طبعا عارفاكوا كلكم خبيرات مطبخ ولهلوبات مافيش كلام
وكل يوم واحده فيكم تتحفنا بطبق مافيش بعد كده
فقولت اعمل زيكم
ولانى خايبه فى المطبخ
مالاقيتش اسهل من تورته الايس كريم اعملهالكم فى الحر ده
سهله وبسيطه وطعمها يجنن
شوفوا كدهhttp://files2.fatakat.com/2013/7/13744220824130.jpg
ودى واحده كمان
http://files2.fatakat.com/2013/7/13744221382500.jpg
واحلى وارخص من اى تورته فى اى محل حلويات
نشوف بقى محتاجين ايه

قالب كيك من النوع الى بيتفتحhttp://files2.fatakat.com/2013/7/13744224549113.jpg
قاعده كيك مقاس القالب بتاعك ولو معندكيش قصى اى ورقه كرتون مقوى على مقاس القالب بتاعك
http://files2.fatakat.com/2013/7/13744226842816.jpg
ايس كريم بودر فانيليا وشيكولاته وكريم شانتيه
http://files2.fatakat.com/2013/7/13744221877626.jpg
لبن حليب او بودرهhttp://files2.fatakat.com/2013/7/13744222218288.jpg
كاكاو بودر
http://files2.fatakat.com/2013/7/13744222897970.jpg
بندقhttp://files2.fatakat.com/2013/7/13744223316155.jpg
وللتزين اى حاجه موجوده عندك ممكن
صوص كريم كراميل
صوابع بسكويت
كريم شانتيه
ام ام
اى حاجه عندك وانتى وزوقك
نشوف بقى هنعملها ازاى
اول حاجه هنعمل طبقه الفانيليا
هنفضى 2 باكو ايس كريم بودر فانيليا ومعاه باكو كريم شانتيه
فى طبق غويطhttp://files2.fatakat.com/2013/7/13744229031976.jpg
ومعاهم 2 كوبايه لبن
انا عارفه انه المفروض 3
بس انا بحط 2 بس عشان يبقى سميك اكتر والطعم اغنى
http://files2.fatakat.com/2013/7/13744231015428.jpg
ونضربهم بالمضرب الكهربائى على سرعه عاليه لمده 5 دقايق لغايه مايبقى بالشكل ده
http://files2.fatakat.com/2013/7/13744231705987.jpg
ونجيب القالب بتاع الكيك ونحط جواه قاعده الكيك الكرتون
http://files2.fatakat.com/2013/7/13744233688350.jpg
ونفضى الايس كريم فى القالب ونعمل اول طبقه
بس ماتفضيهوش كله فى القالب لا خلى شويه منه فضيهم فى علبه بلاستيك عشان نستخدمه فى التزيين
http://files2.fatakat.com/2013/7/13744234461215.jpg
وتشيلى القالب فى الفريزر لمده 3 ساعات
بعد 3 ساعات نبدأ
نعمل الطبقه التانيه الى هى طبقه الشيكولاته
بنفس الطريقه
هنفضى 2 باكو ايس كريم بودره بطعم الشيكولاته ومعاهم باكو كريم شانتيه و 2 معلقه كبيره كاكاو بودره
علشان الايس كريم الشيكولاته البودره بيبقى لونه بنى فاتح
فالكاكاو بيغمق اللون وبيدى طعم اغنى
وعليهم 2 كوبايه لبن فى طبق غويط ونضربهم بالمضرب الكهربائى لمده 5 دقايق على سرعه عاليه
ونفضيه فى القالب فوق الطبقه الاولى الى جمدت وبرضه نخلى شويه فى علبه بلاستيك للتزيين
http://files2.fatakat.com/2013/7/13744238506754.jpg
وبرضه نشيلها فى الفريزر لمده 3 ساعات
بعد 3 ساعات
نعمل الطبقه الثالثه وهى طبقه البندق
وااااااااااااااو
هنجيب البندق المحمص (250 جرام ) - بس نخلى شويه سليم للتزيين - ونحطه فى كيس وندقه شويه
http://files2.fatakat.com/2013/7/13744239646682.jpg
وبعد كده نطحنه فى المطحنه اكتر من مره لغايه لما ينعم خالص ويبقى عجينه ويطلع زيت كمان
http://files2.fatakat.com/2013/7/13744240957605.jpg
بصوا بقى شكله ازاى؟http://files2.fatakat.com/2013/7/13744241802420.jpg

الخطوه دى مهمه جدا انك تنعمى البندق وتطحنيه جامد عشان يدوب وسط الايس كريم ويدى طعم بس من غير ملمس
وبعد كده نضيف 2 باكو ايس كريم بودره طعم الفانيليا مع باكو كريم شانتيه مع عجينه البندق و2 كوبايه لبن فى طبق غويط ونضربهم بالمضرب الكهربائى لمده 5 دقايق على سرعه عاليه
ونضيف الطبقه الثالثه فى القالب فوق الطبقتين المتجمدين قبل كده
وكالعاده مش هنضيف الكميه كلها وهنخلى شويه فى علبه بلاستيك ( بس المره دى مش للتزيين لا دى علشان انا اكلهم فى الخباثه لوحدى اصل انا بموت فى ايس كريم البندق )
http://files2.fatakat.com/2013/7/13744245653660.jpg
وكالعاده على الفريزر لمده 3 ساعات
بعد ال 3 ساعات هتطلعى القالب من الفريزر وبحرف السكينه هتحززى الحواف بتاعته
وتفكى القفل وتطلعي التورته بالقاعده الكرتون بس
وتبدأى تزينيها براحتك
انا باستخدام معلقه الايس كريم عملت كرات ايس كريم من الايس كريم الزياده الى كنا شايلينه فى العلب البلاستيك
ووردات كريم شانتيه وصوص الكريم كراميل الجاهز ( انا اصلى خايبه مابعرفش اعمله ) وشويه بندق مجروش
وطلعت بالشكل ده
http://files2.fatakat.com/2013/7/13744249009206.jpg

ولو مافيش معلقه ايس كريم ممكن باستخدام الكريم شانتيه والام ام وصوابع البسكويت وحبات البندق
وطلعت كده
http://files2.fatakat.com/2013/7/13744250242335.jpg
وياريت بعد كده بحرف السينه وتنقليها على قاعده كرتون اكبر من الى هى محطوطه عليها او على طبق التقديم
وترجعيها على الفريزر بسرعه لغايه وقت التقديم
انا بقى كان عندى علب تورت ايس كريم فوم كنت محتفظه بيهم
حطيت التورتيتين فى علبتين
كانت حماتى عامله عزومه كبيره لولادها واخواتها وولادهم واحنا طبعا كنا معزومين
فاخدت معايا التورتيتين وانا رايحه وطبعا الكل افتكرهم جاهزين
ايه رأيكم بقى؟؟؟؟؟؟؟؟؟؟؟

اه ملحوظه صغيره
المقادير الى قولتهالكم دى بتاعه تورتايه واحده مش الاتنين

جمييييييييييييلة جدااااااااااااااااااا بجد انتى تعبتى اووووى علا ما عملتى الموضوع ده :)
تسلمى يااااااااا قمر وان شاء الله هكتب الحاجات دى عشان احاول كده اعكعك واعملها :d ولونى عارفة ان ماما هتزعقلى ههههههههههههه هديلها المقادير واسيبها هى بقا :p هاكل انا وخوووولااااااااااااص
شكرا يا عثل :)

اشكرك على التورته اللذيذة دى

جميلة جدا ... تسلمى


:):)

شكرا على المجهود الجميل
وتسلم ايدك

ماشاء الله شكلها حلو.
تسلم ايدك.

رائع جداً ...تسلم الأيادى

عاوز حتة :d

تسلم الاياااااااااااااادى يا جميل ع الموضوع

تسلم ايديكي وجميلة جدا

تسلم ايديكي

جزاك الله كل الخير