانوى
لانة منهج كبير وفية حشو كتير جدا

الطلبة اللى هتدخل ادبى ذنبهم اية يدرسوا المنهج دة

المفروض يخلوا الادبى والعلمى من سنة اولى ثانوى زى الازهر
والمنهج دة يتقسم على ترمين

ياجماعة لما نقرا اسماء المؤلفين ووظائفهم ونلاقيهم كلهم اساتذة جامعة يبقى لازم المنهج يطلع بالصورة دى وهى صورة فوازير رمضان زى بالظبط ماكانو هم بيدرسولنا فى الجامعة بيدونا كتاب مالوش علاقة بالشرح فى محاضراتهم ويجيبو امتحانات ملهاش علاقة بالاتنين وبعدين المستشارين اللى قاعدين فى الوزارة وملهمش لازمة ليه ميدخلوش مدرسين مش هقول يحطو منهج بس على الاقل يسألوهم عن طبيعة الطلبة اللى بنتعامل معاهم وازاى بنتعب فى توصيل المعلومة ليهم بدل ميجيبوا ناس قاعدة فى تكييفات وتحطلنا الفوازيررررررررررررررررررررررررررررررررررررررررررر ررررررررررررر

ياجماعة لما نقرا اسماء المؤلفين ووظائفهم ونلاقيهم كلهم اساتذة جامعة يبقى لازم المنهج يطلع بالصورة دى وهى صورة فوازير رمضان زى بالظبط ماكانو هم بيدرسولنا فى الجامعة بيدونا كتاب مالوش علاقة بالشرح فى محاضراتهم ويجيبو امتحانات ملهاش علاقة بالاتنين وبعدين المستشارين اللى قاعدين فى الوزارة وملهمش لازمة ليه ميدخلوش مدرسين مش هقول يحطو منهج بس على الاقل يسألوهم عن طبيعة الطلبة اللى بنتعامل معاهم وازاى بنتعب فى توصيل المعلومة ليهم بدل ميجيبوا ناس قاعدة فى تكييفات وتحطلنا الفوازيررررررررررررررررررررررررررررررررررررررررررر ررررررررررررر

كلام حضرتك ممتاز يا استاذ احمد
دى مشكلتنا فعلا
دكاترة بتحط مناهج
مش عارفين ان كانت مناسبة لطلبة فى هذة المرحلة ام لا
فية حاجات كانت فى المنهج القديم كانت صعبة على الطالب وكنت بتعب جدا على ما افهمها لهم
ازاى هيفهموا المنهج الجديد بالشكل دة
المدرسين مش حيحسوا فعلا بان المنهج غير صالح للتدريس ف هذة المرحلة غير لما يجربوا بنفسهم
هيقابلكم مشاكل كتيرة جدا وانتوا بتشرحوا المنهج سواء فى الكيمياء او الفيزياء او الاحياء
بداية منهج الفيزياء عبارة عن رياضة
وبقية المنهج تحس انو حشو
عايز يحط ا كلام وخلاص فى الكتاب
مفيش قوانين فيزياء كتيرة كدا زى المنهج القديم

ومنهج الكيمياء فية حاجات صعبة على طلاب اولى ثانوى

بجد
مناهج احبطتنى
سهل جدا ان المدرس يفهم اى منهج مهما بلغة صعوبتة
لكن صعب انة يوصل المعلومات لعقول الطالب الضعيف

مش حيوصل الى الصف الثالث الثانوى غير الطالب المتمكن فقط
الضعيف ملهوش مكان فى الثانوى خلاص
هى دى خلاصة تجديد المناهج

اذيك يااستاذ محمد عامل ايه بارك الله فيك على هذه المجهودات أخوك وزميلك أ / ايهاب محمد جامعة الأزهر
ت/ 01002226843

استفسار بسيط اين الاستاذ ايمن حماد مؤلف كتب الامتحان لكي يقطع الشك باليقين هل في تعديل ام لا في مناهج اولي ثانوي خصوصا لانني قابلت الموجه الاول في ادارة بنها وقال لي بالنص ليس هناك تعديل في المناهج ولم ترد لهم نشرة بذلك وان التغيير هو فصل كتب تالتة ثانوي العلمية والادبية الي كتابين كتاب لتانية واخر لتالتة والله هذا ما حدث امس

ياباشا مناهج اول اتغيرت بالفعل

بجد لاتعليق

استاذ محمد حضرتك دفعة 2006 نرجو التواصل اخوك محمد ابوبكر 01091482083
انا اعتز بالدكتور الصباح
فأنا خريج الازهر

بجد منهج متعب علي الطالب والمدرس بس كان ممكن من السنة القادمة(2014/2015) نشتغل فيه بس كده هيبقي متعب علي الطالب والمدرس

مش لاقي كلام اقوله غير حسبي الله ونعم الوكيل
انا مش عارف ازاي المدرس حيقدر يدرس كلام ذي اللي انا شوفته في الفيزياء النووية
أول مرة
والله العظيم أول مرة اشوف الكلمات دي
طول عمرنا نعرف ان الذرة بروتونات ونيترونات وإلكترونات
يمكن هوا ترجم الكلام دا للغة هندية مثلا وطلع لنا كلام ذي النيوكليونات - وشاي ليبتونات - هادرونات
وبيتكلم كإن الكلام دا عادي
حسبي الله ونعم الوكيل

دكتور محمد محسن بدر الصباح استاذى كان بيدرس لي عام 1999

منهج السودان في الكيمياء النوويه فيه حاجات جميلة اضعاف اضعاف ما كان يدرس في مناهج مصر
مثل النويات والنويده النيوكليونات والسلاسل الاشعاعية الثلاثة واستخدام النظائر في علاج اللوكيميا وفي تتبع امراض معينه في المعده والامعاء ............................الخ
فمنهجنا الان اخذ اشياء من منهج السودان

سمعت يا أستاذى ان هذه المناهج موحدة مع الدول العربية ولن يتم الاعتراف باى شهادة لا تدرس هذه المناهج

أنا كيميائي خريج كلية العلوم وبحضر ماجستير في الكيمياء التحليلية ... بصراحة المنهج كبير جدا وصعب يخلص في ترم واحد ... المنهج ده أحنا كنا بناخده ف الكلية ع 4 سنوات ... هو كدة متهيألي جاب كل فروع الكيمياء ف سنة دراسية واحدة ... صعب ع طالب لسة داخل ثانوي ويبدأ ياخد كل فروع العلوم منفصلة بهذا الشكل ... المنهج ده لو على سنة كاملة أي كل ترم 3 أبواب هيبقى جميل جدا والطالب هيقدر يستوعبه براحته .... من الآخر أنا شايف انه بالمنهج ده بيضرب الدروس الخصوصية والمدرسين الضعاف ف الكيمياء ... المنهج ده عايز واحد خريج علوم بصرااحة ... لأن مهما كان بتاع تربية كيمياء مش بيدرس كل حاجة في الكيمياء زي بتاع علوم أو بمعنى أصح مش بنفس المعلومات والكيفية ... وشكراً

أنا كيميائي خريج كلية العلوم كيمياء وبحر ماجستير ف الكيمياء التحليلية ... بصراحة المنهج سهلا جداااااااااا وجميل جدا جدا وبيعرف الطالب يعني أيه كيمياء صح ولو الطالب عرف من أولى ثانوي يعني أيه كيمياء صح وكل الخباية بتاعتها ... هيحب الكيمياء وهنلاقي أن عدد طلاب العلمي هيزيد تاني بدل ما الطلبة بتهرب من العلمي بسبب الكيمياء ... بصراحة المناهج ديه عايزة ناس فاهمة يعني أيه كيمياء بجد .. مش ناس حافظة كلمتين في الكيمياء تحفظها للعيال ... هو بس مشكلة المنهج أنه كبير ع ترم واحد يعني لو كان كل ترم 3 أبواب فقط .. كان هيبقى أفضل ... وأحنا أزاي عايزين نطور المناهج والتعليم عندنا ومش عاجبنا المنهج ده ... هو مشكلتة بس أن فيه مصطلحات كتير بالانجليزي ومفاهيم ما ينفعش تتشرح الا بالانجليزي .. وديه صعوبة المنهج بالنسبة لخرجين تربية كيمياء عربي ... أنما المنهج بصراحة عشان يتوصل صح محتاج خرجين علوم أو تربية كيمياء لغات ... وأساسا الكيمياء ما ينفعش تدرس بالعربي ... وشكراً

مظبووووووووووووووووط

انا مدرس كيمياء / أعزائى الطلبة والمعلمين / من أمتى ولنا رأى فى اعداد المناهج !!! رغم ان احنا اللى بنشرح / والمدرس ممكن يعالج عيوب المنهج وخلاص بمهارته ومعظم الطلبة عايزة تنجح والسلام ,, والنجاح فى اولى ثانوى هايف جدا !! انتم عارفين اعمال السنة وعارفين التهريج فى لجان الأمتحان / فالعلم لم يصبح للعلم بل أصبح جواز مرور للسنة اللى بعدها ولما تيجى ث عامة يحلها الحلال !! هذا هو الواقع المؤلم

أنا كيميائي خريج كلية العلوم كيمياء وبحر ماجستير ف الكيمياء التحليلية ... بصراحة المنهج سهلا جداااااااااا وجميل جدا جدا وبيعرف الطالب يعني أيه كيمياء صح ولو الطالب عرف من أولى ثانوي يعني أيه كيمياء صح وكل الخباية بتاعتها ... هيحب الكيمياء وهنلاقي أن عدد طلاب العلمي هيزيد تاني بدل ما الطلبة بتهرب من العلمي بسبب الكيمياء ... بصراحة المناهج ديه عايزة ناس فاهمة يعني أيه كيمياء بجد .. مش ناس حافظة كلمتين في الكيمياء تحفظها للعيال ... هو بس مشكلة المنهج أنه كبير ع ترم واحد يعني لو كان كل ترم 3 أبواب فقط .. كان هيبقى أفضل ... وأحنا أزاي عايزين نطور المناهج والتعليم عندنا ومش عاجبنا المنهج ده ... هو مشكلتة بس أن فيه مصطلحات كتير بالانجليزي ومفاهيم ما ينفعش تتشرح الا بالانجليزي .. وديه صعوبة المنهج بالنسبة لخرجين تربية كيمياء عربي ... أنما المنهج بصراحة عشان يتوصل صح محتاج خرجين علوم أو تربية كيمياء لغات ... وأساسا الكيمياء ما ينفعش تدرس بالعربي ... وشكراً
لو استنينا الطالب يتعلم كمياء فى اولى ثانوى يبقى الطالب عليه السلام " ضاع "
المنهج خالى من التفاعلات الكيميائية مما يساعد على نسيانها مرة اخرى .!!

حسبنا الله و نعم الوكيل

اضم صوتى الى صوت الاستاذ سيد الخضيرى بان نقوم باعداد منهج مناسب للطالب فى هذة المرحلة ورفعة للوزارة
تحياتى الى الاستاذ سيد الخضيرى وهو رجل نشط زو كفاءة علمية عالية
رد مع اقتباس

عندكم كل الحق اقتباس للمناهج فاشل لايتماشى مع التعليم بمصر