لو سمحتوا عايز صيغة طلب العمل بنظام جزء من الوقت [الأرشيف]

tamora

29-07-2013, 03:22 AM

بسم الله الرحمن الرحيم

السيد الأستاذ \ مدير إدارة غرب المنصورة التعليمية
تحية طيبة و بعد

برجاء التكرم بالموافقة علي منحي إجازة - بنظام جزء من الوقت مقابل جزء من الأجر –
علي أن تكون أيام العمل يومان فقط هما : الاربعاء و الخميس من كل أسبوع - علما بأن مدرستي تعمل بنظام 5 أيام عمل – و تكون أيام الإجازة : الأحد \ الاثنين \ الثلاثاء.
و ذلك وفقا لقرار وزير التنمية الإدارية رقم ( 90 ) لسنة 2005 المنفذ لقرار رئيس مجلس الوزراء رقم (1537 ) لسنة 2005م و تعديلاته بالقرار رقم ( 58 ) لسنة 2006 .
مقدمة لسيادتكم \ التوقيع\
مدرس أول علوم

تاريخ التعيين : 4 - 10 -2000م
الدرجة المالية : الثانية تخصصية
رقم التليفون :

هتقدم الطلب لمدير الادارة و تاخد تاشيرة لتحويلة الاجازات و لما هتروحلهم هيطلبوا صحيفة احوال و موافقة التنسيق (في حالة مدرسي الابتدائي ) او موافقة التوجيه ( لو اعدادي او ثانوي ) او تنسيق الخدمات ( لو اداري )

بعد ما تجيب الموافقة تصور الورق و تحطة في البيت ضروري لازم تحتفظ بيه عشان الصور هتنفعك بعدين
تودي الطلب و عليه الموافقة الاجازات و هم هيبعتوا الورق بصادر الادارة للمديرية ( تتابع في الارشيف عشان تاخد تاريخ و رقم الصادر )و تتابع في الارشيف بالمديرية عشان رقم الوارد من ادارتك و الصادر لاجازات المديرية

و بعدين تنزل لاجازات المديرية و تتابع الورق .. الموظف هيعمل طلب عرض علي الوكيل و مرفق طلبك و اول وكيل الوزارة ما يلطع التاشيرة ممكن مش تستني ارسال الورق من المديرية للادارة لانه هياخد وقت ممكن الموظف يطلعلك جواب بالموافقة علي الاجازة تاخده و ترجع الادارة في الاجازات عشان يعطوك ترخيص الاجازة موجة للمدرسة و مبروك عليك الاجازة يا ريس
رجاء الاحتفاظ بالصور و ارقام الصادر و الوارد اللي قلتلك عليهم لان فيه موظفين ولاد رمة مهملين
لو عاوز القرار و القانون بتاع الاجازة الاصلي من التنمية الادارية كلمني علي الفيس بس مش هرد عليك
احنا في خدمة المنتدي يا كبير و لو عاوز اي حاجة تبع الاجازة دي انا تحت امرك ( اخوك واخد الاجازة بقالي 7 سنين )