سؤال مهم جدا .. ومحتاج ردود بسرعة [الأرشيف] - بوابة الثانوية العامة المصرية

مشاهدة النسخة كاملة : سؤال مهم جدا .. ومحتاج ردود بسرعة

محمود حسب الله

28-07-2013, 04:46 AM

انا أجلت فيزياء و احياء و لو قفلت السنة الجاية هجيب 98.7 ... هل ممكن الحق طب ؟؟؟
و علشان انا قلقان من المجموع بفكر احول رياضة عشان اضمن هندسة بنسبة كبيرة بس بصراحة انا مزاكرة الاحياء مش مريحاني ........... لو سمحتوا ممكن تتفضلوا علي باّرائكم ... و شكرا

GHOST_LioNeL AndRes MesS

28-07-2013, 04:56 AM

crash442

28-07-2013, 05:02 AM

GHOST_LioNeL AndRes MesS

28-07-2013, 05:09 AM

بص انصحك انا بئا انك تحول من علم نفس وتاخد اقتصاد واحصاء لانى انا مقفل معظم المواد
وجايب فيه 36 وبيحصل فضايح فى التصحيح

والله انا اصلا اتعقدت من الرياضة بسبب الفيزيا و إن كان ع التصحيح والله فى الدقهلية كل المواد مهازل المهازل يعنى التصحيح كدة كدة زفت ربنا يسهل يا رب والتنسيق ينزل

محمود حسب الله

28-07-2013, 05:09 AM

طالبة الجنة 2012

28-07-2013, 05:19 AM

السلام عليكم
ماشاء الله 98,7 مجموع جميل جدا وممكن بيه لو فاتك الطب لقدر الله تدخل صيدلة او اسنان زى ما تحب ........والاحياء والله مش صعبة دى مادة لذيذة جدا بس عايزة حفظ كويس اوى وتكرار وفهم طبعا اولا وان شاء الله ربنا يوفقك السنة الجاية.............

medooo2000

28-07-2013, 05:26 AM

أولا: بص الأختيار بين رياضه وأحياء بيتوقف على اللى هيدرسهه\م ! لو أنت شايف نفسك جامد فى الرياضه, وأقصد جامد جامد يعنى خد رياضه وان شاء الله متقلقش منها لأنك لو غلط مثلا فى الناتج بتاخد درجات على الحل وأهم حاجه فيها الحل الكتير. أما بالنسبه للأحياء فمقدرش أفيدك كتير لأنى مكنتش علمى علوم بس هيا أكيد برضه صعبه, والرياضه فروعها كتير وبرضه صعبه, مفيش حاجه أسهل من التانيه. لكن فى النهايه بتتوقف السهوله على اللى هيدرسها.

ثانيا: بالنسبه لعلم النفس والاقتصاد, أنا بفضلك أنك تختار اقتصاد و احصاء, اذا كانت بقا علمى رياضه أو علوم لأنك باين من كلامك أنك كويس فى الرياضه برضه, لأن بصراحه على عكس الكلام اللى بيقولوه الناس ان كلع بيضمن ال 50 فى علم النفس والأجتماع ده غلط لأنه مش سهل ومحتاج حفظ والدرجة بتعتمد على اللى بيصحح, ومتسمعش كلام اللى بيقولك أن أى كلامك بتكتبه فيه بيبقا صح !! ده غلط طبعا ولازم الاجابه النموذجية. لأن أكتر ماده بعد العربى منزله المجاميع السنادى هيا علم النفس والاجتماع. وفى النهايه خليك فاكر أن كل ده بيتوقف عليك أنت. فكر كويس, وربنا معاك.

محمود حسب الله

28-07-2013, 05:27 AM

meme121995

28-07-2013, 06:43 AM

’Hema

28-07-2013, 06:58 AM

ghost_lionel andres mess
بلاش علم نفس، السنادى كان مجزرة ده غير ان السنة الجاية منهج جديد و علم النفس من المواد اللى بتتذاكر طول السنة و تعطلك عن مواد تانية ،
اقتصاد و احصا مذاكرته سهلة و بيتلم بسرعة ، يعنى تقدر تعتبر انك مأجل احياء بس لو اخدت اقتصاد و احصا

renault 18

28-07-2013, 12:20 PM

رأيى الشخصى :: لو بتحب الرياضة خش رياضة ،، الرياضة محتاجة حل و مذاكرة و مش صعبة اوى زى ما الناس بتتخيل

اقرب مثال :: العبد لله كان رياضة 2 و امتحنت امتحانات السنة اللى فاتت ( مكانتش سهلة ) و جبت 49/50 مع انى مش عبقرى رياضيات و على فكرة الغلطة مش بكتير فى الرياضيات يعنى انا كنت غلطان اكتر من غلتطين او 3 و نقصت درجة واحدة بس ..

لو عايز تعرف ميولك كويس سيبك من حكاية احياء او رياضة ،، شوف نفسك بتحب كلية ايه ... ركز على الكلية اللى تحبها و حدد هدفك و بناءا عليه اختار احياء او رياضة

ربنا معاك ،، بالتوفيق

Troublex

28-07-2013, 12:49 PM

والله انا اصلا اتعقدت من الرياضة بسبب الفيزيا و إن كان ع التصحيح والله فى الدقهلية كل المواد مهازل المهازل يعنى التصحيح كدة كدة زفت ربنا يسهل يا رب والتنسيق ينزل

عندك حق في الموضوع بتاع الدقهلية

و أنا في وجهة نظري الأحياء بالنسبة 98.7 هتبقي كويسة

shaimaa zaki

28-07-2013, 01:00 PM

احمد على2013

28-07-2013, 01:03 PM

انت معاك مادتين ولا تضمن التقفيل ولو ضمنت ممكن ماتجيبش طب بسبب التنسيق
لو مش فارقة معاك طب من اسنان من صيدلة استمر فى الاحياء
لو عايز طب بشرى فقط حتى لو قفلت متضمنش التنسيق فى الحالة دى اضمن هندسة
وربنا يوفقك

Hossam Devo

28-07-2013, 01:33 PM

خد اقتصاد واحصا
عن تجربة

the king11

28-07-2013, 01:47 PM

للأسف الاضطراب الى انت فية مش كويس يعنى على مدار سنين الى انت درستها كلها مقدرتش تحدد ميولك اكتر للرياضيات او الاحياء !!!!!! لازم يبقى ليك طموح مش بس انك تخش كلية قمة تبقى نجحت نصيحتى ليك خوش الى بتحب دراستة اكتر و سيبها على الله يعنى متبقاش زى 90% من طلبة ثانوية فى مصر الى بيقولوا لو جبت اكتر من 98% هحول علوم عشان الحق طب رغم انة ممكن يكون متميز فى الرياضيات اكتر اكررهالك تانى شوف بتحب دراسة اية احسن بدل ما تاخد رياضيات 2 و انت كارهها او تدرس احياء و مش فاهمها و ربنا يكتبلك الى فية الخير بأذن الله تعالى

Bahy_Ahmed

28-07-2013, 05:35 PM

انا طبعا اتفق مع السادة الاعضاء اللي ردوا دول بصراحة كفوا وزادوا بارك الله فيهم انا بس عندي شوية ملاحظات:028ja7:
-انت بتقول انك لو قفلت في الفيزياء والاحياء :انا من رايي تقفيل المادة صعب اوي اليومين دول بالذات الاحياء لاني رغم اني جبت فيها 50 بس انا عارفها مادة شديدة وصعبة جداا وانا رايي لو انت عايز كليات في الشعبة الطبية (ممكن بشري لو حصلتها اسنان صيدلة )يبقي توكل علي الله وادخل احياء لكن لو مش عايز غير بشري في ظل التنسيق ده يبقي حوول رياضة احسن لانك مش ضامن بشري حتي لو قفلت علي حد قولك رغم ان رياضة 2 شديدة جدا ومش اي حد يعدي فيها وعايزة حل كتييييييير لكن اهم حاجة يكون ليك هدف وبتحب المادة اللي بتدرسها لانك انت اللي حتلبس الحكاية في النهاية مفيش كلام . والسلام ختام

محمد احمد شوقى عبد اللطيف

28-07-2013, 06:09 PM

مفيش حاجة اسمها غلطة صغيرة تنقص 4 درجات فى الرياضيات

Asa7be Wawa

28-07-2013, 06:27 PM

هو فى حاجه أسمها أحول رياضه علشان ألحق هندسة !!!

انت شوف ميولك ايه و أدخل اللى انت بتحبوا مش أى كليه و خلاص

محمود حسب الله

28-07-2013, 09:55 PM

شكرا على ردودكم الايجابية و الموضوع بدأ يوضح شوية .. بس حتة الميول للعلوم او الرياضة بصراحة مش فارقة معايا .. انا حاسس اني كويس في الرياضيات و ممكن امشي فيها بسهولة ... و انا السنة دي شوفت الاحياء و كانت صعبة بالنسبة ليا في المزاكرة ... بس انا متأكد لو زاكرتها هجيب فيها درجة كويسة ... المشكلة مش موضوع حيرة ... المشكلة ايه المادة ال هتريحني في المزاكرة ... و الطب و الهندسة عندي سواء ... و شكرا مرة تانيه على نصائحكم

روضة السماء

28-07-2013, 10:12 PM

انا زيك بالظبط انا ماجلة فيزيا و احياء ولو قفلتهم هجيب 98.7 بس الصراحة انا خايفة من التنسيق عشان انا سمعت ان طب ممكن تقبل من 99 وهيجيبوا الامتحان صعب
انت ف امتحان الاحياء روح اللجنة ومحلتشى ولا كنت غايب ؟
اصل دى تفرق لو عايز تحول لرياضة

محمود حسب الله

28-07-2013, 10:19 PM

ashrafahmed1997

28-07-2013, 10:23 PM

و الله دي حاجة بتاعتك انت بس انصحك انك لو مش قوي ف الرياضة و ملكش صبر عليها يبقي ادخل علوم اكيد لان الرياضة مميتة ف الثانوية العامة بس ربنا معاك ف كل الاحوال و دي حاجة ف الاول و الاخر ترجعلك انت
و دا ايميلي علي الفيس بوك لو عزت حاجة
fb/anaoag

روضة السماء

28-07-2013, 10:28 PM

انا قررت ااجل الفيزيا ف الاول
بس لقي السنة كلها هتبقى فيزيا وانا بمل بسرعة اصلا يعنى مقدرش اذاكر اليوم كله فيزيا فسبت الاحيا معاها
بس الاحياء احلى بكتيييير من الفيزيا وعايزة كتابة ودش كتييير ف الامتحان يعنى 80% من الاحياء حفظ وانا تقريبا مذاكزة الاحيا دلوقتى

amothman123

28-07-2013, 10:28 PM

موضوع التقفيل دة ماتقلقش منه إن شاء الله
سهل أوى بعون الله تقفل الفيزياء و الأحياء
أنت بس اعمل الى عليك في المادتين و ربنا هايكرمك بمقدار مجهودك بإذن الله
أنا كنت واخد أحياء طبعاً .. و مذكراتها مش صعبة ولا حاجة هى بس عايزة مجهود زيادة حبتين علشان المعلومات الى فيها كثيرة شوية إنما مادة لذيذة جداً و هاتستمتع بيها لو فهمتها .. فيها حاجات و الله و الله و الله لو فهمتها هاتحفظها لوحدك

ehabelsapa

28-07-2013, 10:36 PM

والله انا زيك كدة بس علم نفس واحياء . بص استخير ربنا بس هو عشان تبقى عارف التنسيق بنسبة كبيرة هينزل وانت اكيد مش هتخرج عن طب او اسنان او صيدلة . انا نفسى اخش صيدلة لانى حببها ربنا يسهل بس .
لو إنت حبيت الرياضة كملها بس عشان تبقى عارف الرياضة صعبة وامتحاناتها مدمرة يعنى غلطة صغيرة تلاقى نفسك ناقص 4 درجات ولا حاجة (انا مش بخوفك والله) بس بعرفك لانك احتمال كبير هتبقى لوحدك فى اللجنة وربنا يعنا كلنا يــــارب

حول لفلسفة ومنطق " مادة هايفة موووووووووت ومش كبيرة " لكن فى الامتحان لما تيجي تجاوب على اسئلة الفلسفة متكتفيش بالاجابات اللى مديهالك المدرس لكن اكتب اجابة المدرس اللى مديهالك وزود عليها كتير لكن تكون بتكتب فى نفس الموضوع يعني ارغ فى فى الموضوع ولو محتار اكتب اجابة المدرس اللى مديهالك بتاعت السؤال واجابة السؤال اللى بعده اللى مديهالك فى الكراسة ولو عاوز تزود زود "
يعني مثلا جالك سؤال عن المعتزلة مثلا فاكتب اجابة السؤال اللى هو طالبه وبعدين اكتب كل ما يخص بالمعتزلة اللى الاستاذ مديهولك فى الكراس
ولو فيه سؤال مش فاهمة مثلا سؤال مش فاهمه عن سارتر مثلا فاكتب كل حاجة تخص بسارتر
والفلسفة كلها بتتكلم عن اراء الفلاسفة وحاجات كدا تافهة جدا جدا لان دا كلام كله عامى ممكن انت لو قريته مرة تفهم الكلام وتحفظه علاطول بسهولة لانه كلام عامى مفهوم
وكل ما تزود فى الكلام اكتر كل ما تكون فى الضمان يا كبير
وكل ما تراجع المادة اكتر كل ما الكلام تلاقيه بيخرج من بقك سهل كدا وتحس انها مادة هايفة فحت

والمنطق هاااااااايف موووووووووووت وبيعوز فهم مش قووي يعني فهمه عادى واجابته صغيرة لكن انت افهم المنطق ومتحفظهوش لانك لو فهمته لما تيجي فى الامتحان تجاوب على سؤال ما هتجاوب السؤال بسهولة وهتزود كتير كمان وهتلاقي الحكاية زي الفل وكل ما تزود فى الكلام اكتر كل ما تكون فى الضمان يا كبير
ممكن يكون الفصل السابع دا بس اللى فيه حفظ ولو فهمته هيمشى معاك زي الفل وكله كلام عامى وحاجات كوسة كدا
وكل ما تراجع المادة اكتر كل ما الكلام تلاقيه بيخرج من بقك سهل كدا وتحس انها مادة هايفة فحت

اهم حاجة تكتب كتير يعني كل سؤال على الاقل تكتب اجابة له صفحة وتكبر خطك ولو عاوز تكتب صفحتين اكتب مفيش مشاكل عشان بس تاخد الدرجة كاملة اما لو كتبت اجابات صغيرة مش هيديك الدرجة الكاملة
يعني ارغى كتييييييييييييييييييييييييير موووووووووووووووووووووت لانه ساعات بيديك اسئلة بتبقي عليها تلات درجات مثلا وانت الاستاذ مديك لها اجابة معينة وتلاقي فى نموذج الاجابة حاطط على اجابة استاذك دي مثلا درجة ومزود مثلا اجابتين كمان لكل سؤال غير اللى انت كاتبه ومدي علي اجابة درجة وبالتالى كدا ضاع منك درجتين فى كل سؤال اما لو كتبت الاجابة بتاعت استاذك وكتبت كمان اجابات كمان من اسئلة تانية فى الكراسة بتاعت استاذك بس يكون الرغي ضمن الموضوع بتاخد كدا الدرجة الكاملة
ومتزهقش والتلات ساعات عندك بيكفوا وبيفيضوا كمان:cool:

prince of scientists

28-07-2013, 10:57 PM

انا شخصيا متفق مع كل اللى قالو ليك ان فكرة تقفيل المادتين هتبقي صعبة وبالتالى احتمالية طب برده هتبقي صعبة .. محدش بيقول انها مستحيلة هيا صعبة بس ممكن .. والاهم من وجهة نظرى انك تكون مقتنع بوجود بدائل زى صيدلة وعلاج طبيعي عشان لاقدر الله لو ملحقتش طب تبقي مجهز نفسك لحاجة من الاتنين دول .. بلاش تعمل زى معظم الناس اللى بتحط هدف واحد وتقف لاما هو لا بلاش وبالتالى لو مجموعهم مجابش الهدف ده بيبقي عندهم حالة من اللامبالاة وبيختارو اى حاجة ويرجعوا يندموا .. الخلاصة لو متقبل فكرة وجود كذا بديل زى صيدلة وعلاج طبيعي وهتبقي Flexible لو مجاش ليك طب كمل علمى علوم ... مش هتقدر تعمل كده .. زى ما كل اللى قالولك حول رياضة وبلاش مجازفة

روضة السماء

29-07-2013, 06:26 AM

والافضل انك تاخد اقتصاد واحصاء مادة تافهة سهلة جدا ومش محتاجة مجهود خالص ف المذاكرة انا مذاكرتهاش الا ف شهر 5 و الحمد لله قفلتها مش هتتعبك زى علم النفس و الفلسفة

shimaa_7

29-07-2013, 07:51 AM

بلعكس علم آلاجتماع مادة تافه جدا الي ابعد حد ، انا مكنتش بفتحها طول السنة و باخر اسبوعين زكرتها و جبت 47.5 يعني انا لو كنت شديت حيلي فيها بس يومين كمان كنت قفلت 50 مع العلم اني داخلة من غير مزاكرة اخر باب :)

و ربنا يوفقك يا رب آنت و الجميع :)

GHOST_LioNeL AndRes MesS

31-07-2013, 05:01 PM

ربنا يوفقنا يا رب ونخش اللى عاوزينة لان تاجيل السنة صعب جدا والله مفيش حد عارف او حاسس بس دة صعب جدا

NeVeR CoMe BacK

04-08-2013, 01:52 PM

آقتصآآآآآآآآآآآآآآآد وآحصآآآآآآآآآآآآآآآآآآآآآآآآآآآآآآآآآآآآآآء طبعآ سيبك من علم آلنفخ ده ^_^

دراكو مالفوى

04-08-2013, 05:55 PM

انا عايز ارد على الردود الـــــ....................
هو اولا مأجل احياء وعلم نفس.يبقى مدام واخدهم السنادى حتى لو مذاكر 50% من المادة يبقى ياخدهم لان ده هيكون اسهله كتيييييييير اوى ولسة معاه سنة كااااااااااااااااااملة يذاكر فى مادتين بس
فاللى بيقول حول رياضة لانك مش ضامن...يعنى مش هيضمن احياء ويضمن رياضة ؟؟
لو ذاكرت بجد وبضمير هتجيب 50 بسهولة
حتى لو حضرتك مش مرتاح للاحياء لازم تتعب لانك قطعت نص الطريق لازم تكمل
طيب لو حولت رياضة ولقيت نفسك مش ماشى فيها هتعمل ايه؟؟ وكمان هتذاكر حاجات من اول وجديد..ودماغك هتكون نست رياضة 1 وهتتعب فى رياضة 2

واللى بيقولوا حول اقتصاد واحصاء لان الامتحان جيه سهل.فايه العلاقة بالزمة مهو ممكن ده ييجى صعب وعلم النفس سهل .وممكن الاتنين ييجوا سهلين وومكن الاتنين ييجوا نفخ
فهو ذاكر علم النفس ..خلاص ياخدها السنادى

واللى بيقولوا انه مش ضامن التقفيل
اصلا مفيش حاجة فى الدنيا مضمونة بس الواحد بيعمل اللى عليه..
بس الموضوع سهل جداااااااا .السنادى رغم ان فيه شكوى الا ان ناس كتير اوى جايبة الدرجات النهائية حتى فى العربى

نصيحتى كمل احياء واتكل على الله

GHOST_LioNeL AndRes MesS

04-08-2013, 06:12 PM

انا قررت اخد علم نفس وامرى لله

https://sphotos-a.xx.fbcdn.net/hphotos-frc3/p480x480/545790_203149489817076_1824234854_n.jpg

هنا الجنان

04-08-2013, 06:28 PM

علم النفس ماده جميله والله وعايزه فهم الاول وعايزه مدرس يعرف يوصل المعلومه صح ويدى امثله حياتيه عليها
وانا عن نفسى كنت بذاكرها ساعه واحده قبل الدرس وساعات اقل
يعنى 3 ساعات ف الاسبوع والحمدلله جايبه 49
والاقتصاد والاحصاء بردو سهلين بس فرعين ودرسين فـ وفر وقت افضل

MemOo66

04-08-2013, 06:42 PM

انا مقفل علم نفس على فكرة
لازم تعرف سواء المادة دية او دية فى الأتنين عاوزين حفظ
يعنى من الأخر الأتنين زى بعض والمهام واحدة

M..Elawady

04-08-2013, 07:27 PM

جميلة جدا اقتصاد واحصاء والله

NeVeR CoMe BacK

04-08-2013, 08:06 PM

انا قررت اخد علم نفس وامرى لله

https://sphotos-a.xx.fbcdn.net/hphotos-frc3/p480x480/545790_203149489817076_1824234854_n.jpg

:d:d
:p:p