مشاهدة النسخة كاملة : عايزة حد كلامنجى يدخل ضرورى
farewell 26-07-2013, 10:18 PM السلام عليكم
انا حكايتى طويلة بس هشرحها باختصار
انا الحمد لله متفوقة من صغرى..وعندى طاقة واستعداد اتفوق طول عمرى ان شاء الله
بس للاسف جاتلى ظروف فى 2 ثانوى خلت مجموعى صدمة بالنسبة لمستوايا ..والناس فرحت فيا اوى.انا كنت فاكرة ان الناس طيبة وعلى نياتهم..بس اكتشفت ان 99.5% حقودين اوووووى جتى اقرب الناس ليا
على العموم الظروف دى انتهت فى بدابة 3 ث.يس اعترف ان اللى حصل بعد كده كان بايدى لانى دخلت فى حالة اكتئاب وزهق من المذاكرة ومن الدنيا كلها بسبب الشيطان وكلام الناس..على العموم مذاكرتش كويس
واجلت 3 ث
الناس دلوقتى بتوقفى فى الشارع وتسألنى نفس االاسئلة المحفوظة
يخربيتك ايه اللى انتى عملتيه ده؟
ياخسارة ضيعتى نفسك.عملتى ليه كده؟
انا سمعت انك اجلتى ليه ؟؟
فلانة جابت 100% سمعتى الكلام ده ؟؟ انا كنت فاكرك هتجيبى اكتر منها
واسئلة تانى كتير رخمة
وانا مش بعرف ارد خااااالص وبروح اعيط لتانى يوم
انا عايزة جملة احفظها اقولها لاى حد يكلمنى وهو شمتان فيا اخليه يحط لسانه فى بؤه ويسكت ارجوكوا انا تعبت
Hossam Devo 26-07-2013, 10:29 PM عادى جدا
قوليلهم الشهادات مش مقياس
ياما مهندسين قاعدين ع القهاوى وياما دكاترة بيبيعوا مخلل
ثانيا ماتهتميش اوى بكلام الناس .. لانه ببساطة مجرد كلام!
انا عن نفسى شايف اهم حاجة علاقة الواحد بربنا اى حاجة غير كدة هوااا
يعنى اللى جاب 100% وهو بعيد عن ربنا هيستفيد ايه؟
هيجى يوم الحساب الـ100% مش هتنفعه
ahmed H capo 26-07-2013, 10:29 PM لازم تحمدي ربنا الاول وتقربي منه اوي
الناس دي رغايه وخلاص وبتحب تشمت عشان عندها نقص اعرفي ان محدش حينفعك وان دي ناس حقودة مش اكتر بس انتي خليكي احسن منهم واتعملي عادي خالص حصلك ايه ليه عملتي كدة
ظروف وقضاء الله وقدره والحمد لله
واعرفي انك طالما متفوقة وشاطرة ربنا مش حيضيع تعبك السنين اللي فاتت وحتنجحي في اي مجال تدخليه باذن الله
احنا كلنا بنزعل لو جبنا مجموع وحش او دخلنا كليه مش عايزنها بس محدش عارف الخير فين ولا ربنا شايلنا ايه
احمدي ربنا علي كل شيء واي حد يقولك اي حاجة قوليلي الحمد لله بمجهودي ورغم كل الظروف وان شاء الله حتفوق في الجامعة وحعمل اللي عليا
ربنا يوفقك ويسعدك ان شاء الله
اسراء سمير00 26-07-2013, 10:32 PM السلام عليكم
انا حكايتى طويلة بس هشرحها باختصار
انا الحمد لله متفوقة من صغرى..وعندى طاقة واستعداد اتفوق طول عمرى ان شاء الله
بس للاسف جاتلى ظروف فى 2 ثانوى خلت مجموعى صدمة بالنسبة لمستوايا ..والناس فرحت فيا اوى.انا كنت فاكرة ان الناس طيبة وعلى نياتهم..بس اكتشفت ان 99.5% حقودين اوووووى جتى اقرب الناس ليا
على العموم الظروف دى انتهت فى بدابة 3 ث.يس اعترف ان اللى حصل بعد كده كان بايدى لانى دخلت فى حالة اكتئاب وزهق من المذاكرة ومن الدنيا كلها بسبب الشيطان وكلام الناس..على العموم مذاكرتش كويس
واجلت 3 ث
الناس دلوقتى بتوقفى فى الشارع وتسألنى نفس االاسئلة المحفوظة
يخربيتك ايه اللى انتى عملتيه ده؟
ياخسارة ضيعتى نفسك.عملتى ليه كده؟
انا سمعت انك اجلتى ليه ؟؟
فلانة جابت 100% سمعتى الكلام ده ؟؟ انا كنت فاكرك هتجيبى اكتر منها
واسئلة تانى كتير رخمة
وانا مش بعرف ارد خااااالص وبروح اعيط لتانى يوم
انا عايزة جملة احفظها اقولها لاى حد يكلمنى وهو شمتان فيا اخليه يحط لسانه فى بؤه ويسكت ارجوكوا انا تعبت
وعليكم السلام ورحمه الله وبركاته
بوصي حبيبتي انتي مش تزعلي نفسك خالص
اولا اللي بيفرح في حد او يشمت في حد بيجي اليوم اللي الناس تفرح فيه وتشمت فيه
فأنتي متزعليش خالص
واي حد يكلمك في كده
قوليله الحمد لله والشكر لله
وانا راضيه بنصيبي
واللي حصل حصل
وان شاء الله خير
ومتخليش كلام حد يأثر فيكي
ومتديش لحد الفرصه دي
وان شاء الله اللي فيه الخير ربنا يقدمه ليكي
.........
تقبلي مروري
Nafsna 26-07-2013, 10:36 PM انا شخصيا بعتقد ان احسن رد على الناس دى هو التجاهل بس عموما اللى يحاول يحبطك
اضحكى فى وشه و قولى الحمد لله لان مفيش حاجه بتغيظ الشتمان قد انه يفتكر ان الموضوع مش فارق معاكى
لان سعادته هو فى اكتئابك
و بالنسبه لموضوع النتيجه و تاجيل السنه متزعليش لان محدش عارف الخير فين و دى بتبقى ارزاق ربنا كاتبها للانسان
احمد عبد الحليم محمد 26-07-2013, 10:38 PM الحمد لله تكفى كأفضل جواب
farewell 26-07-2013, 11:00 PM انا بشكر حضراتكم جدا
بصوا انا عارفة انا الناس دى انها متغاظة منى وكانت حقودة عليا السنين اللى فاتت لانى دايما كنت الاولى الحمد لله
منهم اللى ابنهم او بنتهم فاشلين..منهم اللى قلبه اسود ..ومنهم اللى مش بيحب الخير للناس وبيشمت فيهم
80% من اللى سببلى الاحباط السنة دى كلام الناس وابتسامتهم اللى كلها شماتة ومش عايزة ده يحصلى تانى لانى عندى فرصة السنة اللى جاية وان شاء الله الكلية اللى ربنا هيتختارهالى انا هرضى بيها وهتفوق فى الكلية ان شاء الله.ادعولى بالله عليكم
بس المشكلة انى معرفش انا عبيطة ولا بستهبل ومريضة نفسيا ولا ولا ولا
مبعرفش اتكلم خااااااااااااااالص وكلام الناس بيجرحنى اوى ومش بعرف ارد فهما بيفهمونى انى خلاص انتهى بيا المطاف على كده
انا امبارح كنت بشترى من السوبر ماركت وكان فيه اتنين يعرفونى فاتعمدوا انهم يسمعونى اللى بيقولوه
واحده قالت للتانية..من كان يعرف ان ه هيحصل هههههه
التانية ردت عليها...دى ضاعت خالص
والموقف ده من 10000000 موقف بيحصلى.
انا عايزة جملة واحده اكسفهم فيها..اللى يجرؤا انه يكلمنى بالطريقة دى عايزة اكسفه واخليه يتغاظ ويولع.بس انا خيبة اوى والله
اه نسيت اقولكوا خلى بالكوا من العين
انا كنت معروفة اوى علشان كده العين كانت عليا فجت فى 2 ث
زميلتى كانت بتعمل فى الخفاء وكانت جايبة 204.5 فى تانية والتانية على المحافظة
والكل كان متوقعلها انها تكون من اوئل الجمهورية لانها ممتازة جداا جدا ما شاء الله
الناس مسكت سيرتها خلتها تجيب 95% السنادى تخيلوا
وهى حاليا فى المستشفى ياريت تدعولها
انا اسفة عارفة ان الموضوع مش مكانه وانى رغاية اوى بس انا فاض بيا وملقتش حد اتكلم معاه غيركوا
ربنا يخليكوا
ياســــــــمين * 26-07-2013, 11:49 PM حبيبتى انا زيييييييك بالظبط ,, عارفة مكنش فيه حد ف محافظتى او مدرستى تقريبا ميعرفنيش
لان بابا دكتور معروف جدا هنا وماما مهندسة اتصالات وليهم معارفهم بالهبل هنا وعيووون الناس كلها كانت عليا وكانو بيقولو البت دى هتخش طب وش ,, عارفة المدرسين بتوعى مكانوش بيندهولى الا باسم دكتورة ياسمين , تصورى لدرجة ايه
عشان طول عمرى كنت شاطرة وف الاعدادية من اوائل المحافظة ولازم كل سنة طالعة من الاوائل حتا سنوات النقل ,, وفى 2 ث وقعت وقعة سوووودا جبت مجموع فى اوائل التمانينات وكنت علمى علوم وحولت ادبى ف 3 ث وحاولت اصلح الهباب اللى حصل ف 2 ث والحمد لله المجموع اتعدل شوية
وناوية باذن الله ادخل تجارة انجلش
وهثبت نفسى فيها وهجتهد مش زى العيال اللى بتخش الكلية وتنام
عشان اثبت للكلاب اللى شمتوا وفرحوا فيا - وللاسف منهم ناس قرايبى ومنهم كنت بعتبرهم اخواتى - انى كل اللى حصل ده ماثرش فيا وانى مضعفتش وهرجع اقوى وهثبت نفسى ف المجال اللى هدخله - وهو ده اللى هيغيظهم ويحرق دمهم - لما يلاقوكى رجعتى اقوى منالاول ومش همك كلامهم ومكملة ف طريقك
هو ده احسن رد عليهم ,, طنشى خاااااااالص اقطعى علافتك بالناس الزبااااااااالة مترديش عليهم تجاهلى , اعرفى ان كل ده عشان يغيطوكى ويضعفوكى ولو اهتميتى يبقا انتى بتفرحيهم فيكى , حطى هدفك ادامك السنة الجاية وصممى تحققيه عشان تصلحى اللى حصل ف 2 ث ,, ساعتها بس يبقا انتى رديتى عليهم بالفعل مش بالكلام
انا اسفة انى طولت عليكى بس والله انا حاسة ان انا اللى كتبت الموضوع ده مش انتى
لانى مريت بنفس الظروف
ربنا يوفقك حبيبتى ويحققلك كل اللى تتمنيه
Hossam Devo 26-07-2013, 11:55 PM بالنسبة لمشكلة الكلام
السن دة فى ناس كتير كدة
بمجرد ماتدخلى الجامعة هتتعاملى مع ناس كتير
وهتلاقى ان الموضوع اسهل
Asa7be Wawa 27-07-2013, 12:20 AM لو فضلتى تهتمى بكلام الناس مش حتخلصي
أنا أكتر واحد أتعرض لكلام الناس و كنت بتأثر بيه بس أكتشفت فى الأخر فائده ان يكون عندى ودنيين واحده
تدخل الكلام و واحده تطلعه فى نفس الوقت اه و الله :d
Asa7be Wawa 27-07-2013, 12:30 AM و علشان أبين لك أزاى كنت بخاف و بيضايقنى كلام الناس
الكلام ده فى تانيه ثانوى فى الأول خالص
http://www.thanwya.com/vb/style12/statusicon/thread_dot_hot.gif http://www.thanwya.com/vb/life/icons/icon111.gif مشكله مستفزه ارجو إللي مر بحاجة زي كده مايبخلش عليَّ (http://www.thanwya.com/vb/showthread.php?t=377555) (http://www.thanwya.com/vb/style12/misc/multipage.gif 1 (http://www.thanwya.com/vb/showthread.php?t=377555) 2 (http://www.thanwya.com/vb/showthread.php?t=377555&page=2))
Asa7be Wawa
__________________________________________________ __________________
و الله أصحابى هنا فى المنتدى كانوا أجدع ناس و الله
بجد فيه ناس دايما كده همها انها تشمت و بس و لكن أقفى مع نفسك و قولى مش حخلى شوية صراصير :stickjo4:
يشمتوا فيا و الله و الله ده الكلام اللى كنت بقول له لنفسي طوال السنتين اللى فاتوا و أوعي تزعلى و لا تضايقى
بكره تدخلى الكلية أيا كانت ايه هى و ان شاء الله تتفوقى فيها و تبقى دكتورة فى الجامعة كمان :022yb4::022yb4:
و أعرفى أن الدنيا مش حتقف على كليه و لا مجموع و خليكي كده زى الجبل ما حدش يهزك من جواكى أبدا :078111rg3:
mo7amed re3o 27-07-2013, 12:45 AM انا كمان اجلت السنة وحصل معايا تقريبا نفس اللى حصل ليكى بس انا مش بيهمنى كلام اى حد طالما انا مقتنع باللى بعمله وقدامى هدف لازم اوصله بس انا ماجلتش السنة عشان مجموع سنة 2 انا اجلت عشان صعوبة الامتحانات حسيت انى هنقص كتير ومش هدخل الكلية اللى بتنماها اهم حاجه انتى ميهميكش كلام الناس لان الناس مش بتبطل كلام انا عن نفسى كلام الناس بحطو تحت جزمتى بس انا بسمع اللى بستفاد منه يعنى باخد من كلام الناس الجانب الايجابى بس لكن السلبى اللى بحس انه بيجرحنى بطنشه كلام ع الفاضى زى مثلا اصحابى لما يتكلموا عن الكليه وان المذاكره مش هتبقى زى ثانوى وانا هذاكر تانى وكده كل ده مش بيفرق معايا اللى يفرق معايا هدفى بس وان شاء الله اوصله ادعولى ربنا يحققلى اللى بتمناه يااااااااااااااااااااااااااااااااااااااااااااااااا ااااااااااااااااااااااااارب
معلش طولت عليكوا
barca amen 27-07-2013, 12:51 AM كلام الناس ملوش لازمة
انا كنت جايب فى تانية 99.27 الناس مسبتنيش فى حالى
جيت فى تالتة بقيت علطول تعبان وراقد على
السرير وفى الاخر اكتشفت انا مسحور
من شهر 11 ورحت كشفت عند كل الدكاترة معنديش حاجة
وقاعد من الدروس من شهر اتنين ولا قادر انزل من البيت
مرحتش امتحان العربى عشان كنت تعبان
بس ربنا كرمنى جبت فى الفزياء48.5
ورياضة 2 49.5
و24.5 فى الانجليزى
و48.5 فى علم النفس
وادينى مستنى الدور التانى عشان امتحن العربى
حسبى الله ونعم الوكيل فى الحاسدين والحاقدين
والشامتين اهم حاجة ربنا الناس مبتعملش حاجة النافع والضار هو الله
ولكن دول شوية اسباب
mo7amed re3o 27-07-2013, 01:02 AM كلام الناس ملوش لازمة
انا كنت جايب فى تانية 99.27 الناس مسبتنيش فى حالى
جيت فى تالتة بقيت علطول تعبان وراقد على
السرير وفى الاخر اكتشفت انا مسحور
من شهر 11 ورحت كشفت عند كل الدكاترة معنديش حاجة
وقاعد من الدروس من شهر اتنين ولا قادر انزل من البيت
مرحتش امتحان العربى عشان كنت تعبان
بس ربنا كرمنى جبت فى الفزياء48.5
ورياضة 2 49.5
و24.5 فى الانجليزى
و48.5 فى علم النفس
وادينى مستنى الدور التانى عشان امتحن العربى
حسبى الله ونعم الوكيل فى الحاسدين والحاقدين
والشامتين اهم حاجة ربنا الناس مبتعملش حاجة النافع والضار هو الله
ولكن دول شوية اسباب
ليه مستنى الدور التانى كده هتنقص اوى ؟؟؟؟
Mustafa Aboalwafa 27-07-2013, 01:04 AM سيبهم يقعدوا يتكلموا وف الاخر قولهح طيب وامشي
barca amen 27-07-2013, 01:06 AM ليه مستنى الدور التانى كده هتنقص اوى ؟؟؟؟
جبت شهادة مرضية وهاخد الدرجة كاملة ادعيلى بس ايقى كويس يوم الامتحان واقدر احل
Asa7be Wawa 27-07-2013, 01:22 AM جبت شهادة مرضية وهاخد الدرجة كاملة ادعيلى بس ايقى كويس يوم الامتحان واقدر احل
ان شاء الله تبقى فى أحسن حال يا باشمهندس :)
farewell 27-07-2013, 01:47 AM ربنا يجاذيكم خير ويوفقكم فى دراستكم وحياتكم ان شاء الله
شكرا لحضراتكم
وانا اقتنعت انى هخلع وش البنت المؤدبة المحترمة المتواضعة.وهكلم كل واحد على قد حجمه لان خلاص بعد ما كنت بعامل الناس كلها كويس كل واحد لازم يشوف نفسه هو مين الاول بعد كده يكلمنى واشوف ان استحق انى ارد عليه او لا.
وان شاء الله هحقق اللى بتمناه وادخل كلية طب السنة اللى جاية ولا قدر الله لو مدخلتهاش هدخل كلية اثبت نفسى فيها وساعتها هيبقى راح زمن التواضع وهمشى رافعة راسى لفوق.وكل واحد قال عليا نص كلمة هثبتله انه لا شىء.ان شاء الله
Ahmed max 20 27-07-2013, 07:39 AM قولى لا إله إلا الله حسبى الله ونعم الوكيل
Ahmed max 20 27-07-2013, 07:45 AM أنا معرفش إسمك بسنا تعبت فى المرحلتين وامتحنت وكنت متفوق بس أعمل إيه نصيب ومن أر الناس
والحمد لله نجحت بس نفسى أدخل كلية معينة بس مش عارف حدخولها ولا لا فأدعيلى بحق تعبك وتعبى أن أدخلها إن شاء الله وخل بالك أنا علمى رياضة ومزكرتش حلو فى السنتين الى فاتو الحمد لله وأتشرف لو عرفت إسمك
ما ليش غير يا رب 27-07-2013, 08:57 AM الحمد لله اهو لا قيت فى ناس شبههى بالضبط انا بقى من حكاية كل حد فيكم تلاقوا حكايتى الناس دول وبالذات الناس الذبالة الى دايما ما بيسبوش حد فرحان الا وينكدوا عليه متفوق ويحسدوه المهم الى يسمع كلام الناس ويهتم بيه صدقونى هيرجع لورا وبس وهيكونوا سبب فى تعاسته وعلى فكرة انا حاسة وفاهمة كل الى انتى كاتباه لانى مريت بيه كله هاحكيلك حكايتى علشان تعرفى يا بنتى ان ما فيش حاجه تستاهل ابدا باختصار كده اول مشكلتى زى ما كلكم بتقولوا كنت بردو دايما متفوقة بجد والله الاولى فى كل مراحل حياتى وصلت للثانوى ما عرفش حصلى ايه بالذات 2 ثانوى بذاكر فيها وباتعب طول السنة جيب على الامتحانات تعبت جدا وكان عندى حمى يعنى ما ينفعش ادخل وما دخلتش امتحانات واجلت تانيه اهو اول سنة اخسرهاومن ساعتها وانا قلبى انكسروحسيت وطبعا الناس والاصحاب بعدوا عنى وهيستفادوا ايه منى بقى وقررت احاول من جديد بس كنت دايما حاسة انى مكسورة وانى بقيت اقل من كل الناس مش عايزه اطول عليكى وبردو حصل معايه نفس موضوع المرض على الامتحانت حتى فى السنة الى اجلتها بس هاعمل دخلت وانا مريضة اوى وحليت كويس رغم ان انا كنت تقريبا فى غيبوبة والمشكلة اغمى عليه اخر يوم فى الامتحانات امتحان الكمياء ووما دخلتوش فكان لازم اجل سنة بعد ثالثة ادخل فيها الكمياء مع مواد من ثالثة وبعد ما دخلت ثالثة حتى بردو فضلت مع المعاناة باموت كل يوم ومش عارفة ايه بيحصلى السبب فى نظر الناس انى بخاف من الامتحانت علشان كده باتعب على كل امتحان روحت لدكتورة نفسية ما عرفتش تساعدنى واقتنعت بقدرى ونصيبى انى اجل سنة بعد ثالثة علشان احقق حلم عمرى وادخل طب وبعد ما خلصت تالتة دى كانت سنة اى مأجلاها وكان معايه 3 مواد وبصراحة كده كل الى قولتى عليه من زهق وقرف وغير كده خوف من مقابلة الناس بقيت حتى باخاف اكلم حد علشان ما يجرحنيش بالكلام وبرغم مجموعى حلو لكن كله ده ما ساعدنيش استسلمت لكلام الناس ونسيت هدفى حتى احيانا الشيطان ووساوسة كان بيخلينى اسل ربنا ليه انا بيحصلى كده والسنادى بقى نفس الكلام ما كانش عندى حمى ولا حاجة زى كل سنة لا طبعا قبل كل امتحان كنت بايقى تعبانه اوى وفضلت طول الامتحانات فى غيبوبة فى المستشفى بدل ما اكون فى اللجنة وبردو ما اعرفش ليه بعد ما اتعافيت الحمد لله وما حضرتش ولا امتحان السنادى ناس كويسين قالونا على شيخ كويس اوى وقالى انتى معمولك سحر من 4 سنين بانك تفشلى وما تدخليش امتحانات شوفتوا هما دول الناس وفعلا اكتشفت كل الاعراض الى قالى عليها الشيخ كانت بتحصلى بالضبط وانا دى الوقتى بتابع معاه واتمنى انى اتعالج وحتى لو هاخسر سنة ثالثة من عمرى المهم احقق حلمى دا كله بسبب الناس يا بنتى ارجوكى ما تستسلميش لكلام اى حد عندك هدف اثبتى نفسك وبس خلى الكلام ده حافز ليكى لكن ما يكسركيش واوعى تفتكرى الكلام بيفيد اثبتى انتى بس التحدى الحقيقى لنفسك لو سمعت حد بيقول عليكى حاجه صدقينى ما ترديش بس قولى لنفسك حاجه واحده ان معاك ربنا وانك دايما اقوى وتحققى حلمك انا اسفة انى طولت عليكى كنت عايزه اقول حكايتى علشان بس تعرفى ان فى ناس كتير بتمر بازمات بس لازم نبقى اكبر منها وما نسمحش ليها تتغلب علينا عيشى حياتك عادى وارفعى راسك فوق ده مستقبلك انتى ما حدش ليه اى دعوة بيكى اهم حاجه تبقى عارفة انتى عايزه ايه بالضبط وخليكى فى الطريق اليه وتحذير هام لو سمعتى للناس هم الى هيمشوكى بكلامهم على مزاجهم وما فيش تستاهل ربنا رحيم اوى
farewell 27-07-2013, 04:21 PM الحمد لله اهو لا قيت فى ناس شبههى بالضبط انا بقى من حكاية كل حد فيكم تلاقوا حكايتى الناس دول وبالذات الناس الذبالة الى دايما ما بيسبوش حد فرحان الا وينكدوا عليه متفوق ويحسدوه المهم الى يسمع كلام الناس ويهتم بيه صدقونى هيرجع لورا وبس وهيكونوا سبب فى تعاسته وعلى فكرة انا حاسة وفاهمة كل الى انتى كاتباه لانى مريت بيه كله هاحكيلك حكايتى علشان تعرفى يا بنتى ان ما فيش حاجه تستاهل ابدا باختصار كده اول مشكلتى زى ما كلكم بتقولوا كنت بردو دايما متفوقة بجد والله الاولى فى كل مراحل حياتى وصلت للثانوى ما عرفش حصلى ايه بالذات 2 ثانوى بذاكر فيها وباتعب طول السنة جيب على الامتحانات تعبت جدا وكان عندى حمى يعنى ما ينفعش ادخل وما دخلتش امتحانات واجلت تانيه اهو اول سنة اخسرهاومن ساعتها وانا قلبى انكسروحسيت وطبعا الناس والاصحاب بعدوا عنى وهيستفادوا ايه منى بقى وقررت احاول من جديد بس كنت دايما حاسة انى مكسورة وانى بقيت اقل من كل الناس مش عايزه اطول عليكى وبردو حصل معايه نفس موضوع المرض على الامتحانت حتى فى السنة الى اجلتها بس هاعمل دخلت وانا مريضة اوى وحليت كويس رغم ان انا كنت تقريبا فى غيبوبة والمشكلة اغمى عليه اخر يوم فى الامتحانات امتحان الكمياء ووما دخلتوش فكان لازم اجل سنة بعد ثالثة ادخل فيها الكمياء مع مواد من ثالثة وبعد ما دخلت ثالثة حتى بردو فضلت مع المعاناة باموت كل يوم ومش عارفة ايه بيحصلى السبب فى نظر الناس انى بخاف من الامتحانت علشان كده باتعب على كل امتحان روحت لدكتورة نفسية ما عرفتش تساعدنى واقتنعت بقدرى ونصيبى انى اجل سنة بعد ثالثة علشان احقق حلم عمرى وادخل طب وبعد ما خلصت تالتة دى كانت سنة اى مأجلاها وكان معايه 3 مواد وبصراحة كده كل الى قولتى عليه من زهق وقرف وغير كده خوف من مقابلة الناس بقيت حتى باخاف اكلم حد علشان ما يجرحنيش بالكلام وبرغم مجموعى حلو لكن كله ده ما ساعدنيش استسلمت لكلام الناس ونسيت هدفى حتى احيانا الشيطان ووساوسة كان بيخلينى اسل ربنا ليه انا بيحصلى كده والسنادى بقى نفس الكلام ما كانش عندى حمى ولا حاجة زى كل سنة لا طبعا قبل كل امتحان كنت بايقى تعبانه اوى وفضلت طول الامتحانات فى غيبوبة فى المستشفى بدل ما اكون فى اللجنة وبردو ما اعرفش ليه بعد ما اتعافيت الحمد لله وما حضرتش ولا امتحان السنادى ناس كويسين قالونا على شيخ كويس اوى وقالى انتى معمولك سحر من 4 سنين بانك تفشلى وما تدخليش امتحانات شوفتوا هما دول الناس وفعلا اكتشفت كل الاعراض الى قالى عليها الشيخ كانت بتحصلى بالضبط وانا دى الوقتى بتابع معاه واتمنى انى اتعالج وحتى لو هاخسر سنة ثالثة من عمرى المهم احقق حلمى دا كله بسبب الناس يا بنتى ارجوكى ما تستسلميش لكلام اى حد عندك هدف اثبتى نفسك وبس خلى الكلام ده حافز ليكى لكن ما يكسركيش واوعى تفتكرى الكلام بيفيد اثبتى انتى بس التحدى الحقيقى لنفسك لو سمعت حد بيقول عليكى حاجه صدقينى ما ترديش بس قولى لنفسك حاجه واحده ان معاك ربنا وانك دايما اقوى وتحققى حلمك انا اسفة انى طولت عليكى كنت عايزه اقول حكايتى علشان بس تعرفى ان فى ناس كتير بتمر بازمات بس لازم نبقى اكبر منها وما نسمحش ليها تتغلب علينا عيشى حياتك عادى وارفعى راسك فوق ده مستقبلك انتى ما حدش ليه اى دعوة بيكى اهم حاجه تبقى عارفة انتى عايزه ايه بالضبط وخليكى فى الطريق اليه وتحذير هام لو سمعتى للناس هم الى هيمشوكى بكلامهم على مزاجهم وما فيش تستاهل ربنا رحيم اوى
حسبى الله ونعم الوكيل.انا اتأثرت بحكايتك جدا ربنا ان شاء الله هيعوضك عن السنين دى وهتكونى احسن دكتورة ان شاء الله.
انا بردو والله رحت لشيخ بس قالى ان فيه ناس قعدالى كده حقد وحسد وكتبلى على حاجات كنت بعملها وخلصت..
انا لسة جاية من برة كنت بشترى عيش
قابلتنى مرات واحد كان استاذى فى الاعدادى
_قالتلى يا...يا....
قولتلها نعم
_هو صحيح اللى سمعته ده ؟؟
_ايوة صحيح...فيه حاجة؟؟
_طيب ايه اللى كان بيخليكى تقطعى ورقة الامتحان وتمشى ؟؟
_ومين قالك انى كنت بقطع ورقة الامتحان ؟؟
_فلانة كانت بتحكى
_لا انا اصلا مدخلتش الامتحان وده برغبتى انا..وكنت ناوية اعمل كده من اول السنة..
_ااااه طيب (مع رفع حاجب لفوق)....(وسابتنى ومشت)
انا قولت لماما مش هطلع اجبلكوا حاجة تانى.هعتكف فى البيت للسنة اللى جاية هههههههه.
Code IT 27-07-2013, 04:31 PM جملة ايه الى تحفظها / تحفظيها
مفيش احسن من /--> (( قدر الله وماشاء فعل ))
على فكرة انا نفس مشكلتلك
انا كنت 94.4% تانية
جبت مجموع كلى 85%
بس مهتمتش لكلام الناس أصلا /--> (( كلام الناس مبيأكلش عيش ))
farewell 27-07-2013, 04:33 PM جملة ايه الى تحفظها / تحفظيها
مفيش احسن من /--> (( قدر الله وماشاء فعل ))
على فكرة انا نفس مشكلتلك
انا كنت 94.4% تانية
جبت مجموع كلى 85%
بس مهتمتش لكلام الناس أصلا /--> (( كلام الناس مبيأكلش عيش ))
ربنا يعوضك خير ان شاء الله
هوا مينفعش تحولوا لنظام 3 ثانوى سنة واحده وتريحوا نفسكوا وخلاص ؟؟
:o:o:o
|