إيه الحيرة دي..؟!! مساعدة يا دكاتره.. [الأرشيف] - بوابة الثانوية العامة المصرية

مشاهدة النسخة كاملة : إيه الحيرة دي..؟!! مساعدة يا دكاتره..

Mo0on Light

24-07-2013, 02:11 PM

السلام عليكم ورحمة الله وبركاته

بداية انا اول ماحبيت احط هدف بالنسبه للكليه اللي هدخلها كانت صيدله قريت عنها كتير

ومكنتش اعرف حاجه عن طب ولا دراستها ولا شغلها لاني مقرأتش عنها خالص

المهم لما جبت مجموع كويس الناس بدأت تتكلم معايا عن طب وكدا

وقالولي لازم مدخلش الكليه لمجرد اني قريت او سمعت عنها لان اللي قرا غير اللي فيها

ويقولولي مميزاتها وعيوبها وهكذا... اللي اول مره اسمع عنها

فبدأت اتلغبط بين طب وصيدله ..دلوقتي بدل ماكان كليه وحده اللي ف دماغي بقو اتنين
ونسبة الاقتناع 1:1

فقررت اكتب طب وامري لله( خصوصا اني بحب دراسة الاحياء اكتر )

فكتبت طب بشري وبعدين اسنان وبعدين صيدله

بعدها لقيت ناس كتير بيخوفوني من طب بشري وبيقولو اختاري بين اسنان وصيدله

وهتندمي(بالنسبه لسنين الدراسه والشغل وكدا) والكلام الحلو دا..

طبعا اتخنقت لاني كنت خلاص اقتنعت بطب بشري
وحاليا بدأت اتلغبط بين بشري واسنان

فـ ياريت حضراتكم تقولولي اخرة اللغبطة دي ايه

باقي يوم واحد ع التعديل وانا قلقانه وخايفه اندم اني مغيرتش لاسنان
وخايفه اعدل واندم اني مسبتهاش طب

إيــــه آرائكم...؟

ناس كتير هتقولي ادخلي صيدله اول حاجه فكرتي فيها
بس اولا انا عايزه ارضي اللي حواليا
ثانيا انا حاليا لغبطتي بقت بين اسنان وبشري بس

medoash

24-07-2013, 03:17 PM

كل اللى اقدر اقولوا لحضرتك ان طب للبنات بهدله ما بعدها بهدلة

Mo0on Light

24-07-2013, 03:54 PM

كل اللى اقدر اقولوا لحضرتك ان طب للبنات بهدله ما بعدها بهدلة

اها قالولي كدا برضه وقالو ان اسنان راحه اكتر وشغلها اسرع وكدا
بس برضه بندور ف دايره مغلقه ....

NeVeR CoMe BacK

24-07-2013, 04:01 PM

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههه انت هتشلينى يابت ^^
والله انا زيك بالظبط بس خلاص انا هدخل بشرى وامرى لله :d
مممممممممممممم انا معلوماتى انك عايزة صيدلة اصلا !!!!! دلوقتى بقيتى محتارة بين بشرى واسنان ^^
ممممممممممممممم صلى استخارة وربنا يقدملك الخير واللى تحسى انك مرتحاله ادخليه
وبعدين عادى يابنتى ماكلو عامل زيك كده وكاتب طب رغبة اولى وبعدين اسنان وصيدلة
وانتى بقا براحتك تحولى من كلية لكلية بعدين لما التنسيق يظهر يعنى مفيهاش مشكلة مش لازم تعدلى الرغبات !

Mo0on Light

24-07-2013, 05:41 PM

NeVeR CoMe BacK

24-07-2013, 05:58 PM

هههههههه اه بس انتى كنتى عايزه هندسه اصلا يعنى دا موضوع تانى خاااالص
وبعدين يابنتي انا حاليا مش مرتاحه للتلاته اصلا :d

ماهو انا لو جاتلي طب هتدبس فيها خلاص مش هحول
فانا عايزه اشوف الافضل من دلوقتي بحيث اني الحق اعدل الرغبات

اتكلى عالله وخشى تجارة :d:d

a7med bondok

24-07-2013, 06:32 PM

Mo0on Light

24-07-2013, 07:52 PM

اتكلى عالله وخشى تجارة :d:d

هههههههه انا هدخل معهد سنتين وحلو كدا :d

Mo0on Light

24-07-2013, 07:58 PM

والله نصيحتي لوجه الله
والله والله والله ابتغي بها رضا الله والله لمصلحتك
لو حابه صيدله خليكي فيها
يعني حضرتك7 سنين طب بعدين تعملي ماجيستير في تخصص ليييييييييييييييييييييييييييييييييييييييييييه
يعني ممكن عشان تفتحي عياده يكون عندك 27 سنه وممكن وقتها يكون معك اولاد وكده فتضطري تقصري في شغلك
انما عندك صيدليتين ممكن تشتغلي فيهم بمزاجك او توقفي حد ويبقى مصدر دخل ليكي
انا حاولت اوضح نقطه
وعموما الاهم من ذلك عمل استخاره
واتكلي على الله وديه مش نهايه الدنيا يعني :) :) :)
بس قدام بين طب واسنان
اسنان جميييييييييييييييييييييييييييييييييييييله جدا
وييمكن اجمل من طب كمان
وبرضه خلي استخارتك قبل اي شيء
او اعملي باقتراح مياده وادخلى تجاره :p:p:p:p:p

والله انا حاليا اقتناعي بالتلات كليات تقريبا متساوي

وموضوع الشغل دا كان من اسباب اقتناعي بصيدله برضه

مجالات شغله اكتر واسهل واسرع

انا بقول ف طب عقبال مابدأ اتشهر هكون طلعت ع المعاش :bosyht9:

بس شكلها كدا هاخد المتوسط ف الموضوع وادخل اسنان :D

هههههههههه والله بابا الاول كان عايز يدخلني تربيه :D قبل مايحط ف دماغه طب

ربنا يسهل ويسهلنا امورنا ..

NeVeR CoMe BacK

25-07-2013, 01:15 AM

علا فكرة انا مجموعى يدخلنى تجارة انجلش مستريح :p

hawass007

25-07-2013, 06:50 AM

amira.alola

25-07-2013, 01:38 PM

انا برضة كنت محتارة زيك بس صليت صلاة الاستخارة ورنا هدانى طب الحمد للة لاسباب التالية:
1-احنا تعبنا فى المجموع دة وطول السنة عمالين نذاكر ورايحين جايين ودروس خصوصي نقوم نساوى نفسنا بالى جايبة 96 97.
2- كلية الطب من اجمل الكليات يكفى انك تبقى وصلتى لاعلى كليات القمة
3-هتقدرى تساعدى الناس ولو فية حالات طارئة تقدرى تساعدى
4-يكفيك نظرة الناس ليكى
5-اما الى بيقول الدراسة صعبة ما الاسنان صعبة والصيدلة صعبة يعنى كدة كدة هتذاكرى فالى هيخليكى تذاكرى وتبقى صيدلية تذاكرى وتبقة طبيبة بشرية
6-اما الى بيقولك سبع سنين دول ستة والسبعة تكليف او امتياز
7-الطب فيها اختصاصات كتير ومجالات اكتر
واخيرا انتى الوحيدة صاحبة القرار

amira.alola

25-07-2013, 01:55 PM

أحبــائي طلاب الثانوية المتفوقين ..
أدام الله تفوقكم وأعزكم به ..
وأسأله تعالى أن يديم السعادة عليكم ..

صديقي .. احترت بعد النتيجة ؟؟ طبيعي متخافش كلنا كنا عايشين اللحظة دي ..
وكل واحد فيكوا اكيد سمع ما يكفيه عن كليه الطب .. سمع الحلو والوحش .. الايجابيات والسلبيات ..
لكن أحب أقول حاجة واحدة .. من ضمن الكلام اللي بتسمعه انك بتتعب جامد اوي في كلية طب عشان تتخرج وتبقى دكتور .. والجملة دي بتضايقني فعلا .. وهل يعقل يا صديقي انك توصل للمجد بدون كفاح ؟؟!!! هو حد بيلاقي ثمرة ونتايج إلا بعد جهد طويييل .. وده مش في كلية الطب بس ده في جميييييييع الكليات من تجارة واداب وتربيه وصيدلة واسنان وكل كلية انت تعرفها ..

ان بتتعب في دراستك في طب عشان توصل لوظيفة محترمه في مستشفى مستنياك فغيرك في كليات تانية بيطلع روحه على ما يلاقي الوظيفة اصلا ً .. والله في نظري ان طب او اسنان ولا صيدلة .. متفرقش ..
كلية الطب .. نعمة والله ماحد مقدرها .. بالنسبة للسبع سنين انت اللي بإيدك تتصرف فيها زي ماانت عايز .. ممكن يبقوا اكتر سبع سنين سعادة ف عمرك وممكن تبقى أفشل سبع سنين ..
المتميز متميز .. واللي شايف قدامه أمل عمره ما بيسيبه ..
وان كنت باصص على الماديات .. ايوة فعلا مرتبك كطبيب امتياز بيبقى بسيط .. لكن كطبيب تكليف مش وحش .. ده غير انك ممكن تشتغل في مستشفيات خارجية ..

خلاصة القول .. ماتسمعش كلام لأي حد .. بإيدك تخلي دراسة الطب من أمتع أيام عمرك .. وبإيدك تسمع لكلام مايعجبكش وتصدقه !! وتكون ساعتها محتاس .. وتلعن الطب واليوم اللي دخلته فيه ...

ويكفـــيك فخرا ً أنك تدرس أفضل علوم الدنيا .. ويكفيك احترام كل الناس لك منذ بداية دخولك الكلية الى اخر حياتك ..
مع خالص أمنياتي بالتوفيق للجميع
منقووووووووووووووووووووول عن احد الاطباء

shrok200

25-07-2013, 09:35 PM

Mo0on Light

25-07-2013, 11:28 PM

الاحسن صلي استخارة
و لو محتارة طب او اسنان
ادخلي طب
جربي اول سنة لو مش عجبتك
حولى اسنان
و متخافيش هتكملى سنة تانية اسنان عادي
ليا زميل كان معايا اولى طب عين شمس و كان مش بيذاكر و شال مواد
حول اسنان عين شمس و كمل مع دفعتنا بردده
.
و ليا زميل تانى كان من اوائل الدفعة
حول بعد سنة تانية و كمل عادى مع دفعتنا هناك
.
الموضوع حسب ظروفك و رغباتك

طب لو نيتك تساعدى الناس و تشوفي الحسنات و الدعوات اتكلى على الله دا من وجهة نظري
بعض زمايلي بيبصو
ان طب اعلى من اسنان كبرستيج بين الدكاترة أو طلبة طب مثلا بيبص لاسنان انه اقل منه او انه عيل سيس او بتاع صيدلة على انه بقال :d
دا غلط بس بيتقال عامة

بس الناس مش بتفرق كله عندهم دكتور
.
و بردو حسب رغباتك منطقتك الجغرافية كمان وسطك الاجتماعى عيلتك هو دا اللى بيفرق بجد
لو عايزة استفسار اتفضلي

اول مره اعرف موضوع التحويل دا

بس انا عيزه لما ادخل مجال اكمل فيه للاخر برضه مش بحب التجريب

عندك حق احسن حاجه ف طب احساسك ان ممكن ربنا يجعلك وسيله لشفاء مريض من الالم

موضوع بقى الصيادله بياعين بيجبلي الضغط بصراحه :angry2:
لما يكون في صيدلي ف الصيدليه يعرف يساعد ناس مش قادرين يروحوا لدكتور لظروف ماديه
يديهم دوا يشفيهم انما لو اي حد ف الصيدليه ممكن يفتي ويديلهم دوا يظبطهم :rolleyes:

..شكرا..:)

Mo0on Light

25-07-2013, 11:32 PM

Mo0on Light

25-07-2013, 11:34 PM

انا زيك والله بالظبط بس انا كنت عايزة طب من اول ولما جبت مجموعها ناس ياما خوفونى منها
وعملت تعديل وكتبت صيدله ورجعتها طب تانى .. وقولت انى بحب مواد طب اكتر حتى ولو كانت صعبه وطويييله لكن
صيدله سهله بس انا اصلا مش بحبها
فشوفى انتى بتحبى ايه بعيدااا عن الصعوبه والطول ,

انا خلاص كتبت طب وقلت هثبتها لغاية ما اشوف ايه اللي هيحصل
ويمكن قبل السنه ماتبدأ اقرر احول اسنان
يعني هسيب الموضوع يمشي وربنا يسهل

والف مبروك ليكي ...

medoash

26-07-2013, 12:41 AM

انا خلاص كتبت طب وقلت هثبتها لغاية ما اشوف ايه اللي هيحصل
ويمكن قبل السنه ماتبدأ اقرر احول اسنان
يعني هسيب الموضوع يمشي وربنا يسهل

والف مبروك ليكي ...

مينفعش حضرتك تحولى اسنان او حى صيدلة قبل الدراسة .. دا مبيحصلش الا قليل جدا

انا دايما نصيحى لكل البنات انهم يقدموا صيدلة وبياخدوا سنة اعدادى ولو مش عجباهم صيدلة بيحولوا اسنان على اولى علاطول لكن ما دام حضراتكم حابين الطب فربنا يوفقكم مع ان اى حد فى المجمع الطبى هيقولك ان طب للبنات مؤذى جدا