انا جبت 95.24 انا فى اسيوط بس بابا وماما عادى يعنى لو روحت حتى اسوان
امهم انا دلوقتى كتبت طب بيطرى فى كل المحافظات بس خايفاه ماقبلهاش وفى الحالة دى لاما اعلام لاقتصاد وعلوم سياسية محتاره جدا بينهم فى ناس قالولى خديها من قصيرها وادخلى تربية بصراحه مستخسرة مجموعى فى تربية لانى سمعت ان التربية واخده اقل من 90%
انا ا حاسه انى لو دخلت احلامى كلها هتترمى فى الارض هدفن نفسى بالحياة لان احلامى مش كده خااالص وفى نفس الوقت مش عارفه اعمل اييييي طب حد يقنعنى باى شى

انا جبت 95.24 انا فى اسيوط بس بابا وماما عادى يعنى لو روحت حتى اسوان
امهم انا دلوقتى كتبت طب بيطرى فى كل المحافظات بس خايفاه ماقبلهاش وفى الحالة دى لاما اعلام لاقتصاد وعلوم سياسية محتاره جدا بينهم فى ناس قالولى خديها من قصيرها وادخلى تربية بصراحه مستخسرة مجموعى فى تربية لانى سمعت ان التربية واخده اقل من 90%
انا ا حاسه انى لو دخلت احلامى كلها هتترمى فى الارض هدفن نفسى بالحياة لان احلامى مش كده خااالص وفى نفس الوقت مش عارفه اعمل اييييي طب حد يقنعنى باى شى


ازيك .. اولا : ان شاء الله هتقبلى فى بيطرى .. ولو مقبلتيش وعندك طموح ومفيش اعتراض فى البيت على السفر والدراسة خارج اسيوط . يبقى ادخلى الكلية اللى بتحبيها وربنا يوفقك ان شاء الله .. بس حطى حاجة فى دماغك : كليات سياسة واقتصاد " واعلام "والسن . كليات قمة مفيش كلام .. بس كليات مش سهلة وعلشان تشتغلى بيها غالبا هتعوزى واسطة او معرفة مع التقدير العالى .. اما تربية فشغلها مضمون وخصوصا لو تربية انجلش او رياضة . وهتتوظفى مدرسة .. لكن لو مش بتحبى التدريس وطموحك اكبر وبتحبى مجال معين خلاص ده اختيارك انتى ع حسب ارادتك وتصميمك "لكن مفيش حاجة اسمها مستخصرة مجموعى فى كذا" المهم انك تدخلى الكلية اللى حاسة نفسك هتبدعى فيها حتى لو كلية بسيطة ..

ودى فكرة عن الكليات :

سياسة واقتصاد :
هي 3 اقسام
قسم سياسة
قسم اقتصاد
قسم احصاء


وقسم الاقتصاد فيها شغل كويس بتشتغلى فى حاجات كتير وخصوصا لو كان اقتصاد انجلش

اما قسم العلوم السياسية فمالكيش شغل الا فى وزارة الخارجية وده طبعا شىء مستحيل الا اللى ليه حد هناك يشغله او واسطة

بس برضو كلية السياسة والاقتصاد مجالاتها محدودة فى سوق العمل ودى الحقيقة واكيد طبعا فى ناس منهم اتخرجوا واتوظفوا بس قليل

والتخصص من سنة تانية ولازم تاخدي تخصص اضافي فى تالتة بحيث كل تيرم تاخدي مادة من التخصص الاضافي ده
والتخصصات الاضافية " إدارة - سياسة - اقتصاد - كمبيوتر - احصاء "

خريج سياسة واقتصاد بيشتغل فى البنوك وهيئة الاستثمار او فى هيئة قناة السويس وطبعا ممكن تقدمي فى الخارجية .... مش عارف هي ميزة ولا عيب بس خريج سياسة واقتصاد بيشتغل فى اي حاجة واي مكان لو عنده مهارات كويسة لغة وكمبيوتر ومهارات شخصية

بس ياريت يكون ليكي اهتمامات في السياسة والاقتصاد .

ممكن تدخلى قسم عربى او انجليزى

والقسم الانجليزي لازم يبقي مجموع الانجليزي فى الثانوية العامة لا يقل عن 45 من 50 تقريبا وطبعا بمصاريف خاصة اعتقد انها مش قليلة حاليا فى المتوسط 4 او 5 حاليا
وفى قسم فرنسي ومصاريفه اعلى اوي ولازم تكوني فى الفرنساوي كويسة اوي او خريجة مدرسة فرنساوي
الاقسام كلها زي بعض لكن ميزة الانجليزي تقوية اللغة وفي مواد كتيرة مشتركة وكلكم الطلبة بتحضروا مع بعض.


كلية الاعلام كلية قمة
شغلها صعب شوية بتشتغلى مذيعة او صحفية او مسئولة علاقات عامة والصراحة التلات وظايف عايزين واسطة الا الصحفى ممكن تشتغل صحفى من غير واسطة عادى بس طبعا الرزق على الله وفى ناس بتشتغل من غير واسطة عادى وبعدين فى كمان كلية اداب قسم اعلام


كلية الالسن الصراحة من نظرى كلية جامدة جدا فى اللغات وبتتخرجى منها فاهمى لغة جامد اوى وطبعا بالاضافة لشهادة icdl وشهادات الكمبيوتى التانية هتبقى جامدة اوى وليكى شغل فى الترجمة والسياحة والاذاعة بس الاذاعة دى صعبة شوية وممكن مدرسة

اما بالنسبة لاقسام الالسن اللى ليها شغل الكورى والصينى واليابانى التلات لغات دول يعتبروا حاجة كده خرافة يعنى اللى بيتخرج منهم بيطلبوه علطول وخصوصا ان مفيش خريجين منهم كتير فى مصر يتعدوا على الصوابع يعنى فبياخدوهم بس للاسف الاقسام دى بياخدوا من مجموع فى الانجليزى فى الثانوية العامة عالى جدا من 48 او 49 فى الانجليزى

وكمان اى لغة نادرة بتبقى جامدة لكن قسم الانجليزى الصراحة مش حلو لان مصر كلها بتفهم انجليزى ومشهور جامد اوى عشان كده يفضل خريجى لغات نادرة وطبعا الاقسام التانية زى الفرنساوى والاسبانى والايطالى والالمانى حلوة بس برضو فى منهم خريجين كتير برضو بس هما اقسام مطلوبة كتير فى سوق العمل خصوصا الفرنساوى والالمانى

بس خلى بالك كلية الالسن كل دراستها على اللغات فقط عشان كده لازم تاخدى خبرات تانية وشوية كورسات كده اما بقى لو الوظيفة ترجمة وبس فتبقى تمااام

وفى ناس اتخرجت من السن ومن الكليات دى ومش لاقية شغل ع فكرة الشغل ده نصيب وع حسب مجهودك وكفاءتك وتقديرك وبحثك ونشاطك .

بس خلى بالك أكد تانى . ان مش كل اللى بيتخرج من الكليات دى بيشتغل .. عايزة واسطة وعايزة مجهود كبير فى الدراسة .. والشغل نصيب اولا واخيرا ..وكمان انا لا افضل لكى شىء ..انتى فكرى واسألى تانى وقررى .. واتاكدى من المعلومات تانى ..انا مش عايزك تدخلى كلية وبعدين تقعدى فى البيت وفى الاخر تدعى عليا ,,انا عايزك تدعيلى .. القرار بايدك واسالى واستشيرى واتاكدى وصلى استخارة ..

وبالتوفيق ان شاء الله

ازيك .. اولا : ان شاء الله هتقبلى فى بيطرى .. ولو مقبلتيش وعندك طموح ومفيش اعتراض فى البيت على السفر والدراسة خارج اسيوط . يبقى ادخلى الكلية اللى بتحبيها وربنا يوفقك ان شاء الله .. بس حطى حاجة فى دماغك : كليات سياسة واقتصاد " واعلام "والسن . كليات قمة مفيش كلام .. بس كليات مش سهلة وعلشان تشتغلى بيها غالبا هتعوزى واسطة او معرفة مع التقدير العالى .. اما تربية فشغلها مضمون وخصوصا لو تربية انجلش او رياضة . وهتتوظفى مدرسة .. لكن لو مش بتحبى التدريس وطموحك اكبر وبتحبى مجال معين خلاص ده اختيارك انتى ع حسب ارادتك وتصميمك "لكن مفيش حاجة اسمها مستخصرة مجموعى فى كذا" المهم انك تدخلى الكلية اللى حاسة نفسك هتبدعى فيها حتى لو كلية بسيطة ..

ودى فكرة عن الكليات :

سياسة واقتصاد :
هي 3 اقسام
قسم سياسة
قسم اقتصاد
قسم احصاء


وقسم الاقتصاد فيها شغل كويس بتشتغلى فى حاجات كتير وخصوصا لو كان اقتصاد انجلش

اما قسم العلوم السياسية فمالكيش شغل الا فى وزارة الخارجية وده طبعا شىء مستحيل الا اللى ليه حد هناك يشغله او واسطة

بس برضو كلية السياسة والاقتصاد مجالاتها محدودة فى سوق العمل ودى الحقيقة واكيد طبعا فى ناس منهم اتخرجوا واتوظفوا بس قليل

والتخصص من سنة تانية ولازم تاخدي تخصص اضافي فى تالتة بحيث كل تيرم تاخدي مادة من التخصص الاضافي ده
والتخصصات الاضافية " إدارة - سياسة - اقتصاد - كمبيوتر - احصاء "

خريج سياسة واقتصاد بيشتغل فى البنوك وهيئة الاستثمار او فى هيئة قناة السويس وطبعا ممكن تقدمي فى الخارجية .... مش عارف هي ميزة ولا عيب بس خريج سياسة واقتصاد بيشتغل فى اي حاجة واي مكان لو عنده مهارات كويسة لغة وكمبيوتر ومهارات شخصية

بس ياريت يكون ليكي اهتمامات في السياسة والاقتصاد .

ممكن تدخلى قسم عربى او انجليزى

والقسم الانجليزي لازم يبقي مجموع الانجليزي فى الثانوية العامة لا يقل عن 45 من 50 تقريبا وطبعا بمصاريف خاصة اعتقد انها مش قليلة حاليا فى المتوسط 4 او 5 حاليا
وفى قسم فرنسي ومصاريفه اعلى اوي ولازم تكوني فى الفرنساوي كويسة اوي او خريجة مدرسة فرنساوي
الاقسام كلها زي بعض لكن ميزة الانجليزي تقوية اللغة وفي مواد كتيرة مشتركة وكلكم الطلبة بتحضروا مع بعض.


كلية الاعلام كلية قمة
شغلها صعب شوية بتشتغلى مذيعة او صحفية او مسئولة علاقات عامة والصراحة التلات وظايف عايزين واسطة الا الصحفى ممكن تشتغل صحفى من غير واسطة عادى بس طبعا الرزق على الله وفى ناس بتشتغل من غير واسطة عادى وبعدين فى كمان كلية اداب قسم اعلام


كلية الالسن الصراحة من نظرى كلية جامدة جدا فى اللغات وبتتخرجى منها فاهمى لغة جامد اوى وطبعا بالاضافة لشهادة icdl وشهادات الكمبيوتى التانية هتبقى جامدة اوى وليكى شغل فى الترجمة والسياحة والاذاعة بس الاذاعة دى صعبة شوية وممكن مدرسة

اما بالنسبة لاقسام الالسن اللى ليها شغل الكورى والصينى واليابانى التلات لغات دول يعتبروا حاجة كده خرافة يعنى اللى بيتخرج منهم بيطلبوه علطول وخصوصا ان مفيش خريجين منهم كتير فى مصر يتعدوا على الصوابع يعنى فبياخدوهم بس للاسف الاقسام دى بياخدوا من مجموع فى الانجليزى فى الثانوية العامة عالى جدا من 48 او 49 فى الانجليزى

وكمان اى لغة نادرة بتبقى جامدة لكن قسم الانجليزى الصراحة مش حلو لان مصر كلها بتفهم انجليزى ومشهور جامد اوى عشان كده يفضل خريجى لغات نادرة وطبعا الاقسام التانية زى الفرنساوى والاسبانى والايطالى والالمانى حلوة بس برضو فى منهم خريجين كتير برضو بس هما اقسام مطلوبة كتير فى سوق العمل خصوصا الفرنساوى والالمانى

بس خلى بالك كلية الالسن كل دراستها على اللغات فقط عشان كده لازم تاخدى خبرات تانية وشوية كورسات كده اما بقى لو الوظيفة ترجمة وبس فتبقى تمااام

وفى ناس اتخرجت من السن ومن الكليات دى ومش لاقية شغل ع فكرة الشغل ده نصيب وع حسب مجهودك وكفاءتك وتقديرك وبحثك ونشاطك .

بس خلى بالك أكد تانى . ان مش كل اللى بيتخرج من الكليات دى بيشتغل .. عايزة واسطة وعايزة مجهود كبير فى الدراسة .. والشغل نصيب اولا واخيرا ..وكمان انا لا افضل لكى شىء ..انتى فكرى واسألى تانى وقررى .. واتاكدى من المعلومات تانى ..انا مش عايزك تدخلى كلية وبعدين تقعدى فى البيت وفى الاخر تدعى عليا ,,انا عايزك تدعيلى .. القرار بايدك واسالى واستشيرى واتاكدى وصلى استخارة ..

وبالتوفيق ان شاء الله

بجد ميرسيييييه اوووووووووووووووووووووووووووووووووووووى لاهتمام حضرتك
انا الحمد لله ربنا ريحنى وكتبت اولا بيطرى بعديها اعلام بعديها اقتصاد وسياسة
جزاك الله كل خير

بجد ميرسيييييه اوووووووووووووووووووووووووووووووووووووى لاهتمام حضرتك
انا الحمد لله ربنا ريحنى وكتبت اولا بيطرى بعديها اعلام بعديها اقتصاد وسياسة
جزاك الله كل خير



You are welcome anytime ,sister