السلام عليكم ورحمه الله

اقدم لكم اليوم موضوع هام لكل من يرغب فى دخول كليه هندسه ..ولكن مجموعه اقل من الكليه ..مازال هناك امل ..وهو المعهد الفنى الصناعى ...بوابتك المضمونه باذن الله لدخول هندسه
سوف اعرض عليكم الموضوع فى صيغه سؤال وجواب للتسهيل باذن الله


س1: من يحق له الالتحاق بالمعهد الفنى الصناعى ؟
ج1:يحق الالتحاق لطلاب الثانوى العام العلمى رياضه وعلوم ...وطلاب الثانوى الصناعى

س2:ماهى مده الدراسه بالمعهد ؟
ج2:مده الدراسه بالمعهد سنتين

س3:ما هى الحد الادنى للمعهد الفنى الصناعى من ثانوى عام ؟
ج3:الحد الادنى يبدا من 56% وده لمعهد شمال سيناء ..واعلى معهد الصحافه 75%-79% على حسب ظروف التنسيق ..وفى معاهد اقل

س4:ماهو نظام الدراسه بالمعهد ؟
ج4:نظام الدراسه انك بتحضر المحاضرات وتذاكر وتجتهد ودول اهم حاجه ....وانك يكون عندك رغبه فى التفوق وتحقق حلمك ..وكمان تاخد دروس

س5:ازاى اقدم فى المعهد ؟
ج5:التقديم فى المعهد عن طريق مكتب التنسيق وهو بينزل مرحله تانيه ومرحله ثالثه ..وبيبقى اسمه ك.ت فنى صناعى (الصحافه -المطريه -...الخ)

س6:ايه نظام المذاكره فى المعهد ؟
ج6:نظام المذاكره سهل جدا ومنهج المعهد بسيط بالنسبه لثانوى عام ..وتقدر تجيب مجموع بسهوله لو اجتهت ..وانت داخل علشان تعوض فلازم تجتهد

س7:كليه هندسه بتاخد من كام من المعاهد الفنيه؟
ج7: كليه هندسه بتاخد من فوق 90%:av4056bb7jp3:..ودى تقدر تجبها بسهوله فى المعهد باذن الله ..وممكن تجيب 98% مش صعبه باذن الله

س8:هو بعد المعهد بادخل على اولى هندسه ولا اعدادى ؟
ج8:انت بتدخل على اعدادى زيك زى طلاب ثانوى عام

س9: ما اقسام المعهد الفنى الصناعى بالصحافه ؟
ج9: اقسام كهربيه وهى اجهزه الكترونيه .....شبكات .... تك معلومات
الاقسام الميكانيكيه سيارات ..... تبريد وتكيف .....تـشغـيـل و تـشكـيـل

س10:ماهو القسم اللى بيدخله طلاب ثانوى عام فى المعهد ؟
ج10:بيدخلوا قسم تك معلومات غالبا ..وده افضل قسم

س11:ايه القسم اللى بيلتحق بيه طلاب ثانوى صناعى ؟:slap1qk6:
ج11:بيكملوا فى نفس القسم اللى كانو فى فى الدبلوم 3 سنين ..او بينضموا الى اقسام اخرى

س12:طيب لو معرفتش اعدى ال90% فى المعهد اعمل ايه ...يبقى ضيعت سنتين على الفاضى؟
ج12:لا ...انت ممكن تقدم فى معادله هندسه ...وهتمتحن فى مواد ثانوى عام (فيزيا -رياضه1-رياضه2)....ولو جبت 50% فقط نجحت يعنى بتدخل هندسه

س13:تنصحنى بايه لو ناوى ادخل المعهد؟
ج13: انصحك بالجد والاجتهاد :078111rg3:...وانك تكون على ثقه بالله وبنفسك انك تقدر تحقق حلمك ..وانك تبتعد عن اى حاجه ممكن تشغلك وتضيع وقتك

س14:ماهى مصاريف المعهد وهل هو حكومى ؟
ج14:مصاريف المعهد فى السنه 85جنيه ...وهو حكومى تبع وزاره التعليم العالى

س15:هل لو انا جبت مجموع هندسه لازم ادخل معادله ولا ايه؟
ج15: لو جبت مجموع هندسه من المعهد بتدخل هندسه على طول ولينا تنسيق خاص غير ثانوى عام ...المعادله للى مجبش مجموع هندسه يعنى فرصه تانيه للدخول لهندسه جوه المعهد

ودى صفحه المعهد الفنى الصناعى بالصحافه
وفيه تنسيق الكليات والاوائل المعهد

www.facebook.com/Snaa3y



انا خلصت السنادى المعهد الاول بفضل الله 97.8%..:d:d:d

اى اسئله انا موجود ...هنا... وعلى صفحه المعهد

طب اللي رايحه من عام وبعد كده راح اعدادي ايه الاقسام اللي متاحه ليه وهل كل الاقسام متاحه يعني ممكن يدخل مدني او كهربا عادي

طب اللي رايحه من عام وبعد كده راح اعدادي ايه الاقسام اللي متاحه ليه وهل كل الاقسام متاحه يعني ممكن يدخل مدني او كهربا عادي

لو دخلت هندسه من المعهد ..بتدخل اعدادى ..وبحسب مجموع اعدادى بتدخل القسم ...كل اقسام هندسه متاحه ليك ملهاش دعوه كنت قسم ايه فى المعهد او انك خريج معهد
اول ما بتدخل اعدادى بتتعامل زى طالب ثانوى

عارف كلامك اقنعنى بيه جدا جدا وانا كنت بقرا فى الموضوع دا ..بس بينى وبينك والله ما قادر اخشوا مش عايز سنتين تانى يضيعوا من عمرى كفاية هم الثانوية العامة الى الواحد خلص منو بقولك لنفسى لسة تانى ..انا نفسى بجد اخش هندسة واعوض انى مدخلتهاش علشان مجموعى مجبهاش السنة دى 88 بس لحد الان متحير مش عارف اعمل اية استنى مرحلة تانية واخش اى حاجة ولا اخشوا ولا اعمل اية ..

نصيحه لله ادخل المعهد او ادخل معهد ني صحي سنتين وهتشتغل علي طول

ينفع طلاب الازهر يدخلوه

عارف كلامك اقنعنى بيه جدا جدا وانا كنت بقرا فى الموضوع دا ..بس بينى وبينك والله ما قادر اخشوا مش عايز سنتين تانى يضيعوا من عمرى كفاية هم الثانوية العامة الى الواحد خلص منو بقولك لنفسى لسة تانى ..انا نفسى بجد اخش هندسة واعوض انى مدخلتهاش علشان مجموعى مجبهاش السنة دى 88 بس لحد الان متحير مش عارف اعمل اية استنى مرحلة تانية واخش اى حاجة ولا اخشوا ولا اعمل اية ..

حته انك تضيع سنتين دى ...لو انت عندك حلم وعاوز تحققه فلازم تسعى لكده ولازم تضحى علشانه... انا كنت جايب 81 فى ثانوى وقررت انه لازم اعوض تقصيرى فى ثانوى فدخلت معهد وطلعت الاول بفضل الله ...بس فى ناس كانت جايه 91 ودخلت معايه بس انا كنت شايف المعهد فرصه علشان اثبت لنفى انى اقدر احقق حلمى .....وربنا يوفقك ويهديك

ينفع طلاب الازهر يدخلوه

ايوه ينفع يدخله طلاب ثانوى ازهرى

نصيحه لله ادخل المعهد او ادخل معهد ني صحي سنتين وهتشتغل علي طول

هو المعهد مينفعش تشتغل بيه .....بس اعتقد المعهد الصحى ينفع

يعني احنا نتعب ويطلع عنا وعين اهلنا ودفعنا كل الفلوس دي في الثانوية والدروس وذاكرنا ودخلنا هندسة علشان يجي واحد معملش حاجة وكان عمال يلعبلي ويحبلي طول السنة يدخل معهد ويدخل هندسة ليه ان شاء الله وعلي فكرة هتحس دايما انك اقل من الباقي حرام عليكم يعني واحد يجيب 80% او اقل وفي الاخر يدخل هندسة

يعني احنا نتعب ويطلع عنا وعين اهلنا ودفعنا كل الفلوس دي في الثانوية والدروس وذاكرنا ودخلنا هندسة علشان يجي واحد معملش حاجة وكان عمال يلعبلي ويحبلي طول السنة يدخل معهد ويدخل هندسة ليه ان شاء الله وعلي فكرة هتحس دايما انك اقل من الباقي حرام عليكم يعني واحد يجيب 80% او اقل وفي الاخر يدخل هندسة
دى نسبه لطلاب صناعى 10% لدخول هندسه ...وانت فاكر اللى دخل معهد مبيخدش دروس يعنى ....وكمان فى معدين فى هندسه من صناعى زى محمد رضا فى حلوان وحسن عبد الحميد فى المطريه ....واللى بيدخل المعهد لو مذاكرش هيفشل ..يعنى انت فاكر انك هتلعب وهتدخل هندسه ...وحته اقل دى اجتهاد شخصى يعنى لو ذاكرت تجيب مجموع مذكرتش هتترمى فى الزباله ده لاى حد فى الدنيا ....امال هو بيدخل معهد سنتين ليه علشان كانه بيعيد ثانوى ...

ربنا يوفق الجميع للخير

دى نسبه لطلاب صناعى 10% لدخول هندسه ...وانت فاكر اللى دخل معهد مبيخدش دروس يعنى ....وكمان فى معدين فى هندسه من صناعى زى محمد رضا فى حلوان وحسن عبد الحميد فى المطريه ....واللى بيدخل المعهد لو مذاكرش هيفشل ..يعنى انت فاكر انك هتلعب وهتدخل هندسه ...وحته اقل دى اجتهاد شخصى يعنى لو ذاكرت تجيب مجموع مذكرتش هتترمى فى الزباله ده لاى حد فى الدنيا ....امال هو بيدخل معهد سنتين ليه علشان كانه بيعيد ثانوى ...


متزعلش اوي كدة هو حد كلمك انا بقول راي هتمنعني اتكلم كمان عندك مانع يعني وبعدين لو سمحت براحة علشان انا زهقت من بعض الناس في الموقع كل ما اقول حاجة تقعدوا تتكلموا كتير كاني اجرمت

متزعلش اوي كدة هو حد كلمك انا بقول راي هتمنعني اتكلم كمان عندك مانع يعني وبعدين لو سمحت براحة علشان انا زهقت من بعض الناس في الموقع كل ما اقول حاجة تقعدوا تتكلموا كتير كاني اجرمت

محدش منعك من حاجه ..بس انا بوضحلك الصوره بس ....اسف لو فهمت انى مضايق منك :friendsxs3:

اى اسئله اخرى انا موجود يا رجاله

ايه الأفضل من وجهة نظرك : معهد فني صناعي سوهاج / الصحافة / مساحة اسيوط ، يا ريت مميزات وعيوب كل واحد لو تعرف ؟

ايه الأفضل من وجهة نظرك : معهد فني صناعي سوهاج / الصحافة / مساحة اسيوط ، يا ريت مميزات وعيوب كل واحد لو تعرف ؟
انا معرفش حاجه عن معهد مساحه اسيوط ..ومعهد سوهاج
بس بوجه عام ..افضلك معهد فنى صناعى مش مساحه لان مجاميع معهد المساحه ضعيفه
وثانيا ...اخترارى المعهد القريب منك ..وادخلى الشعب الكهربيه لان موادها كويسه ..بلاش الميكانيكيه ...واهم من ده حتى لو دخلتى اى شعبه ...الاجتهاد والحضور والمذاكره ...لازم تجتهدى وتذاكرى بجد ...وربنا يوفقك

طيب لو سمحتوا يا جماعة
انا مجموعى 67.5% علمى رياضة
ولو مجموعى دخلنى معهد فنى صنايع سوهاج
ينفع اعمل تقليل اغتراب واحول معهد فنى صنايع اسكندرية حتى لو كان الحد الادنى بتاعه
اكثر منى بكثير
ياريت حد يرد على قبل بداية المرحلة التالتة
ولكم جزيل الشكر

طيب لو سمحتوا يا جماعة
انا مجموعى 67.5% علمى رياضة
ولو مجموعى دخلنى معهد فنى صنايع سوهاج
ينفع اعمل تقليل اغتراب واحول معهد فنى صنايع اسكندرية حتى لو كان الحد الادنى بتاعه
اكثر منى بكثير
ياريت حد يرد على قبل بداية المرحلة التالتة
ولكم جزيل الشكر

والله انا دخلت المعهد علطول ..معملتش تحويل ولا تققليل اغتراب ... بس جرب حكايه تقليل اغتراب ..لو منفعش ادخل اقرب معهد يقبل مجموعك ثم حول بعد سنه من المعهد وارجع اسكندريه تانى ...وربنا يوفقك

طيب هو اسعار الدروس كام ؟؟؟ وهل هندسه ممكن ادخل هندسه بترول السويس..وشكرا

طيب هو اسعار الدروس كام ؟؟؟ وهل هندسه ممكن ادخل هندسه بترول السويس..وشكرا
اسعار الدروس من 100-150 فى الترم للماده ..ومتقلقش من حته الفلوس مش كل المهندسين بيدوا دروس .....ايوه هندسه بترول متاحه ليك ...بس المهم الاجتهاد ..وربنا يوفقك

يعني هو أكيد يدخل هندسة لو تفوقت فيه ؟ :\

يعني هو أكيد يدخل هندسة لو تفوقت فيه ؟ :\
ايوه باذن الله ..لو تفوقت وعديت ال90% ..هتدخل هندسه .واحنا لينا تنسيق خاص غير ثانوى عام

السلام عليكم انا عاوزة اعرف ايه الفرق بين معهد الصحافة ومعهد بنها لان بحكم التوزيع الجغرافي هيجيلي بنها فهل بنها بنفس مستوي بتاع الصحافة ولالا ممكن الرد ؟

السلام عليكم انا عاوزة اعرف ايه الفرق بين معهد الصحافة ومعهد بنها لان بحكم التوزيع الجغرافي هيجيلي بنها فهل بنها بنفس مستوي بتاع الصحافة ولالا ممكن الرد ؟

نفس المستوى باذن الله ..ومعهد بنها اقسامه مختلفه على ما اعتقد مع الصحافه ..بس معهد المجاميع فيه كويسه
وربنا يوفقك

طيب انا عابز اعرف
هو المجموع فى المعهد بيتحسب فى سنة تانية بس
ام مجموع السنتين على بعض

طيب انا عابز اعرف
هو المجموع فى المعهد بيتحسب فى سنة تانية بس
ام مجموع السنتين على بعض
رد يا اخى جابر

طب انا اتقالي ان بيأخدو 2 او 3 بس الي بيخشوا هندسة الكلام دة صح
طب انا مش عارف اعمل اية ادخل علوم ولا اخش تجارة و خلاص
بس انا نفسي ف هندسة

طب انا اتقالي ان بيأخدو 2 او 3 بس الي بيخشوا هندسة الكلام دة صح
طب انا مش عارف اعمل اية ادخل علوم ولا اخش تجارة و خلاص
بس انا نفسي ف هندسة

ده كلام غلط خالص..... انت بتدخل هندسه بمجموعك فقط ..لو عديت ال90 باذن الله ...وده تنسيق يعنى يخش 10 ولا 20 ولا 100 ..بدام جايبين مجموع هندسه
والله دى حاجه ترجعلك انك تختار اللى انت عايزه المعهد عايز واحد مش متردد يعنى داخل اكون او لا اكون
وتانى حاجه المجموع تراكمى يعنى سنتين بيتحسب مجموعهم ..والمعهد سهل باذن الله وربنا يوفقك

لو سمحت حضرتك انا جايب 59% في علمي رياضة ممكن ادخل المعهد الفني الصناعي السنة دي ولا مجموعي قليل ياريت حضرتك ترد عليا

هو ينفع دلوقتي اقدم علي المعهد دة وياريت اعرف اماكن المعاهد دي في مصر وهل ينفع اني ادخل هندسه مدني او معماري وكل اقسام الهندسه وادخل عادي زي طالب الثانويه العامه العادي