السلام عليكم ورحمة الله

كنت محتاج أستفسر من خبراء التنسيق إيه موقف الطلبة اللي أجلت مواد السنة دي ؟

زي الفيزياء والكيمياء

السنة الجاية هتمحتنها كاملة " نظام قديم " بمعني هيتعملهم امتحان لوحدهم

ولا هيمتحنوا نص المنهج " نظام جديد " اللي هو نفس امتحان الدفعة الأساسية ؟

وبالنسبة للتنسيق بقي هيكون إزاي ؟

1- هيكون بنسبة عدد الطلبة ؟

2- هيكون تنسيق سنتهم الأصلية ؟

3- هيكون تنسيق الدفعة الجديدة ؟

أرجو الإفادة من الخبراء.

النظام تقريبا هيكون كأنه سنة عادية بالنسبة للطلبة اللى مأجلة مواد
بمعنى انهم هيمتحنوا المادة كامله ف يوم لوحدهم
اما بالنسبة للتنسيق هيكون طبعا ليهم تنسيق لوحدهم وغالبا هيكون تنسيق السنادى زى تنسيق السنة اللى جاية بالنسبة للمأجلين مواد
الكلام ده قالهولى مدير المدرسة و كمان قاللى ان التنسيق القديم هيعلوه خااالص
ياريت لو حد يعرف حاجه بخصوص الموضوع ده يفيدنا بليييييز

أنا رأيي كدة برضة إنهم هيمتحنوا المادة كاملة.

بس بالنسبة للتنسيق بقي هي دي المشكلة ، علي أى أساس هيحددوه ؟

هل هيحددود بناءً علي النسب ؟

مثلاً كليات الهندسة نقول هتاخد 10 ألاف

الطلبة علي النظام الجديد مثلاً 99 ألف والنظام القديم ألف ، يبقي مجمل علمي رياضة 100 ألف.

زي ما قولنا ان كليات الهندسة محتاجة مثلاً 10 ألاف.

يبقي بنظام النسب هتاخد من النظام الجديد 9900 طالب والنظام القديم 100 طالب ؟

ولا هيكون النظام ازاي ؟

ياريت الإفادة.

لعلمك المدير غلطان وبيتكهن بحاجات ميعرفش عنها حاجة هو اصلا العدد مش عيبقى كبير غير كدة اغلبهم راسبين يعنى مجاميعهم لن تزيد عن 70% ولية نقعد نخوف بعض لاننا لا نعلم الغيب انا ماجل علم نفس و احياء وربنا يسهل بس مع انى حاسس انى مش هلحق حاجة وضيعت السنة بس التنسيق لعلمكوا لا يمكن التنبؤ بة بتاتاً خاصة بردو ان الدفعة الاصلية السنة اللى جاية ممكن تنسيقها ميعلاش لان عندهم مواد كتيرة شوية ودة بيخدمنا

ع العموم انا اتمنى ربنا يوفقنى ويوفق اللى زيي الماجلين عشان السنة مترحش هدر

أنا مأجل فيزياء وكيمياء لإن كان حصلي ظروف وكدة.

اللي كانوا في ثانية ثانوية عامة السنة دي اللي جايبين فوق 90% حوالي 400 واحد.

ونقول ممكن 600 مأجلين السنة دي مجموعهم فوق 90% ، يبقي اللي فوق 90% حوالي 1000 واحد علي كل التخصصات.

أنا علمي رياضة وجايب لحد دلوقتي 94%

رأيي الشخصي ومتأكد منه 99% ، إننا هيكون لينا إمتحانات لوحدنا بالمنهج كلة لإن كدة كدة الإمتحانات دي هتتعمل لطلبة النظام القديم بالمنهج القديم.

تنسيقنا بقي هيكون تنسيق جديد وهيكون نظام نسب.



مثلاً كليات الهندسة نقول هتاخد 10 ألاف

الطلبة علي النظام الجديد مثلاً 99 ألف والنظام القديم ألف ، يبقي مجمل علمي رياضة 100 ألف.

زي ما قولنا ان كليات الهندسة محتاجة مثلاً 10 ألاف.

يبقي بنظام النسب هتاخد من النظام الجديد 9900 طالب والنظام القديم 100 طالب.

والله أعلي وأعلم.

يعنى ممكن طب و صيدله متعلاش عن كام مثلا
اصل انا علمى علوموجايبة لحد دلوقتى 98.3

لا انتى كدة خلاص تعتبرى نفسك فى طب او اسنان بالمييييت خالص

ان شاء اللة طب

يارب
بابا بيقوللى انتى تنسى طب دى خالص لان الامتحانات هتيجى صعبه جدا للمأجلين مواد.بناءا على كلام المدير

يارب
بابا بيقوللى انتى تنسى طب دى خالص لان الامتحانات هتيجى صعبه جدا للمأجلين مواد.بناءا على كلام المدير

لالالا المدير دة والله ما هو فاهم حاجة وعايز يعقدتك وخلاص طمنى والدك وان شاء الله هتدخلى طب

ان شاء الله

يا جماعة .. انا اجلت فيزياء و احياء و لو قفلت السنة الجاية هجيب 98.7 ... ممكن الحق طب بشري .... و لو مش هلحق ... مش ممكن من دلوقتي احول رياضة عشان اضمن هندسة بنسبة كبيرة " مع العلم اني كويس في الرياضة و الاحياء " يا ريت اعرف اّرائكم و شكرا