مشاهدة النسخة كاملة : زميلة جديدة فى المجال وعندى سؤال ياريت محدش يكسفنى


om_maram
01-08-2013, 05:49 AM
السلام عليكم ورحمة الله وبركاته

انا حاصلة على ليسانس اداب ترجمة انجليزى تعليم مفتوح 2013

كنت عايزة اشتغل فى مدرسة حكومية ولو بالاجر

ممكن تقولولى اعمل ايه او اروح لمين المديرية ولا الادارة

وياريت لو فيه صيغة اقدمها ياريت تقولولى عليها

وجزاكم الله كل الخير ورمضان كريم

prof.ismail
01-08-2013, 10:46 AM
اعتقد اسالي في المديرية
ومن رايي شوفي المدارس الخاصة

وربنا يوفقك

شمعة تحترق
01-08-2013, 02:25 PM
السلام عليكم
حضرتك محافظة ايه ؟
فيه محافظات التقديم في الادارة ومحافظات في المديرية

وبالتوفيق

مصرى أنا
01-08-2013, 02:46 PM
بصى لو فيه تقديمات فى محافظتك أو ادارتك قدمى على طول وانشاء الله يمكن تاخدى عقد .

لو محصلش حاولى تشتغلى فى أى مدرسة حتى بدون اجر وده لاكتساب خبرة والاحتكاك بالطلاب داخل الفصل .

لو حاسه انك كويسه وعندك خبرة فى التعامل مع الطلاب وتدريس المنهج روحى قدمى فى مدرسة خاصة .

أهم حاجة حاولى تشتغلى فى أى مكان الوقتى عشان تكتسبى خبرة .
متقعديش فى البيت وتستنى الشغل يجى لغايه عندك .

حاجة كمان انت مجالك فى الترجمة مفتوح وممكن تقدمى فى أكتر من جهة طالما مستواكى كويس مش شرط التدريس .
لكن لو بتحبى التدريس هاتى المناهج الجديدة وابدأى اقريها وخدى فكرة عنها ابدأى الاول بابتدائى ثم اعدادى ثم ثانوى . مش لازم تقرى المناهج كلها مرة واحدة . المهم تعرفى المنهج عامل ازاى .

om_maram
02-08-2013, 12:47 AM
جزاكم الله خيرا جميعا على الرد

انا فى محافظة الجيزة 6 اكتوبر ... اذا فى تقديمات المفروض اعرف منين ؟!!

او اتابع مع مين ؟!!

مستر محمد شريف
02-08-2013, 01:17 AM
بصي حضرتك بتروحي الاداره الي انتي تابعه لها وهتسالي مثلا لو في مسايقه تقدمي فيها
بس علشان لم احبطك هو مفيش غير شغل خاص
انا خريج 2011 ومفيش حكومه حتي الان
وعلي فكره كنت قرات من يومين كده في جريده ان في مدارس خاصه في الجيزه طالبه مدرسين لغه انجليزيه
ممكن تشوفي الموضوع دا

وبالتوفيق ان شاء الله

profenglish
02-08-2013, 01:30 AM
ياااااااااااااااااااااه مش ممكن 2011 و لسه ما اشتغلتش ، يا باشا لا داعى للاحباط عشان انا خريج 2001 و لسه برده ما اشتغلتش. بالتوفيق للجميع ان شاء الله.

مستر محمد شريف
02-08-2013, 02:35 AM
هههههههههههههه معلش بقي الحمد الله ع كل شئ

om_maram
02-08-2013, 11:32 AM
على فكرة يا جماعة انا اللى شجعنى اسالكم ان عندى معلومات ان فى نقص فى مدرسى الانجلش على مستوى الجيزة

hagi100
02-08-2013, 06:00 PM
السلام عليكم ورحمة الله وبركاته

انا حاصلة على ليسانس اداب ترجمة انجليزى تعليم مفتوح 2013

كنت عايزة اشتغل فى مدرسة حكومية ولو بالاجر

ممكن تقولولى اعمل ايه او اروح لمين المديرية ولا الادارة

وياريت لو فيه صيغة اقدمها ياريت تقولولى عليها

وجزاكم الله كل الخير ورمضان كريم


لو تريدين ان تعملي في حقل التدريس في يوم ما سوف يطلب منكي يجب ان تكوني تربوية ولذلك يجب ان تقدمي في الدبلومة العامة في كلية التربية حتي لا يضيع منكي الوقت

om_maram
03-08-2013, 12:26 AM
لو تريدين ان تعملي في حقل التدريس في يوم ما سوف يطلب منكي يجب ان تكوني تربوية ولذلك يجب ان تقدمي في الدبلومة العامة في كلية التربية حتي لا يضيع منكي الوقت

جزاك الله كل الخير على النصيحة وبالفعل سوف اذهب الى شبين الكوم يوم 18/8 للتسجيل فى الدبلوم التربوى وحاليا ادرس الicdl حتى لو جاءت مناسبة يكون لى الاولوية

سؤال للجميع : ما هى المسابقة التى من خلالها يقومو بعمل عقد او يتم عمل ورقة بالاجر عن ماذا تتحدث المسابقة ؟ هل هى بالعربى ام بالانجليزى ؟ وهل هناك شيئا معينا نقرأ عنه قبل هذه المسابقة ؟ بمعنى اخر هل يوجد استعداد خاص لهذه المسابقة ؟!!!

abo halmos
03-08-2013, 06:19 PM
لازم يكون معاكى دبلوم تربوى

hagi100
04-08-2013, 01:20 AM
جزاك الله كل الخير على النصيحة وبالفعل سوف اذهب الى شبين الكوم يوم 18/8 للتسجيل فى الدبلوم التربوى وحاليا ادرس الicdl حتى لو جاءت مناسبة يكون لى الاولوية

سؤال للجميع : ما هى المسابقة التى من خلالها يقومو بعمل عقد او يتم عمل ورقة بالاجر عن ماذا تتحدث المسابقة ؟ هل هى بالعربى ام بالانجليزى ؟ وهل هناك شيئا معينا نقرأ عنه قبل هذه المسابقة ؟ بمعنى اخر هل يوجد استعداد خاص لهذه المسابقة ؟!!!


المسابقة لا تعني امتحان لكن يتم التفضيل عند التعاقد او التعيين للمؤهل التربوي والتقدير والسن وغير ذلك ويجب ات تقدمي وتحصلي علي الخدمة العامة لانها قد تطلب ضمن المسوغات

يجب ان تتابعي في ادارات التربية والتعليم والمديرية وتسالي عن التعيينات الجديدة
وان لم يتاح هناك مجال المدارس الخاصة