أخويا فى رابعة
وأنا فى التحرير
خلاص البلد
أتقسمت على أيديك
يا مرسى وبقينا فريقين
شوف كنا فين
وبقينا دلوقتى فين

وعايز تكمل قال أربع سنين
يا راجل دا كان كفاية عليك شهرين
أخويا بيكدبنى
وبيقولى أنتم كلكم منافقين
أنتم كدا هاترجعوا
النظام القديم
قولتله ما تخفش
اللى بيروح ما بيرجعش
وبعدين مين اللى هايرجع مين ؟
وأنتم فى رابعة ليه قاعدين ؟
عايزين مرسى يرجع
طيب أنا راضى ضميرك
هايرجع فين ؟؟؟؟؟
ومصر كلها فى الميادين
وبعدين هو خلاص رجع
وبقى على قائمة المساجين
وأذا حصلت المعجزة ورجع
يبقى يحكم أى حد تانى غير المصريين

المصريين نفسهم كرهوا نفسهم
وكانت أيامه طين
ولا ميه ولا كهربة ولا سولار ولا بنزين
أنا عن نفسى ما بفتكرش
مرسى الا لما الكهربة تقطع
مع أنها لم بتقطع ما بتطولش دققتين
وأضحك ما بينى وبين نفسى
وأقول الله يرحم أيامك يامرسى
هاتعيش حزين وتموت حزين

الشاعر
عبد الحميد بدوى

أخويا فى رابعة وأنا فى التحرير
مستر حميد تحياتى

شكرااااااااااااااااااااااااااااااا جزيلااااااااااااااااااااااا استاذي الفاضل

خاااااااااااااااااااااااااااااالص تحيااااااااااااااااااااااتي لحضرتك

شعر معبر ... جزاك الله خيرااا

لن أناقش أفكارك أو أراءك
بس ماحدش بيقول علي نفسه شاعر

بالمناسبة
هل فوضت ل*** أخيك ؟ أم ست***ه بنفسك
اذا لم يكن قضي الأمر
الحق أخوك أقنعه يرجع أو يقنعك بالبقاء المهم تكونوا معا

اشكركم وتحياتى للجميع وكل سنة وانتم طيبين وربنا يجيب العواقب سليمة كلنا مصريين