بسم الله الرحمن الرحيم


عندي كام سؤال بخصوص رياضة بما اني بدأت درس رياضة

لازم اجيب اكتر من كتاب احل فيه ولا كتاب واحد كفاية (لامي)

من وجهة نظر الناس المجربة ايه اصعب فرع في الرياضة2

و تنصح اخواتك اللي في علمي رياضة السنة دي بايه

وبالنسبة للمراجعة علي المنهج والسنة لسة شغالة يبقي ازاي ؟

وشكرا

بص حقلك احسن كتاب لامى دا للمراجعة

100 فى 100 دا حلو بس كلة اخطاء

المعاصر حلو

انا عن نفسى كنت شغال ب 100 فى ال100 وجبت لامى فى الاخر بس جامد من الاخر

بسم الله الرحمن الرحيم


عندي كام سؤال بخصوص رياضة بما اني بدأت درس رياضة

لازم اجيب اكتر من كتاب احل فيه ولا كتاب واحد كفاية (لامي)

من وجهة نظر الناس المجربة ايه اصعب فرع في الرياضة2

و تنصح اخواتك اللي في علمي رياضة السنة دي بايه

وبالنسبة للمراجعة علي المنهج والسنة لسة شغالة يبقي ازاي ؟

وشكرا
انصحـك تجيب اكتر من من كتاب تحـل فية لان رياضـة 2 تعتمد علي كثرة الحل ومعرفـة افكار جميع المسائل وفهمها جيدا بالاضـافة الي حل مسائل الكتاب المدرسي ودليل التقـويم وأي درس يتشرح مع المدرس تحل علية مسائل كتير بعد الشرح مباشرة علشان المعلومة تثبت ومش تنساها ..
وبالنسبة للفرع الاصعب اراه الهندسة الفراغية لانة يعتمد علي التخيل والفهم وحفظ النظريات وفهمها واكثر المرات تكون صعوبة امتحان الرياضة 2 في الهندسة الفراغية والسنة الي فاتت جابلهم جزئيات صعبة ف امتحان اخر السنة واغلبية الطلبة نقصت درجات فيها... لكن مع المذاكرة والحل الكثير هتكون سهـله باذن الله ..
والمراجعـة عبارة عن حل امتحانات السنوات السابقة في كل فرع علي حدة وحـــل المسائل الواردة علي كل درس يتم شرحة اولا بأول مع المدرس بتاعك ...

بالتوفيق ان شاء الله

بص يا ريس انا اخوك حسن لسه مخلص ثانوى ع خير الحمدلله وجبت 98% وهدخل كليه هندسه شبين ان شاء الله
رياضه2 ماده لذيذه جدا وكويسه جدا بس عاوزه مجهود وتحل اللى يطلب منك
نصائحى :
حل من كتاب واحد بلاش تشتت نفسك يفضل لامى طبعا
اوعى تاخد عند 2 مدرسين خد عن واحد وبرمج نفسه عليه وعلى حصصه ومتفوتش حصه
الامتحانات على الاقل تكون حالل من 2000 الى 2013 فى كل فرع وتحدد اهم المسائل ف كل امتحان انت مكنتش بتحلها صح او بتتلغط فيها كذلك القوانين الناقصه وتكتبهم فى كراسه تانيه عشان تراجعها يوم الامتحان
خد درس عند مدرس بيحل كتير وبيحل كل الافكار ولما يديك الدرس يديك الواجب بتاعه كله
وان شاء الله ربنا يوفقنا جميعا
انا كنت جبت ف الرياضه 2 47.5 من 50 لو كنت ركزت اكتر ف الامتحان كنت جبت 49.5 بس هو النصيب

بص أنا برضة لسه مخلص رياضة 2

زي ما اللي قبلي نصحوك ، هات لامي وسيبك من باقي الملخصات.

ومتحلش غير لامي بس + بعد ما تخلص كتاب المدرسة + الدليل.

وأهم حاجة الإمتحانات من 2000 إلي 2013 علي الأقل.

وخد عند مدرس واحد علشان متشتتش نفسك ، هتلاقي زمايلك كتير بياخدوا عند 2 أو 3 مدرسين بيشرحوا فروع مختلفة علشان يخلصوا بدري سيبك منهم وخليك مع مدرسك ، بس تكون مختارة بعناية لإن رياضة 2 عاوزه مدرس يكون خبير وفاهم.

النصيحة الذهبية : إياك ثم إياك ثم إياك انك تغيب ولو حصة واحدة ، وبرضة إحرص انك تحضر الحصة من أولها أوعي تروح متأخر.

ورياضة 2 والله مادة لذيذة وسهلة جداً ، هتلاقي كله بيقولك الميكانيا صعبة ، ولكن هي والله أسهل فرع وجميلة جداً.

بداتو ازاى رياضة 2 ولسه محدش عارف المنهج هيكون ازاى
حد يفهمنى ازاى بداتو دروس؟
المنهج الجديد محدش يعرف شكله ايه

شكرا لكل الناس اللي شاركت وقالت نصايحها ربنا يخليكو

أنصحك نصيحة لوجه الله ، مش هكلمك على الدراسة عشان الناس كلها هنا هتنفعك أكتر مني

لكن اهتم بالضرورة بفهم المعنى الرياضي لكل شيء ، اهتم جداً بحساب المثلثات وأوعى تنساه خااااااااااااااالص

اهتم بالتفاضل والتكامل جــــــــــــــــــــــداً جداً لانه مهم إلى أقصى حد

لو مش متأسس كويس في الرياضيات حاول تأسس نفسك دلوقت ، لما تطلع الجامعة هيبقى ضرب نار

بالتوفيق