طبعا كل الناس حست بالظلم من التصحيح وناس كتير عملت التظلم والوزارة لمت على حسابنا قدكدة
ياريت كل الى يعرف حاجة عن التظلمات يكتبها
ميعاد ظهورها
وكل من عندة خبرة فيها او حد من قرايبة او اخواتة عمل قبل كدة يقول ويشجعنا ويرفع من روحنا المعنوية شوية الى بقت فى الارض دة
وكل الى عمل ومااخدش حاجة يقول بردة
ويا ترى بيعيدوا تصحيح الورقة ولا بيجمعوا الدرجات
اتكلموا كدة وكل الى عندة معلومة بخصوصها يقول ويعرفنا
والى عارف تقريبا النتيجة بتطلع امتى يقول بردة
واسال حد من قرايبك واخواتك عشان ربنا يكرمك ويكرمنا ويريحك وتريحنا
والكل يستفيد ان شاء اللة

والله التظلم دة للآسف سبوبة عملاها الوزارة عشان تكسب وتلم فلوس والدرجات اللى بتيجى (دة اذا شوفنا اى حاجة اصلا) بتبقى بالكتير نص او درجة مع ان ممكن يكون لينا 5 درجات ومن نحية اخواتى فانا اختى كانت وهى فى 3 ثانوى اتظلمت ولكن طبعا مفيش اى درجات جت

طبعا كل الناس حست بالظلم من التصحيح وناس كتير عملت التظلم والوزارة لمت على حسابنا قدكدة
ياريت كل الى يعرف حاجة عن التظلمات يكتبها
ميعاد ظهورها
وكل من عندة خبرة فيها او حد من قرايبة او اخواتة عمل قبل كدة يقول ويشجعنا ويرفع من روحنا المعنوية شوية الى بقت فى الارض دة
وكل الى عمل ومااخدش حاجة يقول بردة
ويا ترى بيعيدوا تصحيح الورقة ولا بيجمعوا الدرجات
اتكلموا كدة وكل الى عندة معلومة بخصوصها يقول ويعرفنا
والى عارف تقريبا النتيجة بتطلع امتى يقول بردة
واسال حد من قرايبك واخواتك عشان ربنا يكرمك ويكرمنا ويريحك وتريحنا
والكل يستفيد ان شاء اللة

انا عملت تظلم السنه اللى قبل اللى فاتت انجلش 2 ثانوى 2011
لن انسى كم الظلم اللى انا اخدته
الموضوع انى روحت اشوف الورقه ودخل معايا اخويا بصيت على المرايه لقيتها سليمه والجمع تمام
المهم فتحت من جوا لقيت مدينى 4.5 من 6 فى البراجراف اخويا قرا البراجراف كله قالى معندكش ولا غلطه
وكمان فى سؤال القطعه انا مجاوب زى ما بيقولوا روح الاجابه يعنى مجاوب صح بس مش نفس النموذج وسألت كذا مدرس قالى اجابتك احسن من اللى ف النموذج كمان وللأسف مأخدتش حاجه هو الحمد لله مأثرش فحاجه معايا بس اتظلمت

اللى بياخد درجات فى التظلم حاجه من 4
1/ المرايه ( الدرجه فى الورقه اعلى من درجه المرايه ) سهوا يعنى كتب الدرجه اقل
2/ جمع غلط ( غلطه فى التجميع التوتال أو تجميع أجزاء السؤال )
3/ سؤال مش متصحح أصلا أو جزء من سؤال
4/ تكون كاتب نفس اجابه النموذج بالظبط ومعمول عليها غلط

تقريبا دول الحالات اللى بيتاخد فيها درجات غير كده نادرا ما حد بياخد حاجه

لو عايز اجراءات التظلم انا تحت امرك

بس برده نقول اللى لينا واللى علينا
2 زمايلى فرنساوى وفيزيا
بتاع الفرنساوى كان حالل السؤال كامل مرتين بس مغير فى نقطه فيه واللى صحح كتب مكرر على الحل اللى النقطه دى محلوله صح عمل تظلم اخد درجه
بتاع الفيزيا كان كاتب التعريف تيبيكال زى النموذج ومعموله بكل بجاحه غلط عمل تظلم واخد الدرجه

انا عملتة ومستنية النتيجة ربنا يستر
المشكلة انى كاتبة الاجابة ومنقصنى نص الدرجة فى كذا سؤال على الحال دة ودة اكيد مش بيعيد تصحيحة والكلمة المشهورة التى تقال تقدير المدرس

اجراءات التظلم :_

بتروح البنك تدفع 100 جنيه حتاخد وصل منه تروح المدرسه اللى بيتعمل فيها التظلم وتديهم الوصل وتملى استماره باسمك ورقم جلوسك والاداره والمدرسه والماده ويدوك معاد غالبا بعد اسبوعين .. اللى بيحصل بيصولوا ورقه الاجابه وتروح تشوفها ويدوك ورقه تكتب فيها ملاحظاتك وتطلب نموذج الاجابه الرسمى وتراجع ورقتك وتكتب انت مظلوم فايه ؟ وبعد الاسبويعن تروح تسأل يا زادت يا فضلت زى ما هى مش بتنقص حتى لو تستحق انك تنقص
لو اخدت درجات بترجعلك ال 100 ج لو مخدتش درجات استعوض ربنا فيها
ممنوع تاخد مدرس معاك وانت بتتظلم الا اذا كان والدك او والدتك مدرسين لان اللى ينفع يدخل معاك التظلم اقارب درجه اولى فقط ( والد والده اخ اخت )
الرد على التظلم بيبقى بعد حوالى 10 ايام او اسبوعين

انا عملتة ومستنية النتيجة ربنا يستر
المشكلة انى كاتبة الاجابة ومنقصنى نص الدرجة فى كذا سؤال على الحال دة ودة اكيد مش بيعيد تصحيحة والكلمة المشهورة التى تقال تقدير المدرس

اهاااا نفس اللى اتقالى فى سؤال البراجراف والقطعه
كلمه مستفزه جدا بصراحه

طب لو ربنا سهل كدة ان شاء اللة واخد حاجة
ودة هايحصل بعد ماتكون نتيجة المرحلة التانية ظهرت ينفع اروح تانى للكلية الى هاتاخد مجموعى بعد التعديل وقدم فيها

طب لو ربنا سهل كدة ان شاء اللة واخد حاجة
ودة هايحصل بعد ماتكون نتيجة المرحلة التانية ظهرت ينفع اروح تانى للكلية الى هاتاخد مجموعى بعد التعديل وقدم فيها

اه لو اخد درجات غيرت من وضعه ليه الحق انه يقدم فى الكليه اللى مجموعه يجيبها بعد ما درجات التظلم تيجى

شكرا على تعاونك معايا
وياريت تقرا باقى المواضيع الى كتباها ولو تقدر تساعدنى علق عليها

حسبى الله و نعم الوكيل فيهم بجد على كمية الظلم اللى شفتة فى السنتين دول !!!!
انا فى 2 كنت ناقصة 14 درجة كيميا مع انى ناقصة 4 بس او اقل كمان
و عملت تظلم و شفت الورقة و اتصدمت لما لقيتوا مصحح حاجات صح و زى نموزج الاجابة على انها غلط !!!
و اللى علية درجتين مدينى واحدة !!!
و بعد دة كلة ماخدتش ولا نص درجة حتى !!!!!!
و فى 3 20 درجة تقريبا فى كل المواد بس مش هعمل تظلم تانى انا زهقت اشوف الورقة و اتصدم تانى
و الله ما مسامحة اللى صححولنا دول بجد ذنبنا فى رقبتهم

h السلام عليكم ارجو الرد عندي مشكلة انا مقسمة السنة ومش عارفة النظام الجديد وقلقانة جدا خايفة من التنسيق فعايزة اعرف النظام الجديد ايه هل انا هدرس ع المواد ع النظام الجديد ولا القديم بالله عليكم

السلام عليكم ارجو الرد عندي مشكلة انا مقسمة السنة ومش عارفة النظام الجديد وقلقانة جدا خايفة من التنسيق فعايزة اعرف النظام الجديد ايه هل انا هدرس ع المواد ع النظام الجديد ولا القديم بالله عليكم

يارب حد يفيدك ويفيدنا

لقد ظلم مكتب التنسيق طلبة علمى رياضة بارتفاع الحد الأدنى 94.15 وقد كان فى العام الماضي 93.90 وظل كما هو لطلبة علمي علوم 96.37 بنفس العام الماضي على الرغم من صعوبة مادة الرياضيات فى اى امتحانات عن هذا العام المنصرم ناهيك عن التصحيح العشوائى وعدم تفقيط الدرجة أقول ذلك بصفتي معلم بدرجه خبير فى اللغة العربية وخريج دار العلوم جامعة القاهرة لقد رأيت مناظر مؤسفه فى تقدير الدرجات ولا التعليم الابتدائي بيحصل ما رأيته وشاهدته بعينى بالاسكندريه فى تظلم درجات نجلى بالصف الثالث الثانوى والحاصل على 94.15 فى المية علمى رياضي ولا املك الا رفع دعوه على وزير التعليم بصفته متضررا من التصحيح والضرر النفسى الواقع على افراد الاسرة بأكملها والتعنت الواضح على إجاباه صحيحة ومن واقع نموذج اجابه الوزارة نفسها واعتبرها خاطئة وبقلم المصحح فى مادة اللغة العربية والانجليزية والفيزياء وكتبت ذلك فى التقرير والذى سوف يرسل مع كراسة الاجابه الى مستشارى المواد بالوزارة لمراجعتها انها جريمة وضياع مستقبل طالب أفنى الليالي فى سبيل تحقيق طموحة فى دخول كلية الهندسة باسيوط على نصف درجة ودخل كلية التخطيط العمرانى جامعة القاهرة وإذا بمصحح مهمل غير عابىء مات ضميره يعطى خطأ على إجابة صحيحة فلو أمن العقاب لما تجرأ على فعل ذلك إنها صرخة ألم واستغاثة لوزير التربية والتعليم فإلى من أشكو سيدي الوزير ؟ إلى من ألجأ ؟ فمن عرف الحق عز عليه أن يراه مهضوما وحسبنا الله ونعم الوكيل

بس برده نقول اللى لينا واللى علينا
2 زمايلى فرنساوى وفيزيا
بتاع الفرنساوى كان حالل السؤال كامل مرتين بس مغير فى نقطه فيه واللى صحح كتب مكرر على الحل اللى النقطه دى محلوله صح عمل تظلم اخد درجه
بتاع الفيزيا كان كاتب التعريف تيبيكال زى النموذج ومعموله بكل بجاحه غلط عمل تظلم واخد الدرجه

طيب بعد اذن حضرتك بتاع الفرنساوي كتب في الملاحظات انه مكررش السؤال و لا كتب ايه بالضبط و ثانيا انا عملت تظلم تاني يوم بعد النتيجة و كشفت على الاجابه بعدها باسبوع دلوقتي النتيجة هتزهر امتى اصل في ناس بتقول انها ظهرت و لو ظهرت هل في طريقة تانية اعرف بيها النتيجه غير اني اروح المدرسة؟؟؟؟

ربنا معاكم جميعا
انا قدمت تظلم لابنى فى 3 مواد على امل ييجى منه اى فائده وادونى ميعاد بعد العيد نروح نشوف الورق
وقلت اعمل اللى على يمكن نستفيد من التظلم ولو محصلش يبقى انا مقصرتش
والحمد لله على كل حال وفعلا علمى رياضه اتظلموا جامد السنه ده
الى الاستاذ علاء
قدر الله وماشاء فعل
انت معاك حق فى كل كلمه بتقولها ولا نملك غير كلمه حسبى الله ونعم الوكيل

طيب بعد اذن حضرتك بتاع الفرنساوي كتب في الملاحظات انه مكررش السؤال و لا كتب ايه بالضبط و ثانيا انا عملت تظلم تاني يوم بعد النتيجة و كشفت على الاجابه بعدها باسبوع دلوقتي النتيجة هتزهر امتى اصل في ناس بتقول انها ظهرت و لو ظهرت هل في طريقة تانية اعرف بيها النتيجه غير اني اروح المدرسة؟؟؟؟

كتب انه حل السؤال كامل مرتين
لا احسنلك روح المدرسه إسأل هل النتيجه ظهرت ولا لأ
او لو معاك رقم التليفون كلمهم قبل ما تروح

اصل حته ظهرت دى بتختلف من حته لحته لانهم مش بيظهروا التظلمات كلها مره واحده .. لأ .. بياخدوا ايام محدده يظهروها فى يوم محدد وهكذا باسبقيه اللى عملوا تظلم يعنى :)

كتب انه حل السؤال كامل مرتين
لا احسنلك روح المدرسه إسأل هل النتيجه ظهرت ولا لأ
او لو معاك رقم التليفون كلمهم قبل ما تروح

اصل حته ظهرت دى بتختلف من حته لحته لانهم مش بيظهروا التظلمات كلها مره واحده .. لأ .. بياخدوا ايام محدده يظهروها فى يوم محدد وهكذا باسبقيه اللى عملوا تظلم يعنى :)

طيب معلش هو انا اعرف النتيجه ازاي هرجع اشوف الورقة تاني و لا بيبقى كشوفات فيها الدرجات و لا ازاي؟؟؟ و حضرتك بتقول انه قالولك ان سؤال البراجراف تقدير مصحح هما اللي قالوا كده و لا بيبقى مكتوب على الورقة تعليقات المصحح؟؟

طيب معلش هو انا اعرف النتيجه ازاي هرجع اشوف الورقة تاني و لا بيبقى كشوفات فيها الدرجات و لا ازاي؟؟؟ و حضرتك بتقول انه قالولك ان سؤال البراجراف تقدير مصحح هما اللي قالوا كده و لا بيبقى مكتوب على الورقة تعليقات المصحح؟؟

لا انت بتروح تديهم اسمك وبيبقى تقريبا وعلى ما اتذكر عندهم كشوف فيها اللى زاد واللى مازدش
وحته تقدير المصحح دى انا مش فاكر والله ده من سنتين بس انا فاكر الكلمه دى اول انه اتقالى " تقدير المصحح "
المهم ان الموضوع مش صعب اوى بس انت روح إسأل

ياجماعة ياريت الى ياخد نتيجة التظلم يقول للناس عمل اية

انا عملت تظلم ومخدتيش اي حاجة ولسه مكلماهم امبارح

يعنى علشان اعرف نتيجه التظلم اتصل بيهم مثلا ولا هروح اسال المدرسه ولا الاداره

انا عملت تظلم ومخدتيش اي حاجة ولسه مكلماهم امبارح

انا اعرف من الاعضاء هنا ان نتيجة التظلم مابتجيش بالتليفون لازم حضرتك تروحي الكنترول و تشوفي الورقة بنفسك؟؟؟؟؟

ازاي انا روحت الاول وشوفت ورقتي ده ققبل ما تظهر نتيجة التظلم

ايه اروح مرة تانية ولا ايه ؟؟؟؟؟؟؟؟؟؟؟؟؟

ازاي انا روحت الاول وشوفت ورقتي ده ققبل ما تظهر نتيجة التظلم

ايه اروح مرة تانية ولا ايه ؟؟؟؟؟؟؟؟؟؟؟؟؟
شوفي الردود في نفس الصفحة دي هتلاقيني بسال to be is to do ازاي اعرف نتيجة التظلم
يعني لازم تروحي تاني للمدرسه اللي انتي عامله فيها التظلم و تشوفي النتيجة.... ماعرفش انها ممكن تيجي بالتليفون... فروحلي المدرسه تاني و اتاكدي من النتيجة جايز اللي قالك على النتيجة على التليفون ده كان غلطان؟؟؟

ازاي ده فيه قدامه كشوفات بكده

ماحدش خد حاجة السنة دى ولا اية :bosyht9: